জনতা ভৱনত সশস্ত্ৰ সীমা বলৰ নৱনিযুক্ত সঞ্চালকপ্ৰধান সুজয় থাওচেনৰ সৈতে বাৰ্তালাপত মিলিত মুখ্যমন্ত্ৰী হিমন্ত বিশ্ব শৰ্মা। দেশৰ অন্যতম অৰ্ধসামৰিক বাহিনীৰ শীৰ্ষতম স্থানত এগৰাকী অসমৰ ব্যক্তি অধিস্থিত হোৱা বাতৰিটোৱে মুখ্যমন্ত্ৰীগৰাকীক আহ্লাদিত কৰি তুলিছে।

‘থাওচেনৰ এই সাফল্যই ৰাজ্যৰ যুৱক-যুৱতীসকলক নিজ নিজ বৃত্তিত পাৰদৰ্শিতা দেখুৱাবলৈ প্ৰেৰণাৰ উৎস হিচাপে বিবেচিত হ’ব।’ মুখ্যমন্ত্ৰীগৰাকীয়ে সামাজিক মাধ্যমত ব্যক্ত কৰে এই কথা।

কটন বিশ্ববিদ্যালয়ৰ নতুনকৈ পুনৰনিৰ্মাণ কৰা শ্বহীদ ৰঞ্জিত বৰপূজাৰী ছাত্ৰাবাসটো শুকুৰবাৰে উদ্বোধন কৰে কটন বিশ্ববিদ্যালয়ৰ উপাচাৰ্য অধ্যাপক ভবেশ চন্দ্ৰ গোস্বামীয়ে ৷ এই উদ্বোধনী অনুষ্ঠানত উপস্থিত থাকে বিশ্ববিদ্যালয়ৰ ভাৰপ্ৰাপ্ত পঞ্জীয়ক অধ্যাপক মহেশ্বৰ কলিতা, ডীন, অধ্যাপকবৃন্দ, কৰ্মচাৰী আৰু ছাত্ৰ-ছাত্ৰীসকলক।

১২৬ খন আসনযুক্ত এই হোষ্টেলত ডাবল আৰু ট্ৰিপল শ্বেয়াৰিং ভিত্তিত ৬০ টা কোঠা আছে। নৱনিৰ্মিত এই ভৱনটো ৬ মহলীয়া আৰু আবাসীসকলৰ বাবে আধুনিক সুবিধাৰে সজ্জিত। হোষ্টেলৰ শীৰ্ষ দুটা মহলা আন্তঃৰাষ্ট্ৰীয় ছাত্ৰ-ছাত্ৰী আৰু গৱেষক শিক্ষাৰ্থীৰ বাবে আৰু বাকী মহলাকেইটাত স্নাতকোত্তৰ ছাত্ৰ-ছাত্ৰীৰ বাবে ব্যৱস্থা কৰা হৈছে। পূৰ্বৰ কটন কলেজৰ ২য় মেছ নামেৰে জনাজাত এই হোষ্টেলটো ১৯১৩ চনত ব্ৰিটিছ শাসনৰ সময়ত তেতিয়াৰ কলেজ কৰ্তৃপক্ষই নিৰ্মাণ কৰিছিল।

বিশ্ববিদ্যালয় কৰ্তৃপক্ষই হোষ্টেলটো পুনৰনিৰ্মাণ কৰা পদক্ষেপক আদৰণি জনাইছে কটন পৰিয়ালে। উল্লেখ্য যে বিশ্বব্যাপী Covid19 মহামাৰীৰ মাজতো মাত্ৰ আঢ়ৈ বছৰৰ ভিতৰতে হোষ্টেলটোৰ পুনৰনিৰ্মাণৰ কাম সম্পূৰ্ণ হৈ উঠে ৷

বিগত দুদিন ধৰি সামাজিক মাধ্যমত ব্যাপক চৰ্চা লাভ কৰা এখন প্ৰতিচ্ছবি য’ত দেখা পোৱা গৈছে দৃষ্টিহীন পিতৃ মাতৃক বাট দেখাইছে তেওঁলোকৰ কনমানি সন্তানটিয়ে। পৰিয়ালটোৰ ঠিকনা ৰহাৰ দিঘলদৰিত। এই চৰ্চিত পৰিয়ালটোৰ মুঠ সদস্য পাঁচজন । স্বামী ভগেন হীৰা পত্নী কেতেকী বনিয়া আৰু তিনিগৰাকী কনমানি সন্তানৰ সৈতে সুন্দৰকৈ জীৱন নিৰ্বাহ কৰি আছে পৰিয়ালটোৱে । কিন্তু পৰিয়ালটোৰ একমাত্ৰ ভৰষা তেওঁলোকৰ পাঁচ বছৰীয়া পুত্ৰ সন্তান ৰাহুল হীৰা । ৰাহুলৰ হাতত ধৰিয়ে যাতায়ত কৰে পিতৃ মাতৃয়ে। ৰাহুলৰ চকুৰে এতিয়া পৃথিৱী দেখিছে দৃষ্টিহীন পিতৃ মাতৃয়ে। অকল নগাঁও জিলা তথা ৰহাতে নহয় অসমৰ ইমূৰৰ পৰা সিমূৰলৈ নিজ পিতৃ -মাতৃক লৈ যায় ৰাহুলে।কি দৰে পিতৃ মাতৃক অসমৰ ইমূৰৰ পৰা সিমূৰলৈ লৈ যায় সেই কথা ব্যক্ত কৰিছে কনমানী ৰাহুলে । ৰেলৰ অন্য যাত্ৰীৰ সহায়ত ষ্টেচনবোৰ চিনাক্ত কৰে কনমানি ৰাহুলে ।

পৰিয়ালটোৰ চলিবৰ বাবে সহায় বিচাৰি ভগেন হীৰাৰ লগতে স্থানীয় লোকে চৰকাৰ লগতে ৰাইজলৈ জনাইছে আবেদন। যদি কোনো হৃদয়বান ব্যক্তিয়ে এই দুৰ্ভগীয়া পৰিয়ালটোক সহায় কৰিব বিচৰে তেওঁলোকৰ ঠিকনা নগাঁও জিলাৰ ৰহা সমষ্টিৰ অন্তৰ্গত দীঘলদৰি গাওঁ পঞ্চায়তৰ অন্তৰ্গত ১নং ৱাৰ্ড, যোগাযোগ নম্বৰ ৭৫৭৮৯৬০১৩৬, বেংক একাউণ্ট নম্বৰ

BANK NAME – BANK OF INDIA
ACCOUNT HOLDER NAME – BHOGEN HIRA
ACCOUNT NUMBER – 505218210001988
IFSC- BKID0005052।