ওদালগুৰি জিলাৰ খৈৰাবাৰী শিক্ষাখণ্ডৰ অন্তৰ্গত কুঁৱৰী পুখুৰী প্ৰাথমিক বিদ্যালয়ত যোগান বিভাগে ছাত্ৰ ছাত্ৰীক মধ্যাহ্ন ভোজনৰ নামত যোগান ধৰা চাউলৰ বস্তাত ওলাল আচৰিত ধৰণৰ অদ্ভূত চাউল। কোনো দিনে দেখি নোপোৱা মুড়ি সদৃশ  অদ্ভূত  চাউল দেখি ছাত্ৰ ছাত্ৰীৰ অভিভাৱক  তথা শিক্ষক শিক্ষয়িত্ৰী হতভম্ব হৈ পৰে।কাহানিও নেদেখা আৰু নুশুনা চাউল দেখি অভিভাৱক সকলে  কুকাৰত বয়ল কৰি চোৱাত দেখে যে চাউল সিদ্ধ হোৱাৰ পৰিৱৰ্তে পানীত উপঙি থকা দেখি প্ৰধান শিক্ষক গৰাকীয়ে শিলপোতা সমবায় সমিতিৰ সম্পাদকক প্ৰশ্ন সুধাতস্পষ্টকৈ সম্পাদক গৰাকীয়ে এইবিধ চাউল ভিটামিন যুক্ত বুলি কোৱাৰ কথা জানিব দিয়ে । 

উল্লেখ্য যে অসম চৰকাৰৰ যোগান মন্ত্ৰীয়ে যোগান ধৰা এই মুড়ী সদৃশ, পানিত উপঙা সিদ্ধ নোহোৱা চাউল বিধ যদি প্ৰকৃততে ভিটামিন যুক্ত চাউল হয় তেনেহলে সংবাদ মাধ্যমৰ আগত ঘোষণা কৰিব লাগিছিল আৰু তাৰ পিছত যোগান ধৰিব লাগিছিল বুলি প্ৰধান শিক্ষক গৰাকীয়ে যোগান বিভাগলৈ ক্ষুৰধাৰ সমালোচনা কৰে।কিন্তু প্ৰকৃততে যোগান বিভাগে যোগান ধৰা মুৰি সাদৃশ চাউল ভিটামীন যুক্ত হয় নে ইয়াৰ আৰত কি সৰযন্ত্ৰ জৰিত হয় আছে পৰৱৰ্তি পৰ্যায়ত হে লক্ষণীয় হব।

নগাঁও জিলা আইন সেৱা প্ৰাধিকাৰীৰ উদ্যোগত অনুষ্ঠিত “আজাদী কা অমৃত মহোৎসৱ” শীৰ্ষক অনুষ্ঠানৰ লগত সংগতি ৰাখি আজি জিলা আইন সেৱা প্ৰাধিকৰণৰ এটি সজাগতা শিৱিৰৰ আয়োজন কৰা হয় ৷ পুৱা দহ বজাত নগাঁও আদালৰ অতিৰিক্ত জিলা ও সত্ৰ ন্যায়াধীশ নং ৩ কাৰ্যালয়ৰ প্ৰাংগনত উক্ত শিৱিৰটি মুকলি কৰে জিলা আইন সেৱা প্ৰাধিকৰণ নগাঁৱৰ সচিব মৃনাল নিউপানেই ৷ শিৱিৰ মুকলি কৰা অনুষ্ঠানত সচিব মৃণাল নিউপানে “আইন সকলোৰে বাবে” শীৰ্ষক এখন সূচনা পত্ৰৰ বিতৰণ কৰি অসম ৰাজ্যিক আইন সেৱা প্ৰাধিকৰণৰ তৰফৰ আগবঢ়োৱা আৰু জিলা আইন সেৱা প্ৰাধিকৰণৰ দ্বাৰা কোন সকল লোকে আইনী সাহায্য লাভ কৰিব পাৰে, সেই সন্দৰ্ভত আলোকপাত কৰে ৷

ইয়াৰ ওপৰি আজাদি কা অমৃত মহোৎসৱৰ লগত সংগতি ৰাখি জিলা আইন সেৱা প্ৰাধিকৰণ নগাঁৱৰ উদ্যোগত ২ অক্টোবৰৰ পুৱা নগাঁও চহৰৰ মাজমজিয়াত অৱস্থিত গান্ধীজীৰ প্ৰতিমূৰ্তিত মাল্যাৰ্পণ কৰে জিলা আইন সেৱা প্ৰাধিকৰণ নগাঁৱৰ সচিব মৃণাল নিউপানেই ৷ লগতে গান্ধী জয়ন্তীৰ লগত সংগতি ৰাখি আয়োজন কৰা এক পদযাত্ৰা অনুষ্ঠানত অংশগ্ৰহণ কৰে জিলা আইন সেৱা প্ৰাধিকৰণৰ বিষয়া-কৰ্মচাৰী সকলৰ ওপৰি নগাঁও আইন মহাবিদ্যালয় ছাত্ৰছাত্ৰী আৰু নগাঁও ছোৱালী মহাবিদ্যালয় ছাত্ৰী সকলে ৷ ইয়াৰ ওপৰি দুপৰীয়া নগাঁও আইন মহাবিদ্যালত আয়োজন কৰা হয় এক তৰ্ক প্ৰতিযোগিতা ৷

উল্লেখ্য যে,আজাদি কা অমৃত মহোৎসৱ শীৰ্ষক অনুষ্ঠানৰ লগত সংগতি ৰাখি জিলা আইন সেৱা প্ৰাধিকৰণৰ দ্বাৰা জিলা খনৰ প্ৰতিটো প্ৰান্তত মাহজোৰা এক বিস্তৃত কাৰ্য্যসুচীৰে বিভিন্ন সজাগতা মূলক কাৰ্য্যসুচী,দৰিদ্ৰ নিচলা,নিস্পেষিত,বঞ্চিত লোক সকলে বিনামূলীয়া আইনী সেৱা লাভ কৰাৰ সন্দৰ্ভত এনেদৰে আইনী শিৱিৰ আয়োজনৰ দিহা কৰা হৈছে বুলি আইন সেৱা প্ৰাধিকৰণ নগাঁৱৰ সচিব মৃণাল নিউপানেই জানিবলৈ দিছে ৷ আজিৰ এই শিৱিৰ মুকলি অনুষ্ঠানত জিলা আইন সেৱা প্ৰাধিকৰণৰ কৰ্মকৰ্তা সকল ক্ৰমে বিতুপন কোৱঁৰ,লিজা বৰা,দ্বীপেন শইকীয়া,আশ্বাদুল ইছলাম মুল্লা,পাপুমনি বৰা,জ্যোতিৰেখা কাকতি আদি উপস্থিত থাকে ৷ শিৱৰত শতাধিক দৰিদ্ৰ, নিচলা,বঞ্চিত,নিস্পেষিত,আইনী সাহায্যৰ পৰা বঞ্চিত লোকে অংশগ্ৰহণ কৰে ৷ 

বিগত ২৬ বছৰ অসমৰ কুইজৰ ক্ষেত্ৰখনৰ সৈতে সক্ৰিয়ভাৱে জড়িত হৈ আছে তেখেত। মিতালী সংঘ, টিহুৰ ‘বিহুৰে বিৰিণা পাত’ৰপৰা ‘সহস্ৰজনে মোক প্ৰশ্ন কৰে’, ‘নৱকান্ত সোঁৱৰণ’লৈ – বিশেষকৈ অসম বিষয়ক কুইজত তেখেতে লাভ কৰি আহিছে প্ৰশংসনীয় সফলতা ৷ অসমৰ কুইজত নাৰীৰ অংশগ্ৰহণৰ ক্ষেত্ৰত নতুন বাট কাটি দিয়া এইগৰাকী জ্যেষ্ঠ কুইজাৰ্ডৰ প্ৰথমখন কুইজৰ কিতাপ আজি উন্মোচন কৰা হ’ল গুৱাহাটী প্ৰেছ ক্লাৱত । উন্মোচন কৰে বিশিষ্ট শিক্ষাবিদ, প্ৰসিদ্ধ কুইজ পৰিচালক ড° অমৰজ্যোতি চৌধুৰী । আমন্ত্ৰিত অতিথি হিচাপে উপস্থিত থাকে অৱসৰপ্ৰাপ্ত প্ৰশাসনীয় বিষয়া ৰবেন্দ্ৰ কুমাৰ দাস ।
অনুষ্ঠানত তেখেতৰ ‘প্ৰৱন্ধ সুবাস’ নামৰ আন এখন গ্ৰন্থও উন্মোচন কৰা হয়। লগতে অ আ ক খৰ তৰফৰপৰা আয়োজন কৰা হয় ‘অসমৰ নাৰী’ বিষয়ক এখন লিখিত কুইজ ৷ প্ৰতিযোগিতাখনত Ankurjyoti Sarma ই প্ৰথম, Hiranya Kumar Barman -এ দ্বিতীয়, Manash Pratim Baruah আৰু দীপাঞ্জলি ভট্টাচাৰ্যই তৃতীয় আৰু ভাস্বতী চৌধুৰীয়ে চতুৰ্থ পুৰস্কাৰ লাভ কৰে ৷ সমগ্ৰ অনুষ্ঠানটো সুন্দৰভাৱে আঁত ধৰে আবৃত্তিকাৰ, কুইজাৰ্ড Ankita Goswami -এ ৷ বিভিন্ন দিশত সহায়-সহযোগিতা আগবঢ়াই Pankaj Sarma , Girish Barman আৰু Dhan Deka ই ৷

অসমৰ দিত্বীয় সৰ্ববৃহৎ জনজাতি মিচিং সকলৰ অন্যতম আগশাৰীৰ সাংস্কৃতিক সংগঠন মিচিং আৰ্টিষ্ট এছ’চিয়েছনৰ উদ্যোগত ৫ অক্টোবৰৰ পৰা প্ৰথমবাৰৰ বাবে অনুষ্ঠিত হ’ব ভইচ অৱ মিচিং নামেৰে মিচিং গীতৰ মহাৰণ ৷ আজি গোগামুখ টুৰিষ্ট ল’জত অনুষ্ঠিত হোৱা এখন সংবাদ মেলত এই কথা সদৰী কৰে মিচিং আৰ্টিষ্ট এছ’চিয়েছনৰ সভাপতি সঞ্জু বাবা দলে আৰু সম্পাদক ফিৰোজ পেগুৱে ৷ তেওঁলোকে কয় যে- মিচিং গীতক ডিজিটেল প্লেটফৰ্মত সক্ৰিয় কৰা আৰু ডিজিটেল প্লেটফৰ্মৰ জৰিয়তে বিশ্ব দৰবাৰত প্ৰতিষ্ঠা কৰাৰ উদ্দেশ্যে এই প্ৰতিযোগিতা আয়োজন কৰা হৈছে ৷ তদুপৰি গাঁৱ-ভূঞে লুকাই থকা নবপ্ৰজন্মৰ মিচিং গায়ক-গায়িকা সকলক এখন সুন্দৰ তথা উপযুক্ত মঞ্চৰ সুবিধা প্ৰদান কৰাটো ভইচ অৱ মিচিঙৰ আন এক অন্যতম লক্ষ্য বুলি সংবাদ মেলত তেওঁলোকে মন্তব্য আগবঢ়ায় ৷ এছ’চিয়েছন তৰফৰ পৰা সাংবাদিকক জনোৱা মতে ভইচ অৱ মিচিঙৰ প্ৰতিযোগিতা সমূহ প্ৰথমে জিলা ভিত্তিত অনুষ্ঠিত হ’ব আৰু জিলা ভিত্তিত বিজয়ী হৈ অহা সকলে মূল পৰ্যায়ৰ প্ৰতিযোগিতাত প্ৰতিদন্দিতা কৰিব ৷ উক্ত সংবাদমেলত উপস্থিত থাকে শিল্পী ৰঞ্জিত চন্দী, বায়’ বিনোদ পেগু আৰু এছ’চিয়েছনৰ বিষয়-ববীয়া সকলে ৷ উল্লেখনীয় যে উক্ত সংগীত মহাৰণত বিজয়ী প্ৰথমগৰাকীয়ে লাভ কৰিব এখন স্কুটি, নগদ ধন, প্ৰথম ৰাণাৰ্‌চ আপে লাভ কৰিব নগদ ৫০ হাজাৰ টকাৰ লগতে আকৰ্ষণীয়
পুৰস্কাৰ আৰু দিত্বীয় ৰাণাৰ্‌চ আপে লাভ কৰিব ২৫ হাজাৰ টকাৰ লগতে অন্যান্য আকৰ্ষণীী পুৰস্কাৰ ৷ এছ’চিয়েছনৰ ফালৰ পৰা উক্ডা° সংগীত মহাৰণা বাবে সকলো সাংস্কৃতিপ্ৰেমী ৰাইজৰ সহযোগিতা কামনা কৰিছে ৷

ধেমাজি জিলাৰ পাহাৰীয়া খৰস্ৰোতা নৈ জীয়াধল নদীত ভয়ংকৰ মেলেং দুৰ্ঘটনা সংঘটিত হৈছে ৷ ঘটনাৰ বিৱৰণী মতে জীয়াধল আদীকলীয়া গাঁৱৰ ৮ গৰাকীলোক ৫ দিনৰ পূৰ্বে অৰুণাচল প্ৰদেশৰ পাহাৰত বাঁহ আৰু কাঠ কাটিবলৈ গৈছিল ৷ আজি দুপৰীয়া বাঁহৰ দুখন মেলেঙত কাঠৰ লগতে বাঁহ ভৰ্ত্তি কৰি আনি জীয়াধল নদীৰে ভতিয়াই আহি আছিল ৷ কিন্তু কালি ৰাতিৰ পৰা হৈ থকা প্ৰবল বৰষুণৰ ফলত জীয়াধল নদীৰ জলপৃষ্ঠ আজি হঠাৎ কালৰূপ ধাৰণ কৰে আৰু দুয়োখন মেলেং জীয়াধল নদীৰ কোবাল সোঁতে সম্পূৰ্ণৰূপে ধব্বংস কৰি পেলায় ৷ মেলেং দুখনত অহা ৮ গৰাকী লোকে জীয়াধল নদীৰ কোবাল সোঁতত উঠি যায় ৷ ইয়াৰে পাঁচগৰাকী লোক কোনোমতে সাঁতুৰি পাৰলৈ আহি প্ৰাণ ৰক্ষা কৰে যদিও তিনিগৰাকী লোক এতিয়াও সন্ধানহীন হৈ আছে ৷ স্থানীয় ৰাইজে সন্ধানহীন হৈ থকা লোক সকলক উদ্ধাৰৰ বাবে আপ্ৰাণ প্ৰচেষ্টা চলাই আছ যদিও সফল হ’ব পৰা নাই ৷ শেহতীয়াভাৱে ধেমাজি আৰক্ষী আৰু ৰাজ্যিক আপদকালীন দুৰ্যোগ ব্যৱস্হাপনা বাহিনীৰ দল দুৰ্ঘটনা স্থলীলৈ ৰাওনা হৈছে ৷ সন্ধানহীন হৈ থকা তিনিগৰাকীৰ নাম হৈছে জীয়াধল আদীকলীয়া গাঁৱৰ কেকাই নৰহ, জগু মিলি আৰু শৈলাৰাম পায়েং৷

কংগ্ৰেছ নেত্ৰী প্ৰিয়ংকা গান্ধীক সীতাপুৰৰ অতিথিশালাৰ মজিয়াত ঝাড়ু দিয়া দেখা গৈছিল য’ত তেওঁক আটক কৰাৰ পিছত ৰখা হৈছিল।য’ত তেওঁক উত্তৰ প্ৰদেশৰ লখিমপুৰ খেৰীলৈ যাওঁতে আটক কৰাৰ পিছত ৰখা হৈছিল।প্ৰিয়ংকা গান্ধী আৰু কংগ্ৰেছ নেতাৰ এটা দলক সোমবাৰে পুৱা লখিমপুৰ খেৰীলৈ যাওঁতে আটক কৰা হৈছিল য’ত দেওবাৰে কেন্দ্ৰীয় মন্ত্ৰী অজয় মিশ্ৰৰ পুত্ৰই প্ৰতিবাদকাৰী কৃষকৰ এটা দলৰ ওপৰত দৌৰি যোৱাৰ পিছত ৮ জন লোকৰ মৃত্যু হৈছিল। বাহনখনৰ দ্বাৰা দৌৰি যোৱাৰ অভিযোগত চাৰিজন কৃষক নিহত হয় আৰু তাৰ পিছত সংঘৰ্ষত আন চাৰিজন নিহত হয়, যাৰ ফলত অঞ্চলটোত উত্তেজনাৰ সৃষ্টি হয়।
প্ৰিয়ংকা গান্ধী আৰু কংগ্ৰেছৰ আন নেতাসকলে লগে লগে লখিমপুৰ খেৰীলৈ ৰাওনা হয়, কিন্তু হিংসাপীড়িত অঞ্চলত উপস্থিত হোৱাৰ আগতে তেওঁলোকক সীতাপুৰত আটক কৰা হয়। প্ৰিয়ংকা গান্ধীক এতিয়া সীতাপুৰৰ এটা অতিথিশালাত ৰখা হৈছে, য’ত তেওঁক বাসস্থানৰ মজিয়াবোৰ ঝাড়ু দিয়া দেখা গৈছিল।কংগ্ৰেছ দলে শ্বেয়াৰ কৰা আন ভিডিঅ’সমূহত প্ৰিয়ংকা গান্ধীক উত্তৰ প্ৰদেশ আৰক্ষীৰ বিষয়াসকলৰ সৈতে তৰ্ক কৰা দেখা গৈছে য’ত তেওঁলোকক আটক ৰখাৰ ন্যায্যতাৰ বাবে ৱাৰেণ্ট চাবলৈ দাবী কৰা দেখা গৈছে আনহাতে দলটোৱে অভিযোগ কৰিছে যে বিবাদৰ সময়ত নেতাসকলক হাতাহাতি কৰা হৈছিল।
ইফালে, লখিমপুৰ খেৰী হিংসাৰ সন্দৰ্ভত কেন্দ্ৰীয় গৃহ ৰাজ্যমন্ত্ৰী অজয় মিশ্ৰৰ পুত্ৰ আশীষ মিশ্ৰ আৰু আন কেইবাজনো ব্যক্তিৰ বিৰুদ্ধে এখন এজাহাৰ পঞ্জীয়ন কৰা হৈছে। কৃষক নেতাসকলে দাবী কৰিছিল যে উত্তৰ প্ৰদেশৰ উপ মুখ্যমন্ত্ৰী কেশৱ প্ৰসাদ মৌৰ্যৰ ভ্ৰমণৰ বিৰোধিতা কৰি কিছুমান প্ৰতিবাদকাৰীক প্ৰহাৰ কৰা এখন গাড়ীত আশীষ মিশ্ৰ আছিল।

অৱশেষত শ্বেৰমান আলীক কংগ্ৰেছৰ পৰা নিলম্বন।শ্বহীদক অপমান কৰা শ্বেৰমান আলীক গ্ৰেপ্তাৰ আৰক্ষীৰ । উল্লেখযোগ্য যে,বিধায়ক শ্বেৰমান আলীয়ে শ্বহীদক লৈ কৰিছিল বিতৰ্কিত মন্তব্য। অসম আন্দোলনৰ শ্বহীদ দয়ানাথ শৰ্মাক ঘাতক আখ্যা দিছিল বিধায়কজনে। আপত্তিজনক মন্তব্য কৰা শ্বেৰমানক গ্ৰেপ্তাৰ কৰিবলৈ বহু দল সংগঠনে চৰকাৰক দাবী জনাইছিল। ইয়াৰ পূৰ্বেও কলাক্ষেত্ৰত মিঞা মিউজিয়াম বিচাৰি বিতৰ্কৰ সৃষ্টি কৰিছিল শ্বেৰমান আলীয়ে।