অধ্যক্ষ অভিযন্তা মৃগেন বড়ো,কাৰ্যবাহী অভিযন্তা সত্যৰাম কলিতাৰ বিৰুদ্ধে গুৰুতৰ অভিয বৰ্তমান ৰাজ্যৰ দুৰ্নীতিৰ মাৰাথানত শীৰ্ষত অৱস্থান কৰিছে বিয়াগোম জলসিঞ্চন বিভাগে |সঘনাই সংবাদ মাধ্যমৰ দৃষ্টি আকৰ্ষণ কৰা এই জলসিঞ্চন বিভাগত এতিয়া কোটি কোটি টকাৰ দুৰ্নীতি।জলসিঞ্চন বিভাগক ধনসিঞ্চন বিভাগলৈ পৰিণত কৰিছে কেলেংকাৰীত সিদ্ধহস্ত  একাংশ বিষয়া-কৰ্মচাৰীয়ে|বিভাগটোৰ ওদালগুৰি জিলাৰ টংলা জলসিঞ্চন সংমণ্ডলত সংঘটিত হৈছে কোটি টকীয়া বৃহৎ এক কেলেংকাৰী |৪১৮ কোটিৰ আমানতৰ ধনৰ  ৪.১৮ কোটিৰ এই কেলেংকাৰীৰ মূল নায়ক ৰূপে অভিযোগৰ আঙুলি উঠিছে কোকৰাঝাৰ জলসিঞ্চন বিভাগৰ অধ্যক্ষ অভিযন্তা মৃগেন বড়ো,টংলা সংমণ্ডলৰ কাৰ্যবাহী অভিযন্তা সত্যৰাম কলিতা আৰু গাণনিক প্ৰভাত কলিতাৰ বিৰুদ্ধে |বছৰ বছৰ ধৰি ঠিকা আবন্টনৰ ধনৰ কোটি কোটি টকা কোষাগাৰ সঞ্চালকালয়ৰ পৰা উলিয়াই আত্মসাৎ কৰাৰ অভিযোগ কাৰ্যবাহী অভিযন্তা সত্যৰাম কলিতা আৰু অধ্যক্ষ অভিযন্তা (CHD)মৃগেন বড়োৰ বিৰুদ্ধে |এনেদৰে আমানতৰ ধন উলিয়াই একাংশ ঠিকাদাৰক প্ৰাপ্যতকৈ অধিক ধন একাউন্টত পঠিয়াইছে মৃগেন বড়ো আৰু সত্যৰাম কলিতাই  |জগত ৰাভা,পদ্ম বড়ো,বিষ্ণু ৰাভা,অশোক বাজাজ,ধৰ্মেশ্বৰ গোৱাৰী,ভৱদেৱ মহন্ত আদিকে ধৰি প্ৰায় ৫০/৬০ জন ঠিকাদাৰৰ নামত তেওঁলোকৰ পৰা বুজন পৰিমানৰ ধন লৈ ৪১৮কোটিৰ আমানতৰ ধনৰ ৪.১৮ লাখ টকা আত্মসাৎ কৰিছে এইকেইজন বিষয়াই |এই ষড়যন্ত্ৰৰে মুঠ ৪.১৮কোটি টকাৰ লুণ্ঠন চলোৱা সত্যৰাম কলিতা আৰু মৃগেন বড়োৱে ঠিকাদাৰক দিয়া অধিক ধনৰ টোপোলা অগ্ৰাহ্য কৰে একাংশ ঠিকাদাৰে |ধনৰ ভোকত কেইবাজনো ঠিকাদাৰৰ নথি পত্ৰত স্কেনিঙৰ জৰিয়তে অন্য ঠিকাদাৰৰ নাম অন্তৰ্ভূক্ত কৰিও টকা পঠোৱা সত্যৰাম কলিতা আৰু মৃগেন বড়ো বাহিনীয়ে তাৰে ৮০% ধন আত্মসাৎ কৰাৰ গুৰুতৰ অভিযোগ উত্থাপিত হৈছে |এই ৪১৮কোটি আমানতৰ ধনৰ একাংশ কি কৌশল প্ৰয়োগ কৰি কোকৰাঝাৰ CHD কাৰ্যালয়ৰ অধ্যক্ষ অভিযন্তাজনে কাৰ্যবাহী অভিযন্তা জনলৈ মোকলাই দিয়ে,সেইয়া বৰ্তমান ৰহস্যৰ আৱৰ্তত |পূৰ্বৰ নিয়ম অনুযায়ী সকলো আমানতৰ ধন মোকলাই দিছিল সচিবালয়ৰ অনুমোদন সাপেক্ষেহে |কিন্তু , যিহেতু ৰাজ্য চৰকাৰে আমানতৰ সকলো ধন অধ্যক্ষ অভিযন্তাই মোকলাই দিব‌ পাৰিব বুলি ইতিমধ্যে নিৰ্দেশনা জাৰী কৰিছিল।আৰু তাৰেই সুযোগ লৈ মৃগেন বড়োৱে এই ধন মোকলাই দিয়ে কাৰ্যবাহী অভিযন্তা সত্যৰাম কলিতাক |কিন্তু দ্বায়িত্ব অনুযায়ী বিলৰ কপিত SD মানি কাটি ৰখা ৰছিদ,স্কিম সম্পূৰ্ণ হোৱাৰ পিছত আমানতৰ ধন ঘূৰাই দিব লগা হ’লে ঠিকাদাৰ,SO,SDO,অভিযন্তা এ এখন NO Objection Certificate দিয়ে যিখনৰ দ্বায়িত্বত থাকে অধ্যক্ষ অভিযন্তাজন অৰ্থাৎ মৃগেন বড়ো |কিন্তু এই সকলোবোৰ তথ্যৰ পৰীক্ষণ নকৰাকৈয়ে এক বৃহৎ সংখ্যক টকাৰ অনুমোদন কৰাৰ অভিযোগ  মৃগেন বড়োৰ বিৰুদ্ধে | দুৰ্নীতিমুক্ত অসমৰ সংকল্প লোৱা এইখন চৰকাৰৰ এইখন অসমতে চৰকাৰী নীতি নিৰ্দেশনাক কেৰেপ নকৰা এইজন কাৰ্যবাহী অভিযন্তাৰ কেনেকৈ ইমান ধৃষ্টতা?  তাকো প্ৰায়েই দুৰ্নীতিৰ অভিযোগ উত্থাপিত হোৱা এটা চৰকাৰী বিভাগত পুনৰ এনে কোটি কোটি টকাৰ দুৰ্নীতিত লিপ্ত হোৱাৰ সাহস কৰ পৰা পালে এনে বিষয়াই? |এনেদৰে ঠিকাদাৰৰ একাউন্টৰ জৰিয়তে কোটি কোটি চৰকাৰী টকা নিজৰ পকেটলৈ অনা এই দুই  বিষয়াৰ ওপৰত কেতিয়া চকু পৰিব অসমৰ মুখ্যমন্ত্ৰী,জলসিঞ্চন মন্ত্ৰী অশোক সিংহাল তথা BTC ৰ জলসিঞ্চন বিভাগৰ EMৰ |নে কোটি কোটি চৰকাৰী টকা,চৰকাৰী বিভাগ তথা চৰকাৰী কামৰ সুৰুঙাৰে পুনৰ এই দুই দুৰ্নীতিগ্ৰস্ত বিষয়া সাৰি যাব তদন্তৰ পৰা, নে পুনৰ একেই দুৰ্নীতি ৰ মেৰপাকত আৱদ্ধ হʼবলৈ চৰকাৰে এই দুই বিষয়াক ৰঙা দলিছা পাৰি দিব,নে অসম চৰকাৰ বিধানসভাৰ বিশ্বজিৎ দৈমাৰীৰ অতি ঘনিষ্ঠ হোৱাৰ বাবে তদন্তৰ পৰা সাৰি যাব অধ্যক্ষ অভিযন্তা‌ মৃগেন বড়ো,আগন্তুক সময়তহে সেয়া লক্ষণীয় হ’ব ৷অনতিপলমে পলমে বিচাৰি হলেও গ্ৰেপ্তাৰ কৰি জেল হাজোতলৈ প্ৰেৰণ কৰিবলৈ ওদালগুৰি জিলা সচেতন নাগৰিক সমিতিয়ে দাবী জনাইছে ৷

কামৰূপীয়া লোকগীতৰ সম্ৰাট ৰামেশ্বৰ পাঠকৰ স্মৃতি ৰক্ষাৰ্থে বৰপেটাৰ ভেল্লাত এটি প্ৰেক্ষাগৃহ নিৰ্মাণৰ কাম হাতত লোৱা হৈছে। বৰপেটাৰ ঐতিহাসিক ভেল্লা উচ্চতৰ মাধ্যমিক বিদ্যালয়ত আজি মঙ্গলবাৰে এই প্ৰেক্ষাগৃহ নিৰ্মাণৰ শুভাৰম্ভণি কৰা হয়। মুখ্যমন্ত্ৰীৰ আনটাইড ফাণ্ডৰ অধীনত ২০ লাখ টকা ব্যয় সাপেক্ষে নিৰ্মাণ হ’বলগীয়া প্ৰেক্ষাগৃহৰ আধাৰশিলা স্থাপন কৰে জিলা উপায়ুক্ত তেজ প্ৰসাদ ভূচালে। আধাৰশিলাটি প্ৰয়াত ৰামেশ্বৰ পাঠকৰ সহধৰ্মিণী ধনদা পাঠক আৰু অসম উদ্যোগিক নিগমৰ উপাধ্যক্ষ জিতু তালুকদাৰৰ উপস্থিতিত আধাৰশিলা স্থাপন কৰে উপায়ুক্ত গৰাকীয়ে। সেই উপলক্ষে এক উদ্বোধনী অনুষ্ঠান অনুষ্ঠিত হৈ যায়। বিদ্যালয় পৰিচালনা সমিতিৰ উপ সভাপতি ধনী আলীয়ে আতঁ ধৰা এই উদ্বোধনী অনুষ্ঠানত ভেল্লা উচ্চতৰ মাধ্যমিক বিদ্যালয় পৰিচালনা সমিতিৰ সভাপতি উপেন্দ্ৰনাথ দাস, বিদ্যালয় খনৰ অধ্যক্ষ ৰণেন্দ্ৰ কুমাৰ দাস, শিল্পী জয় চক্ৰবৰ্তী, গৰিয়া উন্নয়ন পৰিষদৰ কাৰ্যনিৰ্বাহক সদস্য হিবজুৰ ৰহমান, ভেল্লা গাঁও পঞ্চায়তৰ সভাপতি আফিয়া বেগমৰ লগতে কেইবাগৰাকীও ব্যক্তি উপস্থিত থাকে। উল্লেখযোগ্য যে লোকগীতৰ সম্ৰাট ৰামেশ্বৰ পাঠক ভেল্লা উচ্চতৰ মাধ্যমিক বিদ্যালয়ৰ এগৰাকী ছাত্ৰ আছিল। এগৰাকী ভাল ছাত্ৰ হিচাপে পৰিচিত ৰামেশ্বৰ পাঠক একেৰাহে লোকগীতৰ শিল্পীৰ লগতে খেলুৱৈ আছিল।লোকগীতৰ সম্ৰাট ৰামেশ্বৰ পাঠকৰ স্মৃতি ৰক্ষাৰ্থে লোৱা এই পদক্ষেপক প্ৰশংসা কৰিছে ৰাইজে। 

উত্তৰ-পূৰ্বাঞ্চলৰ ভাষা-সাহিত্য-সংস্কৃতিৰ ক্ষেত্রখনৰ অধিক বিকাশৰ অৰ্থে গঠিত অন্যতম আগশাৰীৰ অনুষ্ঠান “নৰ্থ-ইষ্ট বিগ কালচাৰেল চ’ছাইটি”ৰ তৰফৰ পৰা আগবঢ়োৱা ২০২১ চনৰ “কলাৰত্ন” খিতাপ লাভ কৰি বাক্সা জিলাৰ মুছলপুৰ মহকুমালৈ গৌৱৰ কঢ়িয়াই আনিছে মহকুমাটোৰ থমনা আলিগুৰি নিবাসী তথা লোকগীতৰ শিল্পী ভূপেন দাসে ৷ “নৰ্থ-ইষ্ট বিগ কালচাৰেল চ’ছাইটি”ৰ সভাপতি গগণাষ্টম গগৈৰ পৌৰহিত্যত অলপতে গুৱাহাটীৰ জ্যোতি চিত্ৰবনত অনুষ্ঠিত এক বঁটা প্ৰদান অনুষ্ঠানত ভূপেন দাসক উক্ত খিতাপ প্ৰদান কৰাৰ লগতে সংস্থাটোৱে আগবঢ়োৱা ৬ষ্ঠ বাৰ্ষিক ড° ভূপেন হাজৰিকা ৰাষ্ট্ৰীয় বঁটা প্ৰদান কৰা হয় ৷ উল্লেখ্য যে দীৰ্ঘদিনৰে পৰা লোকগীত পৰিৱেশনৰ লগতে লোকবাদ্য বিশেষকৈ দোতাৰা নিৰ্মাণ কাৰ্যতো ওত:প্ৰোতভাৱে জড়িত হৈ আহিছে ভূপেন দাস ৷ শাস্ত্ৰীয় সংগীতৰ বিশাৰদ ভূপেন দাসে জনোৱা অনুসৰি ইতিমধ্যে তেওঁ কেবা শতাধিক দোতাৰা নিজে সাজি ৰপ্তানিও কৰিছে ৰাজ্যৰ বিভিন্ন স্থানলৈ ৷ উল্লেখনীয় যে ভূপেন দাসে নিজৰ ঘৰতে অৰ্পিতা সংগীত বিদ্যালয় নামে এক শিক্ষানুষ্ঠান সাজি অঞ্চলটোৰ দৰিদ্ৰ শ্ৰেণীৰ ল’ৰা-ছোৱালীক বিনামূলীয়াকৈ লোক সংগীতৰ শিক্ষা প্ৰদান কৰি আহিছে ৷ ১৯৮৮ চনৰে পৰা লোকসংগীত আৰু লোকবাদ্যক জনসাধাৰণৰ মাজত বহুল প্ৰচাৰ আৰু প্ৰসাৰৰ উদ্দেশ্যে নিৰবিছিন্ন ভাৱে ব্ৰতী হৈ থকা ভূপেন দাসক “কলাৰত্ন” খিতাপ তথা বঁটা প্ৰদান কৰাত মহকুমাটোৰ বিভিন্ন অনুষ্ঠান-প্ৰতিষ্ঠানে আনন্দ প্ৰকাশ কৰি দাসক অভিনন্দন জ্ঞাপন কৰিছে ৷

সম্প্ৰতিক দীৰ্ঘদিনধৰি ক’ভিড পৰিস্থিতিত বিভিন্ন অনুষ্ঠান প্ৰতিষ্ঠান স্থৱিৰ হৈ থকাৰ দৰে অসম চাহ জনজাতি ছাত্ৰ সন্থাইয়ো কেতবোৰ কাৰ্যসূচীৰ পৰা বিৰত আছিল যদিও বৰ্তমাণ পৰিস্থিতি কিছু শিথিল হোৱাত সংগঠনটিৰ কাম কাজ ক্ষীপ্ৰতৰ কৰি তোলা পৰিলক্ষিত হৈছে। একে দৰে সোমবাৰে শোণিতপুৰ জিলাৰ নদুৱাৰৰ হাটিঙাত আটছাৰ প্ৰাথমিক শাখা গঠন কৰে। নদুৱাৰ শাখা আটছাৰ অন্তৰ্গত তথা জামুগুৰিহাটস্থিত ৰঙা চকুৱা উপ-শাখা আটছাৰ এলেকাধীন হাটিঙা বড়ি প্ৰাথমিক বিদ্যালয় প্ৰাংগণত এখনি প্ৰতিনিধিমূলক সভা অনুষ্ঠিত হৈ যায়। হাটিঙা বড়িৰ চাহ জনগোষ্ঠীয় ৰাইজৰ ছাত্ৰ-ছাত্ৰী সকলৰ আহ্বান ক্ৰমে অনুষ্ঠিত সভাৰ সভাপতিত্ব কৰে স্থানীয় সমাজ কৰ্মী ৰাজু মুড়াই। বিশ্বনাথ জিলা আটছাৰ শিক্ষা ও সাহিত্য সম্পাদক অবিনাশ ৰাজৱাৰ আৰু নদুৱাৰ শাখা আটছাৰ ভাৰ প্ৰাপ্ত সভাপতি ৰাধেশ্যাম তাঁ‌তীৰ উপস্থিতিত স্থানীয় যুৱক প্ৰদীপ মুড়াই  উদ্দেশ্য ব্যাখা কৰা প্ৰতিনিধিমূলক সভাত আটছাৰ সাংগঠনিক দিশত জনগোষ্ঠীৰ বৰ্তমাণ স্থিতি আৰু চাহ জনগোষ্ঠীৰ এক মাত্ৰ ছাত্ৰ সংগঠন আটছাৰ আগন্তক কাৰ্যপন্থা সম্পৰ্কে এক গুৰুত্বপূৰ্ণ আলোচনা হয়। কাৰ্যসূচী অনুসৰি নদুৱাৰ শাখা আটছাৰ সহকাৰী সম্পাদক পূৰণ তাঁ‌তী আৰু কাৰ্য নিৰ্বাহক অৰুন গোৱালাৰ পৰ্যবেক্ষণত বিষয় বাচনী সভা আৰম্ভ হয়। বিষয় বাচনী সভাত পৰ্যবেক্ষকৰ পৰিচালনত প্ৰস্তাৱ আৰু সমৰ্থন যোগে সভাপতি মাৰ্কুচ চুৰিণ উপ-সভাপতি প্ৰদীপ ওৰাং,দিবাকৰ মুণ্ডা,বসুন্দ্ধৰ তাঁ‌তী আৰু সম্পাদক শ্যাম মুণ্ডা সহকাৰী সম্পাদক সুজিৎ ৰৌতীয়া,ৰিম্পী ৰৌতীয়া আৰু ইলা ৰৌতীয়াক লৈ মুঠ ৩১ জনীয়া সমিতি গঠন কৰে। উল্লেখ্য যে নদুৱাৰ অঞ্চলৰ বৃহৎৰ হাটিঙা অঞ্চলত বসবাস কৰা চাহ জনগোষ্ঠীয় লোকসকলৰ মাজত শেহতীয়াকৈ ছাত্ৰ সংগঠনটিৰ প্ৰয়োজনীয়তা অনুভৱ কৰি স্থানীয় সমাজ কৰ্মী ৰাজু মুড়া আৰু হেমন্ত ৰৌতীয়াই নৱগঠিত আটছাৰ প্ৰাথমিক শাখাযৰ সকলোলৈকে অভিনন্দন জ্ঞাপন কৰি জনগোষ্ঠীটোৰ হৈ কাম কৰি যাৱলৈ আহ্বান জনাই। ইয়াৰ উপৰিও শতাধিক ৰাইজ উপস্থিত থকা সভাত নদুৱাৰ শাখা আটছাৰ অন্যতম প্ৰাক্তন নেতা তথা শিক্ষক বিজেন তাঁ‌তী দিকৰাই উপ-শাখা আটছাৰ সভাপতি ভগত তাঁ‌তীয়ে জনগোষ্ঠীটোৰ শৈক্ষিক সামাজিক দিশত এক গঠনমূলক বক্তৱ্য আগবঢ়াই। বিগত কিছু দিন ধৰি নদুৱাৰ শাখা আটছাই অঞ্চলটোৰ বিভিন্ন ক্ষেত্ৰত গুৰুত্বপূৰ্ণ ভুমিকা গ্ৰহণ কৰি অহাৰ লগতে সংগঠনটিৰ সাংগঠনিক দিশ অধিক সৱল কৰাৰ উদ্দেশ্য আৰু লক্ষ্য আগত ৰাখি হাটিঙা বড়ি প্ৰাথমিক আটছা গঠন সভাত গেলাহাটিঙা প্ৰাথমিক আটছাৰ সভানেত্ৰী নেহা নায়ক অন্যতম আটছা নেতা আনন্দ তচা,কৰণ তচা আৰু দিকৰাই উপ-শাখা আটছাৰ সম্পাদক দয়াল তচাসহ কেইবা গৰাকী বিশিষ্ট ব্যক্তি উপস্থিত থাকে।