দ্ৰৌপদী মূৰ্মূৰ বিজয়ত তামুলপুৰৰ বিভিন্ন প্ৰান্তত আনন্দ উল্লাস।

এন ডি এৰ ৰাষ্ট্ৰপতি প্ৰাৰ্থী দ্ৰৌপদী মূৰ্মূৰ বিজয়ত দেশজুৰি আনন্দ উৎসৱ পালন কৰাৰ সমান্তৰালভাৱে তামুলপুৰ জিলাৰ বিভিন্ন প্ৰান্তত দেখিবলৈ পোৱা গৈছে উৎসৱমুখৰ পৰিৱেশ।

ৰাষ্ট্ৰপতি হিচাপে প্ৰথম বাৰৰ বাবে আদিবাসী মহিলা হিচাপে দ্ৰৌপদী মূৰ্মূ নিৰ্বাচিত হোৱাৰ পিছতে এতিয়া তামুলপুৰত উঠিছে আনন্দৰ জোৱাৰ।

তামুলপুৰ জিলা সদৰৰ বিজেপি কাৰ্যালয়ৰ সন্মুখত বিজেপি কৰ্মীৰ উল্লাসিত পদযাত্ৰা।

কুমাৰীকাটাত আদিবাসী চেঙ্গেল অভিযানৰ বিজয় ৰেলী। জিলাখনৰ গনেশগুৰিত সদৌ চানতাল কল্যাণ সংস্থাৰ উদ্যোগত তথা সদৌ চানতাল ছাত্ৰ সন্থা আৰু চানতাল বিকাশ পৰিষদৰ সহযোগত নৱ নিৰ্বাচিত ৰাষ্ট্ৰপতি গৰাকীক অভিনন্দন জ্ঞাপন।

তামুলপুৰৰ পৰা প্ৰসাদ দাসৰ প্ৰতিবেদন

চন্দা তুলিলেই হ’ব জেইল, নাজিৰাত আৰক্ষীয়ে নিশা জব্দ কৰিছে অসম জাতীয়তাবাদী যুৱ পৰিষদৰ ৰচীদ; চিনাক্ত হৈছে কেইবাজনো যুৱক। জাতীয় সংগঠনৰ চান্দা, এতিয়াৰ পৰা নচলিব ধান্দা । চান্দা আৰু এতিয়াৰে পৰা নহ’ব ধান্দা । সান্দহ খোৱা বালি তল গ’ল একাংশ জাতীয় সংগঠনৰ । চান্দা অপ-সংস্কৃতিৰ বন্ধ কৰিছে হিমন্ত চৰকাৰে । জাতীয় সংগঠন তথা ছাত্ৰ নেতাৰ সম্পত্তিৰ উৎস কি ? চান্দা নে আন কিবা ? এই কথা সৰ্বসাধাৰণৰ মুখে মুখে । চান্দাৰ নামত ৰাজ্যত চলে একাংশ জাতীয় সংগঠনৰ দাবী, ধমকি আৰু ব্যৱসায়ীক হাৰাশাস্তিৰ অভিযোগ ।

বিগত বৃহস্পতিবাৰৰ আবেলি পৰত শিৱসাগৰৰ নাজিৰা নগৰত অসম জাতীয়তাবাদী যুৱ পৰিষদ (AJYP)ৰ ৫ যুৱকে ব্যৱসায়ীক চান্দা সংগ্ৰহৰ নামত হাৰাশাস্তি কৰাৰ অভিযোগ উঠিছে । ব্যৱসায়ীৰ পৰা সংগ্ৰহ কৰিছে ১০০০ৰ পৰা ১৫০০টকা পৰ্যন্ত ধন । চান্দা তুলিলেই হ’ব জেইল । চান্দা অপ-সংস্কৃতি, ধনদাবীৰ দোকান বন্ধ কৰাৰ বিৰুদ্ধে কঠোৰ অসম আৰক্ষী । ব্যৱসায়ী অতিষ্ঠ হৈ নাজিৰা আদৰ্শ আৰক্ষী থানাত খবৰ দিয়ে । এই যুৱক কেইজনে এটা মাহত তিনিবাৰ পৰ্যন্ত ব্যৱসায়ীৰ ওচৰত চান্দা বিচাৰি অহাৰ অভিযোগ তোলিছে স্বয়ং ব্যৱসায়ীয়ে । চন্দাৰ অপ-সংস্কৃতি বন্ধ কৰিবলৈ কঠোৰ নিৰ্দেশ ডিজিপি ভাস্কৰজ্যোতি মহন্তৰ ।

এখন TATA NEXON AS 04 AD 0737 নম্বৰৰ বাহনত বিগত দিনা আবেলি পৰত ওপৰ নাজিৰাৰ চুনিল দাস, শিৱসাগৰৰ ষ্টেচন চাৰিআলিৰ বাবুল বড়াৰ সৈতে আন তিনিজন যুৱকে নগৰখনৰ একাংশ ব্যৱসায়ীৰ পৰা বিভিন্ন কৌশলেৰে ধন সংগ্ৰহ কৰাৰ তথ্য চি চি টিভি কেমেৰাত আবদ্ধ হৈছে । সামান্তৰাল ভাৱে নাজিৰা আৰক্ষীয়ে নিশা অভিযান চলাই অসম জাতীয়তাবাদী যুৱ পৰিষদ (AJYP)ৰ ভালে কেইখন ৰচীদ জব্দ কৰিছে । প্ৰতিখন জিলাৰ আৰক্ষী অধীক্ষকলৈ চান্দাৰ অপ-সংস্কৃতি বন্ধৰ ব্যৱস্থা কৰিবলৈ পত্ৰৰ যোগে প্ৰেৰণ কৰিছে কঠোৰ নিৰ্দেশ ।

আচৰ্যজনক বিষয়টো হ’ল সংগঠনটোৰ মুখ্য কাৰ্যালয় ডি ডি এ মাৰ্কেটকমপ্লেক্স, চৌকিডিঙ্গি, ডিব্ৰুগড় – ৭৮৬০০১ তথা যুৱক কেইজনে ব্যৱহাৰ কৰা ৰচীদ সমূহত সভাপতি, সাধাৰণ সম্পাদক আৰু বিত্ত সম্পাদকৰ স্বাক্ষ্যৰ সমূহ ষ্টাম্পৰ এক কৌশলগত স্বাক্ষ্যৰে অবৈধ ভাৱে ধন সংগ্ৰহ কৰাৰ অভিযোগ উঠিছে । চান্দা, ধন দাবীৰ বলি হ’লেই আপুনি খবৰ দিয়ক আৰক্ষীক । ইতিমধ্যে ফোন নম্বৰ মুকলি কৰিছে আৰক্ষীয়ে । শিৱসাগৰ আৰক্ষীৰ ফোন নম্বৰ ৯৪৩৫৫-০০৫৯৭ । সম্প্ৰতি নগৰখনৰ পৰা যুৱক কেইজন পলায়ন কৰা অভিযোগ উঠিছে।