মুখ্যমন্ত্ৰীৰ নাম লৈ সুন্দৰী মহিলাৰ প্ৰৱঞ্চনাৰ জাল। গোলাঘাটত এগৰাকী ব্যৱসায়ীৰ পৰা লুটিলে ১২ লাখ টকা।
গড়কাপ্তানি আৰু পৌৰসভাৰ মাটি আবন্টনৰ অনুমতি উলিয়াই দিয়াৰ নামত দালালি । অভিযুক্ত মহিলাগৰাকী গুৱাহাটীৰ মাজগাঁওৰ নন্দা দেৱী দাস।
প্ৰৱঞ্চনাৰ বলি গোলাঘাটৰ ব্যৱসায়ী অতনু শৰ্মা। মুখ্যমন্ত্ৰীৰ OSD কাৰ্যালয়ত দুয়োৰে হৈছিল চিনাকী।
ভাৰতত চাহ খোৱা লোকৰ অভাৱ নাই। কিন্তু এই চাহত টেনিন আৰু কেফেইনৰ উপস্থিতিয়ে স্বাস্থ্যৰ বাবে ক্ষতিকাৰক বুলি প্ৰমাণিত হ’ব পাৰে, ইয়াৰ পৰা হাত সাৰিবলৈ কি কৰিব জানো আহক এই বিষয়ে-
অত্যাধিক চাহ খোৱাৰ ফলত হাৰ্টবাৰ্ণ আৰু এচিডিটিৰ সমস্য়াৰ সৃষ্টি হয়। চাহপাতত টেনিন পোৱা যায়, যাৰ বাবে শৰীৰত আইৰণৰ অভাৱ হয়। ইয়াৰ বাহিৰেও অত্যধিক চাহ খোৱা লোকসকলে টোপনিৰ অভাৱ, বমি, মূৰৰ বিষ, টেনচন, উদ্বেগ আৰু গেছৰ সমস্যাত ভুগিব পাৰে। এই সমস্যাবোৰৰ পৰা হাত সাৰিবলৈ কি উপায় জানিব লাগে।
চাহত থকা কেফেইন আৰু টেনিন স্বাস্থ্যৰ বাবে উপকাৰী নহয়। বহুতে খালী পেটত চাহ খোৱাৰ ভুল কৰে, যাৰ ফলত পেটত থকা এচিড বৃদ্ধি পায় আৰু শৰীৰৰ পি এইচ ভাৰসাম্য বিঘ্নিত হয়। এই কাৰণেই ই বদহজমকে ধৰি বহু সমস্যাৰ পৰা সকাহ দিয়ে। ইয়াৰ পৰা হাত সাৰিবলৈ ২০ মিনিট আগতে এটা বিশেষ কাম কৰিব লাগিব।
চাহ খোৱাৰ আগতে তিয়াই থোৱা বাদাম বা আধা আপেল খাব লাগে। এইবোৰ বস্তুৰ পি এইচ ক্ষাৰকীয় যাৰ বাবে পেটৰ এচিড স্বাভাৱিক হৈ থাকে। যদি আপুনি এই পদ্ধতি গ্ৰহণ কৰে তেন্তে আপুনি হাৰ্টৰ সমস্যা, কোষ্ঠকাঠিন্য, গেছ আৰু দুৰ্বলতাৰ সন্মুখীন নহয়।
কিচমিচ তিয়াই খালে পেটত এচিডৰ মাত্ৰা কমি যায়, ইয়াৰ উপৰিও শৰীৰত আইৰণ আৰু ভিটামিন বি-কম্প্লেক্স যোগান ধৰে, যাৰ ফলত টেনিনৰ প্ৰভাৱ কমি যায়।
ৰাতি আলমণ্ড আৰু আখৰোট তিয়াই ৰাতিপুৱা সাৰ পোৱাৰ পিছত খালে উচ্চ ৰক্তচাপ, উচ্চ কলেষ্টেৰল, মেদবহুলতা, হৃদৰোগ আৰু অত্যধিক ভোকৰ সমস্য়াৰ পৰা হাত সাৰিব পাৰিব। ইয়াতত থকা ওমেগা-৩ ফেটি এচিডে মগজুক চোকা কৰে।
ছ’চিয়েল মিডিয়াত শেহতীয়াকৈ আলিয়া ভাটৰ এটা ভিডিঅ’ ভাইৰেল হৈ পৰিছে। এই ভিডিঅ’টোত আলিয়াই কয় যে কেনেকৈ বন্ধৰ দিনটোত সময় কটায়। আলিয়াৰ এই ভিডিঅ’টোত চেলিব্ৰিটিসকলে বহুত কমেণ্ট কৰিছে। ছ’চিয়েল মিডিয়াত চুইমিং পুলত সাঁতুৰি থকা ভিডিঅ’ শ্বেয়াৰ কৰিছে আলিয়া ভাটে। এই ভিডিঅ’টোত আলিয়াক পুলত জিৰণি লৈ থকা দেখা গৈছে। ভিডিঅ’টো শ্বেয়াৰ কৰি আলিয়াই লিখিছে, ‘বন্ধ দিনৰ কাৰ্যসূচী’।
শেহতীয়াকৈ আলিয়া ভাটক ৰণবীৰ সিঙৰ সৈতে ‘ৰকি ঔৰ ৰাণী কি প্ৰেম কাহানী’ ছবিত দেখা গৈছিল। এই ছবিখনে বিশ্বজুৰি ৩০০ কোটি টকা সংগ্ৰহ কৰিছিল। এই দুগৰাকীৰ উপৰিও এই ছবিখনত শ্বাবানা আজমী আৰু জয়া বচ্চনও আছিল। এই ছবিখন পৰিচালনা কৰিছিল কৰণ জোহৰে। বিশেষ কথাটো হ’ল এই ছবিখনৰ জৰিয়তে ৭ বছৰৰ পাছত পৰিচালক হিচাপে ঘূৰি আহিছে কৰণ জোহৰ। ২৮ জুলাইত ছবিখন ছবিগৃহত মুক্তি লাভ কৰিছিল।
এক বিশেষ সূত্ৰৰ পম খেদি এছটিএফ-অসমে বৃহস্পতিবাৰে পুৱা সোণৰ চোৰাং সৰবৰাহকাৰীৰ বিৰুদ্ধে গুৱাহাটীৰ যোৰাবাটত এক অভিযান চলায়৷ এছটিএফ-ৰ এই অভিযানটোত স্থানীয় যোৰাবাট আৰক্ষীয়েও সহযোগিতা আগবঢ়ায়।
এছটিএফ আৰু যোৰাবাট আৰক্ষীৰ যুটীয়া অভিযানকাৰী দলটোৱে বৃহস্পতিবাৰে পুৱা ৯-৩০ বজাত মেঘালয়ৰ পৰা অসমত প্ৰৱেশ কৰা এমএ ০৫ এন ৮৭১২ নম্বৰৰ হুণ্ডাই এক্সেল গাড়ীখন যোৰাবাটত তালাচী চলায় আৰু তালাচীকালত গাড়ীখনত যাত্ৰা কৰি থকা চাৰিগৰাকী ব্যক্তিৰ হাতৰ পৰা চোৰাং ভাবে পৰিবহন কৰি নিয়া প্ৰায় ৫১৮ গ্ৰাম ওজনৰ পাঁচ ডোখৰ সোণ উদ্ধাৰ কৰিবলৈ সক্ষম হয়।
সোণ পাঁচডোখৰ আৰু গাড়ীখন জব্দ কৰাৰ লগতে ব্যক্তি চাৰিগৰাকীক কৰায়ত্ব কৰা হয়। বে আইনীভাবে আহৰণ কৰা সোণবোৰ মেঘালয়ৰ পৰা ৰাজস্থানলৈ চোৰাং ভাৱে সৰবৰাহ কৰোতে কৰায়ত্ব কৰা লোক চাৰিগৰাকী ক্ৰমে, ৰাজস্থানৰ যোধপুৰৰ মঃ ইনায়ৎ আলি, মহম্মদ য়ুচুফ, মেঘালয়ৰ শ্বিলঙৰ ভীৰু সিং আৰু জন্নাৎ বেগম।
আতকাধীন ব্যক্তি চাৰিগৰাকীৰ বিৰুদ্ধে আইনগত ব্যৱস্থা গ্ৰহণ কৰিবৰ উদ্দেশ্যে এছটিএফে তেওঁলোকক জব্দকৃত সামগ্ৰীবোৰৰ সৈতে স্থানীয় জোৰাবাট আৰক্ষীক চমজাই দিয়ে।
এই সংক্ৰান্তত এটি গোচৰ ৰুজু কৰি তদন্ত চলোৱা হৈছে।
অসমীয়া সাহিত্য জগতৰ অগ্ৰণী সাহিত্য চৰ্চাৰ অনুষ্ঠান “সদৌ অসম কবি মঞ্চ”ই অসমৰ সাহিত্য জগতৰ ন পূৰণি কবিসকলক উৎসাহিত কৰাৰ মানসেৰে এক ব্যতিক্ৰমী প্ৰচেষ্টা হাতত লৈছে। সদৌ অসম কবি মঞ্চই সদৌ অসম ভিত্তিত লেখক- লেখিকাসকলৰ মাজত প্ৰতিবছৰে “কাব্যগ্ৰন্থ প্ৰতিযোগিতা”ৰ আয়োজন কৰি আহিছে। এইবেলিও আয়োজন কৰা হৈছে অসম ভিত্তিত কাব্যগ্ৰন্থ প্ৰতিযোগিতা। এই প্ৰতিযোগিতাত নিৰ্বাচিত শ্ৰেষ্ট কাব্যগ্ৰন্থখনলৈ আগবঢ়োৱা হ’ব “সমাজৰত্ন দিনমণি ভাণ্ডাৰ কায়স্থ” বঁটা ২০২৩। এই বঁটাত থাকিব নগদ ধন, মানপত্ৰ, স্মাৰক আৰু বঁটা।
ইচ্ছুক প্ৰতিযোগীসকলে 9401367387, 9127317126, 9101519160 নম্বৰত যোগাযোগ কৰি প্ৰ-পত্ৰ সংগ্ৰহ কৰি ১ জানুৱাৰী ২০২১ চনৰ পৰা ১৫ ছেপ্তেম্বৰ ২০২৩ চনৰ ভিতৰত প্ৰকাশিত নিজৰ কাব্যগ্ৰন্থৰ তিনিটা কপি প্ৰ-পত্ৰত উল্লেখিত ঠিকনালৈ ৩০ নবেম্বৰ ২০২৩ বৃহস্পতিবাৰৰ ভিতৰত পোৱাকৈ পঠিয়াব লাগিব বুলি সদৌ অসম কবি মঞ্চৰ প্ৰধান সম্পাদক জিতু কাঞ্চনে জনাইছে। উল্লেখ্য যে ২০২২ বৰ্ষত আয়োজিত সদৌ অসম ভিত্তিত কাব্যগ্ৰন্থ প্ৰতিযোগিতাত প্ৰতিযোগীসকলৰ অভুতপূৰ্ব সঁহাৰি আৰু আয়োজক সদৌ অসম কবি মঞ্চৰ সু-পৰিচালনাৰে সফল সমাপ্তিৰ পিছত এইবেলি আৰু অধিক প্ৰতিযোগীৰ অংশগ্ৰহণ আশা কৰিছে সদৌ অসম কবি মঞ্চৰ প্ৰধান সম্পাদক জিতু কাঞ্চনে। মন কৰিবলগীয়া কথা যে সমাজৰত্ন দিনমণি ভাণ্ডাৰ কায়স্থ সাম্প্ৰতিক পৰিস্থিতিত অসমৰ ভিন্ন অঞ্চলত দুখীয়া জনগণক সহায়ৰ হাত আগবঢ়াই সকলো মানুহৰ সুখ-দুখৰ সমভাগী হৈ ৰাইজৰ মাজত জনপ্ৰিয় হোৱা এগৰাকী নিষ্ঠাৱান সমাজসেৱক।
চৰকাৰী দায়িত্বশীল পদবীত থাকিও দিনমণি ভাণ্ডাৰ কায়স্থদেৱে সকলো সামাজিক, আধ্যাত্মিক আদি অনুষ্ঠান-প্ৰতিষ্ঠানত সহায়ৰ হাত আগবঢ়াই অহাৰ লগতে আৰ্তজনক বিভিন্ন প্ৰকাৰে সহায় কৰি সকলোৰে প্ৰিয়ভাজন হৈ পৰিছে। তেখেতৰ ৰাজহুৱা কৰ্মৰাজিৰ স্বীকৃতি হিচাপে কামৰূপ জিলা সাহিত্য সভাই তেখতক সমাজৰত্ন বঁটা আৰু সদৌ অসম কবি মঞ্চই ২০২২ বৰ্ষৰ সেৱাৰত্ন বঁটাৰে সন্মানিত কৰিছে। এইগৰাকী সমাজসেৱকৰ নামেৰে যোৱাবছৰৰ পৰা সদৌ অসম কবি মঞ্চই আয়োজন কৰা অসম ভিত্তিত কাব্যগ্ৰন্থ প্ৰতিযোগিতাৰ শ্ৰেষ্ট কাব্যগ্ৰন্থলৈ “সমাজৰত্ন দিনমণি ভাণ্ডাৰ কায়স্থ বঁটা” আগবঢ়াই আহিছে। অসম ভিত্তিত আয়োজিত এই কাব্যগ্ৰন্থ প্ৰতিযোগিতাত নিজৰ প্ৰকাশিত কাব্যগ্ৰন্থৰে সকলো স্তৰৰ লেখক লেখিকাই অংশগ্ৰহণ কৰিব পাৰিব বুলি জনাইছে সদৌ অসম কবি মঞ্চই।
জিতু কাঞ্চন
প্ৰধান সম্পাদক
সদৌ অসম কবি মঞ্চ
সৰ্বসাধাৰণ ৰাইজক বিদ্যুত যোগানত ব্যৰ্থ অসমৰ বিদ্যুৎ মন্ত্ৰী নন্দিতা গাৰ্লোছাৰ পুত্তোলিকা দাহ কৰি চিলাপথাৰত প্ৰতিবাদী কাৰ্যসূচী ৰূপায়ন কৰে অসম জাতীয়তাবাদী যুৱ পৰিষদৰ ধেমাজি জিলা সমিতিয়ে।
নিয়মিত বিদ্যুৎ যোগানত হেমাহি, সঘনাই বিদ্যুৎ সেৱা কৰ্তন কৰাৰ লগতে গ্ৰাহকক বিদ্যুৎ বিভাগৰ কৰ্মচাৰীয়ে দুৰ্ব্যৱহাৰ কৰাৰ অভিযোগ তুলি প্ৰখৰ ৰদকো নেওচি আজি এইদৰেই প্ৰতিবাদ সাব্যস্ত কৰে সংগঠনটোৱে।
চিলাপথাৰ- জোনাই সংগযোগী পথত থকা বিদ্যুৎ বিভাগৰ চিলাপথাৰ সংমণ্ডলৰ কাৰ্য্যালয়ৰ সন্মুখত অৰ্ধশতাধিক কৰ্মীয়ে বিদ্যুৎ বিভাগ হায় হায়, নন্দিতা গাৰ্লোছা পদত্যাগ কৰক, অসম চৰকাৰ হায় হায়, বিধায়ক ভুৱন পেগু মুৰ্দাবাদ, বিজেপি চৰকাৰৰ কাম নাই, আমাৰ দাবী মানিবই লাগিব আদি বিভিন্ন শ্ল’গানেৰে কপাই তোলে আকাশ বতাহ। দীৰ্ঘ সময় বিক্ষোভ কাৰ্যসূচী ৰূপায়নৰ ফলত ৰাজপথৰ দুয়োকাষে আবদ্ধ হৈ পৰে শ শ যান বাহন। ৰাইজৰ দুৰদৰ্শাৰ কথা নুবুজা শক্তি মন্ত্ৰীয়ে নিজৰ ব্যৰ্থতা স্বীকাৰ কৰি পদত্যাগ কৰাৰ দাবী তোলে ধেমাজি জিলা জাতীয়তাবাদী যুৱ পৰিষদৰ সভাপতি উজ্জ্বল চুতীয়াই।
লগতে অনিয়মীয়া বিদ্যুৎ সেৱা নিয়মীয়া নকৰিলে তীব্ৰ গণতান্ত্ৰিক আন্দোলন গঢ়ি তুলিব বুলি সকীয়াই দিয়ে প্ৰতিবাদী ৰাইজে। শেষত বিদ্যুৎ বিভাগৰ এগৰাকী অভিযন্তাৰ যোগেদি জিলা আয়ুক্তক স্মাৰক পত্ৰ প্ৰদান কৰা হয়। কাৰ্যসূচীত জাতীয়তাবাদী যুৱ পৰিষদৰ কেন্দ্ৰীয় সভাপতি উজ্বল কুমাৰ চুতীয়া, ধেমাজি জিলা সমিতিৰ সভাপতি সঞ্জীৱ চেতিয়া, কাৰ্যকৰী সভাপতি কৃষ্ণ ভূঞা, ভাৰপ্ৰাপ্ত সম্পাদক ধীৰেন দিহিঙ্গীয়া, যুটীয়া সম্পাদক অনুপম চুতীয়া, চিলাপথাৰ আঞ্চলিক সমিতিৰ সভাপতি বিজু দিহিঙ্গীয়া , সাধাৰণ সম্পাদক বিতুল ৰাজগড় ৰ লগতে সংগঠনৰ পাচ শতাধিক ৰাইজ উপস্থিত থাকে।
জম্মু-কাশ্মীৰৰ অনন্তনাগত ভয়ংকৰ সংঘৰ্ষ।
ভাৰতীয় সেনাৰ কৰ্ণেল মনপ্ৰীত সিং, মেজৰ আশীষ ধোনাক, জম্মু-কাশ্মীৰৰ DSP হুমায়ুন ভট ছহিদ।
জম্মু-কাশ্মীৰত সন্ত্ৰাসবাদীৰ সৈতে গুলীয়াগুলীত কৰ্ণেল মনপ্ৰীত সিং, মেজৰ আশীষ ধোনাক, জম্মু-কাশ্মীৰৰ DSP হুমায়ুন ভট ছহিদ হয়।
কাশ্মীৰৰ অনন্তনাগ জিলাৰ কোকেৰনাগ অঞ্চলত এই সংঘৰ্ষ।
ছহিদ কৰ্ণেলজন সেনাৰ মেডেলেৰে সন্মানিত মনপ্ৰীত সিং, মেজৰ আশীষ ধোনচাক আৰু জম্মু-কাশ্মীৰ আৰক্ষীৰ DSP হুমায়ুন ভাট ছহিদয
ছহিদ কেইগৰাকীক শ্ৰদ্ধাঞ্জলি জ্ঞাপন কৰে DGP দিলবাগ সিং,জম্মু-কাশ্মীৰৰ উপ-ৰাজ্যপাল মনোজ সিনহাৰ লগতে আন শীৰ্ষ বিষয়াসকলে।
নিজ গৃহলৈ লৈ অহা হ’ল শ্বহীদ DSP হুমায়ুন ভটক।
ডেংগুৰ সমস্যা প্ৰায়ে দেখা যায়। ডেংগুৰ আটাইতকৈ সাধাৰণ লক্ষণ হ’ল জ্বৰ। যিয়ে আপোনাৰ ৰোগ প্ৰতিৰোধ ক্ষমতা বহু পৰিমাণে হ্ৰাস কৰিব পাৰে। গতিকে আপুনি কি কৰা উচিত জানেনে? ডেংগুৰ দৰে ৰোগৰ সৈতে মোকাবিলা কৰিবলৈ ঘৰতে এই ৫টা বস্তু ব্যৱহাৰ কৰি নিজকে ৰক্ষা কৰিব পাৰি। এই ৫টা বস্তু ব্যৱহাৰৰ বিষয়ে জানি লওক-
আমাৰ শৰীৰৰ বাবে হালধি অতি উপকাৰী। ইয়াত এন্টিঅক্সিডেন্ট পোৱা যায়। যিয়ে আমাৰ শৰীৰত উপস্থিত থকা ভাইৰাছবোৰক নিধন কৰাত সহায় কৰে আৰু ডেংগুৰ দৰে ৰোগ প্ৰতিৰোধ কৰে।
আদা আমাৰ সকলো ৰোগ নিৰাময়ত সহায় কৰে। জিঞ্জাৰল নামৰ এবিধ এন্টি-মাইক্ৰ’বিয়াল আৰু এন্টি-ইনফ্লেমেটৰী যৌগ আদাত পোৱা যায়। যিয়ে ডেংগুৰ বিৰুদ্ধে যুঁজ দিয়াত সহায় কৰে
আমি পিজ্জা বা পাস্তাত অৰেগানো ব্যৱহাৰ কৰো, কিন্তু আপুনি জানেনে যে অৰেগানোৱে ডেংগুৰ সংক্ৰমণ নিৰাময়তো সহায় কৰে।
আমি খাদ্যত হালধি ব্যৱহাৰ কৰো। যি অতি শক্তিশালী ইমিউনিটি বুষ্টাৰ। যিয়ে আপোনাক সকলো ৰোগৰ বিৰুদ্ধে যুঁজ দিয়াত সহায় কৰিব।
এই সমূহৰ উপৰিও ডাক্তৰৰ পৰামৰ্শ লোৱাতো জৰুৰী।
অসম আৰক্ষীৰ সঞ্চালক প্ৰধান জে পি সিং বুধবাৰে শিৱসাগৰত উপস্থিত হয়। ঐতিহাসিক জিলাখনত উপস্থিত হৈ সঞ্চালক প্ৰধান গৰাকীয়ে শিৱসাগৰ জিলা আৰক্ষী অধীক্ষকৰ কাৰ্যালয়ত শিৱসাগৰ আৰু চৰাইদেউ জিলাৰ উচ্চপদস্থ আৰক্ষী বিষয়াসকলৰ সৈতে এক গুৰুত্বপূৰ্ণ বৈঠকত মিলিত হয়।
জানিব পৰা মতে আইন , শান্তি শৃংখলা ৰক্ষাৰ সন্দৰ্ভত এই আলোচনাত মিলিত হয় সঞ্চালক প্ৰধান গৰাকীয়ে।
ইফালে সংবাদ মাধ্যমৰ সৈতে হোৱা এক সাক্ষাৎকাৰত সঞ্চালক প্ৰধান গৰাকীয়ে কয় যে,’ শিৱসাগৰ আৰু চৰাইদেউ জিলাৰ আৰক্ষী বিষয়া সকলৰ সৈতে আইন-শৃংখলাজনিত এক পৰ্যালোচনা কৰা হৈছে। শিৱসাগৰ আৰু চৰাইদেউ আৰক্ষীয়ে নিষ্ঠাসহকাৰে নিজৰ দায়িত্ব আৰু কৰ্তব্য পালন কৰি অহা দেখিছোঁ। বিগত ছটা মাহে দুয়োখন জিলাৰ আৰক্ষীয়ে আইন শৃংখলাজনিত দিশ বিলাকক সুক্ষ্ম ভাৱে পৰ্যবেক্ষণ কৰি গ্ৰহণ কৰা পদক্ষেপ সন্তোষজনক’।
ইয়াতকৈ আৰু অধিক উন্নত পৰ্যায়লৈ আইন-শৃংখলা দিশ বিলাকক লৈ যাবলৈ দুয়োখন জিলাৰ আৰক্ষীক পৰামৰ্শ আগবঢ়োৱা হৈছে বুলি সঞ্চালক প্ৰধান গৰাকীয়ে জানিবলৈ দিয়ে। সাংবাদিকে সোধা এক প্ৰশ্নৰ উত্তৰত সঞ্চালক প্ৰধান গৰাকীয়ে কয় যে – সামৰিক বাহিনীৰ বিশেষ ক্ষমতা আইন প্ৰত্যাহাৰ বাবে আবেদন কৰা হৈছে। যদি চৰকাৰৰ ফালৰ পৰা অনুমোদন হয় তেতিয়াহলে অহা ১ অক্টোবৰৰ পৰা অসম আৰক্ষী আৰু চি আৰ পি এফ লগলাগি চলি থকা অপাৰেশ্যন সমূহ চম্ভালি ল’বলৈ সাজু। এই ক্ষেত্ৰত অসম আৰক্ষীয়ে প্ৰস্তুতি প্ৰায় সম্পূৰ্ণ কৰি তুলিছে বুলি মন্তব্য কৰে জি পি সিঙে।
আনহাতে শিৱসাগৰ জিলাখনৰ লগতে ৰাজ্যখনত প্ৰতিদিনে বৃদ্ধি পোৱা ড্ৰাগছ সৰবৰাহৰ সন্দৰ্ভত সঞ্চালক প্ৰধান গৰাকীয়ে কয় যে, কেৱল শিৱসাগৰ জিলাখনেই নহয়, বৰঞ্চ সমগ্ৰ ৰাজ্যখনতেই পূৰ্বতকৈ বৰ্তমান ড্ৰাগছৰ বেহা বন্ধ হৈছে। পূৰ্বতকৈ অধিক ড্ৰাগছ বেপাৰীৰ বিৰুদ্ধে অভিযান চলোৱা হৈছে। সীমান্তয়েদি ড্ৰাগছৰ সৰবৰাহ যি ধৰণে চলি আছিল ইয়াকো বন্ধ কৰিবলৈ আৰক্ষী সক্ষম হোৱাৰ লগতে ড্ৰাগছ সৰবৰাহৰ ওপৰতো নীৰিক্ষণ কৰি থকা হৈছে। ড্ৰাগছৰ বিৰুদ্ধে প্ৰতিখন জিলাতে পূৰ্বতকৈও বহু বেছি অভিযান চলি আছে। অসমৰ ৭২ হেজাৰ আৰক্ষীয়ে নিষ্ঠাৰে দায়িত্ব পালন কৰি অহাৰ ফলশ্ৰুতিত অসমত অপৰাধৰ সংখ্যা ক্ৰমান্বয়ে হ্ৰাস হৈ অহা বুলিও সঞ্চালক গৰাকীয়ে উল্লেখ কৰে।
আনহাতে কাৰাবন্ধী তথা নিলম্বীত উপ আৰক্ষী অধীক্ষক শুভলক্ষ্মী দত্তৰ সন্দৰ্ভতো প্ৰতিক্ৰিয়া প্ৰকাশ কৰে জি পি সিঙে। তেওঁ কয় যে, শুভলক্ষ্মী দত্তৰ ক্ষেত্ৰত চাৰ্জশ্বীট দাখিল কৰা হ’ব। সংবাদ মাধ্যমত প্ৰকাশ পোৱাৰ দৰে আৰক্ষীয়ে শুভলক্ষ্মী দত্তক পলায়ন কৰিবলৈ সুযোগ দিয়া নাছিল। আৰক্ষীয়ে নিশাই এগৰাকী মহিলাক কৰায়ত্ত কৰাৰ ক্ষেত্ৰত অসুবিধা আছে। এই ক্ষেত্ৰত আদালতৰ কিছুমান নীতি নিৰ্দেশনা আছে, যাক আৰক্ষীয়ে মানি চলিবলগীয়া হয়। আনহাতে বিতৰ্কিত উপ আৰক্ষী অধীক্ষক শুভলক্ষ্মী দত্তক আদালতে কাৰাগাৰলৈ প্ৰেৰণ কৰা সন্দৰ্ভত শিৱসাগৰ আৰক্ষীয়ে লোৱা ভূমিকাৰ জি পি সিঙে প্ৰশংসা কৰে। কিন্তু সাংবাদিকে জানিব বিচৰাৰ পিছতো বজালী কাণ্ড সন্দৰ্ভত আৰক্ষী সঞ্চালক প্ৰধান জি পি সিঙে কোনো মতামত দিয়াৰ পৰা বিৰত থাকে।
জাতীয়তাবাদৰ এক বজ্ৰকণ্ঠ, মাধ্যম আন্দোলন, ভাষা আন্দোলন আৰু ঐতিহাসিক অসম আন্দোলনৰ শীৰ্ষতম নেতা সিংহপুৰুষ প্ৰনৱজিৎ চলিহা ওৰফে ৰমু চলিহা আৰু নাই। বুধবাৰে ডিব্ৰুগড়ৰ অসম চিকিৎসা মহাবিদ্যালয়ত দেশ কপোৱা তিনিটাকৈ গন আন্দোলনত সমুখৰ পৰা নেতৃত্ব দিয়া আপোচহীন প্ৰাক্তন ছাত্ৰ নেতা প্ৰনৱজিৎ চলিহা ওৰফে ৰমু চলিহাই ৭৩ বছৰত ইহলীলা সম্বৰণ কৰে।
উল্লেখ্য যে, বিগত এমাহ ধৰি হাওঁফাওঁৰ জটিল ৰোগত আক্ৰান্ত হৈ থকা সংগ্ৰামী নেতাগৰাকীক যোৱা ১ ছেপ্টেম্বৰত উন্নত চিকিৎসাৰ বাবে ডিব্ৰুগড়লৈ নিয়া হৈছিল। যোৱা ১ ছেপ্টেম্বৰৰ পৰা আজি পৰ্যন্ত তেখেতে অসম চিকিৎসা মহাবিদ্যালয়ৰ আই চি ইউত মৃত্যুৰ সৈতে যুজ দি নিয়তিৰ হাতত হাৰ মানিলে।
চলিহাৰ মৃত্যুৰ খবৰ পোৱাৰ লগে লগেই তেখেতৰ সহধৰ্মিনী ৰাকাজ্যোতি চলিহা, বৰজী কাৰ্বি চলিহা আৰু পুত্ৰ শৃংখল চলিহা কান্দোনত ভাগি পৰে। চলিহাৰ মৃত্যুৰ খবৰ লাভ কৰাৰ পিছত অসম চিকিৎসা মহাবিদ্যালয়ত অগনন গুণমুগ্ধৰ সমাগম হয়।
জাতীয় স্বাৰ্থ বিঘ্নিত হোৱা দেখিলেই সিংহৰ দৰে গৰজি উঠা এইগৰাকী আপোচহীন সংগ্ৰামী নেতাই বিভিন্ন আন্দোলনত শক্তিশালী ৰূপত জপিয়াই পৰি দেশৰ বিভিন্ন কাৰাগাৰত ১২৭ বাৰকৈ সুদীৰ্ঘ সময় বন্দীত্বৰ জীৱন কটাইছিল। পৰৱৰ্তী সময়ত তেখেতে নিজাববীয়াকৈ “জাতীয় ঐক্য মঞ্চ” গঠন কৰি দুবাৰকৈ নিৰ্দলীয় প্ৰাৰ্থী হিচাপে শিৱসাগৰ বিধান সভা সমস্টিৰ পৰা প্ৰতিদ্বন্দিতা কৰিছিল।
তৃতীয়বাৰৰ বাবে চলিহাই অ গ প দলৰ পৰা এই সমস্টিত প্ৰতিদ্বন্দিতা কৰি কংগ্ৰেছ প্ৰাৰ্থী প্ৰনৱ গগৈৰ হাতত পৰাজিত হবলগাত পৰিছিল। আজি মৃত্যুবৰণ কৰা প্ৰনৱজিৎ চলিহাৰ নশ্বৰ দেহ ডিব্ৰুগড়ৰ পৰা শিৱসাগৰ নগৰৰ ফুকন নগৰৰ বাসভৱনলৈ অনা হয়। জনপ্ৰিয় জাতীয়তাবাদী নেতা গৰাকীৰ মৃত্যুৰ খবৰ বিয়পি পৰাৰ লগে লগেই অগনন গুণমুগ্ধ, বিভিন্ন ৰাজনৈতিক-অৰাজনৈতিক দল আৰু সংগঠনৰ নেতৃবৰ্গ চলিহাৰ বাসভৱনত উপস্থিত হৈ সংগ্ৰামী জননেতা গৰাকীৰ প্ৰতি শেষ শ্ৰদ্ধাঞ্জলি জ্ঞাপন কৰে।
অসমীয়া জাতীয়তাবাদৰ এক ট্ৰেজিক চৰিত্ৰ প্ৰনৱজিৎ চলিহা ৰমু চলিহা নামেৰে সকলোৰে মাজত জনপ্ৰিয় আছিল। অসহায় জনৰ ওপৰত হোৱা অন্যায়ৰ বিৰুদ্ধে প্ৰাচীৰৰ দৰে হাজাৰজনৰ মুখত হাহি বিৰিঙাবলৈ সক্ষম হোৱা প্ৰনৱজিৎ চলিহাৰ দৰে আপোচহীন দুৰ্জেয় সাহসী যোদ্ধাক ২০২৩ বৰ্ষৰ ২৬ জানুৱাৰীত উজনি অসম মুছলিম কল্যাণ পৰিষদে প্ৰদান কৰিছিল “সিংহপুৰুষ” উপাধি। ৰমু চলিহাৰ গৰ্জনত অসমীয়া জাতিক অপমান কৰা বনিয়া বহিৰাগত গোস্ঠীৰ বুকুৰ কপনি উঠিছিল।
এই গৰাকী ছাত্ৰ নেতাই ৭০ দশকত শিৱসাগৰ ভ্ৰমণলৈ অহা কংগ্ৰেছ নেত্ৰী ইন্দিৰা গান্ধীক বৰ্ডিং খেলপথাৰত ভাষণ দি থকা অৱস্থাত মাইক্ৰফন দলিয়াই অদম্য সাহসৰ পৰিচয় দিছিল। জাতিৰ বাবে সৰ্বচ্ছ ত্যাগ কৰিব পৰা এই গৰাকী প্ৰাক্তন ছাত্ৰ নেতাই ১৯৭৮ চনত শিৱসাগৰত অনুষ্ঠিত হোৱা সদৌ অসম ছাত্ৰ সন্থাৰ অধিবেশনত গুৰুত্বপূৰ্ণ ভূমিকা গ্ৰহণ কৰিছিল। আনকি ভৃগু কুমাৰ ফুকনক ছাত্ৰ সন্থাৰ সাধাৰণ সম্পাদক নিৰ্বাচিত কৰাত অগ্ৰণী ভূমিকা লৈছিল এইগৰাকী ৰমু চলিহাই।
যোৱা ১০ ছেপ্টেম্বৰত চলিহাৰ স্বাস্থ্যৰ খবৰ লবলৈ যোৱা অসম আন্দোলনৰ আগশাৰীৰ নেতা অধিবক্তা নেকিবুৰ জামানক আই চি ইউত দেখি কিছু সময় চকু মেলি চাই” নেকিব ত্ই আহিলি” বুলি কোৱা কথাষাৰেই আছিল তেখেতৰ কন্ঠৰ শেষ বাক্য। তাৰ পাছতেই চলিহাৰ স্বাস্থ্যৰ দ্ৰুত অৱনতি ঘটে। ৰমু চলিহা নামৰ সাহসী যোদ্ধাজনে ৭০-৮০ দশকত সেই সময়ৰ কংগ্ৰেছ চৰকাৰৰ নিৰ্দ্ৰাহৰন কৰাৰ উপৰিও ৯০ দশকত অসমত সমান্তৰাল চৰকাৰ চলোৱা আলফাৰ দৰে সংগঠনৰ কিছু আদৰ্শ গত অমিল আৰু মতানৈক্য হোৱাৰ বাবে সশস্ত্ৰ সংগঠন আলফকো মুকলি প্ৰত্যাহ্বান জনাইছিল।
আলফাই মৃত্যুৰ ভাবুকি দিয়াৰ পাছতো মৃত্যুলৈ তিলমাত্ৰ্ও ভয় নকৰি ” মৃত্যুৰ আগদিনালৈকে অসমীয়া সৈনিকৰ পোচাক পিন্ধিয়েই মৰিম” বুলি আলফাক পুনৰ প্ৰত্যাহ্বান জনোৱা প্ৰনৱজিৎ চলিহাৰ সৈতে পৰৱৰ্তী সময়ত আলফাৰ সেনাধ্যক্ষ পৰেশ বৰুৱাই বুজাবুজি কৰিবলৈ বাধ্য হৈছিল। প্ৰখ্যাত চলিহা পৰিয়ালৰ বংশধৰ বিদ্যাধৰ চলিহা আৰু পুতলা চলিহাৰ দ্বিতীয় পুত্ৰ প্ৰনৱজিৎ চলিহাই নগাঁওৰ নুৰুদ্দিন মুক্তাৱ মাদ্ৰাছাত প্ৰাথমিক শিক্ষা গ্ৰহণ কৰিছিল।
শ্বিলঙৰ ডনবস্কত কিছুদিন শিক্ষা গ্ৰহণ কৰাৰ পাছত শিৱসাগৰলৈ আহি বেজবৰুৱা হাইস্কুলৰ পৰা মেট্ৰিক পৰীক্ষাত সুখ্যাতিৰে উত্তীৰ্ণ হয়। শিৱসাগৰ কলেজৰ পৰা স্নাতক ডিগ্ৰী গ্ৰহণ কৰাৰ সমান্তৰাল ভাৱে প্ৰনৱজিৎ চলিহাই ৰাজ্যৰ ক্ৰীড়া জগতলৈ উল্লেখনীয় অৱদান আগবঢ়াবলৈ সক্ষম হৈছিল। দিখৌপৰীয়া ক্লাবৰ হৈ ভলীবল আৰু টাউন ক্লাবৰ হৈ ফুটবল খেলত অংশগ্ৰহণ কৰা ৰমু চলিহাই পৰৱৰ্তী সময়ত ভলীবল আৰু ফুটবলত ৰাজ্যিক আৰু ৰাষ্ট্ৰীয় খেলুৱৈৰ সন্মান লাভ কৰিবলৈ সক্ষম হৈছিল যদিও দীৰ্ঘ দিন তেখেত ক্ৰীড়া পেঞ্চনৰ পৰা বঞ্চিত হৈ আছিল।
ক্ৰীড়া জগতত পাৰদৰ্শিতা অৰ্জন কৰা প্ৰনৱজিৎ চলিহাৰ নেতৃত্বতে নগৰৰ টেঙানী বিলত গঢ়ি উঠিছিল পিয়লি ফুকন ষ্টেডিয়াম। আজি চলিহাৰ মৃত্যুত গভীৰ শোক প্ৰকাশ কৰিছে অসম সাহিত্য সভাৰ প্ৰাক্তন সভাপতি, পদ্মশ্রী ইমৰান শ্বাহে। বিশিষ্ট সাহিত্যিক গৰাকীয়ে চলিহা অসমীয়াৰ স্বাভিমানৰ এক প্রতীক আছিল বুলি উল্লেখ কৰে। বিশিষ্ট ক্ৰীড়া সংগঠক ৰমু চলিহাৰ মৃত্যুত গভীৰ শোক প্ৰকাশ কৰিছে অৰ্জুন ভোগেশ্বৰ বৰুৱাই। আজি মৃত্যুৰ খবৰ লাভ কৰিয়ে চলিহাৰ অন্তৰংগ বন্ধু, অ গ প আমোলৰ প্ৰথমখন চৰকাৰৰ শ্ৰম মন্ত্ৰী বাৰ্কী প্ৰসাদ তেলেংগাই চলিহাৰ মৃত্যুত শোক প্ৰকাশ কৰিছে। চলিহা অত্যন্ত সাহসী আছিল বুলি অভিহিত কৰি তেলেংগাই শোক সন্তপ্ত পৰিয়ালৰ দুখৰ সমভাগী হৈছে।
চলিহাৰ নশ্বৰদেহ ফুকন নগৰস্থিত বাসগৃহলৈ অনাৰ পাছতে অগনণ লোকে অসমীয়াৰ গৌৰৱ নেতাগৰাকীৰ অন্তিম স্মৃতি পাবৰ বাবে সমাগম কৰে।আজি অসম জাতীয় পৰিষদৰ সভাপতি লুৰিণজ্যোতি গগৈ,চিপিআই দলৰ ৰাজ্যিক সম্পাদক কনক গগৈ,শিৱসাগৰ ক্ৰীড়া সন্থাৰ পোনাৰাম মিলি,অসম উন্নতি সভাৰ সম্পাদক শৰৎ হাজৰিকা, শিৱসাগৰ বাণিজ্য মহাবিদ্যালয়ৰ অধক্ষ্য ড০ সৌমাৰজ্যোতি মহন্ত,সাংস্কৃতিক মহাসভাৰ ত্ৰৈলোক্য দত্ত, শিৱসাগৰ প্ৰেছ ক্লাৱৰ সভাপতি তথা গড়গাঁও কলেজৰ অধ্যক্ষ ড০ সৱ্যসাচী মহন্ত,সদৌ অসম ছাত্ৰ সন্থাৰ সহকাৰী সম্পাদক সমীৰণ ফুকন, শিৱসাগৰ জিলা সাংবাদিক সংস্থা, শিৱসাগৰ প্ৰেছ ক্লাৱ, লক্ষ্য, সামাজিক অনুষ্ঠান খোজ,শিৱসাগৰ নাট্য সমাজ,শিৱসাগৰৰ সমূহ ব্যৱসায়ী সংস্থা,শিৱসাগৰ জিলা ছাত্র সন্থা, আটাছু,শিৱসাগৰ ই-মিডিয়া সংস্থা, উজনি অসম মুছলিম কল্যাণ পৰিষদ,বীৰ লাচিত সেনা,অসমীয়া যুৱ মঞ্চ, শিৱসাগৰ জিলা কৰ্মচাৰী পৰিষদ,ঐক্য সেনা অসম,কেন্দ্ৰীয় বাপ্টিষ্ট মণ্ডলী শিৱসাগৰ, সংগ্ৰামী সেনা,বাৰ্তাজীৱি সংঘ,জিলা সাহিত্য সভা,সহপাঠী ৯০,সোণালী দিনৰ সোঁৱৰণ ৯৩,অসম ক্ৰীড়া সন্থাৰ প্ৰাক্তন সম্পাদক বিকাশ বৰুৱা আদিকে কৰি বহু দল-সংগঠন-অনুষ্ঠান-প্ৰতিষ্ঠান আৰু ব্যক্তি বিশেষে তেওঁৰ প্ৰতি গভীৰ শ্ৰদ্ধাঞ্জলি আগবঢ়াই।আনহাতে কাইলৈ পুৱা ৯ বজাত ফুকন নগৰৰ বাসগৃহত ৰাজহুৱা শ্ৰদ্ধাঞ্জলি জ্ঞাপনৰ পাছতে স্থানীয় ফুকন নগৰ শ্মশাসনত প্ৰয়াত প্ৰণৱজিৎ চলিহাৰ অন্তিম সংস্কাৰ সম্পন্ন হ’ব।
উল্লেখযোগ্য যে অসম-অসমীয়াৰ গৌৰৱ প্ৰণৱজিৎ চলিহা ওৰফে ৰমুৰ মৃত্যুত শিৱসাগৰৰ সমূহ ব্যৱসায়ী সংস্থাই পুৱা ৯ বজাৰ পৰা ১২ বজালৈ তিনি ঘণ্টাৰ বাবে শিৱসাগৰ নগৰৰ সমূহ ব্যৱসায়িক প্ৰতিষ্ঠান বন্ধ ৰখাৰ সিদ্ধান্ত গ্ৰহণ কৰিছে।
