দেশৰ অন্যান্য প্ৰান্তৰ লগতে বৰপেটা জিলাতো ৭৫ সংখ্যক স্বাধীনতা দিৱস উৎসাহ-উদ্বীপনাৰে উদযাপনৰ বাবে বৰপেটা জিলা প্ৰশাসনে ব্যাপক কাৰ্যসূচী হাতত লৈছে। কালি সন্ধিয়া জিলা উপায়ুক্ত তেজ প্ৰসাদ ভূচালৰ সভাপতিত্বত অনুষ্ঠিত এখন পৰ্যালোচনা সভাত স্বাধীনতা দিৱসৰ কাৰ্যসূচীত চূড়ান্ত ৰূপ দিয়া হয়। সেই অনুসৰি ১৫ আগষ্টৰ দিনা পুৱা ৬ বজাত জিলা তথ্য আৰু জনসংযোগ বিভাগৰ স্থায়ী অনুভাষ যন্ত্ৰৰ জৰিয়তে দেশপ্ৰেমমূলক গীত মাত প্ৰচাৰৰ দ্বাৰা দিনজোৰা কাৰ্যসূচীৰ শুভাৰম্ভ কৰা হ’ব। পুৱা ৭.৩০ বজাৰ পৰা ৮ বজাৰ ভিতৰত সকলো চৰকাৰী কাৰ্যালয়তে ৰাষ্ট্ৰীয় পতাকা উত্তোলন কৰা হ’ব। তাৰপিছতে বৰপেটা চৰকাৰী উচ্চতৰ মাধ্যমিক বিদ্যালয়ৰ খেলপথাৰত আয়োজিত কেন্দ্ৰীয় অনুষ্ঠানত বিশিষ্ট অতিথিয়ে পতাকা উত্তোলন কৰিব। ইয়াতে তেওঁ বিভিন্ন আৰক্ষী, অৰ্দ্ধসৈনিক বাহিনী, এনচিচি, স্কাউট আদিৰে পৰিবেশিত আকৰ্ষণীয় কুচকাৱাজৰো অভিবাদন গ্ৰহণ কৰিব। সন্ধিয়া সকলো চৰকাৰী কাৰ্যালয় আৰু ভৱনত বন্তি প্ৰজ্বলন কৰা হ’ব। জিলা তথ্য আৰু জনসংযোগ বিষয়া বিকাশ শৰ্মাই এই কথা প্ৰকাশ কৰি জনাইছে যে, এইবেলি স্বাধীনতা দিৱস উপলক্ষে স্কুলীয়া ছাত্ৰ-ছাত্ৰীৰ মাজত অন লাইনযোগে ৰচনা আৰু ছবি অকা প্ৰতিযোগিতা অনুষ্ঠিত কৰা হৈছে। ৰচনাৰ বিষয় হৈছে ‘কৰোনা মহামাৰী আৰু ছাত্ৰ-ছাত্ৰীৰ কৰ্তব্য”। ছবি অকাৰ বিষয় – স্বাধীনতা সংগ্ৰাম। ছবি অকা প্ৰতিযোগিতা প্ৰথম শ্ৰেণীৰ পৰা দ্বাদশ শ্ৰেণীলৈকেতিনিটা শাখাত আৰু ৰচনা প্ৰতিযোগিতা ষষ্ঠ শ্ৰেণীৰ পৰা দ্বাদশ শ্ৰেণীলৈকে দুটা শাখাত অনুষ্ঠিত কৰা হৈছে। একেদৰে সাংস্কৃতিক বিভাগৰ জৰিয়তে পঞ্চম শ্ৰেণীৰ পৰা দ্বাদশ শ্ৰেণীৰ ছাত্ৰ-ছাত্ৰীৰ মাজত দুটা শাখাত দেশপ্ৰেমমূলক গীতৰো অনলাইন যোগে প্ৰতিযোগিতা অনুষ্ঠিত কৰা হৈছে। যোগদানৰ অন্তিম তাৰিখ হৈছে ১২ আগষ্ট। প্ৰথম পুৰস্কাৰ বিজেতা সকলক মূল পেৰেড অনুষ্ঠানতে মুখ্য অতিথিৰ দ্বাৰা বঁটা প্ৰদান কৰা হ’ব আৰু বাকী সকলক নিজ নিজ বিদ্যালয়তে পুৰস্কাৰ প্ৰদানৰ ব্যৱস্থা কৰা হ’ব। ইয়াৰ উপৰিও যোৱা বছৰটোত আগবঢ়োৱা কৃতিত্বপূৰ্ণ সেৱাৰ বাবে দুজনকৈ স্বাস্থ্য কৰ্মী, প্ৰগতিশীল কৃষক, পশুপালক, মৎস্য পালক আদিকো মূল কেন্দ্ৰীয় অনুষ্ঠানত সম্বৰ্দ্ধনা জনোৱা হ’ব বুলি তেওঁ জানিবলৈ দিয়ে। কৰোনা মহামাৰীৰ পৰিপ্ৰেক্ষিতত এইবেলি ছাত্ৰ-ছাত্ৰীৰ মাজত খেল-ধেমালিৰ প্ৰতিযোগিতা আৰু প্ৰীতি খেল আদি অনুষ্ঠিত নহ’ব বুলি জনসংযোগ বিষয়া গৰাকীয়ে জনাইছে। তেওঁ জনোৱা মতে, অনুষ্ঠান সম্পূৰ্ণ কোভিড বিধি অনুসৰি কিছু সীমিত পৰিসৰত অনুষ্ঠিত কৰা হ’ব। উল্লেখযোগ্য যে ইয়াৰ পূৰ্বেও যোৱা ২৬ জুলাইৰ দিনা বৰপেটাৰ বিভিন্ন আগশাৰীৰ অনুষ্ঠান প্ৰতিষ্ঠানৰ উপস্থিতিত স্বাধীনতা দিৱসৰ সম্পৰ্কত জিলা প্ৰশাসনৰ আলোচনা অনুষ্ঠিত হৈছিল।
ৰঙিয়াত একেদিনাই নিলম্বন ৮ জনকৈ বিদ্যুত বিভাগৰ বিষয়া বিভাগৰ্মচাৰীক
ৰঙিয়া বৈদ্যুতিক সংমণ্ডলৰ সহকাৰী মহা প্ৰৱন্ধক দিগন্ত ডেকাই এজাহাৰ দাখিল কৰিছে ৰঙিয়াৰ বিদ্যুৎ বিভাগৰ কেইবাজনো কৰ্মচাৰীৰ বিৰুদ্ধে । একোজন কৰ্মচাৰীয়ে ৪ লাখৰ পৰা ১১ লাখ টকা পৰ্যন্ত চিকিৎসাৰ নামত ভুৱা মেডিকেল ক্লেইম জমা কৰি ধৰা পৰিছিল । ৰঙিয়াস্থিত বিদ্যুৎ বিভাগৰ তিনিটা কাৰ্যালয়ৰ মুঠ ৮ গৰাকীকৈ কৰ্মচাৰী এই ঘটনাৰ লগত জড়িত । ইয়াৰ পিছতে তাৎক্ষণিক ভাৱে চাকৰিৰ পৰা নিলম্বন কৰিছে ২ নং ৰঙিয়া বৈদ্যুতিক সংমণ্ডলৰ কণিষ্ঠ অভিযন্তা জ্যোতিষ ডেকা, মুখ্য সহায়ক যতীন বৈশ্য, লাইন মেন ক্ৰমে মহাদেৱ ৰাজবংশী, নুৰুদ্দিন আলী, জাফাৰ আলী, ৰবিন মেধী, সহকাৰী মহা প্ৰৱন্ধকৰ কাৰ্যালয়ৰ মুখ্য সহায়ক উমেশ দাস, ১ নং ৰঙিয়া বৈদ্যুতিক সংমণ্ডলৰ সহায়ক বিশ্বজিৎ বৰ্মণক । ৰঙিয়া থানাত ভাৰতীয় দণ্ড বিধিৰ ধাৰা ৪২০, ৪০৯, ৪৬৮ আৰু ৪৭১ ৰ অধিনত গোচৰ ৰুজু কৰা হৈছে ।ৰাজ্যৰ শক্তিমন্ত্ৰী বিমল বৰাই কি ব্যৱস্থা গ্ৰহণ কৰে সেয়া সময়তহে লক্ষণীয় হব ।ৰঙিয়া আৰক্ষীয়ে ইতিমধ্যে তদন্ত আৰম্ভ কৰিছে ।
বৰপেটা আৰক্ষী আৰু তাৰাবাৰী আৰক্ষীৰ বৃহৎ সফলতা
গোপন সূত্ৰৰ পম খেদি মঙ্গলবাৰে তাৰাবাৰী থানাৰ অন্তৰ্গত বাটগাঁওত ড্ৰাগছ সৰবৰাহৰ সম্ভেদ পায় আৰক্ষীয়ে অভিযান চলাই প্রসেনজিত দাসৰ ঘৰত অবৈধ কফ চিৰাফ আৰু নিচাজাতিয় টেবলেট জব্দ কৰিবলৈ সক্ষম হয়।বৰপেটা আৰক্ষী আৰু তাৰাবাৰী আৰক্ষী সহযোগত জব্দ কৰা ২৮৮০ বটল বৃহৎ পৰিমাণৰ কফ চিৰাফ, ১৬,২৭২ টা এছ পি টেবলেট,১০৫০০ টা নিট্ৰজেনপাম টেবলেট , ২২,৫০০ টকা নগদ ধন লগতে ড্ৰাগছ সৰবৰাহ কৰা সৰুগাড়ী আৰু এখন বাইক জব্দ কৰে। এই অবৈধ ড্ৰাগছখিনি বঙাইগাঁও পৰা বৰপেটা থানাৰ অন্তৰ্গত নগাওঁৰ এখন ফাৰ্মাচীলৈ লৈ আনিছিল। কিন্তু আৰক্ষী পিছত লাগি থকা বুলি সম্ভেদ পাই বাটগাঁওৰ প্ৰসেনজিত দাসৰ ঘৰত নমাই থকা অৱস্থাত উক্ত ড্ৰাগছ খিনি জব্দ কৰে। এই সংক্ৰান্তত দুজন ব্যক্তিক সোধ পোচৰ বাবে আটক কৰে। ইতিমধ্যে প্ৰসেজিত দাসে পলাই যাবলৈ সক্ষম হয়। ঘটনা সংক্ৰান্তত তাৰাবাৰী আৰক্ষীয়ে এটা গোচৰ ৰুজু কৰি তদন্ত অব্যাহত ৰাখিছে।
বিটিআৰ(Accord)ৰ ৬.৩ দফা কাৰ্যকৰী নহোৱাক লৈ প্ৰতিক্ৰিয়া প্ৰকাশ অপ্ৰাদেশীকৰণ শিক্ষক সন্থাৰ
বিটিআৰ পৰষদীয় চৰকাৰ গঠন হোৱা প্ৰায় ৬ মাহত কৈ অধিক দিন পাৰ হ’ল।কিন্তু!! “২০২০ চনৰ ২৭ জানুৱাৰীত সাক্ষৰিত হোৱা ঐতিহাসিক বড়ো শান্তি চুক্তি (BTR Accord) ৰ ৬.৩ দফাত উল্লেখিত বিটিআৰত থকা সকলোবোৰ অপ্ৰাদেশীকৰণ স্কুল,কলেজ, প্ৰাদেশীকৰণ বা চৰকাৰীকৰণ কৰা হ’ব। যাৰ বাবে অপ্ৰাদেশীকৰণ শিক্ষক সকলে বিটিআৰ চুক্তিক পূৰ্ণ সমৰ্থনৰে আদৰী লৈছিল।কিন্তু আজি চৰকাৰ গঠন হোৱা ৬ মাহতকৈ অধিক দিন অপেক্ষা কৰাৰ পিছতো ৬.৩ দফা কাৰ্যকৰী হোৱা নাই।বৰঞ্চ অসম বিধান সভাৰ বাজেদ ঘোষনাত বিটিআৰত থকা চৈধ্য শ(১৪০০) স্কুলসহ সাত হাজাৰ(৭০০০) শিক্ষক প্ৰাদেশীকৰণ কৰাৰ কথা উত্থাপন ন’হল। যাৰ বাবে অপ্ৰাদেশীকৰণ শিক্ষক সন্থাই ক্ষোভীত ৰূপত প্ৰতিক্ৰিয়া প্ৰকাশ কৰে।””তেওঁলোকে কয় যে চুক্তিৰ আধাৰত চৰকাৰ গঠন হোৱাৰ ৬ মাহৰ ভিতৰত বিটিআৰত থকা চৈধ্য”শ(১৪০০) স্কুল আৰু সাত হাজাৰ(৭০০০)শিক্ষক প্ৰাদেশীকৰন কৰাৰ কথা আছিল যদিও আজি চৰকাৰ গঠন হোৱা ৬মাহতকৈ অধিক দিন পাৰ হোৱাৰ পিছতো কাৰ্য্যকৰীকৰণ নহোৱাক বিটিআৰ চিফ প্ৰমোদ বড়োক নিৰ্ধাৰিত সময়ত বিটিআৰ চুক্তিৰ ৬.৩ দফাক দৃষ্টিগোচৰ কৰিবলৈ আহ্বান জনাই অন্যথা অপ্ৰাদেশীকৰণ শিক্ষক সন্থা শান্ত হৈ বহি নাথাকিব বুলিও সংবাদ মাধ্যমৰ যোগে প্ৰকাশ কৰে।”ইয়াৰ লগতে শিক্ষা বিভাগ তথা অসম চৰকাৰলৈ আহ্বান জনায় যে অনলাইন ক্লাছৰ বাবে চৰকাৰী স্কুলৰ ছাত্ৰ-ছাত্ৰীক দিব লগিয়া স্মাৰ্ট ফোন বা মোবাইল, অপ্ৰাদেশীকৰণ স্কুলৰ সকলো ছাত্ৰ-ছাত্ৰী সকলেও যাতে একেদৰে চৰকাৰৰ এই সুবিধা লাভ কৰে আৰু অনলাইন ক্লাছৰ পৰা যাতে বঞ্চিত হ’ব লগিয়া নহয় তাৰ বাবেও কাতৰ আহ্বান জনাই মুখ্যমন্ত্ৰীলৈ।
আচাম ষ্ট্ৰেট পাৱাৰ ইনঞ্জিনিয়াৰ্চ এচ্চিএেছন আৰু পাৱাৰ ৱ’কাৰ্চ ইউনিয়নৰ যৌথ মঞ্চৰ ডিব্ৰুগড়ত ধৰ্না কাৰ্যসুচী
সমগ্ৰহ ভাৰতবৰ্ষ লগলে পাৱাৰ ৱ’কাচ্ ইউনিয়ন আৰু ইনঞ্জিনিয়াৰ্চ এচ্চিএেছনে যৌথ ভাবে ডিব্ৰুগত বিদুৎ সংশোধনি বিল ২০২১বাতিলৰ দাবিত হাতে হাতে প্লেকাড্ লৈ ১০/০৮/২০২১ তাৰিখে একঘণ্টীয়া পতিবাদি কায্যসূচি ৰোপায়নণ কৰাৰ লগতে বিদুৎ খণ্ড ব্যক্তিগত কৰন বন্ধ কৰক, অসম চৰকাৰ সুচিয়াৰ , ৰাজহোৱা বিদুৎ খণ্ড ব্যক্তিগত কৰন বন্ধ কৰক, পুৰনা পেঞ্চন নিধী বাহাল ৰাখক,থলোৱা লোকৰ নিযুক্তি বহাল ৰাখক অসম চৰকাৰ হায় হায় । কেন্দিয় চৰকাৰ হায় হায়। অস্তায়ী কৰ্মচাৰি চাকৰি নিয়মীয়া কৰন কৰক। বিজেপি চৰকাৰ হায় হায় পাৱাৰ ৱ’কাৰ্চ্ ইউনিয়ন জিন্দাবাদ আদি শ্লগান দি প্ৰতিবাদ হাব্যষ্ট কৰে লগতে আনাগত দিনত এনে ৰাজহুৱা খণ্ডক ব্যক্তি গতকৰণ নকৰিবৈল চৰকাৰক আহ্বান জনায় আৰু আনাগত দিনত এনে বিলৰ পক্ষত থাকিলে জনসাধাৰনৰো অপকাৰ কৰিব বুলি জিনিবলৈ দিয়ে। চৰকাৰে ব্যক্তিগতকৰন নিতি যদিহে বন্ধ নকৰে তেতিয়া হলে ইয়াত অনাগত দিনত আৰু জংগি অন্দোলনৰ কাৰ্যসূচি ৰূপায়নৰ কৰৰিব বুলি জানিবলৈ দিয়ে । কাৰ্যসুচিত উপস্তিত থাকে পাৱাৰ ৱকাচ্ ইউনিয়ন আৰু ইনঞ্জিনিয়াৰ্চ এচ্চিয়েচএে যৌথ ভাবে লোৱা কাৰ্যসুচিত পাৱাৰ ইনঞ্জিনিয়াৰ এচ্ছিএছনৰ হৈ শ্ৰীযুত ৰঞ্জন দত্ত ,শীযুত মনোজ ফুকন ,শ্ৰীযুত বিতুপন পাথৰিকে ধৰি কেইবাজনো শিৰ্ষ পয্যায়ৰ বিষয়াৰ উপস্তিতিত লগতে বহুত সংক্ষ্যক কৰ্মচাৰি উপস্তিতি দেখাপোৱ যায়। পাৱাৰ ৱকাচ্ ইউনিয়নৰ সংম্প্ৰাদক বিপ্লব গোঁহাই, অপূৰ্ব ফুকন ,গ্ৰিছ গোৱালা,উৎপল হাজৰিকা। লগতে বহু সংক্ষ্যক কৰ্মচাৰিয়ে হাতে হাতে প্লে কাৰ্দ লৈ আজি ডিব্ৰুগড় জিলা মূক্ষ্য কাৰ্যবাহি বিষয়াৰ কায্যালয়ৰ সন্মুখত পতিবাদ কায্যসুচী সাব্যস্ত কৰা দেখা পোৱা যায়।
চুবুৰীয়া ৰাষ্ট্ৰ ভূটানৰ লক ডাউনৰ প্ৰভাৱ : নিমাওমাও হৈ পৰিছে ভাৰত-ভূটান সীমান্তৰ বৃহত্তৰ দৰঙ্গামেলা
কথাতে কয় নহয়” একালৰ বৃন্দাবন একালত পৰে ছন-“–সেয়াই যেন হৈ পৰিছে এতিয়া তামুলপুৰ মহকুমাৰ ভাৰত ভূটান সীমান্তৰ বৃহত্তৰ দৰঙ্গামেলা অঞ্চলৰ বাবে। দৰঙ্গামেলা হ’ল তামুলপুৰ মহকুমাৰ ভাৰত -ভূটান সীমান্তৰ এসময়ৰ ব্যৱসায়, বাণিজ্যত সদা ব্যস্ত এখন ঠাই। ভাৰতৰ চুবুৰীয়া বন্ধু ৰাষ্ট্ৰ ভূটানৰ সতে এসময়ত ব্যৱসায়ৰ বাবে আছিল অবাধ অহা যোৱা। ফলত সীমান্তৱৰ্তী ঠাইখন হৈ পৰিছিল ব্যৱসায় -বাণিজ্যৰ এক প্ৰাণ কেন্দ্ৰ। কিন্তু সেই সীমান্তৱৰ্তী অঞ্চলটোত পৰিল চুবুৰীয়া ৰাষ্ট্ৰৰ লকডাউনৰ ব্যাপক প্ৰভাৱ। ২০২০ চনৰ পৰা কৰণা অতিমাৰীৰ বাবে চুবুৰীয়া ৰাষ্ট্ৰ ভূটানে সম্পূৰ্ণ লকডাউন ঘোষণা কৰি অনিৰ্দিষ্ট কাললৈ সকলো প্ৰৱেশ পথ বন্ধ কৰাত ব্যাপক প্ৰভাৱ পৰিল স্থানীয় লোকৰ ওপৰত, ভূটানৰ লক ডাউনে কৰ্ম সংস্থাপনহীন কৰি তুলিলে ভাৰত-ভূটান সীমান্তৰ দৰঙ্গামেলাত । বন্ধ হৈ পৰিল প্ৰায় সকলো সৰু বৰ ব্যৱসায়িক প্ৰতিষ্ঠান। এইখিনিতে উল্লেখ্য যে ভাৰত- ভূটান সীমান্তৰ বিভিন্ন অঞ্চলৰ ব্যৱসায়িক প্ৰতিষ্ঠান সমূহ নিৰ্ভৰ কৰে ভূটান ৰাষ্ট্ৰৰ নাগৰিক সকলৰ ওপৰত। ২০২০ চনৰ মাৰ্চ মাহৰ পৰা কৰণা অতিমাৰীৰ বাবে ভূটান ৰাষ্ট্ৰৰ প্ৰবেশ পথ সমূহ বন্ধ কৰা হয় আনিৰ্দিষ্ট কালৰ বাবে। ভূটানৰ প্ৰৱেশ দ্বাৰ সমূহ বন্ধ হৈ পৰাৰ লগে লগে ভাৰত- ভূটান সীমান্তৰ দৰঙ্গামেলাত ব্যাপক প্ৰভাৱ পৰিলক্ষিত হয় । ভূটানী লোক সকল ভাৰতত প্ৰবেশ কৰিব নোৱাৰাত ভূটানী লোক সকলৰ ওপৰত ব্যৱসায় বাণিজ্য চলাই থকা ব্যৱসায়িক প্ৰতিষ্ঠান সমূহ প্ৰায় বন্ধ হৈ পৰে। লক ডাউনৰ সময়ছোৱাত প্ৰায় দুৱছৰ ধৰি ভূটানী লোক সকলে ভাৰতত প্ৰবেশ কৰিব নোৱাৰাত পূৰ্বত্তৰ ভূটানৰ চামদ্ৰুপ জংখাৰৰ গাতে লাগি থকা দৰঙ্গামেলা অঞ্চলৰ প্ৰায়বোৰ ব্যৱসায়িক প্ৰতিষ্ঠান, সৰু বৰ দোকান পোহাৰ বন্ধ হৈ পৰিছে। এই দোকান সমূহত কাম কৰা শ্ৰমিক সকল কৰ্মহীন হৈ পৰা দেখা গৈছে। খাদ্য-বস্ত্ৰৰ অভাৱত বহু শ্ৰমিকে কৰ্ম সংস্থাপন বিচাৰি গুজৰাট, কেৰেলা, মুম্বাই, দিল্লী আদিলৈ যাবলৈ বাধ্য হৈছে। আনকি শ্ৰমিক পৰিয়ালৰ ছাত্ৰ ছাত্ৰী সকলে নিজৰ সোণালী শৈশৱক বিসৰ্জন দি বিদ্যালয় এৰি নিজৰ পিতৃ- মাতৃৰ লগত কৰ্মৰ সন্ধানত বহিঃৰাজ্যলৈ গমন কৰিছে। এতিয়া এমুঠি অন্নৰ বাবে হাহাকাৰ কৰিবলগীয়া হৈছে ভাৰত ভূটান সীমান্তৰ লোক সকল। অঞ্চলটো পৰিদৰ্শন কৰি জানিব পৰা মতে ইতিমধ্যে হতাশ হৈ কেইবাজনো লোকে আত্মহত্যা কৰাৰ দৰে ঘটনাও সংঘটিত হৈছে অঞ্চলটোত। ভূটান সীমান্তৰ বৃহত্তৰ দৰঙ্গামেলা অঞ্চলৰ শশীপুৰ, এন কে দৰঙ্গা, দৰঙ্গামেলা, পাটকীজুলি, হৰতোলা, পাহাৰপুৰ, খৈৰানী, চেচাপানী, কুমাৰীকাট, পানীটেংকী, বগাজুলি, নাগাপুৰ আদি অঞ্চলৰ শ শ শ্ৰমিকে ভূটান ৰাষ্ট্ৰ চামদ্ৰুপ জংখাৰত বিভিন্ন কোম্পানীত দৈনিক মজুৰি কৰি জীৱন নিৰ্বাহ কৰিছিল যদিও ভূটানৰ প্ৰবেশ দ্বাৰ বন্ধ হৈ পৰাত দৈনিক মজুৰি কৰি পৰিয়াল পোহপাল দিয়া শ্ৰমিক পৰিয়াল সকলৰ মাজতো সৃষ্টি হৈছে হাহাকাৰ অৱস্থাৰ। কেতিয়া খুলিব ভূটানৰ প্ৰবেশ দ্বাৰ , তাকে লৈ এতিয়া চিন্তিত ভাৰত- ভূটান সীমান্তবাসী ৰাইজ। ####
৫ বিঘাতকৈ অধিক অমিতা খেতি পঠাৰতে নষ্ট হ’ব ধৰিছে
বিটিআৰ ওদালগুৰি জিলাৰ খৌৰাং বড়ি গাঁৱৰ এগৰাকী উদ্যোমী খেতিয়ক নাম দেৱ প্ৰসাদ ৰাভা। প্ৰায় ৫ বিঘাঁতকৈ অধিক অমিতা খেতি কৰি বৃহৎ লোকচানৰ সন্মোখিন হ’ব লগিয়া হৈছে।কিয়নো কৰো’না মহামাৰীয়ে কৰা সন্ত্ৰাসৰ ফলত বৰ্তমানেও অব্যাহত আছে লক’ডাউন পক্ৰিয়া যাৰ বাবে উৎপাদন হোৱা গছৰ ফল গছতে সৰি যোৱাৰ কথা জানিবলৈ দিয়ে খেতিয়কজনে।””কিন্তু অতি দুখৰ বিষয় হস্তীৰ দৰে এটা বিভাগ, কৃষি বিভাগ থকাৰ তৎস্বত্তেও আজিলৈ কোনো এজন বিভাগীয় বিষয়াই খেতিয়ক গৰাকীৰ সমস্যা বাৰম্বাৰ অৱগত কৰোৱাৰ পাছতো আজিলৈ খেতি দৰা পৰ্যবেক্ষণ কৰিবলৈ নযোৱাত খেতিয়ক গৰাকীয়ে দুখ প্ৰকাশ কৰে।”””তেওঁ কয় যে কৰো’না কালছোৱাত দেশত পেট্ৰ’ল ডিজেলকে ধৰি অত্যাৱশ্যকীয় সামগ্ৰীৰ মূল্য আকাশ লংঘিব ধৰিছে কিন্তু খেতিয়ক সকলৰ কস্তৰে উৎপাদন কৰা অমিতাৰ দৰে ফলবোৰৰ দাম প্ৰয়োজনতকৈ নগণ্য বুলি কোৱাৰ লগতেযদি খেতিয়ক সকলে মহামাৰী কৰো’না ফলত প্ৰতিবছৰে এনেদৰে বৃহৎ লোকচানৰ সন্মোখিন হ’ব লগিয়া হয় তেনেহ’লে কৃষক সকল খেতিকৰা বন্ধ কৰাতো নিশ্বিত হৈ পৰিব।আৰু এনেদৰে কৃষি প্ৰদান দেশখনত আৰু অধিক নিবনুৱা সমস্যাৰ সন্মোখিন হোৱাৰ সঙ্কা প্ৰকাশ কৰে খেতিয়ক জনে।সেয়েহে খেতিয়ক জনে কয় যে আজি কৰো’না মহামাৰীৰ ফলত খেতিয়ক সকলে উৎপাদন কৰা কেঁচা সামগ্ৰী বজাৰত মুকলি ভাৱে বিক্ৰী কৰিব পৰা নাই যদিও ওদালগুৰি জিলাত যদি খেতিয়ক সকলে উৎপাদন কৰা কেঁচা সামগ্ৰী জমা ৰাখিব পৰাকৈ (cool stores) থাকিল হৈ আজি আমাৰ দৰে খেতিয়ক সকলে লোকচানৰ সন্মোখিন হ’ব লগিয়া ন’হল হেতেন।সেইকাৰণে চৰকাৰলৈ কৃষক সকলক অধিক গুৰুত্ব দিবলৈ আহ্বান জনায় খেতিয়ক দেৱ প্ৰসাদ ৰাভাই।
পদ্মশ্ৰী বঁটাপ্ৰাপক ৰংবং তেৰাঙৰ স্বাস্থ্যৰ বুজ ল’লে নদী আৰু নাৰীৰ সঁজাতি দলে
অসম সাহিত্য সভাৰ প্ৰাক্তন সভাপতি তথা প্ৰথিতযশা সাহিত্যিক ৰং বং তেৰাংৰ স্বাস্থ্যৰ বুজে ললে জনপ্ৰিয় কাব্যিক, বৌদ্ধিক তথা মানৱ দৰদী অনুষ্ঠান নদী আৰু নাৰীৰ এটা সঁজাতি দলে।অসম সাহিত্য সভাৰ ২০১১ চনৰ দেৰগাঁৱ অধিবেশনৰ সন্মানীয় সভাপতি তথা বিশিষ্ট লেখক ৰং বং তেৰাং দীৰ্ঘদিনৰ পৰা দুৰাৰোগ্য ৰোগত আক্ৰান্ত আছিল। সেয়েহে নদী আৰু নাৰীৰ এটা সঁজাতি দলে ৮৪ বছৰ বয়সীয়া বৰ্ষীয়ান সাহিত্যিক গৰাকীৰ স্বাস্থ্যৰ বুজ লয়। উল্লেখযোগ্য যে এই গৰাকী সাহিত্যিকে ১৯৮১ চনত “ৰংমিলিৰ হাঁহি”ৰ গ্ৰন্থৰ বাবে পদ্মশ্ৰী সন্মান লাভ কৰিছিল। তাৰোপৰি তেওঁ অসম সাহিত্য সভাৰ পৰা বিষ্ণু প্ৰসাদ ৰাভা বঁটা, অসম চৰকাৰৰ পৰা অসম প্ৰকাশন পৰিষদ বঁটা লাভ কৰিছিল। আজি নদী আৰু নাৰীৰ মুখ্য উপদেষ্টা তথা ধেমাজি জিলাৰ অতিৰিক্ত উপায়ুক্ত উৎপল দলেৰ লগত, নদী আৰু নাৰীৰ প্ৰতিষ্ঠাপক তথা নৱ প্ৰজন্মৰ অন্যতম জনপ্ৰিয় কবি ৰুনাল্ডো টাইদ, নদী আৰু নাৰীৰ গোলাঘাট জিলাৰ উপদেষ্টা তথা কবি হৰেন শইকীয়া, গোলাঘাট জিলা সম্পাদিকা ঊষাৰাণী দেৱী, সহকাৰী সম্পাদক বিতোপন শইকীয়া ,নদী আৰু নাৰীৰ কাব্য সম্পাদিকা দীপিকা ফুকন, নদী আৰু নাৰীৰ ডিফুৰ আহ্বায়িকা মণিকা তেৰণপিৰ উপস্থিতিতনদী আৰু নাৰীৰ তৰফৰ পৰা প্ৰাক্তন অসম সাহিত্য সভাৰ সভাপতি গৰাকীক সম্বৰ্ধনা পত্ৰ,মিচিং গামোচা দুমেৰ, ফলমূল আৰু গ্ৰন্থৰ টোপোলা আদি প্ৰদান কৰে। নদী আৰু নাৰীৰ এনে কাৰ্যত পৰম সন্তুষ্টি প্ৰকাশ কৰে অসম সাহিত্য সভাৰ সভাপতি গৰাকীয়ে৷
লাহৰীঘাট ভূৱা বিদ্যুৎ বিল প্ৰস্তুত কৰি গ্ৰাহকক লুণ্ঠন একাংশ মিটাৰ ৰিডাৰৰ
যি সময়ত ৰাজ্যৰ শক্তি মন্ত্ৰী গৰাকীয়ে বিভাগটোক ন-ৰূপত এখোজ আগুৱাই নিয়াৰ চেষ্টা অব্যাহত ৰাখিছে তেন্তে সময়তে লাহৰীঘাট বিদ্যুৎ উপ সংমণ্ডলৰ একাংশ মিটাৰ ৰিডাৰে গ্ৰাহক সকলৰ মাজত চলাইছে লুণ্ঠন ৰাজ। একাংশ মিটাৰ ৰিডাৰে ঘৰতে বহি প্ৰস্তুত কৰে মনে সজা ধৰণেৰে বিদ্যুৎৰ বিল। এই দৃশ্য ভূৰাগাঁৱৰ বটালীমাৰি গাঁৱৰ। বিদ্যুতৰ বিল হাতত পোৱাৰ পিছতেই গাওঁ খনৰ গ্ৰাহকৰ মাজত সৃষ্টি হয় উত্তেজনাৰ। উল্লেখ্য যে নায়েব আলী নামত গ্ৰাহক জনে জুলাই মাহলৈকে পৰিশোধ কৰিছে বিল। আগষ্টত মাহত আকৌ বিল আহিল ৫৯৯৭ টকা। গ্ৰাহকৰ সন্দেহত উপজাত APDCL ৱেব চাইডত চাই যি দেখিলে সেয়া শুনিলে আপোনাৰো চকু কপালত উঠিব। ২৮৩ টকাৰ বিপৰীতে প্ৰস্তুত কৰা হৈছিল ৫৯৯৭ টকাৰ বিল। ইয়াৰ পিছতেই সৃষ্টি হয় উত্তেজনাৰ। মিটাৰ ৰিডাৰ এইজন সুজীত ঠাকুৰে দীৰ্ঘদিন ধৰি অঞ্চলটোত এনেদৰেই অতিৰিক্ত হাৰত ভূৱা বিল প্ৰস্তুত কৰি হাৰাশাস্তি কৰি আহিছে গ্ৰাহকক। সুজীত ঠাকুৰৰ চক্ৰবেহুত পৰি কোনোবাই যদি বন্ধকত দিছে ৰেচন কাৰ্ড, কোনোবাই বিক্ৰী কৰিছে গৰু-ছাগলী আন কোনোবাই আকৌ মাটি বন্ধকত দি পৰিশোধ কৰিছে বিদ্যুতৰ বিল। সংবাদ মাধ্যমৰ কেমেৰা দেখি সুৰজিতৰ মন্তব্য এয়া হেনো ভূলতে হৈছিল তেওঁ ঠিক কৰি দিব। ভূৰাগাঁও অঞ্চলত ভূৱা বিল প্ৰস্তুতৰে এনেদৰেই একাংশই চলাইছে লুণ্ঠন ৰাজ। সুৰজিতৰ বিৰুদ্ধে ব্যৱস্থা গ্ৰহণৰ দাবী ভুক্তভোগী গ্ৰাহকৰ। বিভাগটোৱে এনে লুণ্ঠনৰূপী মিটাৰ ৰিডাৰৰ বিৰুদ্ধে কি ব্যৱস্থা গ্ৰহণ কৰে সেয়াহে হব লক্ষ্যণীয়।
শাওন মাহত পশ্চিম নলবাৰীৰ কুলবিল শিৱালয়, বিল্বেশ্বৰ দেৱালয়ত অজস্ৰ শিৱ ভক্তৰ পূজা অৰ্চনা
অসমৰ ঐতিহ্যমণ্ডিত,তথা পশ্চিম নলবাৰী অঞ্চলৰ বেলশৰস্হ শ্ৰীশ্ৰী বিল্বেশৰ দেৱালয় আৰু চামতাৰ কুলবিলস্হ কুলবিলঘাট ৰাজহুৱা শিৱালয়ত পবিত্ৰ শাওন মাহ উপলক্ষে অজস্ৰ শিৱভক্তৰ সমাগম ঘটে ৷ পুৱাৰে পৰা নলবাৰী জিলা আৰু চবুৰীয়া জিলাৰ অজস্ৰ শিৱভক্ত পুৰুষ মহিলা আহি শৈৱানুষ্ঠান দুখন দৰ্শন কৰি নৈবেদ্য শৰাই, ফুল বেলপাত ,এৱাগাখীৰ আদিৰে মহাপ্ৰভু শিৱক পূজা অৰ্চনা কৰে ৷ ভক্ত সকলে মনোকামনা পুৰৰ্নাৰ্থে প্ৰতি গৰাকী ভক্তই পাঁচ, দহ গচিকৈ বন্তি প্ৰজ্বলনো কৰে ৷ এইফালে কালি নিশাৰ পৰা অজস্ৰ পুৰুষ শিৱভক্তই বিভিন্ন বাহনেৰে শৈৱানুষ্ঠান দুখনলৈগৈ ব’ল ব’ম পৰ্ব পালন কৰি বুঢ়াদিয়া নৈৰ পৰা পানীলৈ কুলবিলৰ শিৱালয়, বিল্বেশ্বৰ দেৱালয়, আমনি শংকৰ আশ্ৰমৰ শিৱ মন্দিৰৰ শিৱলিংগত পানী ঢালি পূজা অৰ্চনা কৰে ৷ কুলবিল শিৱালয়ত অহা ৰবিবাৰে নিশা ব’ল ব’ম উৎসৱৰ সামৰনিৰ অনুষ্ঠান কৰিব বুলি উদ্যোক্তা সকলে জানিব দিছে ৷
