ইউটিউবাৰ তথা ‘বিগ বছ অ’টিটি ২’ৰ বিজয়ী এলভিছ যাদৱ বৰ্তমান জেলত আছে। দেওবাৰে নয়ডা আৰক্ষীয়ে সাপৰ বিষ সৰবৰাহৰ গোচৰত গ্ৰেপ্তাৰ কৰে এলভিছক। ইফালে ছ’চিয়েল মিডিয়াত ভাইৰেল হৈছে এলভিছৰ মাতৃৰ এটা ভিডিঅ’, য’ত তেওঁ কান্দি থকা দেখা গৈছে। ১৭ মাৰ্চ দেওবাৰে পুত্ৰ এলভিছ যাদৱক গ্ৰেপ্তাৰ কৰাৰ পিছত ভাইৰেল হৈছে মাতৃ সুষমা যাদৱৰ এটা ভিডিঅ’ সামাজিক মাধ্যমত। কেৱল এয়াই নহয়, এই ভিডিঅ’টো চোৱাৰ পিছত এলভিছৰ অনুৰাগীসকলকো অতি আৱেগিক যেন লাগিছে। আচলতে ভাইৰেল হোৱা ভিডিঅ’টোত এলভিছৰ মাকক কান্দি থকা দেখা গৈছে। সকলোৱে ভিডিঅ’টোত মন্তব্য কৰি নিজৰ প্ৰতিক্ৰিয়া প্ৰকাশ কৰিছে।
বিখ্যাত ইউটিউবাৰ তথা বিগ বছ অ’টিটি ২ বিজয়ী এলভিছ যাদৱক নয়ডাত সাপৰ বিষ সৰবৰাহৰ গোচৰত গ্ৰেপ্তাৰ কৰা হয়। দাবী কৰা হৈছে যে এলভিছে ৰেভ পাৰ্টিৰ বাবে সাপ আৰু সাপৰ বিষৰ ব্যৱস্থা কৰিছিল আৰু তেওঁ নিজৰ অভিযোগ মানি লৈছে। ১৪ দিনৰ বাবে ন্যায়িক জিম্মালৈ প্ৰেৰণ কৰা হৈছে এলভিছক। যোৱা তিনিদিন ধৰি নয়ডা জেলত আছে এলভিছ। এনে পৰিস্থিতিত মাতৃৰ বেয়া লাগিছে আৰু কান্দিছে। ভিডিঅ’টোত এলভিছৰ মাতৃয়ে দুখ অনুভৱ কৰি কান্দি থকা দেখা পোৱাৰ লগে লগে অনুৰাগীৰ হৃদয়ও দুখেৰে ভৰি পৰিছে। ভিডিঅ’টোত এলভিছৰ বন্ধু-বান্ধৱীক তেওঁৰ মাকৰ আশে-পাশেও দেখা যায়, যিয়ে তেওঁক সান্ত্বনা দিছে। লগতে এলভিছৰ অনুৰাগীসকলে ভিডিঅ’টোত মন্তব্য কৰি শোক আৰু দুখ প্ৰকাশ কৰিছে। এলভিছ সোনকালে জেলৰ পৰা ওলাই অহাৰ চৰ্চা চলিছে।
