Home Blog Page 1230

বিশ্বকাপ শেষ হোৱাৰ পাছতে ইউটিউবাৰ স্বতী আস্থানৰ সৈতে বিবাহত বহিল এজন ভাৰতীয় ক্ৰিকেটাৰ

এগৰাকী ভাৰতীয় ক্ৰিকেটাৰৰ বিয়া । বৃহস্পতিবাৰে নিশা তেওঁ ইনষ্টাগ্ৰামত এটা পোষ্ট যোগে এই কথা জানিবলৈ দিয়ে । নৱদীপ ছাইনীয়ে নিজৰ দীৰ্ঘদিনীয়া প্ৰেমিকাক বিয়া কৰিলে । দীৰ্ঘদিনীয়া প্ৰেমিকা স্বতী আস্থানৰ সৈতে বিবাহপাশত আবদ্ধ হৈছে নৱদীপ ।

২০১৯ চনত ভাৰতৰ হৈ অভিষেক ঘটোৱা সত্ত্বেও নৱদীপক শেহতীয়াকৈ কোনো দলেই আমন্ত্ৰণ জনোৱা নাই । তেওঁৰ পত্নী স্বতী পেছাত এগৰাকী ‘ভ্লগাৰ’ অৰ্থাৎ ভিডিঅ’ৰ জৰিয়তে ব্লগ বনায় । ফেশ্বন, ভ্ৰমণ আৰু জীৱনশৈলীৰ বিষয়ে তেওঁ ব্লগ নিৰ্মাণ কৰে ।

তেওঁৰ এটা ইউটিউব চেনেল আছে । তাত তেওঁ নিয়মিতভাৱে ভিডিঅ’ পোষ্ট কৰে । ইয়াৰ উপৰি তেওঁ বিভিন্ন সময়ত ইনষ্টাগ্ৰামত ভিডিঅ’ আৰু ছবিও পোষ্ট কৰে । কিছুদিন পূৰ্বে নৱদীপে ছৈয়দ মুস্তাক আলী ট্ৰফীত খেলিছিল । ছেমি ফাইনেলত তেওঁৰ দল দিল্লী পঞ্জাৱৰ হাতত পৰাস্ত হয় ।

সেই মেচত তিনি অভাৰত ৩২ ৰাণ ব্যয় কৰে ছাইনীয়ে । সমগ্ৰ প্ৰতিযোগিতাখনৰ সাতখন খেলত তেওঁ মাত্ৰ ৪ টা উইকেটহে লাভ কৰে । ইৰাণী কাপত অৱশিষ্ট ভাৰতীয় দলৰ হৈ খেলিছে তেওঁ ।

মুম্বাই ইণ্ডিয়ানছ আৰু গুজৰাট টাইটানছৰ মাজত ডাঙৰ চুক্তি; আই পি এলত ‘ নিজ ঘৰ’লৈ ঘূৰি আহিব নেকি হাৰ্দিক পাণ্ডিয়া?

১৯ ডিচেম্বৰত ডুবাইত অনুষ্ঠিত হ’ব ইণ্ডিয়ান প্ৰিমিয়াৰ লীগ ২০২৪ৰ নিলাম । নিলামৰ আগতে কিছু ডাঙৰ খবৰ ওলাইছে । খবৰ অনুসৰি, গুজৰাট টাইটানছৰ বৰ্তমানৰ অধিনায়ক হাৰ্দিক পাণ্ডিয়া মুম্বাই ইণ্ডিয়ানছলৈ উভতি যাব । ২০১৫ চনত মুম্বাই ইণ্ডিয়ানছৰ হৈ আই পি এল কেৰিয়াৰ আৰম্ভ কৰিছিল হাৰ্দিকে । হাৰ্দিকৰ বাবে কিমান খৰচ কৰিব মুম্বাই ইণ্ডিয়ানে ?

এক সূত্ৰ মতে, এই বদলি সম্পূৰ্ণৰূপে নগদ ধনেৰে কৰা হ’ব । ইয়াৰ বাবে মুম্বাই ইণ্ডিয়ানছ দলে একালৰ চেম্পিয়ন গুজৰাট টাইটানছক ১৫ কোটি টকা দিব । যদিহে এই চুক্তি সফল হয়, তেন্তে ই সম্ভৱতঃ আই পি এলৰ ইতিহাসত আটাইতকৈ ডাঙৰ ‘প্লেয়াৰ ট্ৰেডিং’ হ’ব ।

অৱশ্যে দুয়োটা ফ্ৰেঞ্চাইজিয়ে এই সন্দৰ্ভত এতিয়াও কোনো ৰাজহুৱা বিবৃতি প্ৰকাশ কৰা নাই । আই পি এল ২০২৩ ৰ নিলামৰ পিছত মুম্বাই ইণ্ডিয়ানছৰ হাতত মাত্ৰ ০.০৫ কোটি টকাহে বাকী আছিল । অনাগত নিলামৰ বাবে অতিৰিক্ত ৫ কোটি টকা লাভ কৰিব ফ্ৰেঞ্চাইজিয়ে । অৰ্থাৎ মুম্বাই ইণ্ডিয়ানছে হয়তো হাৰ্দিক পাণ্ডিয়াক দলত অন্তৰ্ভুক্ত কৰিবলৈ কিছুমান খেলুৱৈক এৰি দিব পাৰে । খেলুৱৈ পঞ্জীয়নৰ অন্তিম সময় ২৬ নবেম্বৰৰ সন্ধিয়া ৪ বজালৈ।

২০২২ চনত তেওঁৰ অধিনায়কত্বতে হাৰ্দিক পাণ্ডিয়াই গুজৰাট টাইটানছক অভিষেক ছিজনতে খিতাপ আনি দিছিল । ৰাজস্থান ৰয়েলছৰ বিৰুদ্ধে ফাইনেলত হাৰ্দিক পাণ্ডিয়া ‘প্লেয়াৰ অৱ দ্য মেচ’ হিচাপে নিৰ্বাচিত হয় । ২০২৩ চনত গুজৰাট টাইটানছ দ্বিতীয়বাৰৰ বাবে আই পি এলৰ ফাইনেলত প্ৰৱেশ কৰিছিল । তাত তেওঁলোকে চেন্নাই ছুপাৰ কিংছ (চি এছ কে)ৰ হাতত পৰাস্ত হৈ ৰানাৰ্ছ আপ হয় ।

উল্লেখ্য যে এই দুয়োটা ছিজনতে হাৰ্দিকৰ নেতৃত্বত গুজৰাট টাইটানছে লীগ পৰ্যায়ত পইণ্ট তালিকাৰ শীৰ্ষত আছিল । গুজৰাট টাইটানছৰ হৈ হাৰ্দিক পাণ্ডিয়াই ৩০ টা ইনিংছত গড়ে ৪১.৬৫ ৰাণ সংগ্ৰহ কৰে । ১৩৩.৪৯ ষ্ট্ৰাইক ৰেটৰ সৈতে ৮৩৩ ৰাণ কৰিছিল । ইয়াৰ উপৰি তেওঁ ৪.১ ইকনমি ৰেটত ১১ টা উইকেট দখল কৰে । বৰ্তমান আহত অৱস্থাত আছে হাৰ্দিক পাণ্ডিয়া । ২০২৩ চনৰ ক্ৰিকেট বিশ্বকাপত তেওঁ মাত্ৰ চাৰিখন খেলহে খেলিবলৈ সক্ষম হৈছিল ।

AJP নেতা দুলু আহমেদৰ পদত্যাগ

AJP নেতা দুলু আহমেদৰ পদত্যাগ।

উপ-সভাপতি পদ ত্যাগ দুলু আহমেদৰ।

ধুবুৰী জিলা তত্ত্বাৱধায়কৰ দায়িত্বৰ পৰাও পদত্যাগ।

দলৰ আন আন দায়িত্বও এৰিলে দুলু আহমেদে।

কামৰূপ জিলাত সভাপতিৰ উপস্থিতিক লৈ তৃণমূলত ক্ষোভ।

তৃণমূলৰ ক্ষোভৰ বাবে পদত্যাগ কৰা বুলি উল্লেখ পত্ৰত।

লুড’ কাপ ফুটবল প্ৰতিযোগিতাত গোগামুখ  স্পৰ্ট একাডেমীৰ অগ্ৰগতি

লোকেল ইউনাইটেড ডেভেলপমেণ্ট অৰ্গেনাইজেশ্বন চমুকৈ লুড’ৰ উদ্যোগত ধেমাজি জিলাৰ গোগামুখ উচ্চতৰ মাধ্যমিক বিদ্যালয়ৰ খেলপথাৰত ৰাজ্যিক ভিত্তিত  শনিবাৰৰ পৰা আৰম্ভ  হৈছে লুড’ কাপ  ফুটবল প্ৰতিযোগিতা ৷

প্ৰতিযোগিতাখনৰ আজিৰ এখন খেলত গোগামুখ স্পৰ্ট একাডেমীয়ে ডিব্ৰুগড়ৰ শক্তিশালী ফুটবল দল চাবুৱা এফ চিক ১-০ গ’লৰ ব্যৱধানত পৰাজিত কৰি পৰৱৰ্তী পৰ্যায়ত উপনীত হৈছে ৷

আক্ৰমণ -প্ৰত্যাক্ৰমণেৰে পূৰ্ণ খেলখনত  গোগামুখ স্পৰ্ট একাডেমীৰ হৈ নিৰ্ভৰযোগ্য লেফ্ট উইংগাৰ নৱজ্যোতি টাৱে একমাত্ৰ গ’লটো দিবলৈ সক্ষম হয় ৷

খেলখন পৰিচালনা কৰে  কৰে লাকীৰঞ্জন বৰুৱাই ৷ তেওঁক লাইনত সহায় কৰে বিদ্যুত বিকাশ মিলি, মনোৰঞ্জন বৰগোঁহায়ে ৷ চতুৰ্থ পৰিচালক হিচাপে থাকে আব্দুল মজিদে ৷ মেছ কমিছনাৰ হিচাপে থাকে মনোজ পেগুৱে ৷

দেৰগাঁৱৰ জ্যেষ্ঠ সাংবাদিক ভাস্কৰ বৰদলৈৰ মৃত্যুত শোকৰ ছাঁ

দেৰগাঁৱৰ জ্যেষ্ঠ সাংবাদিক ভাস্কৰ বৰদলৈৰ দেহাৱসান।শনিবাৰে পুৱতিনিশা পৰলোকপ্ৰাপ্তি ঘটে সাংবাদিকগৰাকীৰ।

১৯৯৫ চনতেই সংবাদক্ষেত্ৰত খোজ দিয়া ভাস্কৰ জ্যোতি বৰদলৈ আছিল এজন জনপ্ৰিয় সাংবাদিক।

এটা ব্যক্তিগত ছেটেলাইট চেনেলৰ দেৰগাঁৱৰ সাংবাদিক হিচাপে সংবাদ সেৱা আগবঢ়ায় আহিছিল ভাস্কৰজ্যোতি বৰদলৈয়ে। সমান্তৰালকৈ দেৰগাঁৱৰ পৰা কেইবাখনো বাতৰি কাকততো সেৱা আগবঢ়াইছিল বৰদলৈয়ে।

দেৰগাঁও সাংবাদিক সংস্থাৰ সভাপতি হিচাপেও কাৰ্যনিৰ্বাহ কৰি আছিল বৰদলৈয়ে।বিগত কিছুদিন ধৰি শাৰিৰীক অসুস্থতাত ভুগি আহিছিল সাংবাদিকগৰাকী।

মৃত্যুৰ সময়ত বৰদলৈয়ে পিতৃ-মাতৃ, পত্নী আৰু দুই সন্তানক এৰি গৈছে। জেষ্ঠ্য সাংবাদিক জনৰ মৃত্যুৰ খবৰে গভীৰ শোকৰ ছাঁ পেলাইছে সমগ্ৰ দেৰগাঁৱত।

অভিযোগ প্ৰমাণিত হ’লে মৃত্যুদণ্ডৰ সন্মুখীন হ’বলৈ সাজু যোগগুৰু বাবা ৰামদেৱ

স্বঘোষিত যোগগুৰু বাবা ৰামদেৱৰ পুনৰ বিতৰ্ক। ‘কৰ’না ঔষধ’ হওক বা আয়ুৰ্বেদিক বনৌষধি হওক, ৰামদেৱৰ আয়ুৰ্বেদিক কোম্পানী ‘পতঞ্জলি’ৰ বিভিন্ন সামগ্ৰীয়ে বিভিন্ন সময়ত বিতৰ্কৰ সৃষ্টি কৰিছে। ইয়াৰ পূৰ্বে বিজ্ঞাপন প্ৰচাৰত ‘ভুল বাৰ্তা’ দিয়াৰ বাবে আদালতত গোচৰ ৰুজু হৈছিল। এইবাৰ উচ্চতম ন্যায়ালয়ৰ পৰ্যবেক্ষণৰ পিছত ৰামদেৱেও প্ৰতিপক্ষৰ প্ৰত্যাহ্বান আৰম্ভ কৰিছে। তেওঁৰ সংগঠনৰ বিৰুদ্ধে মিছা প্ৰচাৰৰ অভিযোগ প্ৰমাণিত হ’লে তেওঁ মৃত্যুদণ্ডৰ সন্মুখীন হ’বলৈ সাজু বুলি দাবী কৰে।

যোৱা ২১ নৱেম্বৰত সেই সংগঠনটোক কঠোৰ সতৰ্কবাণী দিছিল। শীৰ্ষ আদালতে কয় যে তেওঁৰ কোম্পানীয়ে বিভিন্ন ৰোগৰ নিৰাময় হিচাপে বিজ্ঞাপনত “মিছা আৰু বিভ্ৰান্তিকৰ দাবী” কৰা বন্ধ কৰিবলগীয়া হৈছে। অন্যথা ৰামদেৱৰ কোম্পানীয়ে প্ৰতিটো দাবীৰ জৰিমনা হিচাপে ১ কোটি টকা দিবলৈ সাজু হ’ব লাগে।

উচচতম ন্যায়ালয়ৰ ন্যায়াধীশ আহছানুদ্দিন অমানুল্লাহ আৰু ন্যায়াধীশ প্ৰশান্ত কুমাৰ মিশ্ৰৰ বিচাৰপীঠে ভাৰতীয় চিকিৎসা সংস্থাৰ আবেদনৰ ভিত্তিত শুনানি গ্ৰহণ কৰি আছিল। আদালতৰ মতে, ভুৱা বিজ্ঞাপন বিয়পোৱাৰ বাবে ৰামদেৱৰ কোম্পানীটোক ১ কোটি টকাৰ জৰিমনা বিহা হ’ব পাৰে। আদালতে মৌখিকভাৱে খবৰ দিয়াৰ পিছতে ৰামদেৱৰ সংগঠনটোৱে উন্মাদনাত নামি পৰে।

একাংশ চিকিৎসকে উদ্দেশ্যপ্ৰণোদিতভাৱে তেওঁৰ সংগঠনক কলংকিত কৰাৰ চেষ্টা চলাইছে বুলি অভিযোগ উত্থাপন কৰে ৰামদেৱে। আৰু সেইটোৱেই তেওঁলোকে অবিৰতভাৱে কৰিবলৈ চেষ্টা কৰি আছে। কেৱল তেওঁৰ সংগঠনেই নহয়, ৰামদেৱৰ দাবী, সেই চিকিৎসকসকলে আচলতে আয়ুৰ্বেদিক চিকিৎসা ব্যৱস্থাৰ বিৰুদ্ধে জেহাদ ঘোষণা কৰিছে। ৰামদেৱৰ প্ৰতি-অভিযোগ হৈছে যে তেওঁৰ সংগঠনৰ নামত মিছা প্ৰচাৰ কৰা হৈছে।

উচ্চতম ন্যায়ালয়ৰ পৰ্যবেক্ষণ আৰু মন্তব্যৰ পিছতে উত্তৰাখণ্ডৰ হৰিদ্বাৰত এখন সংবাদমেল অনুষ্ঠিত কৰে ৰামদেৱে। তাতে স্বঘোষিত যোগগুৰুজনে ক’লে, “এতিয়া বিভিন্ন মাধ্যমত এটা খবৰ ভাইৰেল হৈছে।” অৰ্থাৎ উচ্চতম ন্যায়ালয়ে পতঞ্জলিক ধমক দিলে। উচ্চতম ন্যায়ালয়ে কয় যে, যদি মিছা অপপ্ৰচাৰ কৰা হয় তেন্তে জৰিমনা ভৰিব লাগে।”

সংবাদমেলত ৰামদেৱে দাবী কৰে যে, তেওঁলোকে কোনো মিছা কথা প্ৰচাৰ কৰা নাছিল। একাংশ চিকিৎসকে তেওঁলোকৰ বিৰুদ্ধে ষড়যন্ত্ৰ কৰিছে। তাৰ পাছত ৰামদেৱে ক’লে, “আমি যদি মিছলীয়া, তেন্তে ১০০০ কোটি টকা জৰিমনাৰ লগতে আমিও মৃত্যুদণ্ডৰ সন্মুখীন হ’বলৈ সাজু।”

যুদ্ধ আৰম্ভ হোৱাৰ প্ৰায় ২ মাহৰ পিছত হামাছে মুকলি কৰি দিলে ২৫ জন পণবন্দী

ইজৰাইল-হামাছ যুদ্ধ আৰম্ভ হোৱাৰ প্ৰায় ২ মাহৰ পিছত শুকুৰবাৰে গাজাত চাৰিদিনীয়া যুদ্ধবিৰতি আৰম্ভ হয়।

ইজৰাইলৰ সংবাদ মাধ্যমৰ মতে, তেৰজন ইজৰাইলী পণবন্দীক মুকলি কৰি দিয়া হয় আৰু ১২ জন থাই পণবন্দীকো মুকলি কৰি দিয়া হয়।

এই চুক্তিত উগ্ৰপন্থী আৰু ইজৰাইলৰ কাৰাগাৰত বন্দী পেলেষ্টাইনীৰ হাতত থকা কেইবাজনো পণবন্দীক মুকলি কৰি দিয়া হৈছে।

ইজৰাইলৰ প্ৰধানমন্ত্ৰী বেঞ্জামিন নেতানিয়াহুৱে কয় যে যুদ্ধবিৰতিৰ ম্যাদ উকলি যোৱাৰ পিছত তেওঁ যুদ্ধখন আগুৱাই নিব।

ইউপিপিএলৰ প্ৰতি মোহভংগ বিটিচিৰ জনতাৰ!বিপিএফলৈ ঢাপলি ইউপিপিএল-বিজেপি নেতা-কৰ্মীৰ…

ইউপিপিএলৰ প্ৰতি মোহভংগ বিটিচিৰ জনতাৰ।বিপিএফলৈ ঢাপলি ইউপিপিএল-বিজেপি নেতা-কৰ্মীৰ।বিজনীত প্ৰায় ডেৰশ বিজেপি-ইউপিপিএলৰ নেতা কৰ্মীৰ বিপিএফত যোগদান। বিজেপিৰ নেতা বিজেন বসমুতাৰী বিপিএফত যোগদান,যোৱা বিটিআৰৰ সুভাইঝাৰ পাৰিষদীয় সমষ্টিৰ বিজেপি দলৰ প্ৰাৰ্থী আছিল বসমুতাৰীয়ে। ইউপিপিএলৰ প্ৰতি মোহভংগ হৈছে নেকি বিটিচিৰ জনতাৰ।লোকসভা নিৰ্বাচনক কেন্দ্ৰ কৰি ৰাজনৈতিক দল সমূহৰ মাজত যিমানেই তৎপৰতা বৃদ্ধি পাইছে বিটিচিত সিমানেই বৃদ্ধি পাইছে দল ত্যাগৰ ধুমুহা।ইয়াৰ মাজতে বিজনীৰ নোৱাপাৰাত বিপিএফৰ এক যোগদান কাৰ্যসূচীত বিজেপি আৰু ইউপিপিএল দল ত্যাগ কৰি বিপিএফত যোগদান কৰে ১৩৬ গৰাকী নেতা কৰ্মীয়ে।বিপিএফৰ উপ সভাপতি খাম্ফা বৰগয়াৰী আৰু বিটিআৰ প্ৰাক্তন পাৰিষদ তথা বিপিএফ দলৰ সহকাৰী সাধাৰণ সম্পাদক খলিলুৰ ৰহমানৰৰ উপস্থিত অনুষ্ঠিত হয় এই যোগদান কাৰ্যসূচী যোৱা বিটিআৰৰ সুভাইঝাৰ পাৰিষদীয় সমষ্টিৰ বিজেপিৰ প্ৰাৰ্থী বিজেন বসমুতাৰীয়ে আজি বিপিএফ দলত যোগদান কৰে। বিটিআৰ নিৰ্বাচনত ৪৮০০ ভোট লাভ কৰিছিল বসমুতাৰীয়ে। যোৱা বিটিআৰৰ পাৰিষদীয় সমষ্টিৰ বিজেপি পৰা তেওঁক প্ৰাৰ্থী হিচাপে প্ৰক্ষেপ কৰি তলে তলে অন্য দলক সমৰ্থন কৰি তেওঁক হেৰাইছিল দলে, বিজেপি দল ঠোক বাজি দ’ল বুলি কয়। লগতে ইউ পি পি এল দলৰ জেষ্ঠ্য কৰ্মী ধীৰেন বসমুতাৰী দ’ল ত্যাগ কৰি বিপিএফ দলত যোগদান কৰে।

সমষ্টি পুনৰ নিৰ্ধাৰণৰ পিছত বিজনী বিধানসভা সমষ্টি আৰু কোকৰাঝাৰ লোকসভা সমষ্টিত সোমাই পৰা নোৱাপাৰা, ১ নং নোৱাপাৰা, ১ আৰু ২ নং শিশুবাৰী, বাঘমাৰাকে আদি কৰি পাঁচখন গাঁৱৰ ১৩৬ গৰাকী লোকে যোগদান কৰে বিপিএফত।ইউপিপিএলে প্ৰতিশ্ৰুতি দি প্ৰতিশ্ৰুতি ৰক্ষা কৰা নাই, একো উন্নয়ন কৰিব পৰা নাই, ইউপিপিএলৰ প্ৰতি ৰাইজৰ মোহভংগ হৈছে, সেয়ে ৰাইজে পুনৰ হাগ্ৰামা মহিলাৰীৰ নেতৃত্বত বিপিএফৰ চৰকাৰ বিচাৰিছে, যাৰ বাবে ইউপিপিএল দল ত্যাগ কৰি বিপিএফত যোগদান কৰিবলৈ ওলাই আহিছে ৰাইজ।এই মন্তব্য বিপিএফৰ উপ সভাপতি খাম্ফা বৰগয়াৰীৰ।

ধোনী নহয়, সুৰেশ ৰাইনাৰ ডাঙৰ অনুৰাগী ৰিংকু সিং…

ৰিংকু সিং: ধোনী নহয়, সুৰেশ ৰাইনাৰ ডাঙৰ অনুৰাগী ৰিংকু সিং। ৰিংকু সিঙে তেওঁৰ শেহতীয়া এটা সাক্ষাৎকাৰত প্ৰকাশ কৰিছে যে তেওঁৰ আদৰ্শ ব্যক্তি ধোনী নহয় সুৰেশ ৰাইনাহে। আই পি এল ২০২৩ত কলকাতা নাইট ৰাইডাৰ্ছ আৰু গুজৰাট টাইটানছৰ মাজত হোৱা এখন খেলৰ সময়ত শেষৰ পাঁচটা বলত ৫টা ছয় মাৰি মেচখনত জয়লাভ কৰি ৰিংকু সিঙৰ নাম বিশ্ব ক্ৰিকেটত জনপ্ৰিয় হৈ পৰে। ইয়াৰ পিছত তেওঁ টিম ইণ্ডিয়াতো খেলাৰ সুযোগ পাইছিল, আৰু তাত তেওঁ আই পি এলত নিজৰ দল কে কে আৰৰ হৈ খেলি থকা একেটা ভূমিকাকে ভালদৰে পালন কৰিছিল।

সুৰেশ ৰাইনাক নিজৰ প্ৰেৰণা বুলি গণ্য কৰা ৰিংকু সিঙে শেহতীয়া সাক্ষাৎকাৰত কয় যে, মই সুৰেশ ৰাইনাৰ ডাঙৰ অনুৰাগী। মই তেওঁক অনুসৰণ কৰিবলৈ চেষ্টা কৰো। মোৰ জীৱন আৰু কেৰিয়াৰত তেওঁ এক বৃহৎ ভূমিকা পালন কৰিছে। বেটৰ পৰা আৰম্ভ কৰি পেডলৈকে সকলো কামতে তেওঁ মোক সহায় কৰিছে। মোৰ বাবে তেওঁ সকলো। যেতিয়াই মোৰ কিবা সন্দেহ হয় তেতিয়াই ৰাইনলৈ ফোন কৰো। মোৰ বাবে তেওঁ ডাঙৰ ভাইতকৈও বেছি ।

ইয়াৰ বাহিৰেও ৰিংকু সিঙে তেওঁৰ সাক্ষাৎকাৰত কয়, “মই আলিগড়ৰ আই পি এল আৰু ভাৰতৰ হৈ খেলা প্ৰথমজন খেলুৱৈ আৰু প্ৰতিজন খেলুৱৈয়ে বিশ্বকাপত নিজৰ দেশক প্ৰতিনিধিত্ব কৰাৰ সপোন দেখে। মইও একেই সপোন দেখিছো আৰু কাম কৰি আছো।” যেতিয়াই, য’তেই, যিকোনো ফৰ্মেটত মই সুযোগ পাম, মই মোৰ ১০০ শতাংশ দিম।”


‘সম্পৰ্ক বজাই ৰখাটো সহজ নহয়…’ – ৰণবীৰ কাপুৰ…

আলিয়া ভাট-ৰনবীৰ কাপুৰঃ শেহতীয়াকৈ এটা চেট শ্ব’ৰ সময়ত ৰণবীৰ কাপুৰে নিজৰ বিবাহিত জীৱনৰ বহু গোপন কথা প্ৰকাশ কৰিছিল। ৰণবীৰ কাপুৰে কয় যে আলিয়াই তিতা টাৱেলখন য’তে ত’তে পেলাই দিয়ে…! বলীউডৰ তাৰকা ৰণবীৰ কাপুৰ আগন্তুক ছবি এনিমেলৰ বাবে বৰ্তমান শিৰোনামত। এনিমেলৰ প্ৰচাৰত ব্যস্ত ৰনবীৰ কাপুৰে শেহতীয়াকৈ এটা চেট শ্ব’ত অংশ লৈছিল, য’ত তেওঁ নিজৰ বিবাহিত জীৱনৰ বহু গোপন কথা প্ৰকাশ কৰিছিল। আড্ডাত ৰণবীৰ কাপুৰে কয় যে সম্পৰ্ক বজাই অতি ৰখাটো কঠিন। কাৰণ মানুহ এনেকুৱা এটা প্ৰাণী যাক বুজিবলৈ বৰ কঠিন।


ৰণবীৰে ক’লে- এতিয়া আমি একেলগে থকা ৬ বছৰ হ’ল । মই ভাবো প্ৰথম বছৰতে ইজনে সিজনৰ ব্যক্তিত্ব কেনেকৈ চম্ভালিব লাগে জানিব লাগে। সম্পৰ্ক বজাই ৰখাটো কঠিন, মানুহ অতি কঠোৰ প্ৰাণী, বুজিবলৈ বৰ কঠিন। সম্পৰ্কত আনজনক বুজিব লাগিব আৰু তেওঁলোকৰ প্ৰতি সহানুভূতিশীল হ’ব লাগিব।

চেট শ্ব’টোত ৰণবীৰ কাপুৰে কয় যে বিবাহ সফল হ’বলৈ কঠোৰ পৰিশ্ৰম কৰিব লাগিব। আলিয়াই গা ধুই বাথৰুমৰ পৰা ওলাই আহিলে তাইৰ টাৱেলখন মজিয়াতে পেলাই থয়। মই সদায় তেওঁৰ টাৱেলখন তুলি থওঁ, মই ভাবো সৰু সৰু কথাবোৰেহে বিয়াখন সফল কৰি তোলে।