আফগানিস্তান ভূমিকম্পঃ আজি আফগানিস্তানৰ কাবুলত ৪.১ প্ৰাবল্যৰ ভূমিকম্প সৃষ্টি হয়। আজি পুৱা ৩:১৪ বজাত সংঘটিত হয় এই ভূমিকম্প। ৰাষ্ট্ৰীয় ভূমিকম্পবিজ্ঞান কেন্দ্ৰৰ তথ্য অনুসৰি ভূমিকম্পৰ কেন্দ্ৰৰ গভীৰতা মাটিৰ পৰা ৭৩ কিলোমিটাৰ তলত বুলি কোৱা হৈছে। ভূমিকম্পৰ ফলত কোনো ধৰণৰ হতাহতিৰ তথ্য লাভ কৰা নাই।
শেহতীয়াকৈ আফগানিস্তানত প্ৰবল ভূমিকম্পৰ তীব্ৰতা ৬.৩ জুখিছিল। প্ৰায় ২৫০০ লোকৰ মৃত্যু হোৱা বুলি দাবী কৰা হৈছিল। এই ভূমিকম্পটো যোৱা মাহৰ অক্টোবৰ মাহৰত সংঘটিত হৈছিল। এই সময়ছোৱাত প্ৰায় ৯ হাজাৰ লোকো আহত হৈছিল।
কফি উইথ কৰণ ৮: বৰুণ ধাৱন আৰু সিদ্ধাৰ্থ মালহোত্ৰাই কৰণ জোহৰৰ ‘কফী উইথ কৰণ ৮’ শ্ব’ৰ পৰৱৰ্তী অতিথি হিচাপে উপস্থিত থাকিব। এই শ্ব’টোত সিদ্ধাৰ্থে কয় যে তেওঁ পত্নী কিয়াৰা আদৱানীক কি নামেৰে মাতে। কৰণ জোহৰৰ আটাইতকৈ জনপ্ৰিয় আড্ডা শ্ব’ কফি উইথ কৰণ। এক তথ্য অনুসৰি সিদ্ধাৰ্থ মালহোত্ৰাই পত্নী কিয়াৰা আদৱানীক কি নামেৰে মাতে সেই কথা জনাইছে।
আচলতে ৰেপিড ফায়াৰ ৰাউণ্ডৰ সময়ত যেতিয়া কৰণে অভিনেতাজনক সুধিছিল যে আপুনি কিয়াৰাক কোন তিনিটা নামেৰে মাতে। এই বিষয়ে সিদ্ধাৰ্থই কৈছে, ‘লাভ, কি আৰু বে’ এই তিনিটা নামাৰে কিয়াৰাক নামাকৰণ কৰে সিদ্ধাৰৰ্থে।
বিশ্বকাপ ২০২৭: ২০২৭ চনত অনুষ্ঠিত হ’ব পৰৱৰ্তী এদিনীয়া বিশ্বকাপ। দলৰ সংখ্যা আৰু ফৰ্মেটৰ ক্ষেত্ৰত এইবাৰৰ বিশ্বকাপৰ পৰা বহুত বেলেগ হ’ব। বিশ্বকাপ ২০২৩ সম্পূৰ্ণ হ’ল। ফাইনেলত প্ৰৱেশ কৰাৰ পিছত টিম ইণ্ডিয়াই ট্ৰফী উত্তোলনৰ পৰা বঞ্চিত হয়। এতিয়া ভাৰতীয় ক্ৰিকেট অনুৰাগীয়ে টিম ইণ্ডিয়াৰ হাতত বিশ্বকাপৰ ট্ৰফী চাবলৈ আৰু চাৰি বছৰ অপেক্ষা কৰিব লাগিব। এদিনীয়া ক্ৰিকেটৰ পৰৱৰ্তী বিশ্বকাপ এতিয়া ২০২৭ চনত অনুষ্ঠিত হ’ব। এই বিশ্বকাপৰ আয়োজন কৰে দক্ষিণ আফ্ৰিকা, জিম্বাবুৱে আৰু নামিবিয়াই। তিনিওখন দেশে একেলগে পৰৱর্তী বিশ্বকাপ আয়োজন কৰিব।
আফ্ৰিকা মহাদেশত দ্বিতীয়বাৰৰ বাবে অনুষ্ঠিত হ’ব বিশ্বকাপ। ইয়াৰ পূৰ্বে আফ্ৰিকাত বিশ্বকাপ ২০০৩ৰ আয়োজন কৰা হৈছিল। ইয়াৰ পিছত কেনিয়াত দক্ষিণ আফ্ৰিকা আৰু জিম্বাবুৱেৰ লগতে বিশ্বকাপৰ খেল অনুষ্ঠিত হয়। সেই বিশ্বকাপত দক্ষিণ আফ্ৰিকা আৰু জিম্বাবুৱে গ্ৰুপ পৰ্যায়ৰ পৰা বাহিৰ হৈছিল যদিও কেনিয়া ছেমি ফাইনেলত প্ৰৱেশ কৰে। ছেমি ফাইনেলত ভাৰতীয় দলৰ হাতত পৰাজয়ৰ সন্মুখীন হ’বলগীয়া হৈছিল কেনিয়াই। আয়োজক হোৱাৰ বাবে দক্ষিণ আফ্ৰিকা আৰু জিম্বাবুৱেই ২০২৭ বিশ্বকাপ খেলাটো নিশ্চিত যদিও নামিবিয়াৰ ক্ষেত্ৰত এনে নহ’ব। আগন্তুক কেইবছৰমানৰ ভিতৰত তেওঁ নিজৰ প্ৰদৰ্শনৰ ভিত্তিত নিজৰ স্থান দখল কৰিব লাগিব। নামিবিয়াৰ বিশ্বকাপত প্ৰৱেশৰ সূত্ৰ আন দলৰ দৰেই থাকিব।
পৰৱৰ্তী বিশ্বকাপত ১৪টা দলে অংশগ্ৰহণ কৰিব।
তেলীয়া ছালত ঘৰুৱা উপায়: তেলীয়া ছাল থকা লোকে ছালত এনেকুৱা একো লগাব নালাগে যিটো সাধাৰণ ছালত প্ৰয়োগ কৰিব পাৰি। কিছুমান নিৰ্বাচিত বস্তুৰ পৰা আঁতৰি থকা ভাল। তেলীয়া ছালত থকা লোকে মুখৰ বিশেষ যত্ন ল’ব লাগে, নহ’লে মুখৰ সৌন্দৰ্য্যত ইয়াৰ বেয়া প্ৰভাৱ পৰে। আমি প্ৰায়ে তেলীয়া ছালত এনে বিউটি প্ৰডাক্ট বা ফেচ পেক লগাই দিওঁ যিয়ে ক্ষতি কৰিব পাৰে। আজি আমি সেইবোৰ কথা ক’ম যিবোৰ তেলীয়া ছালত ব্যৱহাৰ কৰিব নালাগে। তেলীয়া ছালত এই ৪টা বস্তু লগাব নালাগে-
১/ ক্ৰীম
মুখখন উজ্জ্বল কৰিবলৈ ক্ৰীম ব্যৱহাৰ কৰাটো একেবাৰে স্বাভাৱিক, কিন্তু যদি তেলীয়া ছালৰ লোকে এনে কৰে, তেন্তে মুখত তেলৰ পৰিমাণ আৰু বৃদ্ধি পাব, যাৰ ফলত ফোঁহা আৰু পিম্পল বৃদ্ধি হ’ব পাৰে।
২/ পেট্ৰলিয়াম জেলী
আমি মুখৰ বহু সমস্যা দূৰ কৰিবলৈ পেট্ৰলিয়াম জেলী ব্যৱহাৰ কৰো, কিন্তু ইতিমধ্যে তেলীয়া মুখত এই সামগ্ৰী প্ৰয়োগ কৰিলে ছালখন অধিক আঠাযুক্ত হৈ পৰিব।
৩/ নাৰিকল তেল
নাৰিকল তেল ছালৰ ঔষধতকৈ কম নহয়, কিন্তু তেলীয়া ছালত কেতিয়াও ব্যৱহাৰ নকৰিব কাৰণ ই মুখৰ ছিদ্ৰ বন্ধ কৰি দিব, যাৰ ফলত পিম্পল আৰু ৰেচ হোৱাৰ সম্ভাৱনা বৃদ্ধি পায়।
৪/ বেচন
মুখৰ সৌন্দৰ্য্য বঢ়াবলৈ প্ৰায়ে বেচনৰ ফেচ পেক ব্যৱহাৰ কৰা হয়, কিন্তু তেলীয়া ছালৰ বাবে ই ভাল নহয়, কাৰণ ইয়াৰ ফলত মুখত বিষ হয়।
অষ্ট্ৰেলিয়াৰ বিৰুদ্ধে T20 মেচৰ বাবে ঘোষণা ভাৰতীয় দল, সূৰ্যকুমাৰ যাদৱক অধিনায়কৰ দায়িত্ব। প্ৰথম ৩খন খেলত ঋতুৰাজ গাইকোৱাড় হ’ব সহঃ অধিনায়ক৷
শেষৰ ২খন মেচত শ্ৰেয়াছ আয়াৰক সহঃ অধিনায়কৰ দায়িত্ব৷ ভাৰতীয় দলত অন্তৰ্ভুক্ত ঈশান কিষাণ, যশস্বী জয়ছোৱাল, তিলক বাৰ্মা, ৰিংকু সিং, জিতেশ শৰ্মা, ৱাশ্বিংটন সুন্দৰ, অক্ষৰ পেটেল, শিৱম ডুবে, ৰবি বিষ্ণই, অৰ্শদীপ সিং, প্ৰসিদ্ধ কৃষ্ণা, আৱেশ খান, মুকেশ কুমাৰ৷
২৩ নৱেম্বৰৰ পৰা আৰম্ভ হ’ব ভাৰত-অষ্ট্ৰেলিয়াৰ ৫খনীয়া T20 শৃংখলা৷ আনহাতে দলত স্থান নাপালে অসমৰ ৰিয়ান পৰাগে।
২০ নবেম্বৰৰ পৰা ২২ নবেম্বৰলৈ ৰাজ্যৰ লগতে কামৰূপ জিলাৰ চিকিৎসালয় সমুহত চলিব স্বাস্থ্য সেৱাৰ মূল্যায়ন ।
কামৰূপ জিলা তোলাৰাম বাফনা অসামৰিক চিকিৎসালয়ত মূল্যায়ক হিচাপে উপস্থিত ৰাজ্যৰ আৰক্ষী সঞ্চালক প্ৰধান জি পি সিং ।
স্বাস্থ্য সেৱা উৎসৱৰ মূল্যায়ক হিচাপে উপস্থিত থাকি সঞ্চালক প্ৰধানগৰাকীয়ে পৰ্যবেক্ষণ কৰিলে চিকিৎসালয় খনত থকা সা সুবিধাসমুহ।
এনে গুণগত মান নিৰ্ণায়ক উৎসৱে স্বাস্থ্য সেৱাৰ মান উন্নত কৰি জনসাধাৰণক উপকৃত কৰিব বুলি আশা প্ৰকাশ আৰক্ষী সঞ্চালক প্ৰধানগৰাকীৰ।
একে সময়তে চিকিৎসালয় খনিৰ নিৰ্মিয়মান চৌহদ পৰিদৰ্শন কৰে আৰক্ষী সঞ্চালক প্ৰধান গৰাকীয়ে।
অহা বছৰত আৰম্ভণিতেই চিকিৎসালয়খনৰ নতুন চৌহদ মুকলিৰ কথাও অবগত কৰে জি পি সিঙে।
ডিগবৈৰ লায়নচ ক্লাৱৰ সভা কক্ষত সোমবাৰে অনিতা দাস সোঁৱৰণি শৈক্ষিক ন্যাসৰ দ্বাদশ বঁটা প্রদান অনুষ্ঠান অনুষ্ঠিত হয়।
সাংবাদিক পল্লৱ শৰ্মাই আঁত ধৰা অনুষ্ঠানৰ আৰম্ভনিতে বৰগীত পৰিবেশন কৰা হয়।
অনিতা দাসৰ প্রতিচবিৰ সন্মুখত বন্তি প্রজ্বলন আৰু পুষ্পাঞ্জলী প্রদান কৰে মুখ্য অতিথি গড়গাঁও মহাবিদ্যালয়ৰ অধ্যাপক ড০ ৰমানন্দ দাসে।
ডিগবৈ মহাবিদ্যালয়ৰ অধ্যক্ষ ড০ দীপ শইকীয়াই উদ্বোধন কৰা অনুষ্ঠানত জিলা সাহিত্য সভাৰ সভাপতি মোহন মৰাণ, উপসভাপতি দ্বীপেন কুমাৰ বড়া, ডিগবৈ লায়নচ ক্লাৱৰ সভাপতি আদি কেইবাগৰাকী বিশিষ্ট ব্যক্তি উপস্থিত থাকে।
অনুষ্ঠানত তিনিচুকীয়া জিলাৰ জ্যেষ্ঠ সাংবাদিক ,জিলা সাহিত্য সভা আৰু জিলা সাংবাদিক সংস্থাৰ প্রাক্তন সভাপতি অৰ্জুন বৰুৱাক সম্বৰ্ধনা জনোৱাৰ লগতে ১২ গৰাকী মেধাৱী আৰু শিক্ষা, সাহিত্য সংস্কৃতিৰ লগত জড়িত ছাত্র ছাত্রীক শৈক্ষিক ন্যাসৰ তৰফৰ পৰা উপযুক্ত মানৱ সম্পদ হিচাপে নিজকে গঢ়ি তোলাৰ বাবে প্রেৰণা যোগোৱাৰ উদেশ্য বঁটা সমূহ প্রদান কৰে।
ইয়াৰ লগতে স্বাস্থ্য সেৱাত অৰিহনা যোগোৱা দুগৰাকী স্বাস্থ্য কৰ্মীকো সন্মানিত কৰা হয়।
ন্যাসৰ মুখ্য সমন্বয় ৰক্ষী গোপাল চন্দ্র দাসে আদৰণি ভাষণ দিয়া অনুষ্ঠানত শৈক্ষিক ন্যাসটোৰ বাৰ্ষিক মুখপত্র উন্মোচন কৰে ড০ দীপ শইকীয়াই।
অনুষ্ঠানত কেইবাগৰাকী শিল্পীয়ে গীত মাত পৰিবেশন কৰি জীপাল কৰি তোলে।
এই সভাতে ন্যাসৰ তৰফৰ পৰা ডিগবৈ মহাবিদ্যালয়ত ড০ বি আৰ আম্বেদকাৰ অধ্যয়ন কেন্দ্র স্থাপনৰ প্রস্তাৱ আগবঢ়োৱাৰ লগতে ইয়াৰ বাবে এক লাখ টকা আৰু প্রতিবছৰে বিশ হাজাৰ টকা মূল্যৰ গ্রন্থ আগবঢ়াব বুলি ন্যাসৰ মুখ্য সমন্বয় ৰক্ষী গৰাকীয়ে সদৰী কৰে।
-বিকাশ বৰুৱা,মাৰ্ঘেৰিটা
তৃণমূল কংগ্ৰেছৰ বজালী আৰু নলবাৰীৰ একাংশ নেতা-কৰ্মীৰ কংগ্ৰেছত যোগদান।
জিলা দুখনৰ তৃণমূল কংগ্ৰেছৰ সভাপতি, উপ-সভাপতি, মহিলা নেত্ৰীসহ কুৰিৰো অধিক তৃণমূল কংগ্ৰেছৰ নেতা-কৰ্মীয়ে সোমবাৰে ৰাজীৱ ভৱনত প্ৰদেশ কংগ্ৰেছৰ সভাপতি ভূপেন বৰাৰ উপস্থিতিত কংগ্ৰেছ দলৰ সদস্যপদ গ্ৰহণ কৰে।
যোগদান কাৰ্যসূচীত প্ৰদেশ কংগ্ৰেছৰ কাৰ্যকৰী সভাপতি ৰাণা গোস্বামী, মহিলা কংগ্ৰেছৰ সভানেত্ৰী মীৰা বৰঠাকুৰ, মানস বৰা, কংকণ দাস, ৰাতুল কলিতা, বেদব্ৰত বৰা আদি নেতাসকলো উপস্থিত থাকে।
যোৰাবাটত পুনৰ চোৰাং গৰুভৰ্তি দুখন ট্ৰাক জব্দ।
ট্ৰাক দুখনৰ পৰা উদ্ধাৰ ৫৫টাকৈ গো-ধন।
চোৰাং গৰুসহ আৰক্ষীৰ জালত ৩ সৰবৰাহকাৰী।
ধৃত হাৰমান লইংড, কিমি ডাকহাৰ, চোনিক তাৰিয়ং।
নগাঁৱৰ পৰা বৰ্ণিহাট অভিমুখী আছিল ট্ৰাক দুখন।
শিশু সকলৰ সৰ্বাংগীন বিকাশৰ উদ্দেশ্যে সাম্প্ৰতিক সময়ত এক বিশেষ পদক্ষেপ লোৱাৰ মানসেৰে
মহিলা আৰু শিশু কল্যান বিভাগ নগাঁৱৰ অধীনত সোমবাৰে শিশু অধিকাৰ দিৱসটি উদযাপন কৰা হয়।
এই বিশেষ দিৱসটিৰ লগত সংগতি ৰাখি নগাঁও মহাবিদ্যালয় (অ’টনমাছ্)ৰ ৰাষ্ট্ৰীয় সেৱা আঁচনি (NSS) ৰ সহযোগত উক্ত দিৱসটি উদযাপনৰ অৰ্থে বেটি বছাও বেটি পঢ়াও আঁচনিৰ অধীনত দিনৰ ১০:৩০ বজাত নগাঁও চহৰৰ মাজেৰে এটি সজাগতা মূলক শোভাযাত্ৰা উলিওৱা হয়।
উক্ত শোভাযাত্ৰাটি শুভ উদ্ধোধন কৰে নগাঁও মহাবিদ্যালয়ৰ উপাধ্যক্ষ ড° পুলিন চন্দ্ৰ বৰা আৰু নগাঁও জিলা মহিলা ও শিশু বিকাশ বিষয়া বিদ্যুৎ হাজৰিকাই।
অনুষ্ঠানত উপস্থিত থাকে ক্ৰমে নগাঁও মহাবিদ্যালয় (অ’টনমাছ্)ৰ ৰাষ্ট্ৰীয় সেৱা আচঁনিৰ তত্বৱধায়ক তথা অধ্যাপক ড°ভূৱন চন্দ্ৰ চুতীয়া,জিলা মহিলা সবলিকৰণ কেন্দ্ৰৰ জিলা কাৰ্যক্ৰম সম্বনয়ক কুইন বৰা,পশ্চিম কলিয়াবৰ সংহত শিশু উন্নয়ন বিষয়া অঞ্জলি দাস, জিলা মিছন সম্বনয়ক বৰ্ণালীকা গোস্বামী,সমাজ কল্যাণ বিভাগৰ লিংগ বিশেষজ্ঞ সুৰজিত বৰঠাকুৰকে প্ৰমুখ্যে কৰি সমাজ কল্যাণ বিভাগৰ বিষয়া- কৰ্মচাৰী সকল আৰু নগাঁও মহাবিদ্যালয় (অ’টনমাছ্)ৰ প্ৰায় দুই শতাধিক ছাত্ৰছাত্ৰী উপস্থিত থাকে ।
