গৌতম আদানী, মুকেশ আম্বানী, চাইৰাছ এছ পুনাৱাল্লা আদিৰ পিছতেই ধনী ভাৰতীয়ৰ তালিকাত আছে ফাল্গুনী নায়াৰৰ নাম।

বুধবাৰে প্ৰকাশ পোৱা আই আই এফ এল ৱেলথ হুৰুণ ইণ্ডিয়া ৰিচ লিষ্ট ২০২২ অনুসৰি বিউটী ই-কমাৰ্চ প্লেটফৰ্ম Nykaaৰ প্ৰতিষ্ঠাপক ফালগুনি নায়াৰ (Falguni Nayar) আটাইতকৈ ধনী ভাৰতীয় মহিলাৰূপে পৰিগণিত হৈছে।

প্ৰতিবেদনত উল্লেখ কৰা হৈছে, “বিউটি এণ্ড ৱেলনেছ ই-কমাৰ্চ প্লেটফৰ্ম Nykaaৰ সফল তালিকাভুক্ত হোৱাৰ লগে লগে ফালগুনি নায়াৰে ‘বায়’টেক কুইন’ কিৰণ মজুমদাৰ শ্ব (Kiran Mazumdar-Shaw)ক অতিক্ৰম কৰি আইআইএফএল ৱেলথ হুৰুৰ্ণ ইণ্ডিয়া ৰিচ লিষ্ট ২০২২ৰ আটাইতকৈ ধনী স্ব-নিৰ্মিত ভাৰতীয় মহিলা (Richest Indian Woman) হিচাপে পৰিগণিত হৈছে।” .

নায়াৰ দেশৰ ভিতৰতে আটাইতকৈ ধনী মহিলা আৰু তেওঁৰ পিছতে আছে ৰেয়াৰ এণ্টাৰপ্ৰাইজেছৰ স্বত্বাধিকাৰী তথা প্ৰয়াত প্ৰবীণ বিনিয়োগকাৰী ৰাকেশ ঝুনঝুনৱালাৰ পত্নী ৰেখা ঝুনঝুনৱালা (Rekha Jhunjhunwala)।

তথ্য অনুসৰি বছৰটোৰ ভিতৰত ফালগুনী নায়াৰ আৰু পৰিয়ালৰ সম্পত্তি ৩০ হাজাৰ কোটি টকা বৃদ্ধি পাইছে আৰু তেওঁৰ সঞ্চিত সম্পদ ৩৪৫ শতাংশ বৃদ্ধি পাই প্ৰায় ৩৮,৭০০ কোটি টকাত উপনীত হৈছে।

তালিকাত সম্পদ সংযোজনৰ ক্ষেত্ৰত শীৰ্ষ ১০ গৰাকীৰ ভিতৰত নায়াৰে পঞ্চম স্থানত আছে আৰু তেওঁ হৈছে শীৰ্ষ ১০ৰ ভিতৰত থকা একমাত্ৰ মহিলা। গৌতম আদানী, মুকেশ আম্বানী, চাইৰাছ এছ পুনাৱাল্লা (Gautam Adani, Mukesh Ambani, Cyrus S Poonawalla)ৰ দৰে লোক তেওঁৰ আগত আছে।

আগ্ৰাৰ (Agra) দিল্লী গেট (Delhi Gate) এলেকাস্থিত হোটেলত কেইবা ঘণ্টাধৰি হাই ভল্টেজ ড্ৰামা দেখা পোৱা গ’ল। দৰাচলতে, তাত এগৰাকী পত্নীয়ে তাইৰ স্বামীক আন এগৰাকী মহিলাৰ সৈতে ৰোমাঞ্চ কৰি থকাৰ সময়ত হাতে-লোটে ধৰা পেলায়। যাৰ পিছত পত্নীয়ে মহিলাগৰাকীক আৰু স্বামীক চেণ্ডেলেৰে নিৰ্বিচাৰে প্ৰহাৰ কৰে। ইয়াৰ ভিডিঅ’ ছচিয়েল মিডিয়াত যথেষ্ট ভাইৰেল (Social Media Viral Video) হৈ পৰিছে।

উত্তৰ প্ৰদেশৰ (Uttar Pradesh) আগ্ৰাত (Agra) কোনো অন্য মহিলাৰ সৈতে হোটেলত ৰোমাঞ্চ কৰি বিপদত পৰিল এজন বিবাহিত পুৰুষ (Romancing Another Woman In A Hotel)। দৰাচলতে, যেতিয়া বন্ধ কোঠাত লোকজনে অন্য মহিলাৰ সৈতে ৰোমাঞ্চ কৰাত ব্যস্ত আছিল তেতিয়া হঠাৎ লোকজনৰ পত্নী তাত উপস্থিত হয়। স্বামীক অন্য মহিলাৰ সৈতে দেখি পত্নী ক্ষুব্ধ হৈ পৰে আৰু চেণ্ডেল খুলি প্ৰহাৰ কৰিবলৈ আৰম্ভ কৰে (Wife Beat Husband By Slipper)।

পত্নীয়ে স্বামীৰ লগতে সেই মহিলাগৰাকীকো চেণ্ডেলেৰে প্ৰহাৰ কৰিছিল। ঘটনাটো দিল্লী গেট এলেকাৰ। জানিবলৈ দিয়া অনুসৰি, দেৱৰী ৰোডৰ বাসিন্দা দিনেশে হাস্পতালত চাকৰি কৰে। লোকজনৰ পত্নী নীলমে অভিযোগ উত্থাপন কৰিছে যে দিনেশৰ অবৈধ সম্পৰ্ক (Extra Marital Affairs) আছে এগৰাকী মহিলাৰ সৈতে। যেতিয়া এই কথাটোৰ বিষয়ে পত্নীয়ে জানিব পাৰিলে তেতিয়া দুয়োৰে মাজত কাজিয়া হ’বলৈ আৰম্ভ হৈছিল।

এই কথাটোক লৈ অশান্তিত ভুগি নীলম মাকৰ ঘৰত গৈ থাকিব লৈছিল। সোমবাৰে তাই জানিব পাৰিলে যে দিনেশ সেই মহিলাগৰাকীৰ সৈতে দিল্লী গেটস্থিত এখন হোটেলত আছে। নীলম লগে লগে নিজৰ ভায়েকৰ সৈতে সেই হোটেলখনত উপস্থিত হয়। যেতিয়াই পত্নী কোঠাটোত যায় তেতিয়া দেখা পাই য়ে দিনেশ অন্য মহিলাৰ সৈতে আছিল। খঙত নীলমে চেণ্ডেলেৰে স্বামীক মাৰপিট কৰিবলৈ আৰম্ভ কৰে। লগতে অন্য মহিলাগৰাকীকো চেণ্ডেলেৰে প্ৰহাৰ কৰিবলৈ আৰম্ভ কৰে।

সেই সময়ছোৱাত দিনেশে পত্নী নীলমৰ ওচৰত ক্ষমা বিচাৰি থাকিল। নীলমৰ ভাতৃয়ে এই গোটেই ঘটনাটোৰ এটা ভিডিঅ’ বনাইছিল, যিটো ছচিয়েল মিডিয়াত যথেষ্ট ভাইৰেল হৈ পৰিছে (Social Media Viral Video)। ভিডিঅ’টোত দিনেশক তেওঁৰ পত্নীৰ ওচৰত বাৰে বাৰে ক্ষমা বিচাৰি থকা দেখা গৈছে। দিনেশে কৈ আছে যে, “ভুল হৈ গ’ল। দ্বিতীয়বাৰ নহয়। কেৱল এইবাৰ ক্ষমা কৰি দিয়া,” আনহাতে আনগৰাকী মহিলায়েও নীলমৰ ওচৰত ক্ষমা বিচাৰে।

কোৱা হৈছে যে হোটেলখনত হাই ভল্টেজ ড্ৰামা কেইবা ঘণ্টা ধৰি চলি আছিল। আৰক্ষীয়ে এই বিষয়ে তথ্য পোৱাৰ লগে লগে এটা দল ঘটনাস্থলীত উপস্থিত হয়। দিনেশ আৰু মহিলাগৰাকীক আৰক্ষী চকীলৈ লৈ যোৱা হৈছিল।