অসম কবি তথা সাহিত্যিক নীলমণি ফুকনে সৰ্বোচ্চ ভাৰতীয় সাহিত্য বঁটা জ্ঞানপীঠ বঁটা লাভ কৰে। নীলমণি ফুকনক অসমী কবিতাৰ ধাৰাত তেওঁৰ প্ৰতীকবাদী প্ৰতিনিধিত্বৰ বাবে জনা যায়।ফুকনক এই বছৰ ৫৬ তম জ্ঞানপীঠ বঁটাৰ বাবে বাছনি কৰা হৈছে। নীলমণি ফুকনৰ লগতে কোংকনী লেখক দামোদৰ মৌজোৱেও সন্মানীয় বঁটা লাভ কৰে।বিশিষ্ট কবি নীলমণি ফুকনৰ জন্ম দেৰগাঁৱত হৈছিল। বিশেষকৈ এই প্ৰাৰম্ভিক পৃষ্ঠভূমি আৰু ভাষাটোৰ প্ৰতি থকা তেওঁৰ শৈল্পিক সঁহাৰিৰ বাবে তেখেতে সমৃদ্ধ লোক সংস্কৃতিৰ প্ৰতি গভীৰ আগ্ৰহ গঢ়ি তুলিছিল। তেওঁক অসমৰ এজন আগশাৰীৰ কলা বিশেষজ্ঞ লগতে জনজাতীয় আৰু লোক কলাৰ সচেতন সমালোচক হিচাপে জনা যায় ।

কবি নীলমণি ফুকনৰ সাহিত্যৰাজিৰ ভিতৰত আছে:

• জ্যোতিকণা,
• সাহিত্যকলা
• জয়াতীৰ্থ
• চিন্তামনি
• মানসী
• গুটিমালী,
• জিঞ্জিৰি
• মহাপুৰুষীয়া ধৰ্ম, অমিত্ৰা
• সন্ধানী
• শতধাৰা
• মৰ্মবাণী
• আহুতি
• তৰুণ অসম
• মৰা ডালত কুঁহিপাত 

 ২০৩০ চনৰ ভিতৰত মহিলাৰ বিৰুদ্ধে হিংসা ৰোধ কৰিবলৈ ৰাষ্ট্ৰসংঘৰ সচিব প্ৰধানে অভিযান “ইউ এন আই টি ই” (UNiTE) পালন কৰি আছে, যি হৈছে মহিলা আৰু ছোৱালীৰ লিংগ-আধাৰিত হিংসাৰ বিৰুদ্ধে ১৬ দিনৰ সক্ৰিয়তা, যি ২০২১ চনৰ ২৫ নৱেম্বৰত মহিলাৰ বিৰুদ্ধে হিংসা দূৰীকৰণৰ বাবে আন্তৰ্জাতিক দিৱসত আৰম্ভ হৈছিল আৰু ১০ ডিচেম্বৰ ২০২১ত মানৱ অধিকাৰ দিৱসত সমাপ্ত হ’ব। অসম চৰকাৰৰ সমাজ কল্যাণ সঞ্চালকালয়েও ইয়াৰ লগত সংগতি ৰাখি বিভিন্ন সজাগতা মূলক কাৰ্যসূচী হাতত লৈছে ।এই অনুসৰি আজি নাজিৰা মহকুমাধিপতি কাৰ্যালয়ৰ প্ৰাংগনৰ পৰা নাজিৰা নাট্য মন্দিৰলৈ, মহিলা আৰু কন্যা সন্তানৰ নিৰ্যাতনৰ বিৰুদ্ধে হোৱা হিংসা প্ৰতিৰোধ আৰু ইয়াৰ সমাধানৰ দিশত সজাগতা সৃষ্টিৰ উদ্দেশ্যে সমাজ কল্যান বিভাগ আৰু নাজিৰা শিশু উন্নয়ন প্ৰকল্পৰ উদ্যোগত এখনি শোভাযাত্ৰা আৰম্ভ কৰা হয়। শোভাযাত্ৰাৰ অন্তত নাজিৰা নাট্য মন্দিৰ প্ৰাংগনত শিশু উন্নয়ন প্ৰকল্পৰ ক্ষেত্ৰ পৰ্যৱেক্ষিকা নীলাক্ষী বৰুৱাই ৰচনা কৰা এখন  বাটৰ নাট প্ৰদৰ্শন কৰা হয়। এই নাট খনৰ মূল বিষয়বস্তু আছিল যৌতুক প্ৰথা নিৰ্মূল কৰা। পৰিচালনা জোতিমণি হাতীকাকতিৰ। নাটক খন অঙ্গনৱাড়ী কৰ্মী সকলে প্ৰদৰ্শন কৰে। অভিনয় কৰে জোতিমণি হাতীকাকতী, ৰূপা দত্ত আৰু ভানু দত্তই।নাজিৰা মহকুমাৰ মহকুমাধিপতি সব্যসাচী কাশ্যপে আনুষ্ঠানিক ভাৱে মুকলি কৰা এই শোভাযাত্ৰাত মহকুমা তথ্য আৰু জনসংযোগ বিষয়া ড° বৰ্ণালী দত্ত, নাজিৰা শিশু উন্নয়ন প্ৰকল্প বিষয়া ৰিনু বড়া, পোষণৰ খণ্ড সমন্বয়ক অভিনৱ গগৈ, নাজিৰা শিশু উন্নয়ন প্ৰকল্পৰ ক্ষেত্ৰ পৰ্যৱেক্ষিকা সকল, অংগনৱাড়ী কৰ্মী সকল উপস্থিত থাকে।

এজন ভাস্কৰ্য শিল্পী। অসমৰ আগশাৰীৰ ভাস্কৰ্য শিল্পী শিৱ প্ৰসাদ মাৰাৰ আগবাঢ়ি আহিছে বিশ্বানাথৰ পৰ্যটন ক্ষেত্রক নতুন মাত্ৰা দিয়াৰ বাবে। শিল্পী জনে তেওঁৰ জন্মভূমি বিশ্বনাথৰ বৰকুৰা গাঁৱত আৰম্ভ কৰিছে গ্ৰাম্য পৰ্যটনৰ আখৰা। প্ৰায় ৫বিঘা মাটি সামৰি শিল্পী জনে   আৰম্ভ কৰা এই প্ৰকল্পৰ অন্যতম বিষয় হব- ভাস্কৰ্য শিল্প। তাৰ বাবে তেওঁ আৰম্ভ কৰিছে এক বিশেষ পৰিকল্পনা। প্ৰকল্পৰ সমুখ ভাগত নিৰ্মাণ কৰাৰ পৰিকল্পনা কৰিছে এটা অডিটেৰীয়াম। লগত এটা আৰ্ট গেলাৰী। ইয়াত প্ৰদৰ্শিত হব শিল্পী গৰাকীয়ে নিজ হাতেৰে নিৰ্মাণ কৰি উলিয়া ভাস্কৰ্য শিল্প। আৰ্ট গেলাৰীত শিশু সকলৰ বাবে গ্ৰহণ কৰা হব বহু কাৰ্যসূচী। ইয়াত শিক্ষাৰ্থীয়ে  লাভ কৰিব পাৰিব ভাস্কৰ্য শিল্পৰ জ্ঞান। শিশু সকলৰ বাবে মুকলি কৰা হব এখন সৰু উদ্যান। শিৱ প্ৰসাদ মাৰাৰৰ পৰিকল্পনা মতে এখন ফল ফল মূলৰ বাগিচাও থাকিব ইয়াত। ইয়াত থাকিব পৰ্যটকৰ থাকিব পৰা ঘৰৰ ব্যৱস্থা। এটা চাং ঘৰ আৰু বহু আকৰ্ষণীয় সমলৰে ৰিজৰ্ট ৰ আৰ্হিত নিৰ্মাণ কৰিব এই প্ৰকল্পত।ইতিমধ্যে গছ পুলি ৰোপন কে ধৰি বহু কাম আগ বঢ়াইছে শিল্পী জনে।শিল্পী জনে আশা কৰা মতে ইয়ালৈ বহু বিদেশী পৰ্যটকৰ আগমন ঘটিব।ইয়াৰ মাধ্যমেদি বিশ্বনাথৰ বিশ্বনাথৰ অন্যান্য পৰ্যটন ক্ষেত্ৰৰ লগতে বিশ্বনাথৰ চাহ পৰ্যটন ক সুদৃঢ় কৰাৰ প্ৰয়াস চলাব বুলি জানিবলৈ দিয়ে শিৱ প্ৰসাদ মাৰাৰে।

 সদৌ অসম প্ৰশিক্ষণপ্ৰাপ্ত গৃহৰক্ষী সন্থা বিশ্বনাথ জিলা সমিতিৰ উদ্যোগত গহপুৰৰ বড়িগাঁৱত আজি গৃহৰক্ষী বাহিনীৰ ৫৯সংখ্যক প্ৰতিষ্ঠা দিৱস উদযাপন কৰা হয়। গৃহৰক্ষী বাহিনীৰ প্ৰতিষ্ঠা দিৱস উপলক্ষে আজি পুৱা গহপুৰৰ বড়িগাঁৱৰ নিৰ্মিয়মান চাৰিলেন যুক্ত ১৫নং ৰাষ্ট্ৰীয় ঘাইপথৰ দুয়োপাৰে ৪০০ৰো অধিক গছ পুলি ৰোপনৰ ব্যৱস্থা কৰা গৃহৰক্ষী বাহিনীৰ জোৱানসকলৰ। বিশ্বনাথ জিলা গৃহৰক্ষী বাহিনীৰ উদ্যোগত উদযাপিত উক্ত প্ৰতিষ্ঠা দিৱসত গহপুৰ আৰক্ষী থানাৰ নৱ নিযুক্ত আৰক্ষী বিষয়া সুশীল কুমাৰ দত্ত মুখ্য অতিথি হিচাপে উপস্থিত থাকি বৃক্ষৰোপন কাৰ্যসূচীৰ শুভাৰম্ভ কৰে। বিশ্বনাথ জিলা গৃহৰক্ষী বাহিনীৰ সভাপতি মানস জ্যোতি মহন্ত আৰু সম্পাদক মঃ নেফিব আহমেদত তত্বাবধানত আয়োজিত উক্ত প্ৰতিষ্ঠা দিৱসত সোলেঙীগুৰি গাঁও পঞ্চায়তৰ সভাপতি বিপুল বৰা,  সদৌ অসম গৃহৰক্ষী বাহিনীৰ উপসভাপতি মোহন বৰা, শোণিতপুৰ জিলা গৃহৰক্ষী বাহিনীৰ সভাপতি অঞ্জন নাথ, সম্পাদক বসন্ত বৰা, প্ৰকৃতিপ্ৰেমী যুৱক বৃক্ষ মানৱ বকুল গগৈ, জ্যেষ্ঠ সাংবাদিক তুৱাকান্ত দুৱৰাকে ধৰি বহু কেইগৰাকী বিশিষ্ট ব্যক্তিয়ে ব্যক্তিয়ে বৃক্ষৰোপন কাৰ্যসূচীত অংশগ্ৰহণ কৰে। দিনযোৰা কাৰ্যসূচীৰে অনুষ্ঠিত উক্ত প্ৰতিষ্ঠা দিৱসটো সন্ধ্যা বন্তী প্ৰজ্বলনেৰে সামৰণি পৰে।

বিন্নাকান্দী আঞ্চলিক ঈদগাহত earth filling ৰ নামত ব্যাপক দুৰ্নীতিৰ অভিযোগ। প্রাপ্ত তথ্য অনুসৰি বিন্নাকান্দী উন্নয়ন খণ্ডৰ অন্তৰ্গত চার্লক গাঁও পঞ্চায়তৰ বিন্নাকান্দী আঞ্চলিক ঈদগাহত তদানীন্তন পঞ্চায়ত সভাপতিৰ কাৰ্যকালৰ ২০১৬-১৭ ভিত্তীয় বর্ষৰ ১৯ লাখ টকীয়া এটি এমজি এনৰেগাৰ আঁচনিত দুৰ্নীতি সংঘটিত হোৱাৰ অভিযোগ উত্থাপিত হৈছে। একাং‌শ সংবাদ মাধ্যম এই সন্দৰ্ভত বাতৰি প্ৰচাৰ হোৱাৰ পাছতে ঈদগাহ পৰিচালনা সমিতিয়ে এক সংবাদ মেল সম্বোধন কৰি বিস্ফোৰক অভিযোগ উত্থাপন কৰে। ঈদগাহ পৰিচালনা সমিতিৰ সভাপতি মশাইদ আলী আৰু সম্পাদক হবিবুৰ ৰহমানে স্থানীয় ৰাইজৰ উপস্থিতিত সম্বোধন কৰা সংবাদ মেলত কয়- এটা দুষ্ট চক্ৰই আঁচনিৰ ধনৰ পৰা কমিচন নোপোৱাত সংবাদ মাধ্যমক ভুল তথ্য যোগান ধৰিছে। লগতে এগৰাকী শিক্ষকৰ বিৰুদ্ধে মিছা অভিযোগ উত্থাপন কৰিছে। যাক লৈ উদ্বগিন্নতা প্ৰকাশ কৰে ঈদ গাহ পৰিচালনা সমিতিয়ে। লগতে কয় -১৯ লাখ টকীয়া আচনিটোৰ ১৩ লাখ টকা বিভাগে মোকলাই দিয়ে । এই ১৩ লাখ টকাত দুৰ্নীতি সম্পৰ্কে যি বাতৰি প্ৰকাশ পাইছে সেইটো সম্পূৰ্ণ মিছা! এনেধৰণৰ দুৰ্নীতি আমাৰ ঈদগাহত হোৱা নাই। ব্লকে দিয়া টকাৰে জৱকার্ডৰ দ্বাৰা সম্পূৰ্ণ কাম কৰা হৈছে । এই কামটো প্রায় চাৰি বছৰ পূর্বৰ। আমি বৰ দুখৰে জনাব বিচাৰো যে- দুষ্ট চক্রই সংবাদ মাধ্যমক ভুল তথ্য যোগান ধৰি শিক্ষক হিলাল উদ্দিন লস্কৰে এই আঁচনিৰ ধন আত্মসাৎ কৰাৰ অভিযোগ উত্থাপিত কৰি সমাজত তেখেতক হেয় প্ৰতিপন্ন কৰাৰ অপচেষ্টা চলোৱাত আমি ঈদগাহ পৰিচালনা সমিতিয়ে গৰিহনা দিছো। এজন সমাজ সেৱক, শিক্ষক হিলাল উদ্দিন লস্কৰ,সমাজ সেৱক হিলাল আহমেদ লস্কৰ আৰু আব্দুছ ছুবুৰ চৌধুৰীৰ অশেষ কষ্ট আৰু ত্যাগৰ ফলত ঈদগাহ কমিটিৰ পৰামৰ্শ মতে ঈদগাহৰ উন্নতিৰ পথ আগুৱাই গৈ আছে । তেনে স্থলত ৩ ডিচেম্বৰত প্রকাশি বাতৰিটো সম্পূৰ্ণ মিছা, ভিত্তিহীন আৰু গৰিহণাযোগ্য। এনেধৰণৰ ভুল তথ্যৰে প্রকাশিত বাতৰিয়ে আমাৰ লগতে বৃহত্তৰ অঞ্চলটোৰ ৰাইজৰ মনত কষ্ট দিছে।  আগলৈ এনে ধৰণৰ বাতৰি প্ৰচাৰ কৰাৰ পূর্বে ঈদ গাহ পৰিচালনা সমিতিৰ সভাপতি, সম্পাদক সকলৰ লগত যোগাযোগ কৰি সঠিক তথ্যৰে বাতৰি পৰিবেশন কৰিবলৈ অনুৰোধ জনালো।উল্লেখ্য যে,যমুনামুখ সমষ্টিৰ বিন্নাকান্দী ব্লকৰ চার্লক গাঁও পঞ্চায়তৰ বিন্নাকান্দী আঞ্চলিক ঈদগাহৰ বাবে চাৰি বছৰৰ মান পূৰ্বে এমজি এনৰেগাৰ অধীনত আঁচনিটো আৱন্টন হৈছিল।এটা পক্ষই পৰিচালনা সমিতিৰ সৈতে মিলি কামটো সম্পুৰ্ণ কৰাত আন এটা চক্ৰই ষড়যন্ত্ৰত লিপ্ত হোৱাৰ অভিযোগ উত্থাপন হৈছে৷উল্লেখযোগ্য যে- পুৰ্বৰ তদানীন্তন খণ্ড উন্নয়ন বিষয়া মইন উদ্দিন আহমেদৰ কাৰ্যকালত বিন্নাকান্দি উন্নয়ন খণ্ডৰ প্ৰতিটো পঞ্চায়তত এম জি এনৰেগা,চতুৰ্দশ বিত্তীয় আয়োগৰ আচনিত ভয়ংকৰ দুৰ্নীতি সংঘটিত হোৱাৰ তথ্য পোহৰলৈ আহিছে৷