নগাঁৱত আনন্দ মিশ্ৰ বাহিনীৰ বৃহৎ সাফল্য। নগাঁৱৰ ম’ষ্ট ৱাণ্টেড ড্ৰাগছ মাফিয়া  ইফু ওৰফে আব্দুল বাছেট গুলীবিদ্ধ। নগাঁও আৰক্ষীৰ গুলীত আহত ইফু।বিগত ৫ বছৰ ধৰি আৰক্ষীৰ মূৰৰ কামোৰণি হৈ আছিল ইফু। নগাঁৱৰ আজাদ নগৰত আৰক্ষীয়ে চলাইছিল অভিযান। পলাবলৈ লওতেই আৰক্ষীয়ে গুলীচালনা কৰাত ভৰিত গুলী লাগে ইফুৰ।নগাঁৱৰ আৰক্ষীৰ বাবে ম’ষ্ট ৱান্টেড হৈ পৰা ইফু  ওৰফে আব্দুল বাছেট  আজি নিশা নগাঁও চহৰৰ আজাদ নগৰত আৰক্ষীৰ গুলীত আঘাট প্ৰাপ্ত হয় ৷নগাঁও আৰক্ষীয়ে বিশেষ সুত্ৰে লাভ কৰা খবৰৰ ভিত্তিত আজি নিশা চহৰখনৰ আজাদ নগৰৰ কলঙৰ পাৰত চলোৱা ড্ৰাগছ বিৰোধী অভিযানৰ সময়ত ইফুৰ সোঁ ভৰিত গুলী লাগে ৷ উল্লেখযোগ্য যে নগাঁও চহৰবাসীৰ বাবে আতংকৰ কাৰণ হৈ পৰা ইফু আৰক্ষীৰ বাবেও আছিল মূৰৰ কামোৰনি ৷ প্ৰায় ত্ৰিশজনীয়া গেঙ লৈ নগাঁও চহৰত ত্ৰাস চলাইছিল আব্দুল বাচেটে ওৰফে ইফুৱে ৷ ড্ৰাগছ , জুৱা , সূদৰ বেপাৰ , তীৰ , মাটি দখল আদি বিভিন্ন বে-আইনী  কামত জড়িত আছিল গুলীবিদ্ধ ইফু ৷ এসময়ত বহাগী হোটেলৰ ওচৰত আদালত পাতি বিচাৰ চলাইছিল ইফুয়ে ৷  কংগ্ৰেছৰ নেতা হিচাপেও আন এক পৰিচয় আছে ইফুৰ ৷ কংগ্ৰেছৰ বহু ওপৰমহলাৰ নেতৃত্বৰ লগতো ঘনিষ্ট বুলি দাবী কৰি আহিছিল ইফুয়ে ৷ যাৰ বাবে সমবায় সমিতিৰ সভাপতি হবলৈকো সক্ষম হৈছিল গুলী বিদ্ধ ইফু ৷ ইপিনে আৰক্ষীয়ে আহত ইফুক নগাঁও অসামৰিক চিকিৎসালয়ত ভৰ্তি কৰিছে ৷ আৰক্ষী অধীক্ষক আনন্দ মিশ্ৰই জনোৱা মতে আজি আৰক্ষীয়ে চলোৱা অভিযান কালত  ইফু পলাবলৈ চেষ্টা কৰিছিল ৷ নদীৰে পলাবলৈ চেষ্টা কৰোতে আৰক্ষীয়ে গুলীয়াবলৈ বাধ্য হয় ৷ ড্ৰাগছৰ ড্ৰিল কৰি থকা অবস্হাতে আৰক্ষী আজাদ নগৰত উপস্হিত হৈছিল ৷ আৰক্ষীয়ে গুলীবিদ্ধ ইফুৰ লগতে আন সাত জন ড্ৰাগছৰ লগত জড়িত ব্যক্তিকো আটক কৰিছে ৷

কেন্দ্ৰীয় চৰকাৰৰ জে জে এম আঁচনি মেচিন পত্ৰও হব ধৰিছে চুৰি । ওৰাং থানাৰ অন্তৰ্গত গেলাবিল গাঁওত দিন দুপৰতে চুৰি হোৱাৰ সমান্তৰালকৈ উক্ত থানাৰ অন্তৰ্গত কেইবাটাও গাঁওত কেন্দ্ৰীয় চৰকাৰৰ উল্লেখযোগ্য আঁচনি জে জে এম আঁচনিৰ পানী উঠোৱা ছাম্বাৰ চেৱল পাম্প ৰাতি ৰাতি চুৰি কৰা কাৰ্য্য দিনক দিনে বাঢ়ি আহিছে ।জানিবলৈ পোৱা মতে কণ কণ ছাত্ৰ ছাত্ৰীক বিশুদ্ধ খুৱাপানীৰ যোগান ধৰাৰ স্বাৰ্থত অসম চৰকাৰ তথা কেন্দ্ৰীয় চৰকাৰ সহযোগত  অংগণবাদী কেন্দ্ৰ , স্কুল সমূহত পানী যোগান ধৰাৰ বাবে বহুৱা পানী তোলা পাম্প সমূহ দৈনিক চুৰি হোৱা স্বত্তেও ওৰাং আৰক্ষীৰ নীৰৱ ভূমিকাই চিন্তিত কৰি তুলিছে স্থানীয় সচেতন মহলেওৰাং আৰক্ষী থানাৰ অন্তৰ্গত গেলাবিলত ২ডিচেম্বৰত  দিন দুপৰতে চোৰে সোন, ৰূপৰ অলংকাৰ সহ নগদ ১২ হাজাৰ টকা চুৰি হোৱা ঘটনাই চাঞ্চল্যৰ সৃষ্টি কৰিছে ।আৰক্ষী সুত্ৰে জানিব পৰা মতে  উক্ত থানা এলেকাৰ ১৫ নং ৰাষ্ট্ৰীয় ঘাইপথৰ দাঁতিত গেলাবিলৰ ফুলন কোচ নামৰ মহিলা গৰাকীৰ ঘৰত  কোনো নথকাৰ সুযোগ গ্ৰহণ কৰি দিনৰ ২ মান বজাত চোৰে টলা ভাঙি সোনৰ  কান  ফুলি এযোৰ ,আঙুঠি ২ টা, সোনৰ  চেইন এডাল,  সোনৰ খাৰু এযোৰ ৰূপৰ আঙুঠি সহ নগদ ১২ হাজাৰ টকা লৈ যায় ।২ডিচেম্বৰৰ  বৃহস্পতিবৰীয়া  ধনশ্ৰীঘাট সাপ্তাহিক বজাৰত ফুলন কোচে  ৩ডিচেম্বৰৰ জীয়েক স্মৃতি কোচৰ জন্মদিন উপলক্ষে বজাৰ কৰিবলৈ গৈছিল । সেই সুযোগতে চোৰে ডিচেম্বৰত  দিন দুপৰতে এনেদৰে সোন ৰূপৰ অলঙ্কাৰ আৰু নগদ ১২ হাজাৰ টকাৰ সৈতে আনুমানিক ২ লাখ টকা সামগ্ৰী চুৰি কৰি নিয়ে ।এই সন্দৰ্ভত ফুলন কোচে ওৰাং থানাত এখন এজাৰ দাখিল কৰিছে ।

 মৰিগাঁও জিলাৰ ভূৰাগাও থানাৰ অন্তৰ্গত ফলিহামাৰী পথাৰ গাঁৱত হৰিণা পহুটি উদ্ধাৰ হয়। উল্লেখ্য যে হৰিণা পহুটি পুৱাই পুখুৰীত পৰি কক বকাই থকা অৱস্থাত স্থানীয় কেইজনমান ব্যক্তিয়ে প্ৰত্যক্ষ কৰে।পিছত স্থানীয় ৰাইজৰ তৎপৰতাত পুখুৰীৰ পৰা উঠাই আনে। ইতিমধ্যে স্থানীয় আৰক্ষী থানাৰ লগতে বন বিভাগত অৱগত কৰা জানিব পৰা গৈছে।আনহাতে লাহৰীঘাট থানাৰ অন্তৰ্গত তিনিচুকীয়তো এটি হৰিণা পহু  স্হানীয় ৰাইজে উদ্ধাৰ কৰি আৰক্ষীক চমজাই দিয়ে 

-সদৌ অসম ভূঞা  সমাজৰ ষষ্ট বাৰ্ষিক খনী আজি বিহালী কেটেলা%চাহ বাগিছাৰ খেল পথাৰত দিন জোৰা কাৰ্যসূচীয়ে অনুষ্ঠিত হৈ যায় !বিশ্বনাথ জিলা উদ্যোগত কেটেলা প্রাথমিত গোট,বিহালী আৰু বিশ্বনাথ আঞ্চলিক সমিতিৰ সহযোগত আজি কেটেলা খেল পথাৰত ষষ্ঠ বার্ষিক প্রতিষ্ঠা দিবসটি  বিভিন্ন গীত নৃত্যৰ  কার্যসুচীৰে  অনুষ্ঠিত হৈ যায়!এই উপলক্ষে পুৱা পতাকা উত্তোলন ,স্মৃতি তর্পন,বৃক্ষৰোপন কার্যসুচী,চাফাই অভিযান,ইষ্ট দেৱতা তুলসী বীৰৰ চৰণত বন্তি প্রজ্বলন কার্যসুচী ৰুপায়ন কৰা হয় !ভীমা ভুঞাৰ সভাপতিত্বত অনুষ্ঠিত মুকলি সভাত বিহালী কনিষ্ঠ মহাবিদ্যালয়ৰ অধক্ষ্য পৰশু ৰাম ছেত্রী,বিশিষ্ট লেখিকা থানেশ্বৰী গণ্জু কুৰ্মী,জেষ্ঠ সাংবাদিক অমিতাভ বৰুৱা’চেৰেলিয়া গাওঁ পঞ্চাঠয়তৰ সভাপতি বিক্ৰম কেওট সহ কেইবাজনো বিশিষ্ট ব্যক্তিয়ে অংশ গ্রহণ কৰে ।সমাজৰ পৰা কুসংস্কাৰ অন্ধবিশ্বাস আদি মুক্ত কৰাই এই সমাজৰ মুল লক্ষ্য বুলি বিশ্বনাত জিলা ভূঞা সমাজৰ  সম্পাদকে উদ্দেশ্য ব্যাখ্যাত  উল্লেখ কৰে!অসমৰ বিভিন্ন প্ৰান্তৰৰ ভূঞা সমাজৰ লোকে  অংশ লোৱা সভাখনত সভাৰ মাজে মাজে ঝুমুৰ ,গীত নৃত্য আদি প্রদর্শন কৰে !

এজন শিক্ষকে গুণগত শিক্ষা প্ৰদান কৰাৰ ক্ষেত্ৰত ছাত্ৰ-ছাত্ৰী লগতে এখন সুস্থ পৰিবেশৰ প্ৰয়োজন আৰু এটা ভাল গৃহ অবিহনে সুস্থ পৰিবেশৰ কথা চিন্তা কৰাটো অসম্ভৱ । তেনে গৃহহীন বা জৰাজীৰ্ণ গৃহত বহু প্ৰাথমিক বিদ্যালয়ত ক’ণ ক’ণ ছাত্ৰ-ছাত্ৰী পাঠ গ্ৰহণ কৰি নিজৰ ভৱিষ্যত উজ্জল কৰাৰ সংগ্ৰাম অব্যাহত ৰাখিছে । দিল্লী দিছ্পুৰত বহি শিক্ষাখণ্ডক যিমানেই উন্নয়ন কৰাৰ পৰিকল্পনা নকৰক কিয় প্ৰকৃতাৰ্থে গাঁৱলীয়া প্ৰাথমিক বিদ্যালয় সমূহৰ পৰিৱৰ্তন নকৰাকৈ সকলো পৰিকল্পনা যে ব্যৰ্থ হব সেয়া নিশ্চিত ।  কাৰণ বৰ্তমান শিক্ষাৰ আমূল পৰিবৰ্তনৰ কথা কোৱা চৰকাৰৰ দিনতো এটা সুস্থ পৰিবেশত এখন ভাল ডেক্স বেঞ্চ বহি শিক্ষাগ্ৰহন কৰাৰ আশাত বাট চাই চাই হাহাকাৰ কৰিব লগীয়া হৈছে বহু বিদ্যালয়ৰ ক’ণ ক’ণ ছাত্ৰ-ছাত্ৰীয়ে । আনহাতে জৰাজীৰ্ণ গৃহ অৰ্থাৎ ওপৰলৈ চালে মুক্ত আকাশ দেখিব পৰা গৃহত এজন শিক্ষকে পাঁচটাকৈ শ্ৰেণীৰ পাঠদান দিয়াত সেই সকল ছাত্ৰ-ছাত্ৰী যে ভৱিষ্যতে কিমান আগবাঢ়ি যাব সেয়া এক চিন্তনীয় বিষয় । সমান্তৰাল ভাৱে বি জে পি শাসনাধিস্থ বৰ্তমমানৰ অসম চৰকাৰ খনে শিক্ষা বিভাগত আমুল পৰিবৰ্তন কৰাৰ কথা কৈ থকাৰ সময়তে বি টি চিৰ কোকৰাঝাৰ জিলাৰ পৰ্বতঝোৰা শিক্ষা খণ্ডৰ তথা গৌৰীপুৰ বিধানসভা সমষ্টিৰ অন্তৰ্গত বাঙালডোবা বজাৰ (মতিঝোৰা) এল পি স্কুল খনৰ এটা জৰাজীৰ্ণ কোঠালিত পাঁচটা শ্ৰেণীৰ বাবে এজন শিক্ষকে পাঠ দান কৰি থকা অৱস্থাই শিক্ষা বিভাগৰ ফোঁপোলা স্বৰূপ উদঙাই দিছে । জৰাজীৰ্ণ বিদ্যালয় খনত আন কোনো শিক্ষক নথকাত সুবল পাল নামৰ এক মাত্ৰ শিক্ষক গৰাকীয়ে বিদ্যালয় খনৰ পাঁচটা শ্ৰেণীৰ অৰ্ধ শতাধিক ছাত্ৰ-ছাত্ৰীক পাঠ দান কৰিব লগীয়া হৈছে । উল্লেখ্য যে ৰাইজৰ দান বৰঙণিৰে ১৯৯০ চনতে স্থানীয় ৰাইজে  স্থাপন কৰা বাঙালডোবা বাজাৰ প্ৰাথমিক বিদ্যালয় খন স্থাপনৰে পৰা ৰাইজৰ দান বৰঙণিৰে চলি থকাৰ অন্তত ২০১৩ চনত  বিদ্যালয় খন অসম চৰকাৰে প্ৰাদেশিকীকৰণ কৰে । কিন্তু বিদ্যালয় খন প্ৰাদেশিকীকৰণ হোৱাৰ আঠটা বছৰ অতিক্ৰম কৰিলে যদিও বিদ্যালয় খনত নাই এটা ভাল টিন পাতৰ পকী গৃহ । বৰ্তমাণ জৰাজীৰ্ণহৈ পৰা ৰাইজে নিৰ্মান কৰি দিয়া উক্ত স্কুল গৃহটোতে এগৰাকী শিক্ষকে দি আছে পাঁচটাকৈ শ্ৰেণীৰ পাঠদান । ইয়াৰ উপৰিও ছাত্ৰ-ছাত্ৰী সকলৰ বহিবৰ বাবে ডেক্স বেঞ্চ, ৰান্ধনী গৃহ, খোৱাপানী, বাউণ্ডাৰী ওৱাল আদি একোৱে নাই বিদ্যালয় খনত । ফলত বিদ্যালয় খনত অধ্যয়ন কৰি থকা অৰ্ধ শতাধিক ছাত্ৰ-ছাত্ৰী বহুত অসুবিধাৰ সন্মুখীন হব লগা হৈছে । বিদ্যালয় খনত খোৱাপানীৰ ব্যৱস্থা নথকাৰ ফলত ছাত্ৰ-ছাত্ৰী সকলক মাধ্যাহ্ন ভোজনৰ আহাৰ দিয়াৰ ক্ষেত্ৰত যথেষ্ট অসুবিধাৰ সন্মুখীন হব লগাত পৰিছে শিক্ষক গৰাকী । উপায়ন্তৰ হৈ বিদ্যালয় খনৰ ৰান্ধনীয়ে দূৰৰ পৰা পানী আনি মাধ্যাহ্ন ভোজনৰ ব্যবস্থা কৰে যদিও স্কুল গৃহ নথকাৰ বাবে  মধ্যাহ্ন ভোজনৰ আহাৰ গ্ৰহণ পৰা প্ৰায়ে বঞ্চিত হব লগা হয় ক’ণ ক’ণ ছাত্ৰ-ছাত্ৰী সকলে । এটা ভাল স্কুল গৃহ আৰু প্ৰয়োজনীয় শিক্ষক নথকাৰ ফলত  পাঁচটাকৈ শ্ৰেণীৰ অৰ্ধ শতাধিক ক’ণ ক’ণ ছাত্ৰ-ছাত্ৰীয়ে প্ৰকৃত তথা গুনগত শিক্ষাৰ লাভৰ পৰা বঞ্চিত হব লগা হৈছে । ইপিনে বিদ্যালয় খনত চৰকাৰী ভাবে খোৱাপানীৰ বাবে এখন আঁচনি প্ৰদান কৰিছে যদিও অঞ্চলটোত বিদ্যুৎ নথকাৰ বাবে সেয়াও কাৰ্যক্ষম হোৱা নাই । আনহাতে এটা ভাল গৃহ নথকাৰ ফলত স্কুলীয়া যাবতীয় নথি পত্ৰ ৰখাৰ ক্ষেত্ৰতো অসুবিধাৰ সন্মুখীন হব লগা হৈছে শিক্ষক গৰাকী । উল্লেখ্য যে বিদ্যালয় গৃহত জৰাজীৰ্ণ হৈ পৰাৰ ফলত দীর্ঘবছৰ ধৰি বাৰিষা আহিলেই বন্ধ হৈ পৰে বিদ্যালয় খন । কাৰণ বৰষুণ নেওচিব পৰা ক্ষমতা নাই উক্ত চৰকাৰী বিদ্যালয় খনক । গতিকে বাঙালডোবা বজাৰ এল পি স্কুল খনত এটা ভাল বিদ্যালয় গৃহ নিৰ্মাণ, খোৱা পানীৰ ব্যাৱস্থা আৰু প্ৰয়োজনীয় শিক্ষক নিয়োগ কৰি অতি পৰা অঞ্চলটোৰ দুখীয়া ছাত্ৰ-ছাত্ৰী সকলক গুনগত শিক্ষা লাভৰ সুবিধা কৰি দিয়াৰ বাবে অঞ্চলটোৰ ৰাইজে  অসম চৰকাৰৰ ওচৰত দাবী জনাইছে । 

বৰপেটাৰ ভেল্লাৰ দহাটীৰ খেতি পথাৰত কোনোবা দুৰ্বৃত্তই কৰে অগ্নি সংযোগ। প্ৰায় ৪/৫ বিঘা চপাই থোৱা ধানত লগাই দিয়ে জুই। ফলত বৃহৎ ক্ষতিৰ সন্মূখীন হয় দুগৰাকী খেতিয়ক। ভুক্তভোগী কৃষক দুগৰাকীৰ নাম ফুকন আলী আৰু ফজল আলী। চপাই থোৱা ধানৰ কাষত কোনো নথকাৰ সুযোগ লৈ ধান খিনি জ্বলাই দিয়ে দৃৰ্বত্তই।

ফলত ভস্মীভূত হয় ধানবোৰ । খেতিপথাৰত উপস্থিত হোৱাৰ পিছতে খেতিয়ক দুগৰাকীয়ে চকুৰ সন্মুখতে মুৰৰ ঘাম মাটিত পেলাই লাভ কৰা ফচল সমুহ দাও দাওকৈ জ্বলি থকা প্ৰত্যক্ষ কৰে। তাৰ পিছতে স্থানীয় লোকৰ তৎপৰতাত জুইখিনি নুমোৱাবলৈ সক্ষম হয়।এই ঘটনাক সচেতন মহলৰ লগতে দল সংগঠনে তীব্ৰ গৰিহণা দিয়ে। এনে ধৰনৰ ঘটনাৰ যাতে পুনৰাবৃত্তি নহয় তাৰে কামনা কৰে কৃষকসকলে।