ৰাজ্যখনৰ লগতে  ১০ ডিচেম্বৰৰ দিনা ওদালগুৰি জিলাৰ ৰৌতা চাৰিআলিতো শ্বহীদ দিৱস পালন কৰা হয় । ৰৌতা আঞ্চলিক ছাত্ৰ সন্থাৰ উদ্যোগত ৰৌতা চাৰিআলিৰ মাজমজিয়াত অৱস্থিত শ্বহীদ বেদীৰ প্ৰাংগণত দিনজোৰা কাৰ্যসূচীৰে শ্বহীদ দিৱসৰ কাৰ্যসূচী অনুষ্ঠিত হৈ যায় । কাৰ্যসূচী অনুসৰি পুৱাৰ ভাগত  ছাত্ৰ সন্থাৰ পতাকা উত্তোলন কৰে ৰৌতা আঞ্চলিক ছাত্ৰ সন্থাৰ সভাপতি দীপজ্যোতি নাথে । চাফাইৰ পাছত শ্ৰদ্ধাঞ্জলি অনুষ্ঠান মুকলি কৰে ৰৌতা আঞ্চলিক ছাত্ৰ সন্থাৰ সাধাৰণ সম্পাদক  অভিলাষ দাসে

ইয়াৰ পাছত সন্ধিয়া ৬ বজাত শ্বহীদ বেদীৰ প্ৰাংগণত বন্তি প্ৰজ্বলনৰ অনুষ্ঠান মুকলি কৰে ওদালগুৰি জিলা ছাত্ৰ সন্থাৰ প্ৰাক্তন শিক্ষা সম্পাদক ঈশানজ্যোতি ভৰদ্বাজে  । শ্বহীদ বেদীৰ প্ৰাংগণত লগে লগে  এখন সভা অনুষ্ঠিত হৈ যায় । সভাত সদৌ ওদালগুৰি মহকুমা ছাত্ৰ সন্থাৰ প্ৰাক্তন সভাপতি বিদ্যুৎপ্ৰাণ  শৰ্মাই  ছয় বছৰীয়া বিদেশী খেদা আন্দোলনৰ জাতীয় শ্বহীদ খৰ্গেশ্বৰ  তালুকদাৰকেধৰি  সকলো শ্বহীদক  স্মৰণ কৰি ‌ ” আহ ঐ আহ , ওলাই আহ ,  খেদ ঐ খেদ, বিদেশী খেদ , আমাৰ দাবী মানিবই  লাগিব , ছাত্ৰ সন্থা জিন্দাবাদ  “আদি নানা ৰকমৰ  শ্লোগানৰ মাজেৰে সেই সময়ত  কৰা আন্দোলন  বিষয়ে কোৱাৰ লগতে স্বাক্ষৰিত চুক্তি চৰকাৰক আখৰে আখৰে পালন কৰিবলৈ দাবী জনাই বক্তব্য আগবঢ়ায় ।

সভাত অসম জাতীয়তাবাদী যুৱ-ছাত্ৰ পৰিষদৰ ৰৌতা আঞ্চলিক সমিতিৰ প্ৰাক্তন সভাপতি আৰু ৰৌতা আঞ্চলিক ছাত্ৰ সন্থাৰ  সমূহ বিষয়-ববীয়া সদস্য-সদস্যাসকলো উপস্থিত আছিল । আনহাতে , ওদালগুৰি জিলাৰ মাজবাট চহৰৰ মাজমজিয়াত থকা শ্বহীদ বেদীৰ প্ৰাংগণটো কালি ১০ ডিচেম্বৰত মাজবাট ছাত্ৰ সন্থাৰ উদ্যোগত শ্বহীদ দিৱস পালন কৰা হয় ।  তদুপলক্ষে পুৱা ৯ বজাত মাজবাট আঞ্চলিক ছাত্ৰ সন্থাৰ সভাপতি হিমাংশু কলিতাই পতাকা উত্তোলন কৰাৰ পাছত শ্বহীদ তৰ্পণৰ কাৰ্যসূচী অনুষ্ঠিত হৈ যায় । ইয়াৰ পাছত ছাত্ৰ সন্থাৰ সকলো বিষয় ববীয়া সকলৰ উপস্থিতিত অসম আন্দোলনৰ জাতীয় শ্বহীদ সকলৰ ত্যাগৰ লগতে প্ৰাণ আহুতি দিয়া ৮৫৫ জন শ্বহীদ সকলক স্মৰণ কৰি সন্ধিয়া ৫ বজাত বন্তি প্ৰজ্বলন কৰা হয় ।

ৰাজ্য চৰকাৰৰ হঠকাৰী সিদ্ধান্তৰ বাবে বনাঞ্চল সংকুচিত হোৱাত বনাঞ্চলৰ বনৰীয়া জীৱ-জন্তু জনাঞ্চলত বিচৰণ স্থলীত পৰিণত হৈছে। কাৰণ ৰাজ্য চৰকাৰে খিলঞ্জীয়া লোকক ভূমি পাট্টা দিয়াৰ আঁচনি গ্ৰহণ কৰিছে।এই মাটিৰ পাট্টা দিছে চৰকাৰে খিলঞ্জীয়া লোকক।ৰাজ্য চৰকাৰে খিলঞ্জীয়া লোককহে ভূমিৰ পাট্টা দিছে। এই ক্ষেত্ৰত একাংশ সচেতন নাগৰিকে চৰকাৰৰ কাৰ্য্যক সমালোচনা কৰি প্ৰশ্ন উত্থাপন কৰে যে ; যদি লোক জন খিলঞ্জীয়াই হয় তেন্তে কিয় ভূমিৰ পাট্টা দিব লাগে। লোক জন জন্ম হোৱা স্থানটো ক’ত গ’ল। লোক জনৰ পিতৃৰ ভূমি সম্পত্তি খিনি বৰ্তমানৰ খিলঞ্জীয়া লোক জনৰ সম্পত্তি নহয় নেকি ? যদি হয়েই সেই লোকক কিয় চৰকাৰে ভূমিৰ পাট্টা দিব লাগে।

চৰকাৰৰ এনে হঠকাৰী সিদ্ধান্তৰ বাবে বনাঞ্চলৰ ভূমি সংকুচিত হৈছে যাৰ বাবে বনৰীয়া জীৱ-জন্তুৰ বিচৰণ স্থলী নোহোৱা হৈ পৰিছে। চৰকাৰে প্ৰদান কৰা ভূমিৰ পাট্টা লৈ নতুন পাট্টাদাৰ সকলে বনাঞ্চলত ৰবৰ বাগান ; কল বাগান আৰু তামোল-পাণৰ বাগান বনায় বনাঞ্চল ধ্বংস কৰিছে। ইয়াৰ প্ৰভাৱতেই বনাঞ্চল সংকুচিত হোৱাত বকোৰ ভিন্ন প্ৰান্তত হাতী মানুহৰ সংঘাত টুংগত উঠিছে। উল্লেখ্য যে ; এই ক্ষেত্ৰত আজি বকো ৰাজহ চক্ৰৰ অন্তৰ্গত বকো বন্দাপাৰা ৰাজাপাৰা অঞ্চলত দিন দুপৰতে এটা বৃহৎ হাতীৰ জাকে ধাননি পথাৰত উপদ্ৰৱ কৰি পকা ধান খায় টহিলং কৰে। দিনটো হাতীৰ জাক টোৱে বন্দাপাৰা ৰাজাপাৰাত বিচৰণ কৰা সময়তে ৰাজাপাৰাত অঘটন সংঘটিত হয়। বন বিভাগৰ কৰ্মীয়ে হাতী খেদাৰ সময়ত বনকৰ্মীৰ গুলিত গুলীবিদ্ধ হয় দুই বছৰীয়া শিশু সহ মাতৃ এগৰাকী।

প্ৰাপ্ত খৱৰ অনুসৰি হাতী খেদিবলৈ শূণ্যলৈ গুলীচালনা কৰোতেই সংঘটিত হয় এই অঘটন। বনকৰ্মীৰ গুলিত থিতাতে নিহত দুই বছৰীয়া কন্যা শিশু আৰবী দৈমাৰী আৰু গুৰুতৰভাৱে আহত হয় শিশু টোৰ মাতৃ মালবিকা দৈমাৰী। ইফালে সংকটজনক অৱস্থাত মালবিকা দৈমাৰীক জিএমচিএইছলৈ প্ৰেৰণ কৰে বকো আৰক্ষী প্ৰশাসন আৰু চিকিৎস্যালয়ে। আনহাতে উক্ত ঘটনাত উত্তেজিত স্থানীয় ৰাইজে ১৭ নং ৰাষ্ট্ৰীয় ঘাইপথ অৱৰোধ কৰি প্ৰতিবাদী কাৰ্য্যসূচী ৰূপায়ণ কৰে আৰু বিভাগীয় কৰ্তৃপক্ষক বিহিত ব্যৱস্থা গ্ৰহণ কৰিবলৈ আহ্বান জনায়।