গহপুৰ আৰক্ষী থানাৰ অৰ্ন্তগত টিঙালী বড়ীত নতুন পোতা দমকলৰ পৰা পানী ওলোৱাৰ পৰিবৰ্তে পুনৰবাৰ গেছ ওলোৱাত আচৰিত হৈ পৰিছে অঞ্চলটোৰ ৰাইজ।জানিব পৰা মতে যোৱা ১৯ নবেম্বৰত টিঙালীবড়ীৰ পুতুল নেওগ নামৰ ব্যক্তি জনৰ ঘৰৰ পিছ ফালৰ বাৰীত পানী খাবৰ বাবে কেইজন মান লোকে এটা দমকল স্থাপন কৰি আছিল।

পাইপডাল বহুৱাই থকা অৱস্থাত হঠাতে বুৰ -বুৰণি শব্দ শুনিবলৈ পায়।পাইপডাল তেনে দৰে থৈ দিয়াৰ পাছত পোতা পাইপ ডালেৰে উক্ত দিনটো আৰু ৰাতিটো অহৰহ ঘোলা পানী ওলাই থাকে।পিছদিনা পুৱা পুতুল নেওগে পাইপডালৰ মুখেৰে ধোৱা দৰে বস্তু নিৰ্গম হোৱা দেখা পাই কি ওলাইছে বুলি জুই লগাই দিয়াত জুই জ্বলি উঠে।জুই জ্বলি উঠাত পৰিয়ালৰ লোকৰ মাজত হুলস্থূলীয়া পৰিবেশৰ সৃষ্টি হয়।সেইদিনাৰে পৰা আজি পৰ্যন্ত জ্বলিয়েই আছে।

স্থানীয় ৰাইজে অনুমান কৰা মতে হয়তো পেট্ৰ’লিয়াম গেছ হব।পুতুল নেওগে এনেদৰে গেছ নিৰ্গমন হোৱাত আতংকিত হৈ পৰাত চৰকাৰ তথা বিভাগীয় কৰ্তৃপক্ষক অতি শীঘ্ৰে ব্যৱস্থা গ্ৰহণ কৰাৰ আহ্বান জনায়। উলেখ্য যে প্ৰায় দহ বছৰৰ পুৰ্বে টিঙালীবড়ীৰে মিনেশ্বৰ খাউণ্ড নামৰ ঘৰৰ কাষতে পোতা এটি দমকলৰ পাইপ পোতাত পাইপৰ পৰা গেছ ওলাইছিল আৰু তাত জুই জ্বলাই দিয়াত আজি পৰ্যন্ত জুই জ্বলি আছে।

প্ৰয়াত মিনেশ্বৰ খাউণ্ড পৰিয়ালে পাইপৰ মুখৰ জুইত বিশেষ ব্যৱস্থাৰে ৰন্ধন কাৰ্য সমাপন কৰি আহিছে।মিনেশ্বৰ খাউণ্ড আৰু কেইজনমান সচেতন ব্যক্তিয়ে বিভাগীয় কৰ্তৃপক্ষৰ লগত বিষয়টোৰ সন্দৰ্ভত যোগাযোগ কৰিছিল যদিও কোনো সুফল নাপালে।স্থানীয় ৰাইজে বিভাগীয় কৰ্তৃপক্ষই অনুসন্ধান কৰিলে অঞ্চলটোত গেছৰ ভাণ্ডাৰ লাভ কৰিব বুলি আশা কৰিছে।নিতুল বৰা গহপুৰ ।

ৰাষ্ট্ৰৰ অনন্য গৌৰৱৰ ধ্বজাবাহী, শৌৰ্য-বীৰ্য-গৌৰৱৰ অম্লান প্ৰতীক মহাযোদ্ধা-মহাবীৰ লাচিত বৰফুনৰ ৪০০ সংখ্যক ওপজা দিৱস সমগ্ৰ অসমৰ লগতে দেশৰ ৰাজধানী নতুন দিল্লীত মনাকৰ্ষি সম্ভাৰ লৈ শ্ৰদ্ধাৰে পালন কৰা হৈছে ্।অসমৰ শিক্ষানুষ্ঠান সমূহৰ লগতে চৰকাৰী কাৰ্যালয় সমূহত ছয়দিনীয়া বৰ্ণিল কাৰ্যসূচীৰে পালন কৰি অহা স্বদেশপ্ৰেমিক মহাবীৰ লাচিত-বন্দনাই অসমৰ আকাশ-বতাহ মূখৰিত কৰে। এই ক্ষেত্ৰত ওদালগুৰি জিলাৰ মাজবাট শিক্ষাখণ্ডৰ অধীনস্থ প্ৰায়বোৰ বিদ্যালয়-মহাবিদ্যালয়ত চৰকাৰ তথা শিক্ষা বিভাগৰ দ্বাৰা নিৰ্দেশিত সকলোবোৰ কাৰ্যসূচী-কৰ্মসূচী শিক্ষাগুৰু আৰু ছাত্ৰ-ছাত্ৰীসকলে অতি শ্ৰদ্ধা-আগ্ৰহেৰে সু-সম্পাদন কৰে ।

ওৰাঙৰ গেলাবিল মাধ্যমিক বিদ্যালয় পৰিয়ালে ৰাজ্য-ৰাষ্ট্ৰৰ মাংগলিক দিৱস মহাবীৰ লাচিত বৰফুকনৰ জন্ম জয়ন্তী ছয়দিনীয়া মনোজ্ঞ কাৰ্যক্ৰমণিকাৰ সামৰণি অনুষ্ঠানটি অতি উলহ-মালহেৰে তথা উৎসাহজনক সহাৰিৰে সম্পন্ন কৰে। ২৪ নৱেম্বৰ ৰাতিপুৱা ৯-১৫ বজাত দেশপ্ৰেম -জাতিপ্ৰেম – পৰাক্ৰম-বীৰত্বৰ সফল গৌৰৱ গাথাৰে সমুজ্জ্বল মহাবীৰ লাচিত বৰফুকনৰ প্ৰতিচ্ছবিত মংগল প্ৰদীপ প্ৰজ্বলন আৰু মাল্যাৰ্পণেৰে শ্ৰদ্ধাঞ্জলি অনুষ্ঠান উন্মোচন কৰে বিদ্যালয়ৰ প্ৰধান শিক্ষক প্ৰদীপ কুমাৰ দেই। ইয়াৰ পিছতেই সহ: প্ৰধান শিক্ষক নৱ কুমাৰ নাথ, অনুষ্ঠানৰ মুখ্য অতিথি তথা ওৰাঙৰ কলাগুৰু বিষ্ণু ৰাভা কণিষ্ঠ মহাবিদ্যালয়ৰ অৱসৰপ্ৰাপ্ত প্ৰৱক্তা কুমুদ শৰ্মাই পুষ্পাৰ্ঘৰে মহান বীৰজনালৈ শ্ৰদ্ধাঞ্জলি জ্ঞাপন কৰে। বিদ্যালয়ৰ সহ: শিক্ষক অতুল চন্দ্ৰ নাথে পৰিচালনা কৰা এই অনুষ্ঠানত অন্যান্য শিক্ষক-শিক্ষয়িত্ৰীৰ লগতে ছাত্ৰ একতা সভাৰ সাধাৰণ সম্পাদিকা ছিয়া দেৱীয়েও লাচিত বৰফুকনৰ স্মাৰক প্ৰতিচ্ছবিত পুষ্পাঞ্জলিৰে সেৱা জনায়। এই অনুষ্ঠানৰ পূৰ্বে প্ৰধান শিক্ষক প্ৰদীপ কুমাৰ দে,সহ: প্ৰধান শিক্ষক নৱ কুমাৰ নাথৰ নেতৃত্বত শিক্ষক -শিক্ষয়িত্ৰী সকলৰ সহযোগত ১৫ নং ৰাষ্ট্ৰীয় ঘাইপথত চাৰি শতাধিক ছাত্ৰ-ছাত্ৰী আৰু কৰ্মচাৰী সকলে লাচিত বৰফুকনৰ জয়গান-জয়ধ্বনি মিশ্ৰিত শ্লোগানেৰে প্ৰদৰ্শন কৰে সুদীৰ্ঘ শোভাযাত্ৰা।

দুই কাৰ্যসূচী সু-সম্পাদনৰ পিছতে প্ৰাৰম্ভণ কৰা হয় সামৰণি অনুষ্ঠান তথা মুকলি সভা। সহ: শিক্ষয়িত্ৰী গীতিমা হালৈ বৰুৱাই আঁত ধৰা সহ: শিক্ষক অতুল চন্দ্ৰ নাথে উদ্দেশ্য ব্যাখ্যা আৰু চিনাকি পৰ্বৰ আত ধৰে ্। সভাত পৌৰহিত্য কৰে প্ৰধান শিক্ষক প্ৰদীপ কুমাৰ দেই। চাৰি শতাধিক ছাত্ৰ-ছাত্ৰী, শিক্ষয়িত্ৰী উপস্থিত থকা সভাখন উদ্বোধন কৰে সহ : প্ৰধান শিক্ষক নৱ কুমাৰ নাথে। বিদ্যালয়ৰ শিক্ষয়িত্ৰী ৰিপামণি শৰ্মা, গীতিমা হালৈ বৰুৱা, দীপিকা বৰা , ৰঞ্জিতা দেৱীয়ে লাচিত বন্দনাপূৰ্ণ ভূপেন্দ্ৰ সংগীত” মই লাচিতে কৈছো মোৰ সঘনাই নাম লোৱা লুইত পৰীয়া ডেকাদল ” পৰিবেশন কৰি সভা উন্মোচনত সৌষ্ঠৱ বৃদ্ধি কৰে । সভাত কলাগুৰু বিষ্ণু ৰাভা কণিষ্ঠ মহাবিদ্যালয়ু অৱসৰ প্ৰাপ্ত প্ৰৱক্তা কুমুদ শৰ্মা মুখ্য অতিথি মাজবাট মহাবিদ্যালয়ৰ সহকাৰী তথা শিক্ষা বিভাগৰ মূৰব্বী অধ্যাপক জয়ন্ত কলিতা, অৱসৰপ্ৰাপ্ত এ চি‌ এছ -অসম চৰকাৰৰ গৃহ বিভাগৰ উপ সচিব-ভাৰত চৰকাৰৰ পাৰ পত্ৰ বিষয়া শচীন্দ্ৰ মোহন মাহাতো বিশিষ্ট অতিথি ৰূপে সভাৰ আসনৰ শোভা বৰ্ধন কৰে। ভাষণত কেউজনা বিজ্ঞ ব্যক্তিয়ে চিৰ বৰেণ্য তথ‍ দুৰ্বাৰ মহাবীৰ লাচিত বৰফুকনৰ জন্ম বৃত্তান্ত, মোমাই তামূলী বৰবৰুৱা, লাচিতৰ সঠিক জন্ম তথ্য, বংশ পৰিক্ৰমা, বুৰঞ্জীত ইয়াৰ অৱলোকন, পাইক প্ৰথা,অসম বুৰঞ্জী, কামৰ গাফিলতিৰ হেতুকে হেংদাং লৈ মোমায়েকৰ শিৰচ্ছেদ, গড় নিৰ্মাণ ,শৰাইঘাটৰ যুদ্ধত জ্বৰৰ গাৰে লাচিতৰ সিংহ-নাদ অগ্ৰণী অংশগ্ৰহণ, দেশপ্ৰেম -লাচিতৰ সাহস আদৰ্শক আজিৰ ছাত্ৰ-ছাত্ৰীৰ অনুকৰণৰ প্ৰাসংগিকতা সন্দৰ্ভত মনোজ্ঞ আলোকপাত কৰে।

বৰ্ণিল জাতি-জনগোষ্ঠী, সম্প্ৰদায়ৰ শিক্ষাৰ্থীৰে পৰিপূৰ্ণ এই বিদ্যা মন্দিৰৰ মুকলি অনুষ্ঠানৰ কাৰ্যক্ৰমণিকাত ছাত্ৰ-ছাত্ৰীৰ বাৰেৰহণীয়া পৰিধানেৰে আধুনিক নৃত্য, কুশ্বান নৃত্য, বড়ো নৃত্য, চাহ জনজাতি নৃত্য, আদিবাসী নৃত্য, নেপালী নৃত্য, লাচিত বন্দনা নৃত্য, দেশপ্ৰেম -জাতিপ্ৰেম গীতৰ নৃত্য আৰু গীত, ঈশ্বৰ আৰাধনা নৃত্য-গীত, কবিতা আবৃত্তি , অতিথি-অভ্যাগতৰ ভাষণৰ গাম্ভীৰ্যপূৰ্ণ সাংগীতিক ঐক্যতানেৰে ওৰাঙৰ আকাশ-বতাহ নময়ী লাচিতময় হৈ পৰে । ছাত্ৰী কুঁহি বৰাই বৰেণ্য কবি দেৱকান্ত বৰুৱাৰ “লাচিত ফুকন” আৰু ছাত্ৰী স্নিগ্ধা বৈশ্য- কুঁহি বৰাই অতুল চন্দ্ৰ হাজৰিকাৰ ” শৰাইঘটীয়া ডেকাদল ” কবিতাৰ হৃদয়জিনা আবৃত্তি -ভংগিমাৰে সকলোকে মোহিত কৰে । ইয়াৰ মাজতে ইতিমধ্যে ১৯ ,২০ , ২১ ,২২ আৰু ২৩ নৱেম্বৰত অনুষ্ঠিত কৰা বিভিন্ন কাৰ্যসূচীৰ লগতে লাচিত বৰফুকন বিষয়ক লেখা , চিত্ৰাংকন, আকস্মিক বক্তৃতা ,কুইজ প্ৰতিযোগিতাত বিজয়ী সকলক মূল্যবান কিতাপৰ টোপোলা, কলম ,ৰুলমাৰী আদিৰে পুৰস্কৃত কৰা হয় । ইয়াৰ পিছতেই সহ: প্ৰধান শিক্ষক নৱ কুমাৰ নাথ, হিন্দী শিক্ষয়িত্ৰী ৰঞ্জিতা দেৱী আৰু এদল ছাত্ৰীয়ে একত্ৰে পৰিবেশন কৰা সাহিত্য ৰথী লক্ষ্মীনাথ বেজবৰুৱাৰ কালজয়ী ” আমি অসমীয়া নহও দুখীয়া” সংগীতে অনুষ্ঠানৰ মাত্ৰা সুবাসিত কৰে। শলাগৰ শৰাই আগবঢ়ায় সহ: প্ৰধান শিক্ষক নৱ কুমাৰ নাথে। সভাৰ সভাপতি প্ৰদীপ কুমাৰ দেই মহাবীৰ লাচিত বৰফুকনৰ আদৰ্শৰ সাম্প্ৰতিক প্ৰাসংগিকতা বিশ্লেষণ কৰি মহাযোদ্ধাগৰাকীৰ ওপজা দিনটোৰ সামৰণী অনুষ্ঠানৰ সমাপ্তি ঘোষণা কৰে । ইয়াৰ পূৰ্বে ছাত্ৰ-ছাত্ৰীসকলৰ মাজত ১৯ নৱেম্বৰত অনুষ্ঠিত কৰা মহাবীৰ লাচিত বৰফুকন বিষয়ক জীৱনী লেখা প্ৰতিযোগিতা অনুষ্ঠিত,২০ নৱেম্ভৰত ভাৰপ্ৰাপ্ত প্ৰধান শিক্ষক নৱ কুমাৰ নাথৰ নেতৃত্বত বিদ্যালয়ৰ সমূহ পৰিয়ালে বৃক্ষৰোপণ কাৰ্যসূচী ৰূপায়ন,২১ নৱেম্বৰত নিৰলা শৰ্মা , দীপক বৈশ্য,ৰিপামণি শৰ্মাৰ পৰিচালনা -মূল্যায়নেৰে মহান নায়ক লাচিত বৰফুকনৰ প্ৰতিচ্ছবি বা আহোম যুগৰ যুদ্ধৰ সজুলিৰে চিত্ৰাংকণ প্ৰতিযোগিতা, ২২ নৱেম্বৰত আকৰ্ষণীয় আলোচনা চক্ৰ আৰু “লাচিত বৰফুকনৰ মাতুল শিৰচ্ছেদ মহাপাপ আছিল” শীৰ্ষক তৰ্ক প্ৰতিযোগিতাৰ আয়োজন কৰা হয়। প্ৰধান শিক্ষক প্ৰদীপ কুমাৰ দেৰ সঞ্চালনাত আয়োজিত আলোচনা চক্ৰৰ নিৰ্ধাৰিত বিষয় আছিল “ৰাষ্ট্ৰ মহাবীৰ লাচিত বৰফুকন” ।

মুখ্য আলোচক সহ: প্ৰধান শিক্ষক নৱ কুমাৰ নাথে অসম তথা ভাৰতৰ প্ৰাত: স্মৰণীয় মহাবীৰ লাচিতৰ জীৱন পৰিক্ৰমাৰ আদ্যোপান্ত বিৱৰি সুন্দৰ-সাৱলীল ভাৱে আলোকপাত কৰে । আলোচক সহ: শিক্ষক দেৱী প্ৰসাদ উপাধ্যায়েও চমুকৈ শৰাইঘাট মহাৰণৰ অপ্ৰতিৰোধ্য সেনাপতি লাচিত বৰফুকনৰ স্মৃতি অৱলোকন কৰে। দিনটোৰ কাৰ্যসূচীৰ অন্যতম আকৰ্ষণ ” লাচিত বৰফুকনৰ মাছুল শিৰচ্ছেদ মহাপাপ আছিল” তৰ্ক প্ৰতিযোগিতাৰ অধ্যক্ষতা কৰে সহ: প্ৰধান শিক্ষক নৱ কুমাৰ নাথে । সংস্কৃত শিক্ষয়িত্ৰী ৰিপামণি শৰ্মাই সপক্ষ দল আৰু বিজ্ঞান শিক্ষক স্বপ্নন সেনে বিপক্ষ দলৰ পৰিচালনাত ন্যস্ত থাকে । ২৪ নৱেম্বৰত গীতিমা হালৈ বৰুৱাৰ সঞ্চালনত অনুষ্ঠিত হয় আকস্মিক বক্তৃতা আৰু কুইজ প্ৰতিযোগিতা । শিক্ষক কুল প্ৰসাদ উপাধ্যায়,স্বপ্ন সেন,ৰাণু কলিতা বৰুৱা, দেৱী প্ৰসাদ উপাধ্যায়, দীপক বৈশ্য, স্বপ্নালী বৰা , নিৰ্মলা শৰ্মা আৰু ছাত্ৰ পাৰ্থ ডেকাই পৰিচালনা কৰে দুই কুইজ আৰু আকস্মিক বক্তৃতা প্ৰতিযোগিতা। ধনশ্ৰীঘাটৰ ২ নং নলবাৰী উচ্চতৰ মাধ্যমিক বিদ্যালয়, ওৰাং উচ্চতৰ মাধ্যমিক বিদ্যালয়, কলাগুৰু বিষ্ণু ৰাভা মহাবিদ্যালয়,পাউৰীপোটা মাধ্যমিক বিদ্যালয় পৰিয়ালেও অনুৰূপ কাৰ্যক্ৰমণিকা সম্পাদন কৰে।

ওদালগুৰি জিলাৰ মাজবাট শিক্ষা খণ্ডৰ অন্তৰ্গত লামাবাৰী মধ্য ইংৰাজী বিদ্যালয়ৰ প্ৰধান শিক্ষক, সাহিত্য সংস্কৃতি সাধনা মঞ্চ অসম গ্ৰুপৰ সাধাৰণ সম্পাদক, বিভিন্ন সামাজিক সাংস্কৃতিক জাতীয় অনুষ্ঠানৰ নেতৃত্ব বহনকাৰী,কবি, লেখক নিৰঞ্জন বৰাক ২৪ নৱেম্বৰ,২০২২ তাৰিখে গুৱাহাটী দিছপুৰ লাষ্টগেটত অৱস্থিত লোকনিৰ্মাণ বিভাগৰ সভাকক্ষত ভাৰত চৰকাৰৰ পঞ্জীয়ন ভূক্ত সংস্থা বৰলুইত ফাউণ্ডেশ্যনে আড়ম্বৰপূৰ্ণ জাকজমকতাৰে আয়োজন কৰা বঁটা প্ৰদান অনুষ্ঠানত- প্ৰেৰণা বঁটা-২০২২ লাভ কৰে।

মহাবীৰ লাচিতৰ ৪০০ বছৰীয়া জন্মজয়ন্তী উপলক্ষে সংস্থাটোৱে অসমৰ বিভিন্ন জিলাৰ -অসমৰ সমাজ জীৱনলৈ অতুলনীয় অৱদান আগবঢ়োৱা সমাজ সেৱক, সাংস্কৃতিক কৰ্মী,কৃতি শিক্ষক,কবি,সাহিত্যিক, লেখক- লেখিকা, শিল্পী,কলা-কৌশলী, অভিনেতা- অভিনেত্ৰী, প্ৰশাসনিক বিষয়া সকলৰ বহুতকে প্ৰেৰণা বঁটা-২০২২ প্ৰদান কৰে। যাতে অনাগত দিনবোৰত তেওঁলোকে আগতকৈ দুগুণ উৎসাহে কাম কৰাৰ প্ৰেৰণা পায়। তাৰেই পৰিপ্ৰেক্ষিতত বিভিন্ন সময়ত বিভিন্ন অনুষ্ঠানৰ পৰা বঁটা লাভ কৰিবলৈ সক্ষম হোৱা নিৰঞ্জন বৰাক ২৫ নৱেম্বৰ,২০২২ তাৰিখ শুক্ৰবাৰে তেখেতৰ কৰ্মৰত বিদ্যালয় প্ৰাঙ্গণত বিদ্যালয়ৰ সমূহ শিক্ষক শিক্ষয়িত্ৰী কৰ্মচাৰী আৰু ছাত্ৰ ছাত্ৰীয়ে আনুষ্ঠানিক ভাৱে উষ্ম আদৰণি আৰু সম্বৰ্দ্ধনা জ্ঞাপন কৰে। বিদ্যালয়খনৰ শিক্ষক কৰ্মচাৰী আৰু ছাত্ৰ ছাত্ৰীৰ নেতৃত্বত এই সম্বৰ্দ্ধনা অনুষ্ঠান অনুষ্ঠিত কৰা হয়।

সহকাৰী শিক্ষক ক্ষীৰোদ কুমাৰ শৰ্মাই নিৰঞ্জন বৰাই বৰ্তমানলৈকে লাভ কৰা সকলো বোৰ বঁটা সম্পৰ্কে ছাত্ৰ ছাত্ৰীক অৱগত কৰে। তেওঁ কয় যে – লামাবাৰী মধ্য ইংৰাজী বিদ্যালয়ৰ প্ৰধান শিক্ষক নিৰঞ্জন বৰাই -NEBCUS ৰ পৰা PRIDE OF NORTH EAST AWARD-2019, ভাৰতীয় দলিত সাহিত্য একাডেমীৰ পৰা- ড° আম্বেদকাৰ বঁটা- ২০১৯, সাহিত্য সমাজ সংস্কৃতি সেৱা মঞ্চ অসম ৰ পৰা অসম গৌৰৱ সন্মান বঁটা -২০২০আৰু ২০২২, নৱজাগৰণ মঞ্চ গুৱাহাটীৰ পৰা – গুৰুৰত্ন বঁটা -২০২২, Hypedge Media and promotions private Limited ৰ তৰফৰ পৰা TOP 100 TEACHERS INDIA – INDIAN EDUCATION AWARDS -2022, India Human Rights Foundation ৰ তৰফৰ পৰা- GANDHI NATIONAL PEACE AWARD -2022, World Charity Welfare Foundation ৰ পৰা- INTERNATIONAL SOCIAL HONOURABLE AWARD -2022, Mission India Welfare MIW Foundation ৰ পৰা– BHARAT BHUSHAN AWARD-2022 আৰু শেহতীয়াকৈ ২৪ নৱেম্বৰ,২০২২ তাৰিখে ভাৰত চৰকাৰৰ পঞ্জীয়ন ভূক্ত সংস্থা বৰলুইত ফাউণ্ডেশ্যনৰ পৰা গুৱাহাটী দিছপুৰ লাষ্টগেটত অৱস্থিত লোকনিৰ্মাণ বিভাগৰ সভাকক্ষত আয়োজিত অনুষ্ঠানত– প্ৰেৰণা বঁটা -২০২২ লাভ কৰিবলৈ সক্ষম হয়। তেওঁৰ সফলতা প্ৰকৃতাৰ্থত আমাৰ বিদ্যালয়ৰ সফলতা। সেয়েহে আজি আনুষ্ঠানিক ভাৱে সমূহ শিক্ষক কৰ্মচাৰী আৰু ছাত্ৰ ছাত্ৰীৰ তৰফৰ পৰা অসমীয়াৰ স্বাভিমান একোখনিকৈ ফুলাম গামোচাৰে তেখেতক উষ্ম আদৰণি আৰু সম্বৰ্দ্ধনা জ্ঞাপন কৰিলোঁ।

লামাবাৰী উচ্চ মাধ্যমিক বিদ্যালয়ৰ প্ৰধান শিক্ষক কিৰিটী শৰ্মা বৰুৱাই বক্তব্য প্ৰদান কৰি কয় যে – নিৰঞ্জন বৰা এজন কৃতি শিক্ষকেই নহয়, তেওঁ এগৰাকী বিশিষ্ট সমাজকৰ্মী, সাহিত্য আৰু সাংস্কৃতিক কৰ্মী,সমাজ সংগঠক, সমাজ সেৱক, বহুতো জাতীয় সংগঠনৰ নেতৃত্ব বহনকাৰী সুদক্ষ ব্যক্তি,সু কবি, লেখক। ইতিমধ্যে তেখেতৰ চাৰিখন কৈ কাব্যগ্ৰন্থ প্ৰকাশ পায় পাঠক সমাজত সমাদৰ লাভ কৰিছে। বিভিন্ন আলোচনী কাকতত তেওঁ লিখা প্ৰৱন্ধ আদি প্ৰকাশ হৈ আহিছে। আনহাতে আন ভালেকেইখন গল্প, প্ৰৱন্ধ আৰু কাব্য গ্ৰন্থ তেওঁৰ প্ৰকাশৰ দিশত। আজি নিৰঞ্জন বৰাই দক্ষতাৰ ভিত্তিত যিসমূহ বঁটা লাভ কৰিবলৈ সক্ষম হৈছে এইয়া আচলতে তেখেতৰ অক্লান্ত সাধনাৰ ফচল। বিদ্যালয় খনলৈ তেওঁৰ জৰিয়তে যি গৌৰৱ আহিছে সেইয়া আমাৰ গৌৰৱ, শিক্ষক শিক্ষয়িত্ৰী, ছাত্ৰ ছাত্ৰীৰ আৰু ৰাইজৰ গৌৰৱ। তেখেতলৈ আন্তৰিক শুভেচ্ছা অভিনন্দন জ্ঞাপন কৰি নিৰঞ্জন বৰাৰ সুন্দৰ সুদীৰ্ঘ স্বাস্থ্যৱন্ত কৰ্মময় সামাজিক সাংস্কৃতিক সাহিত্যিক জীৱনৰ সুউজ্বল কামনা কৰিলোঁ। তেখেতৰ লগতে উপস্থিত শিক্ষক শিক্ষয়িত্ৰী ছাত্ৰ ছাত্ৰী সকলোৱে তেখেতৰ সুন্দৰ ভৱিষ্যত উত্তৰোত্তৰ কামনা কৰি অনুষ্ঠানৰ সামৰণি কৰে।

ঘোষণা হ’ল বিগত ৩ বছৰৰ সংগীত–নাটক অকাডেমীৰ বঁটা৷ অসমৰ ৫ গৰাকীলৈ ২০২২ বৰ্ষৰ সংগীত নাটক অকাদেমী বঁটা আগবঢ়োৱা হৈছে। উল্লেখযোগ্য যে এইবাৰ ২০১৯, ২০২০ আৰু ২০২১ বৰ্ষৰ বঁটাসমূহ একেলগে ঘোষণা কৰিছে সংগীত–নাটক একাডেমীয়ে।

সত্ৰীয়া নৃত্যৰ প্ৰসিদ্ধ শিল্পী ৰঞ্জুমণি শইকীয়া, সুদক্ষ নাট্যকাৰ–পৰিচালক অবিনাশ শৰ্মা, অভিনেতা প্ৰাঞ্জল শইকীয়া, অংকীয়া ভাওনাৰ সংগীত আৰু পৰিচালনাৰ সৈতে জড়িত বিশিষ্ট শিল্পী গুণীন্দ্ৰনাথ ওজা, প্ৰসিদ্ধ বিহুৱা প্ৰসন্ন গগৈ, সত্ৰীয়া নৃত্যৰ প্ৰসিদ্ধ শিল্পী হৰি বৰা বৰবায়ন, ব্যাস ওজাপালিৰ বিশিষ্ট শিল্পী ধৰ্মেশ্বৰ নাথ ওজা, সত্ৰীয়া ওজাপালিৰ (ব্যাস কীৰ্তন) প্ৰসিদ্ধ শিল্পী গুৰুপ্ৰসাদ ওজা, বিশিষ্ট বেহেলাবাদক মিনতি খাউণ্ড আৰু অসমৰ লোকসংগীত আৰু নৃত্যৰ বিশিষ্ট শিল্পী মাখন চন্দ্ৰ বৰাই লাভ কৰিছে সন্মানীয় সংগীত–নাটক অকাডেমী বঁটা।

২০১৯ চনৰ বাবে ওস্তাদ বিছমিল্লাহ খাঁ বঁটা লাভ কৰিছে প্ৰভাত কাকতিয়ে। ২০২০ চনৰ বাবে এই বঁটা লাভ কৰিছে জলীমণি শইকীয়া (সত্ৰীয়া), মানস কুমাৰ চমুৱা (বেহেলা) আৰু হিমাংশু শৰ্মাই (নাট পৰিচালনা)। ২০২১ চনৰ বাবে বিছমিল্লাহ খাঁ বঁটা লাভ কৰিছে সত্ৰীয়া নৃত্যৰ দুই শিল্পী দীপজ্যোতি দাস আৰু দীপাংকৰ আৰান্ধৰাই।

শ্ৰীমন্ত শঙ্কৰদেৱ নামঘৰ, লাষ্টগেটত উত্তৰ পূব সাহিত্য আৰু সাংস্কৃতিক সন্মিলনৰ স্বীকৃতিপ্ৰাপ্ত কামৰূপ মহানগৰ সমিতিৰ অন্তৰ্গত, হাতীগাওঁ শাখা সমিতিৰ উদ্যোগত ১৮ নৱেম্বৰ শুক্ৰবাৰে এখনি কবি সন্মিলন অনুষ্ঠিত হৈ হয়। কবি সন্মিলনৰ লগতে ভালেকেইজন গায়ক গায়িকাই গীত পৰিৱেশন কৰে।

সন্মিলনৰ আৰম্ভণিতে এটি বৰগীত পৰিবেশন কৰে শাখাৰ সদস্য সকলে।তাৰপিছত অতিথি সকলক মঞ্চলৈ আদৰনি জনায় শাখাৰ সদস্যা সকলে ।সন্মিলনখনত সভাপতিত্ব কৰে শাখাৰ সভাপতি দিব্যজ্যোতি লহকৰে।উদ্দেশ্য ব্যাখ্যা কৰে সম্পাদিকা জ্যোতি কলিতা ডেকাই।

সন্মিলনত উপস্থিত থাকে উত্তৰ পূব সাহিত্য আৰু সাংস্কৃতিক সন্মিলনৰ কেন্দ্রীয় কমিটিৰ সম্পাদক প্ৰধান হেমচন্দ্র বৰ্মন, কাৰ্যকৰী সভাপতি-ডঃবৈজয়ন্তী গোস্বামী, উপ সভাপতি ডাঃনজৰুল কাজী। অতিথি হিচাপে উপস্থিত থাকে বৈজ্ঞানিক ডঃ বীৰেন শৰ্মা, কবি-গীতিকাৰ, অভিনেতা পৰাগ দেৱ চৌধুৰী আৰু কবি, গীতিকাৰ ,গায়ক সুভাষ নাথ। সভাৰ আৰম্ভণিতে সম্পাদক প্ৰধান হেমচন্দ্র বৰ্মনে সন্মিলনৰ সাংগঠনিক দিশৰ ওপৰত বক্তৃতা দিয়ে।

ডঃ বা জয়ন্তী গোস্বামীয়ে কবিতাৰ ওপৰত সুন্দৰভাৱে কয় আৰু এটি কবিতা পাঠ কৰে। ডাঃ নজৰুল কাজীয়ে কবি সন্মিলনখন সঞ্চালন কৰে, লগতে দুটি কবিতা পাঠ কৰে। বৈজ্ঞানিক বীৰেন শৰ্মাই কবিতাৰ ওপৰত সুন্দৰ বক্তৃতা প্ৰদানৰ সকলোকে আপ্লুত কৰে।

গীতিকাৰ অভিনেতা পৰাগ দেৱ চৌধুৰীয়ে কবিতা বোৰ পৰ্যালোচনা কৰে। কবি গায়ক সুভাষ নাথে স্ব ৰচিত, গীত গায়।সদস্যা স্নেহা দেৱীয়ে জুবিনৰ জন্মদিন উপলক্ষে দুআষাৰ কয়।শিশু শিল্পী চৈয়দ নৱাফ কাজী আৰু নিহাৰিকা কলিতাই গীত গোৱাৰ লগতে ভালে কেইগৰাকী সদস্য/ সদস্যাই গীত গায়। সভাপতিৰ বক্তব্যৰ পিছত কামনা কলিতাই শলাগৰ শৰাই আগবঢ়ায়। জাতীয় সংগীত পৰিবেশনেৰে সভা ভংগ কৰা হয়।