৬.০ প্ৰাব্যলৰ ভূঁইকঁপে পুনৰ জোকাৰিলে জাপানক।
উত্তৰ-পূব জাপানৰ ফুকচিমা অঞ্চলত ভূমিকম্প ৰিখটাৰ স্কেলত ভূঁইকঁপৰ মাত্ৰা ৬.০।
ভূমিকম্পৰ কেন্দ্ৰৰ গভীৰতা ৪০ কিলোমিটাৰ (২৫ মাইল) আৰু টকিঅ’তো অনুভৱ কৰা এই ভূমিকম্পৰ পিছত কোনো ধৰণৰ ক্ষতিৰ খবৰ পোৱা নাই বৰ্তমানলৈকে।
বিহু হ’ল চহা জীৱনৰ সৈতে সম্পৰ্ক থকা অসমৰ এটি উৎসৱ৷ তিনিটি বিহুৰ অন্যতম অসমীয়াৰ অতিকৈ চেনেহৰ ৰঙালী বিহুটিৰ কথা কৈ শেষ কৰিব নোৱাৰি। ব’হাগ বিহু বা ৰঙালী বিহু বসন্ত কালৰ আগমণত উদযাপন কৰা অসমৰ মূল বিহু উৎসৱ। ৰঙালী বিহুক যৌৱনৰ উৎসৱ বুলি কোৱা হয়। ব’হাগ বা ৰঙালী বিহু, একেৰাহে সাতদিন ধৰি উদযাপন কৰা হয়। চ’তৰ সংক্ৰান্তিৰ দিনাৰ পৰা আৰম্ভ কৰি ব’হাগৰ ৬ তাৰিখলৈ সাত দিন ধৰি থাকে। প্ৰত্যেক দিনাৰ বিহুৰে সুকীয়া নাম আছে। ইয়াক “সাত বিহু” বুলি জনা যায়। চ’তৰ দোমাহীৰ দিনা গৰু বিহুৰে আৰম্ভ হৈ ক্ৰমে মানুহ বিহু, হাত বিহু, চেনেহী বিহু, মাইকী বিহু, ৰঙালী বিহু আৰু শেষৰ দিনা চেৰা বিহুৰে বহাগ বিহু সামৰা হয়। ব্ৰহ্মপুত্ৰৰ উত্তৰ পাৰে তাৰে এটা দিন গোঁসাই বিহু বুলিও পালন কৰা যায়। বিহুৰ এই সময়চোৱাত গছ-গছনিত কুঁহিপাতে হালি-জালি নচাৰ বতৰত, কুলি-কেতেকী চৰায়ে বনৰ মাজে মাজে সুললিত গীত আৰম্ভ কৰাৰ শুভ ক্ষণত, মানুহৰ মন-প্ৰাণো উত্ৰাৱল হৈ উঠে বসন্তৰ পৰশত।
অসম এখন কৃষিজীৱি ৰাজ্য। সেয়ে আমাৰ প্ৰতিটো বিহুতেই জড়িত হৈ আছে কৃষক ৰাইজৰ আশাভৰা সপোন। ৰঙালী বিহুৰ আগমনৰ বাতৰি পাই কৃষকৰ হৃদয়ে হৃদয়ে বিকশিত হয় অদম্য উৎসাহ আৰু নতুন মনোবলৰ প্ৰতিচ্ছবি। বিহু মাৰিবলৈ কঁকালত টঙালী বিহু ওলোৱাৰ দৰেই নতুন বছৰটোত বিভিন্ন খেতিৰ জৰিয়তে ধৰণীক সেউজীয়া কৰাৰ প্ৰতিশ্ৰুতি লৈ কৃষক ৰাইজ সদলবলে ওলাই আহিবলৈ প্ৰয়াস কৰে খেতিপথাৰলৈ। আমাৰ ভালেমান কৃষকৰ বাবে পোহনীয়া জীৱ-জন্তুকেইটা উপাৰ্জনৰ অন্যতম উৎস। সেয়েহে, গো-ধনৰ মংগলাৰ্থে বিহুৰ আৰম্ভণিতে কৃষক ৰাইজে পালন কৰে গৰু বিহু। গৰু বিহুৰ পিছ দিনাৰে পৰা আৰম্ভ হয় মানুহৰ বিহু। বিহুৰ দিনকেইটাত ওচৰ-চুবুৰীয়াৰ ঘৰত বিহু খাবলৈ যাওঁতে আলোচনা হয় আগন্তুক বছৰটোত খেতি পতাৰ কথা। নতুন বছৰটোত কি কি খেতি পাতিব, কোনটো খেতি কেতিয়াৰ পৰা আৰম্ভ কৰিব- আদি বিষয়বোৰ বিহুৰ দিনকেইটাতে আলোচনা কৰে। তেনদৰেই কৃষিকে গইনা লৈ ৰাজ্যখনত উদযাপিত হয় অসমীয়াৰ বাপতি সাহোন বিহুটি।
অসমীয়াৰ আদৰৰ, হেঁপাহৰ এই ৰঙালী বিহুত ইজনে-সিজনক বিহুৱান দিয়া, জ্যেষ্ঠজনক সেৱা জনোৱা আদি পৰম্পৰা অতীজৰে। তদুপৰি সকলোৱে এই বিহুত আনন্দ মনেৰে একত্ৰিত হৈ বিহু গীত গায় আৰু বিহু নৃত্য পৰিৱেশন কৰে। এই উৎসৱত ডেকা গাভৰুৱে ৰাতি বিহু পাতে, বিহুৰ মাজতে নিজৰ জীৱন সংগী বিচাৰি উলিয়ায়। অৱশ্যে ৰঙালী বিহুত সাম্প্ৰতিক সময়ত সাতবিহুৰ দিনা গাঁৱৰ ধনী-দুখীয়া সকলো ৰাইজৰ ঘৰে-ঘৰে গৈ হুঁচৰি গোৱা যি পৰম্পৰা আছিল সেয়াও প্ৰায় লুপ্ত হৈছেগৈ। লাহে লাহ বিহুটি গম নোপোৱাকৈয়ে যেন পথাৰৰ পৰা গছৰ তল পালেগৈ, তাৰ পিছত লাহে লাহে মঞ্চলৈ, টেলিভিছনৰ পৰ্দালৈ আৰু এতিয়া ম’বাইল ফোনলৈ আহিল। বৰ্তমান সময়ত অনুষ্ঠিত কৰা বিহুমেলাৰ কাৰ্যসূচীসমূহতো বিহুৰ পৰম্পৰাগত কৃষ্টি-সংস্কৃতিবোৰতকৈ সাংস্কৃতিক সন্ধিয়াটোকহে বেছি গুৰুত্ব দিয়া যেন পৰিলক্ষিত হয়। বিহুৰ সাৰবত্তা ধ্বংস হ’লে সমগ্ৰ অসমীয়া জাতিয়েই আত্ম পৰিচয়ৰ বাবে হাহাকাৰ কৰি মুত্যুৰ মুখলৈ আগুৱাই যাব। সেয়েহে বিহুৰ সুস্থ জাতীয় পৰম্পৰাবোৰ অক্ষুণ্ণ ৰাখিবলৈ সকলোৱে চেষ্টা কৰা উচিত।
চুলতানা চেলিমা আহমেদ
প্ৰটিন পৰ্যাপ্ত পৰিমাণে কাব লাগে, কেৱল ২ টা কণী খালেই যথেষ্ট নহয়, যদি আপুনি আপোনাৰ শৰীৰৰ পৰা কিছু সংকেত পায় তেন্তে তৎক্ষণাত ব্যৱস্থা লওক। ভাৰতৰ এগৰাকী বিখ্যাত অস্থিৰোগ বিশেষজ্ঞই নিজৰ ইনষ্টাগ্ৰাম একাউণ্টত এটা ভিডিঅ’ৰ জৰিয়তে কয় যে যদি আপুনি ব্ৰেকফাষ্টত ২টা সিজোৱা কণী খায় আৰু ভাৱে যে আপুনি দিনটোৰ বাবে শক্তি পাইছে, তেন্তে আপোনাৰ ধাৰণ ভূল। আপোনাৰ শৰীৰত প্ৰটিনৰ অভাৱ হ’লে কেনেধৰণৰ লক্ষণে দেখা দিব জানো আহক…
প্ৰটিনৰ অভাৱে আপোনাৰ সৌন্দৰ্য্যত প্ৰভাৱ পেলাব পাৰে, এনে পৰিস্থিতিত আপোনাৰ চুলি আৰু নখ দুৰ্বল দেখাবলৈ আৰম্ভ কৰিব আৰু সহজে ভাঙিব পাৰে।
প্ৰটিনৰ অভাৱত শৰীৰৰ বিপাকীয় ক্ৰিয়া লেহেমীয়া হ’ব পাৰে, অৰ্থাৎ শৰীৰে খাদ্যক সঠিকভাৱে শক্তিলৈ ৰূপান্তৰিত কৰিব নোৱাৰে, যাৰ ফলত ওজন বৃদ্ধিকে ধৰি বহুতো স্বাস্থ্যজনিত সমস্যাৰ সৃষ্টি হ’ব পাৰে।
শৰীৰত প্ৰ’টিনৰ মাত্ৰা কম হ’লে প্ৰায়ে চৰ্দি আৰু কাহৰ সন্মুখীন হ’বলগীয়া হয়, এই সমস্যাবোৰ বাৰে বাৰে পুনৰাবৃত্তি হয়।
যদি প্ৰটিন পৰ্যাপ্ত পৰিমাণে গ্ৰহণ নকৰে তেন্তে আপুনি সদায় কম শক্তি অনুভৱ কৰিব, অৰ্থাৎ আপুনি দুৰ্বল অনুভৱ কৰিব আৰু সকলো সময়তে জিৰণি ল’ব বিচাৰিব।
কম প্ৰটিনৰ এটা ডাঙৰ অসুবিধা হ’ল আপোনাৰ মিঠা বস্তু খোৱাৰ ইচ্ছা বৃদ্ধি পাব আৰু যদি আপুনি মিঠা খাদ্য গ্ৰহণ কৰে তেন্তে তেজৰ চেনিৰ মাত্ৰা বৃদ্ধি পাব।
প্ৰটিন পাবলৈ কি খাব লাগে জানি লওক-
কুকুৰাৰ কণী
ছালমন মাছ
কণী
গ্ৰীক দৈ
বুট
ৰঙা মাংস
জ্যোতিষৰ মতে হাতৰ ৰেখাই এজন ব্যক্তিৰ জীৱনত ঘটি থকা শুভ আৰু অশুভ ঘটনাৰ ইংগিত দিয়ে। একেদৰে আঙুলি আৰু ভৰিৰ আঙুলিয়েও এজন ব্যক্তিৰ ভৱিষ্যতৰ বিষয়ে বহু কথাই কয়। ৮০০ জনৰ ভিতৰত এজনৰ হাতত বা ভৰিত পোৱা ৬টা আঙুলি। হাতৰ আঙুলিৰ বিষয়ে সমুদ্ৰ শাস্ত্ৰত বিতংভাৱে বৰ্ণনা কৰা হৈছে। হাত বা ভৰিত ৫ টা বা ৬ টা আঙুলি থকা মানুহক ভাগ্যৱান আৰু আনতকৈ সম্পূৰ্ণ পৃথক বুলি গণ্য কৰা হয়।
যিসকল লোকৰ হাত বা ভৰিৰ সৰু আঙুলিৰ ওচৰত অতিৰিক্ত আঙুলি এটা থাকে তেওঁলোক বুধ পৰ্বতৰ প্ৰভাৱত থাকে। যদি বুঢ়া আঙুলিৰ ওচৰত এই অতিৰিক্ত আঙুলিটো থাকে তেন্তে তেওঁলোকৰ ওপৰত শুক্ৰ পৰ্বতৰ প্ৰভাৱ বেছি। আহক আমি সমুদ্ৰ শাস্ত্ৰৰ জৰিয়তে হাত বা ভৰিৰ এই অতিৰিক্ত আঙুলিটোৱে মানুহৰ জীৱনত কেনে প্ৰভাৱ পেলাব পাৰে জানো।
সমুদ্ৰ শাস্ত্ৰৰ মতে হাত বা ভৰিত ৬টা আঙুলি থকা ব্যক্তিৰ বৌদ্ধিক ক্ষমতা আনতকৈ বহু বেছি। কেৱল এয়াই নহয়, ধন উপাৰ্জনৰ বিভিন্ন কলাও তেওঁলোকে খুব ভালদৰে জানে। এইসকল লোকৰ কেতিয়াও টকাৰ অভাৱ নহয়। একে সময়তে তেওঁলোকে যি কাম হাতত লয়, সেই কাম সম্পূৰ্ণ কৰে। সেই কামতো তেওঁলোকে সফলতা লাভ কৰে।
বিজ্ঞানৰ মতে ৬টা আঙুলি থকাটো কোনো ৰোগৰ লক্ষণ নহয়। আনহাতে হিন্দু ধৰ্মত ইয়াক প্ৰকৃতিৰ উপহাৰ বুলি গণ্য কৰা হয়। পৰিসংখ্যা অনুসৰি ৮০০ জনৰ ভিতৰত এজনৰ হাত বা ভৰিত ৬টা আঙুলি থাকে।
আই পি এলৰ ১৬ সংখ্যক মেচত দিল্লী কেপিটেলছৰ বিৰুদ্ধে কলকাতা নাইট ৰাইডাৰ্ছ। কলকাতাৰ অধিনায়ক শ্ৰেয়াছ আয়েৰে টছত জয়লাভ কৰি প্ৰথমে বেটিং কৰাৰ সিদ্ধান্ত লয়। কলকাতাই ২০ অভাৰত ৭ উইকেটত ২৭২ ৰান সংগ্ৰহ কৰে। আই পি এলৰ ইতিহাসত এয়া দ্বিতীয় সৰ্বাধিক স্ক’ৰ। দিল্লী কেপিটেলক ২৭৩ ৰানৰ লক্ষ্য বান্ধি দিলে কলকাতাই। দিল্লীৰ প্ৰায়গৰাকী বেটাৰ কালিৰ মেচখনত ব্যৰ্থ হোৱা পৰিলক্ষিত হয়। ফলত কলকাতাই বান্ধি দিয়া বিজয় লক্ষ্য অতিক্ৰম কৰিবলৈ গৈ দিশহাৰা দিল্লীয়ে ১৬৬ ৰানতে কেউটা উইকেট হেৰুৱাই কলকাতাৰ বিৰুদ্ধে ১০৬ ৰানৰ বিশাল ব্যৱধানত পৰাজয়বৰণ কৰিব লগা হয়।
দিল্লী কেপিটেলছ : পৃথ্বী শ্ব’, ডেভিদ ৱাৰ্নাৰ, মিচেল মাৰ্ছ, ঋষভ পন্ত (উইকেটকীপাৰ/অধিনায়ক), ত্ৰিষ্টান ষ্টাবছ, অক্ষৰ পেটেল, সুমিত কুমাৰ, ৰশিখ চালাম, অনৰিচ নৰ্খিয়া, ইশান্ত শৰ্মা, খলিল আহমেদ।
কলকাতা নাইট ৰাইডাৰ্ছ : ফিলিপ ছল্ট (উইকেটকীপাৰ), সুনীল নাৰিনে, ভেংকটেশ আয়াৰ, শ্ৰেয়াছ আয়াৰ (অধিনায়ক), ৰিংকু সিং, অংকৃশ ৰঘুবংশী, আন্দ্ৰে ৰাছেল, ৰমনদীপ সিং, মিচেল ষ্টাৰক, হৰ্ষিত ৰানা, বৰুণ চক্ৰৱৰ্তী।
ছালৰ লগত জড়িত ৰোগবোৰ খাদ্যাভ্যাসৰ লগত পোনপটীয়াকৈ জড়িত। ৰিংৱৰ্ম আৰু খজুৱতিৰ দৰে সমস্যাত ভুগি থকা লোকসকলে কি কি বস্তু পৰিহাৰ কৰিব লাগে জানেনে। গৰমৰ বতৰত ছালৰ লগত জড়িত খজুৱতি আৰু ৰিংৱৰ্মৰ দৰে সমস্যাবোৰ সাধাৰণ হৈ পৰে। এই সমস্যাবোৰ কেৱল অসুবিধাজনক নহয়, সংক্ৰমণৰ সম্ভাৱনাও বৃদ্ধি কৰে। যদি আপুনি খজুৱতি আৰু ৰিংৱৰ্মৰ দ্বাৰা অসুবিধা পাইছে, তেন্তে আপুনি সঠিক লেখাটো পঢ়ক। ৰিংৱৰ্ম আৰু খজুৱতিৰ দৰে সমস্যাত ভুগি থকা লোকসকলে কি কি খাব নালাগে জানো আহক-
যদি কোনো ব্যক্তি ছালৰ ৰোগৰ দৰে সমস্যাত ভুগি আছে, তেন্তে তেওঁ টেঙা আৰু জাংক ফুড খোৱাৰ পৰা বিৰত থাকিব লাগে। এই খাদ্যবোৰে শৰীৰত তাপ বৃদ্ধি কৰিব পাৰে, যাৰ ফলত খজুৱতি আৰু ৰিংৱৰ্মৰ সমস্যা বৃদ্ধি পাব পাৰে।
ছালৰ লগত জড়িত ৰোগত আক্ৰান্ত লোকে মাখন, গাখীৰ, দৈ আদি দুগ্ধজাত সামগ্ৰী খাব নালাগে। ই পাচনতন্ত্ৰত প্ৰভাৱ পেলায়, যাৰ ফলত খজুৱতি আৰু ৰিংৱৰ্মৰ সমস্যা বৃদ্ধি পাব পাৰে।
টেঙা ফল খালে শৰীৰত পিত্ত বৃদ্ধি পায় যাৰ ফলত তেজ বেয়া হৈ পৰে, যাৰ ফলত খজুৱতি আৰু কৃমিৰ সমস্যা বৃদ্ধি পাব পাৰে।
বেছিকৈ তিল খালে ছালৰ সমস্যা বাঢ়ে। তিলৰ গুটি গৰম প্ৰকৃতিৰ, সেয়েহে ই শৰীৰত তাপ বৃদ্ধি কৰিব পাৰে, যাৰ বাবে খজুৱতি আৰু কৃমিৰ সমস্যা বাঢ়িবলৈ আৰম্ভ কৰে।
গুড়ৰ প্ৰকৃতিও গৰম। গুড়ে শৰীৰত তাপ বৃদ্ধি কৰিব পাৰে, যাৰ ফলত খজুৱতি আৰু ৰিংৱৰ্মৰ সমস্যা বৃদ্ধি পাব পাৰে।
আনহাতে খজুৱতি হোৱা ঠাইখিনিত খজুৱাব নালাগে: খজুৱতি হোৱা ঠাইখিনিত খজুৱালে সমস্যা বাঢ়িব পাৰে।
নিয়মিতভাৱে গা ধুব লাগে আৰু পৰিষ্কাৰ কাপোৰ পিন্ধিব লাগে। ঠাণ্ডা খাদ্য যেনে দৈ, মাখন, নাৰিকল পানী খাব লাগে। প্ৰচুৰ পৰিমাণে পানী খাই থাকিব লাগে।
নির্বাচনৰ দিন চমু চাপি অহাৰ লগে লগে ৫ নং গুৱাহাটী লোকসভা সমষ্টিৰ নির্বাচনী প্রচাৰ ক্ৰমাৎ আকর্ষণীয় হৈ পৰিছে। শাসকীয় বিজেপি দলৰ প্রার্থী বিজুলী কলিতা মেধিৰ সমান্তৰালকৈ কংগ্রেছৰ মহাজোটৰ প্রার্থী মীৰা বৰঠাকুৰ গোস্বামীয়েও সমষ্টিটোৰ চূকে কোণে দলীয় সমর্থকক লগত লৈ ব্যাপক নির্বাচনী প্রচাৰ চলোৱা পৰিলক্ষিত হৈছে। ইয়াৰ অংশ হিচাপে আজি কংগ্ৰেছৰ প্রার্থী মীৰা বৰঠাকুৰে লখৰাৰ সাওঁকুছি বুধবৰীয়া বজাৰত নির্বাচনী প্রচাৰ চলায়। কংগ্রেছৰ প্রার্থীগৰাকীয়ে আজি নিজ সমর্থকক লগত লৈ সাওকুছিৰ বুধবৰীয়া বজাৰত উপস্থিত হৈ ব্যবসায়ীসকলৰ সৈতে মত বিনিময় কৰি গণতন্ত্র বক্ষাৰ স্বাৰ্থত এইবাৰ লোকসভা নির্বাচনত বিজেপিৰ বিৰুদ্ধে ভোট প্রদান কৰিবলৈ ভোটাৰ ৰাইজক আহ্বান জনায়।
তেঁও লগতে কয় যে বিজেপিৰ শাসনকালত দেশত মূল্যবৃদ্ধিয়ে জনগগক জুৰুলা কৰিছে। গেছ চিলিণ্ডাৰৰ পৰা আৰম্ভ কৰি অত্যাবশ্যকীয় সামগ্রীৰ ঊর্ধ্বগামী দামে মধ্যবিত্ত পৰিয়ালক বাৰুকৈয়ে মাধমাৰ সোধাইছে। তদুপৰি বিজেপিৰ শাসনকালত দেশৰ নিবনুৱা সমস্যা বৃদ্ধি পোৱাৰ লগতে শান্তি সম্প্রীতির প্রতি চৰম ভাবুকি নামি আহিছে। বিজেপি চৰকাৰৰ ভ্ৰষ্টাচাৰৰ বিরুদ্ধে মাত মতা সকলক জে’ললৈ প্রেৰণ কৰি মুখ বন্ধ কৰাৰ চেষ্টা চলোৱা হৈছে। আনহাতে বিভিন্ন সমস্যাৰে ভাবাক্রান্ত গুৱাহাটীবাসীৰ সমস্যা সমাধানৰ ক্ষেত্রত বিজেপির তদানীন্তন সাংসদ কুইন ওজা চূড়ান্তভাবে ব্যর্থ হৈছে। কেন্দ্র আৰু ৰাজ্যত বিজেপি শাসনত থকাৰ পিছতো বিজেপিৰ সাংসদ গৰাকীয়ে গুৱাহাটীবাসীৰ সমস্যা সমাধান কৰিব পৰা নাই। সেয়েহে গুৱাহাটী মহানগৰীৰ খোৱাপানীকে আদি কৰি যাবতীয় সমস্যা সমাধানব বাবে আগন্তুক লোকসভা নির্বাচনত কংগ্রেছৰ প্রার্থীগৰাকীক ভোটদানৰ বাবে তেঁও আহ্বান জনায়।
এটা অধ্যায়ৰ সমাপ্তি ঘটিল৷ নিজৰ দেশলৈ উভতি গ’ল ৰাজীৱ হত্যাৰে জড়িত তিনি অপৰাধীয়ে৷ৰাজীৱ গান্ধী হত্যাকাণ্ডৰ সৈতে জড়িত তিনিজন অপৰাধীয়ে বুধবাৰে শ্ৰীলংকালৈ উভতি গ’ল । ৰাজীৱ গান্ধীৰ হত্যাৰ গোচৰৰ ছজন দোষীক ২০২২ চনত মুক্তি দিয়া হৈছিল। তেওঁলোকৰ তিনিজন, মুৰুগান ওৰফে শ্ৰীহৰণ, জয়কুমাৰ আৰু ৰবাৰ্ট পায়াছে শ্ৰীলংকালৈ উভতি গৈছে। তেওঁলোক শ্ৰীলংকাৰ বাসিন্দা আছিল। দুবছৰ পূৰ্বে কাৰাগাৰৰ পৰা মুক্তি পোৱাৰ পিছত তেওঁলোকক তিৰুচিৰাপল্লীৰ এটা বিশেষ শিবিৰত ৰখা হৈছিল। তেওঁলোক অৱশেষত বুধবাৰে কলম্বোলৈ ৰাওনা হয়। তামিলনাডু চৰকাৰে পূৰ্বে মাদ্ৰাজ উচ্চ ন্যায়ালয়ক কৈছিল যে ৰাজীৱ হত্যাকাৰী কেইজনে বিদেশী আঞ্চলিক পঞ্জীয়ন কাৰ্যালয়ৰ (এফআৰআৰও) পৰা নিৰ্বাসনৰ আদেশ লাভ কৰিলে শ্ৰীলংকালৈ উভতি যাব পাৰিব।
একে সময়তে শ্ৰীলংকাৰ উচ্চআয়োগে লোক তিনিজনক নিজৰ দেশলৈ উভতি যোৱাৰ বাবে প্ৰয়োজনীয় ভ্ৰমণ সম্পৰ্কীয় নথিপত্ৰ প্ৰস্তুত কৰাৰ পিছতে তেওঁলোকৰ শ্ৰীলংকালৈ যাত্ৰা সম্ভৱ হৈ উঠে৷ উল্লেখ্য ৰাজীৱ গান্ধী হত্যাকাণ্ডত শ্ৰীলংকাৰ আন এজন দোষী সান্হানৰ ইতিমধ্যে মৃত্যু ঘটিছে৷ ইয়াৰ উপৰি ৰাজীৱ গান্ধী হত্যাকাণ্ডত মুক্তি পোৱা আন সকল হৈছে পেৰাৰিভালন, ৰবিচন্দ্ৰন আৰু নলিনী। তেওঁলোক আটাইকেইজন ভাৰতীয় নাগৰিক।ৰাজীৱ গান্ধীক ১৯৯১ চনৰ ২১ মে’ত তামিলনাডুত এক নিৰ্বাচনী জনসভাৰ সময়তে আত্মঘাতী বিস্ফোৰণেৰে হত্যা কৰা হৈছিল। তেওঁক এগৰাকী মহিলাই ফুলৰ মালা পিন্ধাইছিল আৰু তাৰ পিছতেই বোমা বিস্ফোৰণ সংঘটিত হৈছিল । এই বিস্ফোৰণত তদানীন্তন প্ৰধানমন্ত্ৰী ৰাজীৱ গান্ধীসহ ১৮ জন লোকৰ মৃত্যু হৈছিল। ৰাজীৱ হত্যাৰ গোচৰটোত মুঠ ৪১ জন লোকক অভিযুক্ত কৰা হৈছিল। বিচাৰ চলি থকাৰ মাজতে ১২ জন লোকৰ মৃত্যু হৈছিল আৰু তিনিজনে পলাই গৈছিল। বাকী ২৬ জন ধৰা পৰিছিল। হত্যাকাৰীসকলৰ মাজত শ্ৰীলংকা আৰু ভাৰতৰ নাগৰিক আছিল। পলাতক অভিযুক্তসকল আছিল প্ৰভাকৰণ, পট্টু ওমন আৰু আকিলা। অভিযুক্তসকলৰ বিৰুদ্ধে টাডা আইনৰ অধীনত বিচাৰ চলোৱা হৈছিল৷ সাত বছৰৰ আইনী প্ৰক্ৰিয়াৰ পিছত ১৯৯৮ চনৰ ২৮ জানুৱাৰীত টাডা আদালতে এক হাজাৰ পৃষ্ঠাৰ ৰায় দিয়ে। প্ৰথমাৱস্থাত সকলো ২৬ জন অভিযুক্তক মৃত্যুদণ্ড দিয়া হৈছিল।
এই সিদ্ধান্তটো টাডা আদালতৰ আছিল, সেয়েহে ইয়াক উচ্চতম ন্যায়ালয়ত প্ৰত্যাহ্বান জনোৱা হৈছিল। কাৰণ টাডা আদালতৰ সিদ্ধান্তক উচ্চ ন্যায়ালয়ত প্ৰত্যাহ্বান জনাব নোৱাৰি। এবছৰ পিছত উচ্চতম ন্যায়ালয়ৰ তিনিজনীয়া বিচাৰপীঠে এই সমগ্ৰ সিদ্ধান্তটো ওলোটাই দিয়ে। উচ্চতম ন্যায়ালয়ে ২৬ জন দোষীৰ ভিতৰত ১৯ জনক নিৰ্দোষী সাব্যস্ত কৰে। মাত্ৰ ৭ জন দোষীৰ মৃত্যুদণ্ড বাহাল ৰখা হৈছিল। পিছত মৃত্যুদণ্ডৰ ৰায়ক আজীৱন কাৰাবাসলৈ পৰিৱৰ্তন কৰা হৈছিল। আজীৱন কাৰাদণ্ডৰে দণ্ডিতসকে দীৰ্ঘদিন ধৰি তেওঁলোকৰ মুক্তিৰ বাবে আইনী যুঁজ দি আহিছিল।
২০১৮ চনত তামিলনাডু চৰকাৰৰ কেবিনেটে দোষীসকলক মুক্তি দিয়াৰ পৰামৰ্শ দিছিল৷ কেবিনেটে যুক্তি দিছিল যে তেওঁলোক সকলোৱে প্ৰায় তিনি দশক ধৰি কাৰাগাৰত আছিল।উচ্চতম ন্যায়ালয়ৰ দুই ন্যায়াধীশৰ বিচাৰপীঠে এক ৰায়ত উল্লেখ কৰে যে দোষীসকলে কাৰাগাৰত থকা সময়ছোৱাত অধ্যয়ন কৰিছিল আৰু ডিগ্ৰী লাভ কৰিছিল, তেওঁলোকৰ আচৰণো ভাল আছিল। শেষত ৰাজীৱ হত্যাকাৰীসকলক মুক্তি দিয়াৰ সিদ্ধান্ত লোৱা হৈছিল৷
দৈনন্দিন বাৰ্তাৰ সেৱা, বঢ়মপুৰ, ৩ এপ্ৰিল :: কালি নিৰ্দলীয় প্ৰাৰ্থী হিচাপে নগাঁও লোকসভা সমষ্টিত মনোনয়ন পত্ৰ দাখিল কৰি আজি শিখা শৰ্মাই ৰহা সমষ্টিৰ গৰুবাট মৌজাৰ বহু ঠাইত প্ৰচাৰ অভিযান চলায় ৷
কচুৱা প্ৰেছ ক্লাৱৰ সাংবাদিক সকলৰ লগত হোৱা সাক্ষাৎকাৰত বিতৰ্কিত লেখিকা শিখা শৰ্মাই কয়– “মই কৌটি কৌটি বাৰ ক’ম যে বদৰউদ্দিন আজমল বা তেওঁৰ এ আই ইউ ডি এফ দলৰ সকলো বিধায়ক মুখ্যমন্ত্ৰী হিমন্ত বিশ্ব শৰ্মাৰ মানুহ৷” মৌলানা বদৰুদ্দিন আজমল হিমন্তৰ কথাত উঠা-বহা কৰাৰ প্ৰমাণ আছে বুলি উল্লেখ কৰি নগাঁও লোকসভা সমষ্টিত নিৰ্দলীয় প্ৰাৰ্থী হিচাপে শিখা শৰ্মা জয়ী হ’ব বুলি দাবী কৰে ৷
ৰাইজৰ পৰা হেৰাই যোৱা আৰু সংখ্যালঘু ভোটেৰে সাংসদ হোৱা প্ৰদ্যুত বৰদলৈ সংখ্যালঘু জনগণৰ বিপদৰ সময়ত মাত নিদিয়া প্ৰাৰ্থীক এইবাৰ ৰাইজে ভোট নিদিয়ে৷ বিজেপি দলৰ পাপী প্ৰাৰ্থী সুৰেশ বৰাৰ অতীত সুঁৱৰি হিন্দু লোকে ভোট নিদিয়ে বুলি মন্তব্য কৰি সাংসদ প্ৰদ্যুৎ বৰদলৈ জিকিলেও বিজেপি আৰু হাৰিলেও বিজেপি বুলি মন্তব্য কৰে নিৰ্দলীয় প্ৰাৰ্থী গৰাকীয়ে ৷
নগাঁও সংসদীয় সমষ্টিটোত নিৰ্দলীয় প্ৰাৰ্থী হিচাপে থিয় দি কেৱল সংখ্যালঘু (মুছলমান) ভোট বিভাজন কৰি কোন দলৰ প্ৰাৰ্থীক শিখা শৰ্মাই ৰঙা দলিচা পাৰি দিব সেয়া সময়ত লক্ষ্যনীয় হ’ব বুলি বহুজনে মন্তব্য কৰিছে ৷
ভাৰতীয় বিশ্ববিদ্যালয়ৰ সংস্থাৰ তত্বাৱধানত ২৮ মাৰ্চৰ পৰা ১ এপ্ৰিললৈ লুধিয়ানাৰ পঞ্জাৱ কৃষি বিশ্ববিদ্যালয়ত অনুষ্ঠিত ৩৭ সংখ্যক ৰাষ্ট্ৰীয় আন্তঃবিশ্ববিদ্যালয় যুৱ মহোৎসৱত ১৫টা পুৰস্কাৰ অৰ্জন কৰি গুৱাহাটী বিশ্ববিদ্যালয়লৈ গৌৰৱ কঢ়িয়াই আনে। উত্তৰ পূব মণ্ডলিক যুৱ মহোৎসৱত শ্ৰেষ্ঠ বিশ্ববিদ্যালয়ৰ খিতাপ অৰ্জন কৰি উক্ত ৰাষ্ট্ৰীয় যুৱ মহোৎসৱত অংশগ্ৰহণ কৰে। অন দ্য স্পট পেইন্টিং, কাৰ্টুনিং, পোষ্টাৰ মেকিং আৰু ৰাঙ্গলীত ১ম স্থান লাভ কৰে।
থিয়েটাৰ শাখাৰ একংক নাট, স্কিট আৰু মাইমত শাখাত ২য় স্থান আৰু মিমিক্ৰিত ৩য় স্থান লাভ কৰে। সংগীত বিভাগৰ ফ’ক অৰ্কেষ্ট্ৰা, ক্লাছিকেল ইনষ্ট্ৰুমেণ্টেল (পাৰ্কাচন)ত ২য় স্থান আৰু পাশ্চাত্য সমবেত সংগীতত ৩য় স্থান লাভ কৰে। লগতে নৃত্য শাখাত শাস্ত্ৰীয় নৃত্যত আৰু লঘূ কলা শাখাত দ্বিতীয় স্থান লাভ কৰে ।
ইয়াৰ উপৰিও সাংস্কৃতিক শোভাযাত্ৰাত ২য় স্থান, নাট্য শাখাত সামগ্ৰিকভাৱে তৃতীয় শ্ৰেষ্ঠ দল আৰু লঘূ কলাত তৃতীয় শ্ৰেষ্ঠ দলৰ খিতাপ লাভ কৰে। ড০ দেৱাশীষ শইকীয়া আৰু ড০ ইৰাণী হাজৰিকাৰ নেতৃত্বত আৰু ছাত্ৰ সঞ্চালক ড০ ৰঞ্জন কুমাৰ কাকতিৰ নিৰ্দেশনাত গুৱাহাটী বিশ্ববিদ্যালয়ৰ দলটো সৰ্বভাৰতীয় পৰ্য্যায়ৰ প্ৰতিযোগিতাত অংগ্ৰহণ কৰে ।
বিশ্ববিদ্যালয়খনৰ উপাচাৰ্য অধ্যাপক প্ৰতাপ জ্যোতি সন্দিকৈ ,পঞ্জীয়ক ড° হেমন্ত কুমাৰ নাথ, শ্ৰেণীসমূহৰ সচিব ড° জগদীশ শৰ্মা, ছাত্ৰকল্যাণ সঞ্চালক ড° ৰঞ্জন কুমাৰ কাকতিয়ে গুৱাহাটী বিশ্ববিদ্যালয়ৰ দলটোক অসমৰ লগতে বিশ্ববিদ্যালয়খনলৈ গৌৰৱ কঢ়িয়াই অনাৰ বাবে অভিনন্দন আৰু ধন্যবাদ জ্ঞাপন কৰে।
