Home Blog Page 1088

গুৱাহাটীত অসম বাৰ্তাজীৱি সংঘৰ কাৰ্যনিৰ্বাহক সভা…

By
দৈনন্দিন বাৰ্তা
-
0

ৰাজ্যখনৰ সাংবাদিক আৰু সংবাদকৰ্মীসকলৰ ন্যায্য প্ৰাপ্তিৰ হকে জন্মলগ্নৰে পৰা মাত মাতি অহা অসম বাৰ্তাজীৱি সংঘৰ ২০২৪-২৫ বৰ্ষৰ কাৰ্যনিৰ্বাহক সভাৰ প্ৰথমখন বৈঠক আজি অসম সাহিত্য সভাৰ গুৱাহাটী কাৰ্যালয় ভগৱতী প্ৰসাদ বৰুৱা ভৱনৰ ড° মহেন্দ্ৰ নাথ বৰা সোঁৱৰণী প্ৰেক্ষাগৃহত অনুষ্ঠিত হয়। সংঘৰ সভাপতি মধুসূদন মেধিৰ সভাপতিত্ব অনুষ্ঠিত সভাত সম্পাদক মুকুট ৰাজ শৰ্মাই উদ্দেশ্য ব্যাখ্যা কৰি সংঘৰ ভৱিষ্যৎ কাৰ্যপন্থা আৰু সাংগঠনিক দিশ সন্দৰ্ভত আলোকপাত কৰে। অসমীয়া প্ৰতিদিনৰ উপ-সম্পাদক তথা সংঘৰ উপ-সভাপতি অঞ্জন কুমাৰ শৰ্মাই সংঘৰ ভৱিষ্যৎ কাৰ্যসূচী সন্দৰ্ভত বক্তব্য প্ৰদান কৰি ৰাজ্যখনৰ সাংবাদিকসকলৰ অন্যতম আৰু প্ৰধান সংগঠন অসম বাৰ্তাজীৱি সংঘই সাংবাদিক আৰু সংবাদকৰ্মীসকলৰ সৰ্বাংগীন উন্নয়নৰ হকে যথেষ্ট কৰণীয় আছে বুলি কয়। এইক্ষেত্ৰত নতুন সমিতিখনে ইতিবাচক চিন্তাৰে সেৱা আগবঢ়োৱাৰ আহ্বান জনাই তেওঁ কয় যে ৰাজ্যৰ একমাত্ৰ গণতান্ত্ৰিক সাংবাদিক সংগঠন অসম বাৰ্তাজীৱি সংঘকলৈ ৰাজ্যৰ ভিন্ন প্ৰান্তৰ সাংবাদিক আৰু সংবাদকৰ্মীসকলে আশা কৰা ধৰনে সংগঠনটো আগবঢ়াই নিয়াত সকলোৰে আশাসুধীয়া প্ৰচেষ্টাৰ প্ৰয়োজন বুলি কয়। সংঘৰ সাংগঠনিক সম্পাদক বশিষ্ঠ দেৱ ফুকন,কাৰ্যালয় সম্পাদক হেমন্ত বৰ্মন, কোষাধ্যক্ষ নৱনিতা কলিতা, প্ৰচাৰ সম্পাদক অখিল কলিতা,কাৰ্যনিৰ্বাহ সদস্য যতীন ভাগৱতী, ভাস্কৰ শৰ্মা,সোণাধৰ ডেকা,তৰণী চৰণ কলিতা,ভূৱন চেতিয়া,প্ৰশান্ত মোদক আৰু প্ৰদীপ বৰ্মনে নিজৰ ভাষণ প্ৰসংগত অসম বাৰ্তাজীৱি সংঘই আগন্তুক দুবছৰীয়া কাৰ্যকালত দায়বদ্ধতাৰে সমাজৰ উন্নতিৰ সমান্তৰালভাৱে ৰাজ্যখনৰ সাংবাদিকসকলৰ ন্যায্য প্ৰাপ্তিৰ হকে মাত মাতি যোৱাৰ কথা সদৰি কৰে। সভাই ভৱিষ্যৎ কাৰ্যপন্থা সন্দৰ্ভত আলোচনা কৰি কেবাটাও গুৰুত্বপূৰ্ণ প্ৰস্তাৱ গ্ৰহণ কৰে। উল্লেখ্য যে অসম বাৰ্তাজীৱি সংঘৰ পঞ্চাশ বছৰ পুৰ্তি উপলক্ষে বৰ্ষাজোৰা সোণালী জয়ন্তী উদযাপনৰ সিদ্ধান্ত গ্ৰহণ কৰি নগাঁও জিলা বাৰ্তাজীৱি সংঘৰ সৌজন্যত উদ্বোধনী অনুষ্ঠান অনুষ্ঠিত কৰাৰ প্ৰস্তাৱ গ্ৰহণ কৰে। সভাৰ আন এক গুৰুত্বপূৰ্ণ প্ৰস্তাৱ মৰ্মে অসম চৰকাৰে এইবেলি বন্ধ কৰি ৰখা সাংবাদিক পেঞ্চন শীঘ্ৰে প্ৰদান কৰাৰ দাবী জনায়।

আনহাতে ভাৰতীয় বাৰ্তাজীৱি মহা সংঘৰ সম্পাদক প্ৰধান পৰমানন্দ পাণ্ডেই প্ৰেৰণ কৰা প‌ত্ৰ সন্দৰ্ভত সভাই বিষদ ভাৱে আলোচনা কৰি সংঘৰ ৰাষ্ট্ৰীয় পৰিষদৰ সদস্য হিচাপে অসমীয়া প্ৰতিদিনৰ সহকাৰী সম্পাদক ফণীধৰ দাস, অসমীয়া খৱৰৰ কাৰ্যবাহী সম্পাদক বিশ্বজিৎ দাস, ধুবুৰীৰ জ্যেষ্ঠ সাংবাদিক আচিকুৰ ৰহমান, তিনিচুকীয়া জিলাৰ সম্পাদক ৰাণা জ্যোতি নেওগ, নগাঁও জিলাৰ সম্পাদক ভাস্কৰ জ্যোতি মেধি, কাছাৰ জিলাৰ জ্যেষ্ঠ সাংবাদিক ৰাহুল চক্ৰবৰ্তীক মনোনীত কৰে। তদুপৰি অসম বাৰ্তাজীৱি সংঘৰ কাম-কাজ সুচাৰুৰূপে পৰিচালনা কৰাত সুবিধা হোৱাকৈ ৰাজ্যখনক চাৰিটা মণ্ডলত বিভক্ত কৰি ক্ৰমে ভাস্কৰ সভা পণ্ডিতক উপ- সভাপতি আৰু জগত বৰাক সম্পাদক হিচাপে লৈ উত্তৰ পূব মণ্ডল, প্ৰকাশ ডেকাক উপ-সভাপতি আৰু চৈয়দ ৰবিউল হকক সম্পাদক হিচাপে লৈ উত্তৰ পশ্চিম মণ্ডল, অঞ্জন বৰাক উপ-সভাপতি আৰু অমৰজ্যোতি আৰন্ধৰাক সম্পাদক হিচাপে লৈ দক্ষিণ পূব মণ্ডল আৰু অভিজিৎ ভট্টাচাৰ্যক উপ- সভাপতি আৰু অচিম দেবক সম্পাদক হিচাপে লৈ দক্ষিণ পশ্চিম মণ্ডল গঠন কৰা হয়। ইয়াৰোপৰি সংঘৰ প্ৰতিগৰাকী সদস্যক পৰিচয় পত্ৰ প্ৰদান কৰা, সংঘৰ আইন কোষ গঠন কৰা আদি কেইবাটাও প্ৰস্তাৱ গ্ৰহণ কৰে।

হাইস্কুল শিক্ষান্ত পৰীক্ষাত নাথাকিব কোনোধৰণৰ স্থান ! শিক্ষামন্ত্ৰী ডাঃ ৰণোজ পেগুৰ গুৰুত্বপূৰ্ণ ঘোষণা…

By
দৈনন্দিন বাৰ্তা
-
0

‘এতিয়াৰ পৰা হাইস্কুল শিক্ষান্ত পৰীক্ষাত নাথাকিব কোনোধৰণৰ স্থান।

মেট্ৰিকত স্থান পালে IITতো এডমিছন নিদিয়ে। স্থানৰ কোনো গুৰুত্ব নাই। স্থান অসমতহে সামাজিকভাৱে স্বীকৃত।

ভাৰতবৰ্ষ বা পৃথিৱীৰ কোনো শিক্ষানুষ্ঠানে স্থান পোৱাটোক স্বীকৃতি নিদিয়ে’। শিক্ষামন্ত্ৰী ডাঃ ৰণোজ পেগুৰ গুৰুত্বপূৰ্ণ ঘোষণা।

ৰঙিয়াৰ হাতীখলা পথাৰৰ শ্ৰীমন্ত শংকৰদেৱ সংঘৰ অধিৱেশনৰ প্ৰস্তুতিৰ পৰিদৰ্শন মন্ত্ৰী ৰঞ্জিত দাসৰ…

By
দৈনন্দিন বাৰ্তা
-
0

শ্ৰীমন্ত শংকৰদেৱ সংঘৰ ৯৩ সংখ্যক ৰঙিয়া অধিৱেশনখন অহা ৯, ১০ আৰু ১১ ফেব্ৰুৱাৰীত ৰঙিয়াৰ মৰাণজানা-ভয়ৰা শ্ৰীমন্ত শংকৰদেৱ সমন্বয় ক্ষেত্ৰ, হাতীখলা পথাৰত অনুষ্ঠিত হ’ব। ৰঙিয়া অধিৱেশন খনিৰ বাবে মাজত মাথোঁ এটা দিন বাকী আছে। সেয়েহে আগন্তুক ২০২৪ বর্ষৰ শ্ৰীমন্ত শংকৰদেৱ সংঘৰ ৯৩ সংখ্যক ৰঙিয়া অধিৱেশনখনি সৰ্বতোপ্ৰকাৰে সাফল্যমণ্ডিত কৰি তুলিবলৈ প্ৰস্তুতিৰ বুজ লোৱাৰ উদ্দেশ্যে বুধবাৰে সন্ধিয়া সময়ত খাদ্য, যোগান আৰু অসামৰিক মন্ত্ৰী ৰঞ্জিত দাস অধিবেশন স্থলীত উপস্থিত হৈ বাপ বান্ধৱ সকলৰ সৈতে প্ৰতিটো কাম পৰিদৰ্শন কৰি প্ৰস্তুতিৰ বুজ লয়।

মন্ত্ৰীগৰাকীয়ে আইমাতৃসকলৰ লগতে সেৱা বাহিনী শিবিৰ, ৰন্ধন আৰু ভোজনালয় গৃহ লগতে কেন্দ্ৰীয় ভৰালঁ ঘৰ পৰিদৰ্শন কৰি প্ৰস্তুতিৰ বুজ লয়। মন্ত্ৰী দাসৰ উপস্থিতিৰ সময়ত অধিবেশনৰ আদৰণি সমিতিৰ বিষয়ববীয়াৰ লগতে কেইবাখনো উপ সমিতিৰলোক উপস্থিত থাকে।

এইবাৰ ইণ্ডিয়া মিত্ৰজোঁট এৰিব আৰএলডিয়ে! এনডিএত যোগদানৰ সম্ভাৱনা…

By
দৈনন্দিন বাৰ্তা
-
0

আকৌ ভাঙিব ইণ্ডিয়া মিত্ৰজোঁট । তেনে সম্ভাৱনাই দেখা দিছে। লোকসভা নিৰ্বাচনৰ দিন চমু চাপি অহাৰ সময়তো ইণ্ডিয়া মিত্ৰজোঁটে যেন মূৰ দাঙি থিয় দিব পৰা নাই। ৰাহুল গান্ধীৰ ভাৰত জোড়ো ন্যায় যাত্ৰা উত্তৰ প্ৰদেশত প্ৰৱেশ কৰাৰ পূৰ্বেই , ৰাজ্যখনৰ আৰএলডিয়ে এতিয়া ইংগিত দিছে যে দলটোৱে ইণ্ডিয়া মিত্ৰজোঁটৰ পৰা আঁতৰি আহিব। যদি সকলো ঠিকে থাকে, ৰাষ্ট্ৰীয় লোক দল (আৰএলডি)য়ে এনডিএত যোগদান কৰাৰ পূৰ্ণ সম্ভাৱনা আছে বুলি বিশেষ সূত্ৰই প্ৰকাশ কৰিছে। জানিব পৰা মতে আৰএলডিৰ মুৰব্বী জয়ন্ত চৌধুৰীয়ে উত্তৰ প্ৰদেশত আসন ভাগ-বতৰাৰ বিষয়ত সমাজবাদী পাৰ্টিৰ সৰ্বোচ্চ নেতা অখিলেশ যাদৱৰ সৈতে আলোচনা কৰিছিল। অখিলেশেও আৰএলডিক সাতখন আসন এৰি দিয়াৰ প্ৰতিশ্ৰুতি দিছিল। অৱশ্যে ইমান পিছতো জয়ন্ত চৌধুৰীয়ে বিজেপিৰ এন ডি এ মিত্ৰজোঁটৰ সৈতে হাত মিলাবলৈ অধিক আগ্ৰহ দেখুৱাইছে।চৌধুৰীয়ে ইতিমধ্যে দিল্লীত বিজেপিৰ শীৰ্ষ নেতৃত্বক সাক্ষাৎ কৰি বিজেপিৰ সৈতে আসন ভাগ-বতৰাৰ বিষয়ে আলোচনা কৰিছে বুলিও বিশেষ সূত্ৰই প্ৰকাশ কৰিছে। গেৰুৱা দলটোৱে ঘোষণা কৰিছে যে আৰএলডিক চাৰিখন আসন দিয়া হ’ব। বিজেপিয়ে আগন্তুক লোকসভা নিৰ্বাচনত জয়ন্ত চৌধুৰীৰ দলক চাৰিখন আসন – কৈৰানা, বাগপত, মথুৰা আৰু আমৰোহা এৰি বুলি সূত্ৰটোৱে প্ৰকাশ কৰিছে।

এই খবৰ বিয়পি পৰাৰ লগে লগে আৰএলডিয়ে বিজেপি নেতৃত্বাধীন এনডিএত যোগদান কৰাৰ জল্পনা-কল্পনা তীব্ৰতৰ হৈ উঠিছে। সূত্ৰ অনুসৰি আৰএলডিয়ে ১২ ফেব্ৰুৱাৰীত দলটোৰ স্থিতি স্পষ্ট কৰিব। অৱশ্যে, যদি জয়ন্ত চৌধুৰীৰ দলে এন ডি এৰ সৈতে হাত মিলায়, ই নিঃসন্দেহে ইণ্ডিয়া মিত্ৰজোঁটৰ বাবে এক ডাঙৰ বিফলতা হ’ব। নীতিশ কুমাৰৰ জেডি(ইউ)য়ে ইতিমধ্যে ইণ্ডিয়া মিত্ৰতাৰ সৈতে ইয়াৰ সম্পৰ্ক সমাপ্ত কৰিছে। ইফালে, মুখ্যমন্ত্ৰী মমতা বেনাৰ্জীয়েও কৈছে যে লোকসভা নিৰ্বাচনত তৃণমূলে বংগত অকলে যুঁজ দিব। অৱশ্যে, কংগ্ৰেছ নেতা ৰাহুল গান্ধীয়ে মমতাক মিত্ৰতাৰ বাৰ্তা দিয়েই আছে।

কলেষ্টেৰলৰ পৰা মুক্তি পাবলৈ এই পাঁচটা সেউজীয়া পাত ঔষধ হিচাপে ব্যৱহাৰ কৰক…

By
দৈনন্দিন বাৰ্তা
-
0

যদি শৰীৰত বেয়া কলেষ্টেৰলৰ মাত্ৰা বৃদ্ধি হ’বলৈ আৰম্ভ কৰে তেন্তে কেৱল ঔষধেই নহয় ঘৰুৱা উপায়েও ইয়াক হ্ৰাস কৰাত ফলপ্ৰসূ বুলি প্ৰমাণিত হ’ব পাৰে। বিশেষকৈ কিছুমান সেউজীয়া পাতৰ এনে ঔষধি গুণ থাকে, যিবোৰে কলেষ্টেৰলৰ মাত্ৰা বজাই ৰখাত অতি সহায়ক বুলি প্ৰমাণিত হয়। কলেষ্টেৰল হৈছে এক প্ৰকাৰৰ চৰ্বি, যিয়ে শৰীৰৰ বাবে কোষ আৰু হৰম’ন তৈয়াৰ কৰাত সহায় কৰে। কিন্তু যেতিয়া ইয়াৰ মাত্ৰা শৰীৰত বাঢ়িবলৈ আৰম্ভ কৰে তেতিয়া বহুতো স্বাস্থ্যজনিত সমস্যাও হ’বলৈ আৰম্ভ কৰে। বয়স অনুসৰি শৰীৰত কলেষ্টেৰলৰ নিৰাপদ মাত্ৰা ভিন্ন হয়।

শৰীৰৰ বেয়া কলেষ্টেৰল কমোৱাত নৰসিংহ পাত অতি ফলপ্ৰসূ। ইয়াৰ কাৰণ হ’ল ইয়াত থকা এন্টিঅক্সিডেন্ট, যিবোৰ ভাল কলেষ্টেৰল বৃদ্ধিৰ বাবে অতি প্ৰয়োজনীয়।

নৰসিংহ পাতৰ সুফল পাবলৈ আপুনি দৈনিক ৰন্ধনত ৮-১০ টা পাত ব্যৱহাৰ কৰিব পাৰে। ইয়াৰ ৰসও প্ৰস্তুত কৰি খাব কৰিব পাৰে। কিন্তু ইয়াৰ আগতে নিশ্চিতভাৱে আপোনাৰ স্বাস্থ্য বিশেষজ্ঞৰ পৰামৰ্শ লওক।

প্ৰত্যেক ঘৰতে ধনীয়া পাত ৰন্ধা-বঢ়াত ব্যৱহাৰ কৰা হয়। কিন্তু বেছিভাগ মানুহেই নাজানে যে খাদ্যৰ সোৱাদ উন্নত কৰাৰ লগতে ই স্বাস্থ্য উন্নত কৰাৰ ক্ষেত্ৰতো অতি উপকাৰী। নিয়মিতভাৱে ধনীয়া পাত খালে আপুনি উচ্চ কলেষ্টেৰলৰ সমস্যা নিৰাময় কৰিব পাৰে।

ধনীয়া পাত চালাডত দি বা তাৰ পৰা চাটনি বনাই খাব পাৰে।

যদি আপুনি কলেষ্টেৰল হ্ৰাস কৰাৰ ঘৰুৱা উপায় বিচাৰিছে তেন্তে জামুকৰ পাত আপোনাৰ বাবে সৰ্বোত্তম বিকল্প। আচলতে ইয়াৰ এন্টিঅক্সিডেন্ট আৰু এন্থ’চাইনিনৰ দৰে গুণ আছে, যিয়ে শিৰাত জমা হোৱা চৰ্বি হ্ৰাস কৰাৰ কাম কৰে।

এই অধ্যয়নত মেথিৰ পাতত থকা ঔষধি গুণৰ লগত শৰীৰত জমা হোৱা বেয়া কলেষ্টেৰল আৰু ট্ৰাইগ্লিচাৰাইডৰ স্বাস্থ্যসন্মত মাত্ৰাৰ সম্পৰ্ক থকা দেখা গৈছে। এনে পৰিস্থিতিত উচ্চ কলেষ্টেৰল স্বাভাৱিক কৰিবলৈ মেথি পাত খাব পাৰে।

কলেষ্টেৰলৰ মাত্ৰা স্বাভাৱিক কৰাত তুলসীৰ পাত অতি উপকাৰী বুলি প্ৰমাণিত হৈছে। আচলতে ইয়াত উপস্থিত থকা গুণবোৰে বিপাকীয় চাপ হ্ৰাস কৰাৰ কাম কৰে, যিয়ে শৰীৰৰ ওজন আৰু কলেষ্টেৰল বজাই ৰাখে। প্ৰতিদিনে পুৱা খালী পেটত তুলসীৰ পাত খাব পাৰে। কিন্তু ইয়াৰ বাবে প্ৰথমে ৫-৬ টা পাত ভালদৰে ধুই মচিব লাগে।


​

মহাৰাষ্ট্ৰত অনুষ্ঠিত ৰাষ্ট্ৰীয় চেম্বʼ প্ৰতিযোগিতাত ব্ৰঞ্জৰ পদক লাভ চৰাইদেউৰ মুন গগৈৰ…

By
দৈনন্দিন বাৰ্তা
-
0

২৬ জানুৱাৰী তাৰিখৰ পৰা ২৮ জানুৱাৰী তাৰিখলৈ মহাৰাষ্ট্ৰৰ ঔৰাঙ্গাবাদৰ ডিভিজনেল স্পʼৰ্টছ কমপ্লেক্স গৰখেডা পৰিসৰ ছত্ৰপতি শিৱাজী নগৰত ৰাষ্ট্ৰীয় চেম্বʼ প্ৰতিযোগিতাৰ সফল সমাপ্তি ঘটে । আন্তঃৰাষ্ট্ৰীয় অলিম্পিক সন্থাৰ স্বীকৃতিপ্ৰাপ্ত ৰাষ্ট্ৰীয় চেম্বʼ প্ৰতিযোগিতাত অসম দলৰ হৈ Charaideo District Sambo Sports Associationৰ খেলুৱৈ মুন গগৈয়ে ৫০-৫৪ কেজি শাখাত উক্ত প্ৰতিযোগিতাত ব্ৰঞ্জৰ পদক লাভ কৰি জিলাখনলৈ গৌৰৱ কঢ়িয়াই আনে।

Sambo Sport association of Assamৰ কাৰিকৰী নিৰ্দেশক আৰু কম্বেক শাখাৰ মূখ্য প্ৰশিক্ষক ৰাতুল গগৈৰ তত্বাৱধানত প্ৰশিক্ষণ লৈ থকা মুন গগৈ চৰাইদেউ জিলাৰ ২ নং কানু গাঁও পাটৰবাৰীৰ নিৱাসী পিতৃ গোবিন গগৈ আৰু মাতৃ মামণি গগৈৰ সুযোগ্য সন্তান।

কোনে প্ৰথমে ভাৰতলৈ জলকীয়া আনিছিল, কেনেকৈ বহু ভাৰতীয়ৰ খাদ্যৰ অংশ হৈ পৰিল জলকীয়া…

By
দৈনন্দিন বাৰ্তা
-
0

আমি প্ৰতিদিনে বহুতো খাদ্য সামগ্ৰীৰ কথা কওঁ, কিন্তু সেই খাদ্য সামগ্ৰীৰ পটভূমি জানিলে আপুনি হয়তো আচৰিত হ’ব। ভাৰত এখন সভ্যতা আৰু সংস্কৃতিৰ দেশ। খাদ্য, ঐতিহ্য আৰু ইতিহাস ভাৰতৰ সৌন্দৰ্য্য। আজি আপোনালোকক জলকীয়াৰ ইতিহাসৰ বিষয়ে কম-

যেতিয়াই আপোনাৰ মনলৈ মোগলিয়া খোৱাৰ চিন্তা আহিছিল, তেতিয়াই আপুনি তেল, মছলা আৰু জলকীয়াৰ কথা ভাবিবলৈ আৰম্ভ কৰিছিল। দৰাচলতে মোগলৰ যুগত জলকীয়া, হালধিৰ দৰে মছলাৰ অস্তিত্ব নাছিল। হয়, বিৰিয়ানীৰ পৰা শেষৰ মোগল শাসকলৈকে প্ৰতিটো ৰাজকীয় মোগলৰ ব্যঞ্জন হালধি আৰু জলকীয়াৰে তৈয়াৰ কৰা হৈছিল। কাৰণ তেওঁলোক সেইবোৰৰ বিষয়ে সচেতন নাছিল।

দক্ষিণ আমেৰিকাত কেইবাশ প্ৰজাতিৰ জলকীয়াৰ খেতি কৰা হয়, বিভিন্ন ৰং আৰু সোৱাদৰ জলকীয়া আছে। পৰ্তুগাল যেতিয়া ভাৰতলৈ আহিছিল, তেতিয়া তেওঁলোকেও লগত জলকীয়া লৈ আহিছিল, কোৱা হৈছিল যে তেওঁলোকে বসতি স্থাপন কৰা অঞ্চলটোক বৰ্তমান মুম্বাই বুলি কোৱা হয়। ওচৰৰ বসতিস্থলৰ পৰা পৰ্তুগীজসকলৰ বাবে কাম কৰিবলৈ ধৰিলে। জলকীয়াৰ সোৱাদ লওঁতে খাবলৈ ধৰিলে। পিছলৈ ১৮ শতিকাত যেতিয়া মাৰাঠাসকল দিল্লীলৈ আহিছিল, তেতিয়া তেওঁলোকৰ সৈতে ভাৰতৰ প্ৰতিটো অঞ্চলতে আক্ষৰিক অৰ্থত জলকীয়াও গৈছিল।

তাৰ পিছত গুজৰাট, ৰাজস্থান আদি বহু ঠাইত সিঁচা হয়। আজি জলকীয়া প্ৰতিটো খাদ্যৰ সৌন্দৰ্য্য আৰু সোৱাদৰ এক গুৰুত্বপূৰ্ণ অংশ। আফ্ৰিকাৰ পৰা ভাৰতলৈ ৰিজ গাৰ্ডৰ খেতি আহিছিল। আফ্ৰিকাৰ পৰা ফ্ৰান্সলৈ আৰু ফ্ৰান্সৰ পৰা ভাৰতলৈ বীনও আহিছিল আৰু ইয়াক ফ্ৰেন্স বিন বুলি কোৱা হ’ল। কেপচিকামও দক্ষিণ আমেৰিকাৰ থলুৱা।

পৰিৱৰ্তিত সময় আৰু শতিকাৰ লগে লগে আন সংস্কৃতিৰ পৰা বহুতো খাদ্য-পানীয় সামগ্ৰী আহিবলৈ ধৰিলে।সেইবাবেই সভ্যতা এক উমৈহতীয়া ঐতিহ্য বুলিও কোৱা হয়। ভ্ৰমণ সভ্যতা আৰু সংস্কৃতিৰ এক বৈশিষ্ট্য হৈ আহিছে।


​

দুৰ্ঘটনাত মৃত্যু হৈছিল জোনমণি ৰাভাৰ…

By
দৈনন্দিন বাৰ্তা
-
0

অন্ত পৰিল জোনমণি ৰাভাৰ মৃত্যুৰ চিবিআইৰ তদন্ত।

নগাঁও সত্ৰ ন্যায়াধীশৰ আদালতত চাৰ্জশ্বীট দাখিল কৰিল চিবিআইয়ে।

৩খন চাৰ্জশ্বীট দাখিল কৰিলে চিবিআইয়ে।

আজি দিল্লীলৈ উভতি যাব চিবিআইৰ দল।

দুৰ্ঘটনাত মৃত্যু হৈছিল জোনমণি ৰাভাৰ।

চিবিআইৰ তদন্তত এই কথা প্ৰকাশ।

চাৰ্জশ্বীটত দাখিল কৰা অনুসৰি দুৰ্ঘটনাতে মৃত্যু হৈছিল চিবিআইৰ।

হত্যা অথবা আত্মহত্যাৰ কথা নস্যাৎ।

‘জয় শ্ৰী ৰাম’ ধ্বনিৰ মাজতে বিধানসভাত উত্থাপন ইউনিফৰ্ম চিভিল কোড বিধেয়ক…

By
দৈনন্দিন বাৰ্তা
-
0

উত্তৰাখণ্ডৰ বাবে আজিৰ দিনটো এক ঐতিহাসিক দিন হিচাবে পৰিগণিত হৈ ৰ’ব। দেশত প্ৰথমবাৰৰ বাবে কোনো এখন ৰাজ্যৰ বিধানসভাত ইউনিফৰ্ম চিভিল কোড বিধেয়ক উত্থাপন কৰা হ’ল। দেশৰ ভিতৰতে প্ৰথম ৰাজ্য হিচাবে উত্তৰাখণ্ড বিধানসভাত মঙলবাৰে ‘জয় শ্ৰী ৰাম’ ধ্বনিৰ মাজতে ইউনিফৰ্ম চিভিল কোড বিধেয়ক উত্থাপন কৰা হয়। মুখ্যমন্ত্ৰী পুষ্কৰ সিং ধামীয়ে নিজেই বিধানসভাত বিধেয়কখন উত্থাপন কৰে। ইয়াৰ পূৰ্বে উত্তৰাখণ্ড কেবিনেটে ইউনিফৰ্ম চিভিল কোড বিধেয়কত অনুমোদন জনাইছিল। এনে অনুমোদনৰ পূৰ্বে ইউনিফৰ্ম চিভিল কোড (ইউচিচি) বিধেয়কৰ খচৰা পাঁচ জনীয়া সমিতিলৈ প্ৰেৰণ কৰা হৈছিল। ন্যায়াধীশ ৰঞ্জনা প্ৰকাশ দেশাইৰ নেতৃত্বত গঠিত সমিতিখনে বিধেয়কখনকলৈ কেইবাটাও পৰামৰ্শ আগবঢ়াইছিল। জানিব পৰা মতে সমিতিখনে বহুবিবাহ আৰু বাল্য বিবাহ নিষিদ্ধ কৰাৰো পৰামৰ্শ দিছে। লগতে, সকলো ধৰ্মৰ ছোৱালীৰ বাবে বিবাহৰ নূন্যতম বয়স একে ৰাখিব লাগে বুলিও পৰামৰ্শ দিছিল । বিবাহ বিচ্ছেদৰ ক্ষেত্ৰত সকলো ধৰ্মই একেনিয়ম পালন কৰিব লাগে বুলিও সমিতিয়ে পৰামৰ্শ দিয়া বুলি জানিব পৰা গৈছে। সকলো পৰামৰ্শ গ্ৰহণ কৰাৰ পিছত উত্তৰাখণ্ড কেবিনেটে দেওবাৰে বিধেয়কখনত সেউজ সংকেত প্ৰদান কৰিছিল । যদি বিধানসভাৰ বিশেষ অধিৱেশনত বিধেয়ক খন গৃহীত হয় তেন্তে ই আইনত পৰিণত হোৱাত কোনো বাধা নাথাকিব।

বিধানসভাৰ কাৰ্যক্ৰম আৰম্ভ হোৱাৰ লগে লগে ধামীয়ে ইউনিফৰ্ম চিভিল কোড বিধেয়ক উত্থাপন কৰে আৰু শাসকীয় দলৰ মন্ত্ৰী-বিধায়কসকলে বন্দে মাতৰম আৰু জয় শ্ৰী ৰামৰ ধ্বনিৰে সদনত কঁপাই তোলে। অৱশ্যে, বিধেয়কখন উত্থাপন হোৱাৰ পিছত দীঘলীয়া আলোচনা কৰা হোৱা নাছিল। লগে লগে সদনখন স্থগিত ৰখা হৈছিল।
উল্লেখ্য উত্তৰাখণ্ড। ৰাজ্য খনৰ পুষ্কৰ সিং ধামী কেবিনেটে দেওবাৰে সন্ধিয়া এখন বৈঠকৰ পিছত ইউনিফৰ্ম চিভিল কোডৰ খচৰাত অনুমোদন জনাইছিল । উচ্চতম ন্যায়ালয়ৰ অৱসৰপ্ৰাপ্ত ন্যায়াধীশ ৰঞ্জনা প্ৰকাশ দেশাইৰ নেতৃত্বত ইউচিচি খচৰা সমিতিয়ে শুকুৰবাৰে মুখ্যমন্ত্ৰী পুষ্কৰ সিং ধামীৰ ওচৰত খচৰা দাখিল কৰিছিল। ইউনিফৰ্ম চিভিল কোডৰ লক্ষ্য হৈছে ৰাজ্যখনৰ সকলো সম্প্ৰদায়ৰ বাবে সুসংগত নাগৰিক নিশ্চিত স্থাপন কৰা। ইউনিফৰ্ম চিভিল কোডৰ খচৰা প্ৰস্তুত কৰিবলৈ নিযুক্ত কমিটীয়ে শুকুৰবাৰে ডেৰাডুনত মুখ্যমন্ত্ৰী পুষ্কৰ সিং ধামীক খচৰা দাখিল কৰিছিল। উচ্চতম ন্যায়ালয়ৰ প্ৰাক্তন ন্যায়াধীশ ন্যায়াধীশ ৰঞ্জনা প্ৰকাশ দেশাইৰ নেতৃত্বত গঠিত পেনেলে মুখ্য সেৱক সদনত আয়োজিত এক কাৰ্যসূচীত ধামীলৈ ইউচিচিৰ খচৰা দাখিল কৰিছিল। উল্লেখ্য ২০২২ চনৰ মে’ মাহত ইউচিচিৰ খচৰা প্ৰস্তুত কৰিবলৈ ন্যায়াধীশ দেশাইৰ নেতৃত্বত পাঁচজনীয়া সমিতি গঠন কৰা হৈছিল। অৱসৰপ্ৰাপ্ত ন্যায়াধীশ প্ৰমোদ কোহলী, সমাজ কৰ্মী মনু গৌৰ, উত্তৰাখণ্ডৰ প্ৰাক্তন মুখ্য সচিব শত্ৰুঘন সিং আৰু দুন বিশ্ববিদ্যালয়ৰ উপাচাৰ্য সুৰেখা ডাংৱাল ইউনিফৰ্ম চিভিল কোডৰ খচৰা কমিটিত আছিল।

শিলবৰীৰ ৰামানুজন একাডেমীৰ দশম শ্ৰেণীৰ ছাত্ৰ-ছাত্ৰীয়ে বিদ্যালয়ৰ পৰা ল’লে বিদায় ৰাইজৰ পৰা বিচাৰিলে দোৱা-আৰ্শীবাদ…

By
দৈনন্দিন বাৰ্তা
-
0

দৰং জিলাৰ শিলবৰীৰ এক ব্যক্তিগত খণ্ডৰ বিদ্যালয় ৰামানুজন একাডেমীত বৰ উলহ মালহৰে দিনযোৰা কাৰ্যসূচীৰে অনুষ্ঠিত হয় দশম শ্ৰেণীৰ বিদায়ী সভা ও সাংস্কৃতিক অনুষ্ঠান। মঙ্গল বাৰে ৰাতিপুৱা প্ৰায় ১১ বজাত বিদ্যালয় খনৰ প্ৰঙ্গনত অনুষ্ঠিত হয় এক মুকলি সভা যত উপস্থিত থাকি কৌপাটি জাতীয় বিদ্যালয়ৰ অধ্যক্ষ ড০ লুটন চৰকাৰ, দলগাওঁ আঞ্চলিক জাতীয় বিদ্যালয়ৰ অধ্যক্ষ বাছিৰ আহমেদ, দলগাওঁ আদৰ্শ জাতীয় বিদ্যালয়ৰ অধ্যক্ষ ফিলছোফ আহমেদ। প্ৰতি জনেই বিদায়ী ছাত্ৰ-ছাত্ৰী উদ্দেশ্য কৰি বহু মূল্যবান ভাষন প্ৰদান কৰে। ছাত্ৰ-ছাত্ৰী সকলে জীৱনৰ প্ৰথমটো গুৰুত্বপূৰ্ণ পৰিক্ষাত অৱতীৰ্ণ হ’বলৈ কি কি কৌশল অৱলম্বন কৰিব লাগিব,কি কি বিষয়ত সতৰ্ক হ’ব লাগিব, আৰু ব্যক্তিগত খণ্ডৰ বিদ্যালয় এখনে বিভিন্ন সময়ত মুখামুখি হোৱা বিভিন্ন সমস্যা ছাত্ৰ-ছাত্ৰী আৰু অভিভাৱক সকলে কৰনীয় বিষয় সম্পৰ্কে বিষাদ বাবে আলোচনা কৰে। ছাত্ৰ-ছাত্ৰী সকলেও বিদ্যালয় খনত অতিবাহিত কৰা দিনবোৰৰ কথা সোঁৱৰণী কৰি আবেগিক হৈ পৰে আৰু সভাত উপস্থিত থকা প্ৰতি জনৰ পৰা দোৱা আশিৰ্বাদ বিচাৰে।ভাষন প্ৰসংগত বিদ্যালয় খনৰ অধ্যক্ষ ছাক্লিন মোস্তাকে জনায় যে বিদ্যালয়ৰ বিভিন্ন কাৰ্যসূচীত অভিভাৱকৰ ব্যাপক অংশ গ্ৰহণে পৰিৱেশ সৌন্দৰ্যময় কৰি তোলে।

বিদ্যালয় খনত নামভৰ্তি কৰা প্ৰতিজন ছাত্ৰ–ছাত্ৰীৰ অভিভাৱক সচেতন।সেই কাৰণে অভিভাৱক সভাৰ পৰা আৰম্ভ কৰি বিদ্যালয়ৰ প্ৰতিটো কাৰ্যসূচীত প্ৰতিজন অভিভাৱক উপস্থিত থাকে।যাৰ ফলত ছাত্ৰছাত্ৰী সকলৰ শৈক্ষিক উত্তৰণত যথেষ্ট সহায়ক হৈছে। বিদ্যালয়খনে নতুন কৈ দূৰ-দূৰনীৰ ছাত্ৰ বাবে ছাত্ৰ আৱাসৰ ব্যৱস্থা ও কৰিছে।বৃহত্তৰ শিলবৰী অঞ্চলত শিক্ষাৰ দিশত এখোজ আগুৱাই যাব লৈ কেইজন মান স্থানীয় শিক্ষিত যুৱকৰ দ্বাৰা মুকলি হোৱা ৰামানুজন একাডেমী আজি প্ৰায় দুই বছৰত ভৰি দিয়ে আৰু শিক্ষক আৰু ছাত্ৰ ছাত্ৰীৰ কষ্টৰ মাজেদি প্ৰথম বাৰৰ বাবে হাইস্কুল শিক্ষান্ত পৰীক্ষাত অৱতীৰ্ণ হ’ব। সেই উপলক্ষে সমূহ ৰাইজৰ পৰা দোৱা আশিৰ্বাদ বিচাৰি বিদ্যালয় খনৰ ছাত্ৰ-ছাত্ৰী সকলে ও আবেগিক হৈ পৰে। বিদ্যালয় খনৰ বিশেষ সভাত উপস্থিত থাকে স্থানীয় বিশিষ্ট গন্য মান্য ব্যক্তি সহস্ৰাধিক ছাত্ৰ-ছাত্ৰী, বিদ্যালয় খনৰ শিক্ষক- শিক্ষয়িত্ৰী আৰু অভিভাৱক অভিভাবিকা উপস্থিত থাকে। মুকলি সভাৰ অন্তত অনুষ্ঠিত হয় সাংস্কৃতিক অনুষ্ঠান। বিদ্যালয়ৰ ছাত্ৰ-ছাত্ৰী দ্বাৰা বিভিন্ন ধৰণৰ নৃত্য পৰিবেশন, স্থানীয় কন্ঠ শিল্পীৰ দ্বাৰা গীত পৰিৱেশন আৰু আগশাৰীৰ কন্ঠ শিল্পী সুমন ৰাজৰ গীতৰ শৰাই য়ে উপস্থিত থকা দৰ্শকক আপ্লুত কৰে।

1...1,0871,0881,089...3,524Page 1,088 of 3,524

© 2024, All Rights Reserved. Powered By Aviyantrik

Privacy Policy    Contact Us