কলাক্ষেত্ৰত ৰাজহ চক্ৰ বিষয়া,ADCৰসন্মিলনত বিষয়াসকলৰ সৈতে মুখ্যমন্ত্ৰী হিমন্ত বিশ্ব শৰ্মাৰ মত বিনিময়। ৰাজহ চক্ৰ বিষয়াসকলক মাটিৰ ফাইল পৰি থকাক লৈ মুখ্যমন্ত্ৰীৰ প্ৰশ্ন। পৰি থকা ফাইলসমূহ ৬ অক্টোবৰৰ ভিতৰত ক্লিয়াৰ কৰাৰ নিৰ্দেশ মুখ্যমন্ত্ৰীৰ। ৰাজহ চক্ৰ বিষয়াসকলক দালালিৰাজ বন্ধ কৰাৰ আহ্বান মুখ্যমন্ত্ৰীৰ। কামৰ বিনিময়ত কোনো লোকে ধন ল’ব নোৱাৰিব বুলি মুখ্যমন্ত্ৰী হিমন্ত বিশ্ব শৰ্মাৰ সকীয়নি। সকলোকে বিনামূলীয়া সেৱা আগবঢ়োৱাবলৈ মুখ্যমন্ত্ৰীৰ পৰামৰ্শ।

কামৰূপৰ বৃহত্তৰ নগৰবেৰাৰ বিভিন্ন অঞ্চলত নিচাজাতীয় সামগ্ৰী যেনে মদ, জুৱা, কৰেক্স, ভাং ইৰেজাৰ, ডেণ্ডৰাইট আদি মাৰাত্মক সামগ্ৰী একাংশ অসাধু ব্যৱসায়ীয়ে বুকু ফিন্দাই বিক্ৰী কৰি থকাৰ খৱৰে অঞ্চলটোলৈ অসণি সংকেত কঢ়িয়াইছে। একাংশ অসাধু ব্যৱসায়ীয়ে বৃহৎ ছিণ্ডিকেট গঢ়ি তুলি নিতৌ লাখ লাখ টকাৰ এনেবোৰ নিচাজাতীয় সামগ্ৰী বিক্ৰী কৰি মোটা অংকৰ ধন ঘটিবলৈ তৎপৰ হৈ পৰিছে। এনে ক্ষেত্ৰত সকলো দেখিও আৰক্ষী-প্ৰশাসনে চকু মুদা কুলিৰ ভাও লোৱা বুলি সচেতন ৰাইজে কোৱাইকুই কৰিছে। নিতৌ নগৰবেৰাৰ বিভিন্ন অঞ্চলত একাংশ মদ ব্যৱসায়ীয়ে সন্ধিয়া মটৰ চাইকেলত মোনা ভৰ্তি কৰি দেশী-বিদেশী সুৰা, চুলাই আদি সদম্ভে বিক্ৰী কৰাটো এক ধৰণৰ স্বাভাৱিক কাণ্ড হৈ পৰিছে। স্মৰ্তৱ্য যে বৃহত্তৰ নগৰবেৰা অঞ্চলত এখনো অনুজ্ঞাপত্ৰ থকা ওৱাইন চপ’ নাই যদিও অবৈধ ভাৱে বিভিন্ন ঠাইত এই ব্যৱসায় দীৰ্ঘদিনৰে পৰা চলি থকাৰ পাছতো আৱকাৰী কিম্বা আৰক্ষী কাৰোৱেই কানসাৰ নথকাটোহে সকলোৰে বাবে এক অবুজ সাঁথৰ হৈ পৰিছে। অনুৰূপ ধৰণেৰে একাংশ স্কুল-কলেজৰ ছাত্ৰক প্ৰায়ে বিভিন্ন স্থানত জুম বান্ধি কেতবোৰ নিচাজাতীয় দ্ৰব্য সেৱনৰ অভ্যাস গঢ়ি তোলা বুলিও সততে খৱৰ পোৱা যায়। নগৰবেৰা বজাৰৰ উপৰি ৰঙ্গেশ্বৰী, টুপামাৰী, বদলা, ৰাঙ্গাপানী আদি অঞ্চলত দীৰ্ঘদিনৰে পৰা একাংশ অদূৰদৰ্শী ব্যৱসায়ীয়ে নিচাজাতীয় দ্ৰব্য কফ চিৰাপ, মদ, ভাং ইৰেজাৰ, ডেণ্ডৰাইট আদি কাৰ্টুনে কাৰ্টুনে বিক্ৰী কৰি থকা উপৰি মজবুত নেটৱৰ্ক গঢ়ি তোলা বুলিও সম্ভেদ পোৱা গৈছে। আনকি এনে একাংশ যুৱ ব্যৱসায়ীয়ে সময়ে সময়ে নিচাজাতীয় সামগ্ৰী সৰবৰাহ পৰত হাতে-লোটে আৰক্ষীৰ হাতত আটক হৈছে যদিও পিছমুহূৰ্ততে মুকলি আকাশৰ তললৈ গৈ পুনৰ দ্বিগুণ উৎসাহেৰে নিজৰ ব্যৱসায় চলাই গৈছে। বৃহত্তৰ অঞ্চলটোৰ ব্যৱসায় বাণিজ্যৰ অন্যতম প্ৰতিষ্ঠান টুপামাৰী বজাৰৰ অলিয়ে-গলিয়ে এতিয়া কেৱল নিচাজাতীয় দ্ৰব্য কফ চিৰাপ খালি বটল পৰি আছে। একাংশ অসাধু ব্যৱসায়ীয়ে আৰক্ষীৰ নাকৰ তলতে অবাধে চলাই গৈছে নিচাজাতীয় দ্ৰব্যৰ ৰমৰমীয়া বেহা। কিন্তু ইমানৰ পাছতো নীৰৱ আৰক্ষী মৌন অঞ্চলটোৰ দল-সংগঠন। উল্লেখিত অঞ্চলসমূহত প্ৰশাসনে বিষয়টো গুৰুত্ব সহকাৰে ল’ই এই সমূহ নিয়ন্ত্ৰণ কৰাই নহয়, সমূলি উৎখাতৰ বাবে তৎপৰ হ’বলৈ সচেতন ৰাইজে দাবী জনাইছে।

মাৰ্ঘেৰিটা বিধান সভা সমষ্টিৰ অন্তৰ্গত লিডু-বিচাগাওঁ সংযোগী এখন ওলমা দলং। প্ৰায় পঞ্চাছ(৫০) খন গাঁৱৰ ৰাইজ সুচল যাতায়ত ব্যৱস্থাৰে উপকৃত হব পৰাকৈ নিৰ্মাণ কৰা হৈছিল দলংখন। ২০০০ চনত সেই সময়ৰ বিধায়ক প্ৰদ্যুত বৰদলৈয়ে তেখেতৰ সমষ্টি উন্নয়ন পুঁজিৰে টিৰাপ নৈৰ ওপৰত  লিডু-বিচাগাওঁ সংযোগী উক্ত দলংখন নিৰ্মাণ কৰি উলিয়াইছিল। সেই সময়তে অঞ্চলটোৰ কেইবাখনো গাঁৱৰ ৰাইজে ওলমা দলংখনৰ ঠাইত এখন স্থায়ী পকী দলং নিৰ্মাণ কৰাৰ বাবে বিধায়ক গৰাকীৰ লগতে চৰকাৰক আহ্বান জনাইছিল। কিন্তু ৰাইজৰ সেই আহ্বানক গুৰুত্ব নিদি নিৰ্মাণ কৰা হৈছিল ওলমা দলংখন। ২০০০ চনৰ পৰা প্ৰায় পঞ্চাছ(৫০)খন গাঁৱৰ ৰাইজে এই দলংখনকেই যাতায়ত আৰু যোগাযোগৰ একমাত্ৰ মাধ্যম হিচাপে ব্যৱহাৰ কৰি আহিছে। দুৰ্ভাগ্যজনক কথাটো হৈছে যে বিগত কিছুদিনৰ পৰা উক্ত দলংখনৰ কেইবাঠাইটো লোহাৰ আঁচবাব সমূহ মামৰে ধৰি ছিঙি যোৱাত যাতায়তৰ বাবে বিপদ সংকুল হৈ পৰিছে।দুই এজন ব্যক্তি খোজ কাঢ়ি আৰু দুই এখন দুচকীয়া বাহন অহা যোৱা কৰিছে যদিও যিকোনো সময়ত দুৰ্ঘটনা সংঘটিত হোৱাৰ পূৰ্ণ সম্ভাৱনাই দেখা দিছে। সেই দলংখনেৰে অহা যোৱা কৰা গাওঁ বাসীৰ ভাষ্য অনুসৰি দলংখনেৰে গাড়ী মটৰ অহা যোৱা কৰিব নোৱাৰাৰ বাবে ৰোগী, স্কুলীয়া ছাত্ৰ-ছাত্ৰীকে আদি কৰি যাত্ৰী সকলে এতিয়া প্ৰায় ২০ কিলোমিটাৰ পথ অতিক্ৰম কৰি লংটং হৈ অহা যোৱা কৰিব লগা পৰিস্থিতিৰ সৃষ্টি হৈছে। যাৰ ফলত বৰ্তমান গাঁৱৰ ৰাইজে না না ধৰণৰ সমস্যাৰ সন্মুখীন হব লগা হৈছে। গাওঁ বাসীৰ এটাই আহ্বান বৰ্তমানৰ হিমন্ত বিশ্ব শৰ্মা নেতৃত্বাধীন অসম চৰকাৰ আৰু স্থানীয় বিধায়ক ভাস্কৰ শৰ্মা দেৱে অতি সোনকালে এই লিডু-বিচাগাওঁ সংযোগী ওলমা দলংখনৰ ঠাইত এখন স্থায়ী পকী দলং নিৰ্মাণ কৰি পঞ্চাছ খনকৈ গাঁৱৰ ৰাইজৰ যোগাযোগ আৰু যাতায়ত ব্যৱস্থা সুচল কৰি তোলে যেন।

আজি স্বেচ্ছাসেৱী সংস্থা “ডেউকা”ৰ ফালৰ পৰা শিক্ষাৰ জগত খনৰ লগত নিৰলস প্ৰচেষ্টাৰে ব্ৰতী হৈ থকা নলবাৰী জিলাৰ বৰক্ষেত্ৰী অঞ্চলৰ টেঘ্ৰেটাৰী গাওঁৰ নিবাসী মুকালমুৱাস্থিত ৰঘুনাথ চৌধাৰী উচ্চতৰ মাধ্যমিক বিদ্যালয়ৰ প্ৰাক্তন অধ্যক্ষ শ্ৰদ্ধাৰ ভবিন চন্দ্ৰ বৰ্মন দেৱক এইবছৰৰ “Teachers Excellency Award 2021″প্ৰদান কৰা হয়।

ওদালগুৰি জিলাৰ ওৰাং খণ্ড প্ৰাথমিক স্বাস্থ্য কেন্দ্ৰৰ অধীনস্থ ধনশ্ৰীঘাটত  আজি ৬ছেপ্তম্বৰ তাৰিখে নতুনকৈ মৃত্যুঞ্জয়  ১০৮ এম্বুলেন্স  সেৱা  শুভাৰম্ভনি  কৰা হয় ৷ ৰাষ্ট্ৰীয় স্বাস্থ্য মিছন মিছন অসমৰ সৌজন্যত  নতুনকৈ লাভ এখন ট্ৰেভেলাৰ টাইপৰ ১০৮এম্বুলেঞ্চ সেৱা  বৃহত্তৰ  ধনশ্ৰীঘাট অঞ্চলত ৰাইজৰ সেৱাৰ বাবে উৎসৰ্গিত কৰে ৭০নং মাজবাট বিধান সভা সমষ্টিৰ বিধায়ক চৰণ বড়োবে৷ ৰৌতা আৰু ওৰাং,মাজবাট আদি অঞ্চলত ১০৮ আছিল যদিও বৃহত্তৰ ধনশ্ৰীঘাট অঞ্চল সমুহৰ ৰাইজে ১০৮ৰ পৰা অতি সোনকালে যোগাযোগৰ পৰা  বঞ্চিত হৈ আহিছিল ৷গতিকে ধনশ্ৰীঘাট ৰাইজৰ বিপুল দাবীৰ প্ৰতি সহাৰি জনাই  ধনশ্ৰীঘাটৰ লগতে নিকটবৰ্ত্তী ২০ খন মান গাওঁৰ  সা সুবিধাৰ প্ৰতি লক্ষ্য ৰাখি  ১০৮ এম্বুলেন্স সেৱা প্ৰদান কৰা হয় ৷ওৰাং খণ্ড প্ৰাথমিক স্বাস্থ্য কেন্দ্ৰৰ মহকুমা চিকিৎসা আৰু স্বাস্থ্য বিষয়া ডাঃ প্ৰীতিৰেখা  শইকীয়া,জ্যেষ্ঠ চিকিৎসা আৰু স্বাস্থ্য বিষয়া ডাঃ লক্ষন কুমাৰ বড়ো, ,গোপী চাংমা,জেলচন হায়নাৰী,পলিনা বসুমতাৰী,আশা কৰ্মী-মিনতি ডেকা,ৰুনু বৈশ্য,কল্পনা দেৱী,ৰেনুকা দেবী আৰু ধনশ্ৰীঘাটৰ অগ্ৰণী নাগৰিক  টংকেশ্বৰ গৌতম,যতীন বৰুৱা,শৰৎ বৰুৱা,হেমন্ত কুমাৰ সূত্ৰধাৰ,বিষ্ণু ঠাকুৰীয়া,ৰঞ্জিত কুমাৰ শৰ্মা,বিটিএডি সাংবাদিক সংস্থাৰ কেন্দ্ৰীয় সাধাৰণ সম্পাদক নব কুমাৰ ডেকা,জ্যেষ্ঠ সাংবাদিক তৰুণ ডেকা আদিয়ে উপস্থিত থাকি সহায় সহযোগিতা কৰে ৷ ধনশ্ৰীঘাটৰ পুৰণি উপস্বাস্থ্য কেন্দ্ৰটো মেৰামতি কৰি ১০৮সেৱাৰ কৰ্মচাৰীৰ ব্যৱস্থাপনা  কৰি দিয়ে বিধায়ক গৰাকীয়ে ৷বিধায়ক চৰণ বড়ো ,ওদালগুৰি জিলা ১০৮ সেৱা  কাৰ্য্যবাহী বিষয়া ইকবাল হুছেইন,ওৰাং খণ্ড প্ৰাথমিক স্বাস্থ্য কেন্দ্ৰৰ  বিপিএম পংকজ সভাপণ্ডিতৰ উদ্যোগত   ধনশ্ৰীঘাটত ১০৮ সেৱা প্ৰদান কৰা কাৰ্য্যত  ৰাইজ সন্তুুষ্টি প্ৰকাশ কৰিছে ৷