পুনৰ কাৰাগাৰৰ পৰা শিৱসাগৰৰ বিধায়ক অখিল গগৈয়ে মুকলি পত্ৰ প্ৰেৰণ কৰে৷ অখিলক ষড়যন্ত্ৰমূলকভাৱে কাৰাবন্দী কৰাৰ অভিযোগ উত্থাপিত কৰি কয় যে, ‘মোৰ বিৰুদ্ধে ৰচনা কৰা হৈছে গভীৰ ষড়যন্ত্ৰ, মোক ৰাইজৰ সহায় লাগে৷’

চানমাৰি থানাৰ গোচৰৰ শুনানি পলমৰ চেষ্টা কৰিছে ‘নিয়া’ই! লগতে অখিলৰ বিৰুদ্ধে অতিৰিক্ত অভিযোগনামা দাখিল কৰাৰ লগতে অভিযোগনামাত পুনৰ এজনে গোপনে সাক্ষী দিয়ে৷ গোপন সাক্ষীৰ বিবৃতি মতে ছিণ্ডিকেটত জড়িত আছে অখিল গগৈ৷

ছুপাৰি ছিণ্ডিকেট, হানি ট্ৰেপিঙত জড়িত বুলি ষ্টেটমেণ্ট প্ৰদান কৰি অখিলক ‘সন্ত্ৰাসবাদী অভিযোগৰ পৰা গৰুচোৰ সজালে গোপন সাক্ষীয়ে’ বুলিও উল্লেখ কৰে৷

যোৱা কিছুদিন ধৰি নেৰানেপেৰা বৰষুনৰ ফলত পশ্চিম নলবাৰী ৰাজহ চক্র বিষয়াৰ কার্য্যলয় ,চামতা আৰক্ষী চকী ,চামতা বিএচ এন এলৰ কার্য্যালয়কে ধৰি চামতা পল্লাপথৰ পৰা চক্র বিষয়াৰ কার্য্যালয়লৈ অহা যোৱা পথটো সম্পূর্ন পানীৰ তলত বুৰ গৈ আছে ৷উল্লেখ যে কিছু বছৰ আগলৈকে পশ্চিম নলবাৰী ৰাজহ চক্র বিষয়াৰ কাৰ্যলয়ৰ  সন্মুখেৰে পানী ওলাই যোৱা এটি  ডাঙৰ কালভার্ট আছিল।এই কালভাৰ্ট টোৰে বৃহত্তৰ অঞ্চলটোৰ  বিহামপুৰ ,শিমলীয়া অঞ্চলৰ পানীসমুহ খাটাৰূপীয়া বাথান,কুলবিল হৈ বুঢ়াদিয়া নৈত পানীসমুহ পৰিছিল।বর্তমান  এচাম মানুহৰ  দায়িত্বহীনতাৰ বাবে  যতে ততে ঘৰ  সজাৰ ফলত   পানী    যোৱা নলাসমুহ সম্পূর্ণ ৰূপে বন্ধ হৈ পৰাত  এতিয়া সাধাৰন বৰষুন হলেও কার্য্যালয় সমূহ পানীৰ তলত বুৰযোৱাত কার্য্যালয়ৰ কর্মচাৰী সকলৰ  এই অনাহূত পৰিস্হিতিৰ  সৃষ্টি হৈছে ৷বর্তমান চামতা আৰক্ষী চকীৰ আৰক্ষী বিষয়া সকলৰ থকা কোঠা সমুহ পানীৰ তলত বুৰ যোৱাত  বিছনা এৰি ৰাস্তাত থিয়হৈ থাকিব লগা হৈছে ৷আজি নিশাৰ ভিতৰত বৰষুন হলে আৰু ভয়ানক ৰূপ লব বুলিও আশংকা কৰা হৈছে ৷ইফালে পশ্চিম নলবাৰী ৰাজহ চক্র বিষয়াৰ কার্য্যালয়ৰ সন্মুখেৰে যোৱা তিনিবছৰ আগতে ২৫ নং ৰূপীয়াবাথান গাওঁ পঞ্চায়তৰ জৰিয়তে বহু লক্ষ্য  টকা খৰচ কৰি এটি নলা বনাইছিল যদিও  দীৰ্ঘম্যাদী পৰিকল্পনাৰ অভাবৰ বাবে নলাতোৰে পানী ওলাই যোৱাৰ উপৰি পানী সমুহ আবদ্ধহে হয়।৷ইয়াৰ উপৰিও  নলবাৰী চামতা পল্লা পথতো ঠায়ে ঠায়ে কৃত্রিম পানীয়ে সম্পূর্ণ ৰূপে বুৰাই পেলোৱাত পথচাৰীৰ লগতে গাড়ী মটৰ অহা যোৱা কৰাত বহুত অসুবিধা হৈছে ৷নলবাৰী চামতা সর্থেবাৰী পল্লা পথৰ চামতা মটৰষ্টেন্ড ,জামৰতল পেট্রল  ডিপোৰ সন্মুখ ভাগ  প্ৰায়ে পানীৰ তলতে বুৰ গৈ থাকে।

কামৰূপৰ বকো সমষ্টিৰ  টুপামাৰী আৰক্ষী চকীৰ অন্তৰ্গত টুপামাৰীৰ নতুন বদলা গাওঁৰ স্বাজাহান আলীৰ ১৪ বছৰীয়া পুত্ৰ মোস্তাফিজুৰ ৰহমান ওৰফে ছানিদুল যোৱা ২২/০৬/২০২১ ইং তাৰিখে নিজ গৃহৰ পৰা নিৰুদ্দেশ হয়। পৰিয়ালৰ লোকে আত্মীয় স্বজনৰ উপৰিও বিভিন্ন ঠাইত বিচাৰ খোচাৰ কৰে যদিও বৰ্তমানলৈকে লৰা জনৰ কোনো অনুসন্ধান পোৱা নাই। নিৰুদ্দিষ্ট লৰা জন জাহেৰপুৰ দাৰুল উলুম হাফিজীয়া মাদ্ৰাছাৰ ছাত্ৰ। লৰা জন নিৰুদ্দেশ হোৱা খৱৰে অঞ্চলজুৰি চাঞ্চল্যৰ সৃষ্টি হৈছে। উপায়বিহীন হৈ আজি পৰিয়ালৰ লোকে টুপামাৰী আৰক্ষী চকীত বিষয়টো লিখিতভাৱে অৱগত কৰে। লৰা জনৰ কিবা সম্ভেদ পালে স্থানীয় আৰক্ষী নতুবা ৮৬৩৮৩৩৭৬০৯ এই মোবাইল নম্বৰত যোগাযোগ কৰিবলৈ অনুৰোধ জনাইছে পৰিয়ালৰ লোকে।

মূল্যবৃদ্ধিৰ প্ৰতিবাদত ১৬ জুনৰ পৰা ৩০ জুনলৈ চিপিআইএমৰ পোষেকজোৰা আন্দোলনৰ অংশ হিচাপে আজি নলবাৰীৰ মুকালমুৱাত চিপিআইএমৰ কৰ্মী সকলে প্ৰতিবাদ সাৱ্যস্ত কৰে ৷ মুকালমুৱাৰ বৰলিয়াপাৰত চিপিআইএম বৰক্ষেত্ৰী শাখাৰ কৰ্মী সকলে প্ৰতিকুল বতৰকো নেওচি বিক্ষোভ প্ৰদৰ্শন কৰে ৷ প্ৰতিবাদকাৰী সকলে হাতে হাতে বেনাৰ,পোষ্টাৰ, লাল পতাকা লৈ বিজেপি চৰকাৰৰ বিৰুদ্ধে প্ৰতিবাদ সাৱ্যস্ত কৰা দেখা যায় ৷ প্ৰতিবাদকাৰী সকলে মূল্যবৃদ্ধি ৰোধ কৰক, মূল্যবৃদ্ধি ৰোধ কৰিব নোৱাৰা বিজেপি চৰকাৰ হায়-হায়, কৃষি আইন বাতিল কৰক, দেশৰ গণতন্ত্ৰ ৰক্ষা কৰক, মোডী চৰকাৰ হায়-হায় শ্লোগানেৰে পৰিৱেশ উত্তাল কৰি তোলে । প্ৰতিবাদী কাৰ্যসুচীত চিপিআইএম নেতা ভুৱনেশ্বৰ বৰ্মনে কয় যে বিজেপি নেতৃত্বাধীন চৰকাৰখন হৈছে পুজিপতিৰ আটাইতকৈ বহতীয়া চৰকাৰ, যোৱা ডেৰ মাহত প্ৰেট্ৰল ডিজেলৰ মুল্য বৃদ্ধি ২৮ বাৰকৈ বৃদ্ধি হৈছে, অত্যাৱশ্যকীয় সামগ্ৰীৰ আকাশলংঘী মূল্যবৃদ্ধিৰ ফলত সৰ্বসাধাৰণ লোকৰ পানীত হাঁহ নচৰাৰ অৱস্থাৰ সৃষ্টি হৈছে ৷ প্ৰতিবাদী কাৰ্যসূচীত বাওঁপন্থী ছাত্ৰ নেতা গাজিউৰ ৰহমান চৌধুৰীয়ে অংশগ্ৰহণ কৰি কয় যে বিজেপি নেতৃত্বাধীন চৰকাৰখনৰ দিনত দেশৰ গণতন্ত্ৰ ব্যৱস্থা তীব্ৰ প্ৰত্যাহ্বানৰ সম্মুখীন হৈছে ৷ প্ৰতিবাদী কাৰ্য্যসূচীত শ্ৰমিক নেতা নুৰু হুছেইন আলী, ইছমাইল আলী, মায়াৰাম বৰ্মন, ৰেকিবুল হক, মনোজ তালুকদাৰ, হবিবৰ আলীসহ কেইবাজনো কৰ্মীয়ে অংশগ্ৰহণ কৰে ৷

সদৌ অসম চাওঁতালী ছাত্ৰ সন্থাৰ চৰাইদেউ জিলা সমিতিৰ উদ্যোগত আৰু টিমন বৰটানি গাওঁৰ চাওঁতালী সকলৰ সহযোগত ১৬৬ তম হুল দিৱসটি কৰুণা মহামাৰীৰ ভয়াবহতাৰ প্ৰতি লক্ষ্য ৰাখি অনুস্থুপীয়াকৈ দিনযোৰা কাৰ্য্যসূচীৰে আটাল বনুৱা প্ৰাথমিক বিদ্যালয়ত উদযাপন কৰে ৷ প্ৰথম কাৰ্য্যসূচী অনূসৰি পুৱা চাওঁতালী সমাজৰ জাতীয় পতাকা উত্তোলন কৰে ৰামেশ্বৰ চৰেনে ৷ চাওঁতাল ছাত্ৰ সন্থাৰ পতাকা উত্তোলন কৰে চাওঁতালী ছাত্ৰ সন্থাৰ চৰাইদেউ জিলা সমিতিৰ সভাপতি পুনেশ্বৰ বাস্কেয়ে ৷ স্মৃতি তৰ্পণ কৰে চৰাইদেউ জিলা সমিতিৰ সহকাৰী সম্পাদক অমৰ হেমৰম ৷ উক্ত অনুস্থানত উপস্থিত থাকে দেবানন্দ টুডু , নয়নমণি বাস্কে আৰু প্ৰবীন টুডুকে আদি কৰি বহু গন্য মান্য ব্যক্তিয়ে অংশগ্ৰহণ কৰে ৷