বৰ্তমান ছ’চিয়েল মিডিয়াত এটা ভিডিঅ’ যথেষ্ট ভাইৰেল হৈ পৰিছে। এইবোৰত কেতিয়াবা নতুন আৰু কেতিয়াবা পুৰণি ভিডিঅ’ও থাকে। বৰ্তমান সময়ত দীপিকা পাডুকনৰ সৈতে এটা জনপ্ৰিয় পাকিস্তানী ভিডিঅ’ ভাইৰেল হৈছে। য’ত ৰণবীৰ সিঙকো উপস্থিত থকা দেখা গৈছে। পাকিস্তানী অভিনেতা ফাৱাদ খানে নিজৰ অভিনয় দক্ষতা আৰু আকৰ্ষণীয় শৈলীৰ বাবে ভাৰতীয় কিছুমান ছবিত শিৰোনাম দখল কৰিছে। কিন্তু ভাৰত আৰু পাকিস্তানৰ দ্বিপাক্ষিক সম্পৰ্কৰ সংঘাতৰ বাবে সীমান্তৰ সিপাৰৰ পৰা অহা শিল্পীসকলক এতিয়া ভাৰতত কাম কৰাত নিষেধাজ্ঞা আৰোপ কৰা হৈছে। কিন্তু আজিকালি ছ’চিয়েল মিডিয়াত ভাইৰেল হৈ পৰিছে এটা ভিডিঅ’, য’ত ফাৱাদ খানক বলীউডৰ অভিনেত্ৰী দীপিকা পাডুকনৰ সৈতে ফ্লাৰ্ট কৰা দেখা গৈছে। ভাৰতত তেওঁৰ বিপুল ফেন ফ’ল’ৱাৰ আছে আৰু বলীউডৰ সকলো অভিনেতা-অভিনেত্ৰীৰ সৈতে তেওঁৰ কেমিষ্ট্ৰীও ভাল।
ভাইৰেল হৈ থকা এই পুৰণি ভিডিঅ’টোত ফাৱাদ খানে এৱাৰ্ড শ্ব’ত মঞ্চত দীপিকা পাডুকনৰ সৈতে ফ্লাৰ্ট কৰা দেখা গৈছে। আমোদজনক কথাটো হ’ল এই ভিডিঅ’টোত ৰণবীৰ সিঙেও মঞ্চৰ সন্মুখত বহি ফাৱাদৰ ষ্টাইল চাই আছিল। ফাৱাদৰ এই ফ্লাৰ্টত ৰণবীৰৰ প্ৰতিক্ৰিয়া চাবলগীয়া আৰু ছচিয়েল মিডিয়াত এই সন্দৰ্ভত ৰাইজে বিভিন্ন ধৰণৰ মন্তব্য কৰিছে। আচলতে পাঠান অভিনেত্ৰীগৰাকীক প্ৰশংসা কৰি ফাৱাদে কবিতাৰ শৈলীত এটা পুৰণি গীত গাইছিল। তেওঁ গাইছে : ৰূপ তেৰা মস্তানা, প্যাৰ মেৰা দীৱানা।
এটা সময়ত অনুৰাগীয়ে ফাৱাদ খান আৰু দীপিকা পাডুকনক একেলগে চিনেমাত চাবলৈ বিচাৰিছিল। কিন্তু এয়া সম্ভৱ নহ’ল। লগতে কোৱা হৈছিল যে সেই সময়ত প্ৰযোজক-পৰিচালক কৰণ জোহৰে ফাৱাদ খানৰ সৈতে বহু ছবিৰ চুক্তিবদ্ধ হৈছিল। তেওঁলোকে ফাৱাদক ভাৰতত ডাঙৰ তাৰকা হিচাপে দেখিছিল যদিও তেতিয়া পাকিস্তানী শিল্পীক বলীউডত কাম কৰাত নিষেধাজ্ঞা আৰোপ কৰা হৈছিল। পাকিস্তানে ভাৰতীয় ছবি আৰু শিল্পীকো নিষেধাজ্ঞা আৰোপ কৰিছে। ইফালে শেহতীয়াকৈ দীপিকা পাডুকনক শ্বাহৰুখ খানৰ সৈতে ছবি জৱানত সৰু কিন্তু গুৰুত্বপূৰ্ণ চৰিত্ৰত দেখা গৈছিল। তেওঁৰ পৰৱৰ্তী ছবি হ’ল হৃতিক ৰোশনৰ সৈতে ফাইটাৰ। পাকিস্তানৰ প্ৰথমটো নেটফ্লিক্স প্ৰজেক্টত মহিৰা খানৰ সৈতে দেখা যাব ফাৱাদ খানক।
