পশ্চিম নলবাৰী অঞ্চলৰ  কৈহাটীৰ কামৰূপীয়া ঢুলীয়া কৃষ্টিৰ সৈতে জড়িত শিল্পী সকল সম্প্ৰতি ক’ৰণাকালিন পৰিস্হিতিৰ বাবে  ভীষণ  আৰ্থিক   সসমস্যাৰ সন্মুখীন হৈছে । উল্লেখ্য, সংগীত নাটক অকাডেমি বঁটা প্ৰাপক কিম্বদন্তী শিল্পী মোহন ঢন্দ্ৰ বৰ্মন ( মোহন ভাইৰা )ৰ কামৰূপীয়া ঢুলীয়া দলৰ একাংশ শিল্পীয়ে এতিয়া ভয়াৱহ আৰ্থিক দৈন্যত ভুগি শেহতীয়াকৈ আনৰ ঘৰত দৈনিক মজদুৰী কৰিবলৈও বাধ্য হৈছে । লকডাউন সদৃশ পৰিস্থিতিৰ বাবেই সভা, মহোৎসৱ , পূজা-পাৰ্ব্বন আদি বন্ধ হৈ পৰাৰ ফলত এইসকল শিল্পীয়ে বিগত প্ৰায় দুটা বছৰে অনুষ্ঠান পৰিৱেশন কৰিব নোৱাৰাত দৰিদ্ৰ ঢুলীয়া শিল্পীসকলৰ জীৱনলৈ স্বাভাবিক ভাবেই যেন নামি আহিছে অমানিশা । ইয়াৰ মাজতে, পৰহি  বিয়লি প্ৰায় ৪-৩০ বজাত নলবাৰীৰ অতিৰিক্ত উপায়ুক্ত কল্পনা  ডেকাই কৈহাটীত উপস্থিত হৈ স্থানীয় ঢুলীয়া শিল্পীসকলৰ সৈতে মত বিনিময় কৰি খা-খবৰ লোৱাৰ লগতে শিল্পীসকলৰ পৰিয়ালৰ শেহতীয়া পৰিস্থিতিৰ বুজ লয় । বৰকৈহাটীৰ মদন মোহন গোঁসাইঘৰ প্ৰাংগণত এই উপলক্ষে সম্পন্ন হোৱা এক অনুষ্ঠানত অসম সাহিত্য সভাৰ প্ৰাক্তন সহকাৰী সম্পাদক কৰুণাকান্ত ভড়ালীয়ে স্থানীয় ৰাইজৰ হৈ অতিৰিক্ত উপায়ুক্ত ডেকাক ফুলাম গামোচাৰে আদৰণি জনায় । অনুষ্ঠানত প্ৰকৃতিপ্ৰেমী ভূপেন কুমাৰ দাস, সাংস্কৃতিক কৰ্মী – শিক্ষক নৃপেন দত্ত, পশ্চিম নলবাৰী প্ৰেছ ক্লাৱৰ কাৰ্যকৰী সভাপতি ৰাজেন বৈশ্য, উপ-সভাপতি দ্বীপেন মেনা, সমাজসেৱী ৰাজু ভূঞা, সাংবাদিক অতুল ভূঞা আদি উপস্থিত থাকে ।  তদুপৰি, অতিৰিক্ত উপায়ুক্ত ডেকাই জ্যেষ্ঠ ঢুলীয়া শিল্পী ৰমণী  দাসৰ( ভাইৰা ) বাসগৃহলৈ গৈ তেওঁৰ স্বাস্থ্যৰ বুজ লয় । 

নগাওঁ আৰক্ষীৰ বৃহৎ সফলতা। আজি সন্ধিয়া নগাওঁ চহৰৰ চাৰি সুঁতি ৰেল লাইনৰ ওচৰৰ পৰা আৰক্ষীয়ে বৃহৎ পৰিমাণৰ চুৰি কৰা শৰাইকে ধৰি নামঘৰ-মন্দিৰৰ বিভিন্ন সামগ্ৰী উদ্ধাৰ কৰিবলৈ সক্ষম হয়। এক গোপন সূত্ৰৰ তথ্যৰ ভিত্তিত নগাঁৱৰ ইটাচালি আৰক্ষী চকীৰ ভাৰপ্ৰাপ্ত বিষয়াৰ নেতৃত্বত যোৱা আৰক্ষী দলে অভিযান চলাই চাৰি খুঁটিৰ ওচৰৰ ৰেল লাইনৰ সন্মুখৰ পৰা বৃহৎ পৰিমাণৰ নামঘৰ-মন্দিৰৰ চুৰি কৰা সামগ্ৰী উদ্ধাৰ কৰিবলৈ সক্ষম হয়। উল্লেখ্য যে, আজি কিছুদিন ধৰি নগাওঁ জিলাৰ বিভিন্ন মঠ-মন্দিৰ, নামঘৰ আদিৰ বহু সামগ্ৰী চুৰি হৈছে। আজি ইটাচালি আৰক্ষীয়ে বৃহৎ পৰিমাণৰ নামঘৰ মন্দিৰ আদিৰ চুৰি কৰা সামগ্ৰী উদ্ধাৰ কৰাৰ লগতে চাব্ৰিনা নামৰ এগৰাকী মহিলাক আটক কৰি জেৰা অব্যাহত ৰাখিছে। আনহাতে নগাওঁ নগৰ আৰক্ষীয়ে আজি সন্ধিয়া অভিযান চলাই নগাওঁ চহৰৰ সমীপৰ শিয়ালমাৰী অঞ্চলৰ পৰা বৃহৎ পৰিমাণৰ ড্ৰাগছ জব্দ কৰাৰ লগতে এগৰাকী মহিলাক আটক কৰি জেৰা অব্যাহত ৰাখিছে। উল্লেখযোগ্য যে, শিয়ালমাৰী অঞ্চলত দীৰ্ঘদিনৰ পৰা ড্ৰাগছৰ এক ৰমৰমীয়া ব্যৱসায় চলি আহিছে। গোপন সূত্ৰৰ পম খেদি আজি নগাওঁ নগৰ আৰক্ষীয়ে অভিযান চলাই শিয়ালমাৰীৰ পৰা বৃহৎ পৰিমাণৰ ড্ৰাগছ জব্দ কৰাৰ লগতে মহিলা গৰাকীক আটক কৰিবলৈ সক্ষম হয়। মহিলা গৰাকীয়ে দীৰ্ঘদিন ধৰি অঞ্চলটোত ড্ৰাগছৰ ব্যৱসায় চলাই আহিছে।নগাঁৱৰ উপ আৰক্ষী অধীক্ষকৰ ত্ৰিদীপ টুমবেঙৰ নেতৃত্বত চলা অভিযানত টচলিমা বেগম নামৰ মহিলা গৰাকীকো আটক কৰে।

চাঁ‌ৰি বছৰ পূৰ্ৱে মাতৃহাৰা ২বছৰ পূৰ্ৱে পিতৃহাৰা ওদালগুৰি জিলাৰ ৩১ নং খৈৰাবাৰী পৰিষদীয় সমষ্টিৰ বৰাখাট গাঁ‌ৱৰ বাসিন্দা নামক্ৰমে, মীৰা গুৰ, নিৰ্মালী গুৰ, হৰিপ্ৰীয়া গুৰ, নামৰ তিনি  ঘাটমাউৰা কিশোৰীৰ কৰুণ কাহিনী খৈৰাবাৰীৰ সাংবাদিক অমৰজিৎ ৰাভাৰ দ্বাৰা প্ৰথমটো বাতৰি “দৈনন্দিন বাৰ্তাত,, প্ৰকাশ পোৱাৰ পিছত ক্ৰমান্বয়ে এটাৰ পিছত এটা সংবাদমাধ্যমত বাতৰি প্ৰকাশ পোৱাৰ প্ৰায় ৫দিন পিছত আজি  ওদালগুৰি জিলাৰ ৬৪ নং পানেৰি বিধানসভা সমষ্টি তথা ৩১ নং খৈৰাবাৰী পৰিষদীয় সমষ্টিৰ অন্তৰ্গত বগপুৰি ভিচিডিচিৰ বৰাখাট গাঁ‌ৱৰ ৩ ঘাটমাউৰা কিশোৰীৰ ওচৰত জনপ্ৰতিনিধি খৈৰাবাৰী পৰিষদীয় সমষ্টিৰ এম চি এল এ ভৱেন চন্দ্ৰ বড়োসহ বিজেপিৰ কৰ্মকৰ্তাৰ লগতে ৬৪ নং পানেৰি বিধানসভা সমষ্টিৰ বিধায়ক তথা অসম বিধানসভা সদনৰ অধ্যক্ষ বিশ্বজিৎ দৈমাৰীয়ে নিজে আহি কিশোৰী কেইজনীৰ সমস্যাৰ বুজ লোৱাৰ লগতে কিশোৰী কেইজনীৰ উন্নত শিক্ষা ব্যৱস্থা বহন কৰাৰ উপৰিও আৰ্থিক সহায় কৰি উজ্জ্বল ভৱিষ্যৎ গঢ়ি তুলাৰ দায়িত্ব বহন কৰে অধ্যক্ষ বিশ্বজিৎ দৈমাৰীয়ে।যাক লৈ সচেতন মহলত এমচিএলএ ভৱেন চন্দ্ৰ বড়োসহ অধ্যক্ষ বিশ্বজিৎ দৈমাৰীৰ এনে মহানুভৱতাক ব্যাপক সন্তুষ্টি প্ৰকাশ কৰে।

নুমলীগড় শোধনাগাৰৰ সৌজন্যত স্বেচ্ছাসেৱী অনুষ্ঠান “টিপকাই”ৰ সহযোগত নিৰ্মাণ কৰা বিশুদ্ধ খোৱা পানী যোগান আঁচনিৰ আজি মাজুলীৰ তিনিখন বিদ্যালয়ত আনুষ্ঠানিক ভাৱে উদ্ধোধন কৰা হয় ৷ মধ্য মাজুলী পাৰিজাত উচ্চ মাধ্যমিক বিদ্যালয় প্ৰাংগনত আয়োজিত এক চমু অনুষ্ঠানত গড়মূৰ পীতাম্বৰদেৱ গোস্বামী কনিষ্ঠ মহাবিদ্যালয়ৰ অৱসৰপ্ৰাপ্ত অধ্যক্ষ তথা বিদ্যালয় পৰিচালনা সমিতিৰ সভাপতি ঘন নাথে বিদ্যালয়খনৰ বিশুদ্ধ পানী যোগান আঁচনিৰ ফিটাকাটি শুভ উদ্ধোধন কৰে ৷ পানী যোগান আঁচনিৰ শুভ উদ্ধোধন কৰি নাথে -ইয়াৰ জৰিয়তে বিদ্যালয়ৰ ছাত্ৰ-ছাত্ৰীৰ লগতে শিক্ষকগোট উপকৃত হ’ব বুলি উল্লেখ কৰে আৰু ইয়াৰ সৎ ব্যৱহাৰৰ ওপৰত গুৰত্ব আৰোপ কৰে ৷ বিদ্যালয়ৰ প্ৰধান শিক্ষক পৰমানন্দ বৰাই আঁত ধৰা অনুষ্ঠানত স্বেচ্ছাসেৱী সংগঠন টিপকাইৰ প্ৰকল্প সঞ্চালক ভাস্বতী বৰুৱা আৰু লয়না গাৰ্গ , বিদ্যালয়ৰ অৱসৰপ্ৰাপ্ত প্ৰধান শিক্ষক দীপ ভূঞা , জেষ্ঠ সাংবাদিক উৎপল কাকতি , সহ-শিক্ষকদ্বয় অনিল চন্দ্ৰ ভাগৱতী প্ৰমুখ্যে কেইবাগৰাকী শিক্ষক , কৰ্মচাৰী উপস্থিত থাকে ৷ ইয়াৰ পূৰ্বে নুমলীগড় শোধনাগাৰৰ সৌজন্যত টিপকাইৰ সহযোগত নিৰ্মাণ কৰা বিশুদ্ধ পানী যোগান আঁচনি ক্ৰমে চেলেক জনজাতি হাইস্কুল আৰু কৰতিপাৰ হাইস্কুলত বিদ্যালয়ৰ পৰিয়ালৰ সেৱাৰ বাবে আনুষ্ঠানিক ভাৱে মুকলি কৰা হয় ৷ অনুষ্ঠানত বিদ্যালয় দুখনৰ প্ৰধান ক্ৰমে অনিল শইকীয়া আৰু  জগন্নাথ পেগু প্ৰমুখ্যে কৰ্মচাৰীসকল উপস্থিত থাকে ৷

বিগত বিত্তীয় বৰ্ষত উৎকৃষ্ট প্ৰদৰ্শন কৰা হয় ডাকঘৰ, কৰ্মচাৰীৰ লগতে ডাক জীৱন বীমাৰ এজেণ্ট আৰু ক্ষুদ্ৰ সঞ্চয়ৰ এজেণ্টসকল পুৰস্কৃত কৰা হয়। উল্লেখযোগ্য যে বিগত বিত্তীয় বৰ্ষত গোৱালপাৰা ডাক সংমণ্ডলে একানব্বই হেজাৰটা নতুন একাউণ্ট আৰু  ঊনত্ৰিশ কোটি টকাৰ ডাক জীৱন বীমাৰ ব্যৱসায় কৰিবলৈ সক্ষম হয়। তদুপৰি পয়সত্তৰতম স্বাধীনতা দিৱস উপলক্ষে অসম ডাক চাৰ্কোলে চলোৱা বিশেষ অভিযানত নহেজাৰৰো অধিক একাউণ্ট খুলি অসমৰ ভিতৰতে প্ৰথমস্থান লাভ কৰিবলৈ সক্ষম হয়। আজিৰ সভাৰ প্ৰধান উদ্যোক্তা আছিল ডাক অধীক্ষক দেৱৰাজ শেঠী ডাঙৰীয়া। ধুবুৰীৰ সহকাৰী ডাক অধীক্ষক পল্লভ হাজৰিকা, কোকৰাঝাৰৰ ডাক পৰিদৰ্শক খাংগেমবাম লেইবাকমাচা আৰু গোৱালপাৰা মুখ্য ডাকঘৰৰ পোষ্টমাষ্টাৰ জ্যোতিষ চন্দ্ৰ ৰাভা আৰু বঙাইগাঁও মুখ্য ডাকঘৰৰ পোষ্টমাষ্টাৰ জয়দেৱ কৰ্মকাৰ উক্ত  সভাত উপস্থিত থাকে।

আজি বিহালীৰ বেদেতী শিৱ মন্দিৰ প্রাংগনত মর্নিংক্লাৱৰ উদ্যোগত অনুষ্ঠিত বৃক্ষৰোপন কার্যসূচীত অৰণ্যমানৱ যাদৱ পায়েঙে শুভাৰম্ভ কৰে । এই কাযর্সুচীত মর্নিংক্লাৱৰ বিষয় ববীয়াৰ লগতে স্হানীয়লোক উপস্হিত থাকে !যাদৱ পায়েঙক সম্বর্ধনা জনোৱা হয় । তেও বিহালী সংৰক্ষিত বনাঞ্চল ৰক্ষনা বেক্ষনা ৰাইজে কৰিব লাগে বুলি উল্লেখ কৰি গছ গছনি নাথাকিলে মানুহৰ লগতে জীৱকুলৰো ক্ষতি হয় বুলি উল্লেখ কৰে । তদুপৰি বিহালী বনাঞ্চলখন অভয়াৰণ্য হব লাগে বুলি বক্তব্যত উল্লেখ কৰে। তাৰ পিছতেই বিহালীৰ অন্যতম তীর্থস্হান পীতাম্বৰ ধামত জন্মাষ্টমীৰ উপলক্ষ গছপুলি ৰোপনৰ শুভৰম্ভ কৰি  আয়োজিত অনুষ্ঠানত তেওঁ নিজৰ জীৱনৰ অভিজ্ঞতাৰ লগতে বিশ্বৰ বিভিন্ন দেশত গৈ গছ পুলি ৰুই বিশ্বক সেউজীয়া কৰাৰ যি পৰিকল্পনা সেই বিষয়ে উল্লেখ কৰে । তেও ইতিমধ্যে ৭কোটি গছ পুলি  ৰুই অভিলেখ ৰচিছে । যাদৱ পায়েঙে অক্সিজেনৰ বাবেও গছ-গছনিৰ অতি প্ৰয়োজন বুলি আছে আৰু সকলোকে এই ক্ষেত্রত গুৰুত্ব আৰোপ কৰিবৰ বাবে আহ্বান কৰে ! জীব জন্তু পখীকুল আদিয়েও পৰিবেশ সংৰক্ষণৰ কাম  কৰে অথচ মানুহে ধ্বংস কৰে । তাৰ পিছতেই মর্নিং ক্লাৱৰ সাংস্কৃতিক সচিব হিৰণ্য হাজৰিকাই পৰিবেশ সম্পর্কীয় বিষয়ত মন্তব্য কৰে । ইয়াৰ পিছতে প্ৰকৃতি প্ৰেমী অনুষ্ঠান  ৰাংছালী ফাউণ্ডেচনৰ ফালৰ পৰা যাদব পায়েঙক ফুলাম গামোচাৰে আদৰণি জনাই । পীতাম্বৰ ধামৰ আচার্য ১০৮ নাৰায়নস্বামীয়ে পীতাম্বৰ ধামৰ আশে পাশে থকা গাও সমুহত গছ গছনি থকাৰ বাবে অক্সিজেনৰ অভাব নোহোৱাত কোভিডত এজনো লোকৰ মৃত্যু হোৱা নাই বুলি গৌৰব অনুভৱ কৰে । তেওঁ সকলো  মানুহৰ ঘৰৰ আগত এজোপাকৈ গছ ৰোপন কৰিবলৈ আহ্বান জনায় । তেও পশু পক্ষীৰ খাদ্য হোৱাকৈ গছ গছনি ৰুব লাগে বুলিও কয় । আজি এই অনুষ্ঠানত মর্নিং ক্লাৱৰ সদস্য সকলৰ লগতে গুৱাহাটীৰ ৰতনলাল আগৰৱালা,নগাৱঁৰ ৰাজকুমাৰ টোডী সহ স্হানীয় লোকে সহযোগিতা  কৰে ।

সুদীৰ্ঘ দিন ধৰি অৰ্দ্ধনিৰ্মিত অৱস্থাত থকা বৰপেটা জিলাৰ গোমাফুলবাৰী আৰু গোমাৰীগুৰী আদৰ্শ বিদ্যালয়ৰ নিৰ্মাণ কাৰ্য অতি শীঘ্ৰে সম্পূৰ্ণ কৰিবলৈ জিলা উপায়ুক্ত তেজ প্ৰসাদ ভূচালে আজি লোক নিৰ্মাণ বিভাগৰ সংশ্লিষ্ট বিষয়া সকলক নিৰ্দেশ দিছে। আজি দেওবৰীয়া বন্ধৰ দিনটোত উক্ত বিদ্যালয় দুখনৰ নিৰ্মাণ কাৰ্য পৰিদৰ্শন কৰি উপায়ুক্ত গৰাকীয়ে সকলো সমস্যাৰ বুজ লৈ বিভাগীয় বিষয়াক এই নিৰ্দেশ দিয়ে। উল্লেখযোগ্য যে, বৰপেটা জিলাত স্থাপন কৰিবলৈ লোৱা সাতখন আদৰ্শ বিদ্যালয়ৰ ভিতৰত পাঁচখনৰ নিৰ্মাণ সম্পূৰ্ণ হোৱাৰ লগতে ইয়াত পাঠদানো সূচাৰুৰূপে  চলি আছে । কিন্তু ২০১৩-১৪ চনতে নিৰ্মান কাৰ্য আৰম্ভ হোৱা  গোমাফুলবাৰী আৰু গোমাৰীগুৰিৰ বিদ্যালয় দুখনৰ কাম  বিভিন্ন সমস্যাৰ বাবে আজিকোপতি সম্পূৰ্ণ কৰিব পৰা হোৱা নাই ৷ লোকনিৰ্মান গৃহ বিভাগৰ দ্বাৰা নিৰ্মান কাৰ্য চলি থকা প্ৰকল্পটোৰ কাম ২০১৬-১৭ ৰ পৰাই  বিভিন্ন কাৰকৰ বাবে স্হগিত হৈ আছে ৷ এই বিষয়ে অৱগত হৈয়ে আজি বৰপেটা জিলা উপায়ুক্ত ভূচালে শিক্ষা বিভাগৰ দায়িত্ব‌ত থকা অতিৰিক্ত উপায়ুক্ত তথা  জিলা মিছন সমন্বয়ক লখিমী দত্ত আৰু সমগ্ৰ শিক্ষাৰ জিলা আঁচনি বিষয়া ৰঞ্জন দাস সমন্বিতে ক্ষেত্ৰ পৰিদৰ্শন কৰে৷ নিৰ্মাণ থলিত লোক নিৰ্মান বিভাগৰ সংশ্লিষ্ট অভিযন্তা সকলো উপস্হিত আছিল ৷ জিলা তথ্য আৰু জনসংযোগ বিষয়া বিকাশ শৰ্মাই এই কথা প্ৰকাশ কৰি জনাইছে যে, প্ৰায় ছয় বছৰ ধৰি নিৰ্মান কাৰ্য স্হবিৰ হৈ থকা কথাটোত উপায়ুক্ত ভূচালে গভীৰ অসন্তুষ্টি প্ৰকাশ কৰে আৰু ঠিকাদাৰ আৰু সংশ্লিষ্ট বিষয়া  সকলক  দুয়োখন  আদৰ্শ বিদ্যালয়ৰ নিৰ্মানৰ বাকী থকা কাম অনতি পলমে আৰম্ভ কৰিবলৈ কঠোৰ সকীয়নি দিয়ে।  লগতে এই সম্পৰ্কত তথ্য সম্বলিত এখন বিস্তৃত প্ৰতিবেদন জমা দিবলৈও বিভাগীয় বিষয়াক নিৰ্দেশ দিয়ে। এই দুয়োখন বিদ্যাল়য় সোনকালে মুকলি হলে উক্ত অঞ্চলটোৰ লগতে জিলাখনৰ বহু সংখ্যক ছাত্ৰ-ছাত্ৰী  উপকৃত হ’ব বুলি আশা কৰা হৈছে।

কৃষ্ণ জন্মাষ্টমীৰ বাবে শুভেচ্ছা জ্ঞাপন কৰি প্ৰধানমন্ত্ৰী শ্ৰী নৰেন্দ্ৰ মোদীয়ে দেওবাৰে দেশবাসীক দেশৰ মহান পৰম্পৰাক আগুৱাই নিয়াৰ বাবে আহ্বান জনায়। তেওঁৰ মাহেকীয়া ৰেডিঅ’ অনুষ্ঠান ‘মন কি বাত’ৰ ৮০ তম সংস্কৰণত ভাষণ দি প্ৰধানমন্ত্ৰী মোদীয়ে কয়, “জন্মাষ্টমী উৎসৱ হৈছে ভগৱান শ্ৰী কৃষ্ণৰ জন্ম উৎসৱ। আমি ভগৱানৰ সকলো ধৰণৰ সৈতে পৰিচিত, দুষ্ট কানহাইয়াৰ পৰা কৃষ্ণ ৰূপ লোৱালৈকে, শাস্ত্ৰত ভালদৰে দক্ষৰ পৰা অস্ত্ৰ-শস্ত্ৰৰ দক্ষলৈকে। কলা হওঁক, সৌন্দৰ্য হওঁক, আকৰ্ষণ হওঁক, য’ত সকলো কৃষ্ণ নহয়! কিন্তু মই এই সকলোবোৰ কৈ আছো কাৰণ জন্মাষ্টমীৰ কেইদিনমান আগতে মই এটা আকৰ্ষণীয় অভিজ্ঞতাৰ মাজেৰে গৈছিলো। গতিকে মই অনুভৱ কৰিছিলো যে মই এই বিষয়ে আপোনাৰ সৈতে কথা পাতিব লাগে। আপুনি নিশ্চয় জানে যে এই মাহৰ ২০ তাৰিখে ভগৱান সোমনাথ মন্দিৰৰ সৈতে সম্পৰ্কিত নিৰ্মাণ কাৰ্য জনসাধাৰণৰ বাবে উৎসৰ্গিত কৰা হৈছে।”

তেওঁ কৈছিল যে সোমনাথ মন্দিৰৰ পৰা প্ৰায় ৩-৪ কিলোমিটাৰ দূৰত ভলকা তীৰ্থ আছে য’ত ভগৱান কৃষ্ণই তেওঁৰ অন্তিম মুহূৰ্তবোৰ পৃথিৱীত কটাইছিল।প্ৰধানমন্ত্ৰীয়ে লগতে আমেৰিকা যুক্তৰাষ্ট্ৰৰ নাগৰিক জাদুৰানী দাসীৰ কথা উল্লেখ কৰে আৰু তেওঁৰ সৈতে হোৱা বাৰ্তালাপৰ কথা উল্লেখ কৰে।”জদুৰানী দাসী জী আমেৰিকান আৰু ইস্কনৰ সৈতে সম্পৰ্কিত, হৰে কৃষ্ণ আন্দোলনৰ সৈতে সম্পৰ্কিত আৰু তেওঁৰ এটা মুখ্য বিশেষত্ব হৈছে যে তেওঁ ভক্তি কলাত দক্ষ। মই তাইৰ সৈতে দীঘলীয়া বাৰ্তালাপ কৰিছিলো, কিন্তু মই বিচাৰো যে আপুনি ইয়াৰ কিছু অংশ শুনিব,” তেওঁ কৈছিল।তেওঁ লগতে কয়, “বন্ধুসকল, যেতিয়া বিশ্বৰ মানুহে আজি ভাৰতীয় আধ্যাত্মিক ব্যৱস্থা আৰু দৰ্শনৰ প্ৰতি মনোযোগ দিয়ে, তেতিয়া এই মহান পৰম্পৰাবোৰ কঢ়িয়াই নিয়াৰ দায়িত্বও আমাৰ আছে।

কামৰূপৰ বকো সমষ্টিৰ অন্তৰ্গত বৃহত্তৰ নগৰবেৰাৰ একাধিক গাওঁ বানপানীৰ কবলত। শেহতীয়াকৈ বানপানীত প্লাৱিত হৈছে অঞ্চলটোৰ একাধিক গাওঁ-ৰাজপথ। ৰাজপথ জলমগ্ন হোৱাত ৰাইজৰ যাতায়তত বিপৰ্যয় নমাৰ সমন্তৰালকৈ চৰণীয়া পথাৰ প্লাৱিত হোৱাত পোহনীয়া জীৱকুলৰো ভীষণ খাদ্য সংকট হৈছে। নগৰবেৰাৰ ৰাজহ চক্ৰৰ অন্তৰ্গত মন্দিৰা-মালিবাৰী গড়কাপ্তানি পকী পথ পানীৰ তলত যাৰ বাবে স্থলপথেৰে যাতায়ত বিশ্চিন্ন হৈ পৰিছে। অঞ্চলটোৰ জামলাই, মালিবাৰী, মন্দিৰা এন চি, নিচলামাৰী, ডেকাচাং আদি কৰি একাধিক গাঁৱত ভাদমহীয়া বানপানীয়ে চলাইছে তাণ্ডৱ। আনহাতে নাঁৱেৰে আহযাহ কৰি ইতিমধ্যে দুৰ্ঘটনাত পতিত হৈছে বহুলোক, বিস্তৃৰ্ন কৃষিভুমিও বানৰ কবলত, হাহাকাৰ লাগিছে সংশ্লিষ্ট অঞ্চলবোৰত। এইমুহুৰ্তলৈ বৰ্নাত্যৰ কোনেও খা-খৱৰ নকৰা বাবেহে বিমৰ্ষ হৈ পৰিছে বানাক্ৰান্ত ৰাইজ। উপায়বিহীন হৈ বন্যাৰ্ত সকলে প্ৰশাসনলৈ উদ্ধাৰ আৰু মানুহ-পশু উভয়কে খাদ্য সামগ্ৰী যোগান ধৰাৰ দাবী জনাইছে।