কামৰূপ জিলাৰ হাজো ৰাজহ চক্ৰৰ অন্তৰ্গত জাপিয়া কালি মন্দিৰ প্ৰাংগনত  উত্তৰ কামৰূপ জিলা বিশ্ব হিন্দু পৰিষদ ও বজৰংগ দল হাজো প্ৰখণ্ডৰ উদ্যোগত দিনযোৰা বৰ্নাধ্য কাৰ্যসূচীৰে ৰাম নৱমী মহোৎসৱ পালন কৰা হ’য়।সেই অনুসৰি পুৱা মাল্যাৰ্পন, বন্তি প্ৰজালন,ওম কাৰ ধ্বনি আৰু বিজয় মহামন্ত্ৰৰে অনুষ্ঠানটিৰ শুভাৰম্ভ হ’য়।ইয়াৰ পিছতে এখনি সভা অনুষ্ঠিত হ’য়। সভাৰ সভাপতিত্ব কৰে হাজো প্ৰখণ্ডৰ ধৰ্ম প্ৰচাৰক জিতেন্দ্ৰ ভাগৱতীয়ে।সভাত হিন্দু দেৱতা বিষ্ণুৰ সপ্তম অৱতাৰ ৰাম ভগৱানৰ জীৱন পৰিক্ৰমাৰ এক অৱলোকন বাখ্যাৰে সমাজত ন্যায় প্ৰতিষ্ঠাৰ লগতে দেশ ,জাতি, ধৰ্মৰ ঐতিহ্য পৰম্পৰা ৰক্ষাৰ বাবে সদায় যুৱ সমাজক আগবাঢ়ি আহিবলৈ আহ্বান জনোৱাৰ লগতে ভগৱান শ্ৰীৰাম’ৰ আদৰ্শৰে সমাজত আমি সকলোৱে সদায় ধৈৰ্য,শান্ত আৰু স্থিৰ গতিৰে নিজৰ লক্ষ্যত উপনীত হ’বলৈ চেষ্টা কৰিব লাগে বুলিওঁ এক গঠনমূলক বাখ্যা আগবঢ়োৱা হ’য়।

সভাত নিমন্ত্ৰিত অতিথি ৰূপে উপস্থিত থাকে বিশিষ্ট সমাজ সেৱক তথা মনসা সাধক প্ৰমোদ বেজবৰুৱা,জ্যোষ্ঠ বিজেপি নেতা বিষ্ণু পাঠক,নগেন মালাকৰ,হাজো আৰক্ষী থানাৰ ভাৰপ্ৰাপ্ত আৰক্ষী বিষয়া এমব্ৰাৱেল দৈমাৰী,ৰাষ্ট্ৰীয় স্বয়ং সেৱক সংঘ উত্তৰ কামৰূপ জিলাৰ বৌদ্ধিক প্ৰমূখ প্ৰবীন মেধি,দিনমণি ডেকা,উত্তৰ কামৰূপ জিলা বজৰংগ দলৰ সহ-সংযোজক ৰিংকু কলিতা,কিশোৰ ডেকা,উত্তৰ কামৰূপ জিলা বজৰংগ দলৰ ধৰ্ম প্ৰচাৰক হিৰক কলিতা,জোন ৰাজবংশী,হাজো প্ৰখণ্ডৰ মিলন কেন্দ্ৰ প্ৰমূখ সদানন্দ দাস,সুৰক্ষা প্ৰমূখ হেমন্ত দাসকে প্ৰমূখ্য কৰি প্ৰায়সংখ্যক বিশিষ্ট গণ্য মান্য ব্যক্তি ।

সমাগত ৰঙালী বিহুৰ প্ৰাকমূহুৰ্তত দেওবাৰৰ পৰা বঙাইগাঁও চহৰৰ গান্ধী ময়দানত তিনিদিনীয়াকৈ আৰম্ভ হৈছে অসমী বহাগী মেলা- ২০২২ ৷ অসম ৰাজ্যিক গ্ৰামীণ জীৱিকা অভিযানৰ বঙাইগাঁও জিলা পৰিচালনা শাখাৰ উদ্যোগত আয়োজন কৰা এই অসমী বহাগী মেলাখন স্থানীয় বিধায়ক ফণীভূষণ চৌধুৰী আৰু জিলা উপায়ুক্ত ডাঃ এম এছ লক্ষ্মীপ্ৰিয়াই আনুষ্ঠানিকভাৱে দ্বাৰ মুকলি কৰি উদ্বোধন কৰে ৷ ইয়াৰ পিচতে অনুষ্ঠিত হয় উদ্বোধনী অনুষ্ঠান ৷ অসম ৰাজ্যিক গ্ৰামীণ জীৱিকা অভিযানৰ বঙাইগাঁও জিলাৰ প্ৰকল্প প্ৰৱন্ধক প্লোৰাজ মুছাহাৰীয়ে আদৰণি ভাষণ ৰখা অনুষ্ঠানৰ  আৰম্ভণিতে বন্তি প্ৰজ্বলন কৰে বিধায়ক ফণীভূষণ চৌধুৰীয়ে ৷

অনুষ্ঠানত বিধায়কগৰাকীয়ে বক্তব্যত এই বহাগী মেলাৰ জৰিয়তে আত্ম সহায়ক গোটসমূহ উপকৃত হ’ব বুলি আশা ব্যক্ত কৰে ৷ লগতে আত্ম সহায়ক গোটসমূহ উপকৃত হোৱাৰ লগে লগে গোটৰ সদস্যাসকলো পৰিয়ালকেন্দ্ৰিক উপকৃত হ’ব বুুুলিও কয় ৷ অনুষ্ঠানত জিলা উপায়ুগৰাকীয়েও বক্তব্য ৰাখে ৷ উল্লেখ্য যে এই মেলাখনত জিলাখনৰ বিভিন্ন আত্ম সহায়ক গোটৰ দ্বাৰা উৎপাদিত থলুৱা সা- সামগ্ৰী, গামোচা, বস্ত্ৰ শিল্প,  পিঠা – লাডু, শাক পাচলি আদি উপলব্ধ ৷ মেলাখনত মুঠ ৩০ টা ষ্টল আছে ৷ মেলাৰ লগত সংগতি ৰাখি বিভিন্ন খেল ধেমালি প্ৰতিযোগিতা আৰু সাংস্কৃতিক অনুষ্ঠিত হ’ব ৷ মেলাখন ১২ এপ্ৰিলত সামৰণি পৰিব ৷

নীতি আয়োগৰ দেশৰ ১১৭ খন আশাবাদী জিলাৰ তালিকাভূক্ত ধুবুৰী  জিলাতো পীৰামল ফাউণ্ডেছনে যোৱা কেইটামান বছৰৰ পৰা সেৱা আগবঢ়াই আছে আৰু এইবাৰ এছপ্রেচনাল ডিষ্ট্ৰিক্ত কলাবৰেচন প্ৰগ্ৰেমৰ অধীনত আৰু ধুবুৰী জিলা প্ৰশাসনৰ সহযোগত জিলাখনক শিক্ষা, স্বাস্থ্য , নাগৰিকৰ আৰ্থসামাজিক আৰু আন আন দিশ সমূহত আগবঢ়াই নিয়াৰ উদ্দেশ্যে আন এক পদক্ষেপ গ্ৰহণ কৰা দেখা গৈছে। নাগৰিকৰ জীৱন ধৰণৰ মান উন্নীতকৰণ অৰ্থে স্থানীয় স্বেচ্ছাসেৱী সংগঠন , কলেজ, আত্মসহায়ক গোট, পঞ্চায়ত সদস্য আৰু বিশ্বাসযোগ্য নেতা সকলক লগত লৈ একেলগে কাম কৰাৰ উদ্দেশ্যে শনিবাৰে  স্বেচ্ছাসেৱী সংগঠন সমূহৰ সৈতে এখনি এন. জি.অ. কনক্লেভ নামেৰে আলোচনা সভা অনুষ্ঠিত কৰা হয়।

সভাখনত জিলাখনৰ ২৩টা কৈ স্বেচ্ছাসেৱী সংগঠনে যোগদান কৰি একেলগে কামকৰাৰ অংগীকাৰ বদ্ধ হয়। উল্লেখ্য যে পীৰামল ফাউণ্ডেশ্যনৰ প্লে ষ্টোৰত পোৱা মেৰা যোগদান এপ্ ৰ যোগেদি  দেশৰ কেইবা শতাধিক স্বেচ্ছাসেৱী সংগঠনে সেৱা দিয়াৰ উদ্দেশ্যে একত্ৰিত হৈছে আৰু  ধুবুৰী জিলাখনৰ আৰু অধিক স্বেচ্ছাসেৱী সংগঠনে যোগদান কৰিব বিচাৰিলে পিৰামল ফাউণ্ডেশ্যনৰ ডিষ্ট্ৰিক্ট লীড সৌৰভ শইকীয়াৰ saurav.saikia@piramalfoundation.org মেইলত যোগাযোগ  কৰিবলৈ আহব্বান জনায়। আলোচনা সভাখনত পিৰামল ফাউণ্ডেশ্যনৰ তইয়োবা চুলতানা,সৌৰভ শইকীয়া, হিৰেন ঠাকুৰীয়া , নেহা ভট্ৰাচাৰ্জি, স্পৃহা গায়ন, সিৰাজুল ইছলাম, জ্যোতি মেধি, মণীষা পাণ্ডে, বিবেক মাহাতো আৰু গোবিন্দ মণ্ডল উপস্থিত থাকে।

দেওবাৰে কাজিৰঙা দৰ্শন কৰিলে লোক সাভাৰ অধ্যক্ষ ওম বিৰলায়ে। কাজিৰঙাৰ হাতীখুলি চাহ বাগিচাত ঝুমুৰ নৃত্যৰে উষ্ম আদৰণি লোক সাভাৰ অধ্যক্ষ ওম বিৰলাক। অধ্যক্ষ গৰাকীক সংগ দিয়ে মন্ত্ৰী অতুল বৰাই। বাগিচা খনত উপস্থিত হৈ অধ্যক্ষ গৰাকীয়ে সংবাদ মাধ্যমৰ আগত অসমৰ চাহৰ ওপৰত গুৰুত্ব পূৰ্ণ মন্তব্য কৰাৰ লগতে চাহ শ্ৰমিকৰ মজুৰি বৃদ্ধিৰ বিষয়টো ইতিমধ্যে লোক সাভাত উপস্থাপন কৰা হৈছে বুলিও মন্তব্য কৰে ।

ইয়াৰ পিছতে বাগৰি বনাঞ্চলত জীপ চাফাৰী কৰে অধ্যক্ষ গৰাকীয়ে।বাগৰি বনাঞ্চল দৰ্শন কৰি আপ্লুত হৈ পৰে অধ্যক্ষ গৰাকী। বাগৰি বনাঞ্চল দৰ্শন কৰি কাজিৰঙাৰ বন্য জন্তুৰ ওপৰতো গুৰুত্ব পূৰ্ণ মন্তব্য কৰে অধ্যক্ষ গৰাকীয়ে।