ক’ভিড–১৯ টিকাকৰণ গর্ভৱতী মহিলাকো দিব পাৰি৷ আজি কেন্দ্রীয় স্বাস্থ্য মন্ত্রালয়ে এই ঘোষণা কৰিছে৷ কেন্দ্রীয় স্বাস্থ্য মন্ত্রালয়ৰ হৈ ইণ্ডিয়ান কাউন্সিল অৱ মেডিকেল ৰিছার্চ (আই চি এম আৰ)ৰ সঞ্চালকপ্রধান ডাঃ বলৰাম ভার্গৱে কয়– কেন্দ্রীয় স্বাস্থ্য মন্ত্রালয়ে নির্দেশনা জাৰি কৰিছে যে গর্ভৱতী মহিলাকো ক’ভিড ভেকচিন দিব পাৰি৷ গর্ভৱতী মহিলাৰ কাৰণে ভেকচিন ব্যৱহাৰযোগ্য আৰু ইয়াক প্রদান কৰা উচিত৷

ৰাজ্যৰ কৃষি অর্থনীতি উজ্জীৱিতকৰণৰ দিশত এক প্রয়াস হিচাপে দৰং জিলাৰ ছিপাঝাৰৰ গৰুখুঁটি অঞ্চলত থকা বহু হাজাৰ বিঘা চৰকাৰী ভূমিত সমবায় ভিত্তিক খেতি কৰাৰ পৰিকল্পনা প্রস্তুতৰ বাবে বিধায়ক পদ্ম হাজৰিকাৰ নেতৃত্বত ৰাজ্য চৰকাৰে গঠন কৰি দিয়া সমিতিৰ সদস্যসকলৰ সৈতে মুখ্যমন্ত্রী ড০ হিমন্ত বিশ্ব শর্মা শুকুৰবাৰে এক বৈঠকত মিলিত হয়৷ জনতা ভৱনস্থিত মুখ্যমন্ত্রীৰ কার্যালয়ৰ সভাকক্ষত অনুষ্ঠিত এই বৈঠকত সমিতিখনে হাতত লোৱা প্রাৰম্ভিক কাম–কাজৰ বিষয়ে মুখ্যমন্ত্রীক সবিশেষ অৱগত কৰে৷

মুখ্যমন্ত্রী ড০ শর্মাই সমিতিখনৰ কাম–কাজৰ অগ্রগতিত সন্তুষ্টি প্রকাশ কৰাৰ লগতে অসম বিধানসভাৰ সমাগত বাজেট অধিৱেশনৰ আগেয়েই, জুলাহৰ প্রথম সপ্তাহৰ ভিতৰত এই সম্পর্কীয় পৰিকল্পনাৰ খচৰা দাখিল কৰিবলৈ সমিতিক নির্দেশ দিয়ে৷ এই বৈঠকত সমিতিৰ অধ্যক্ষ তথা বিধায়ক পদ্ম হাজৰিকা, সদস্যদ্বয় সাংসদ দিলীপ শহকীয়া আৰু বিধায়ক পৰমানন্দ ৰাজবংশী, সমিতিৰ সদস্য–সচিব তথা কৃষি বিভাগৰ সঞ্চালক বিনোদ ছেছানৰ লগতে মুখ্যমন্ত্রীৰ প্রধান সচিব সমীৰ কুমাৰ সিনহাও ডপস্থিত থাকে৷

শনিবাৰে বৰসিং বে’ক আৰক্ষী কনিষ্টবল পদৰ নিযুক্তিপত্ৰ প্ৰদান কৰিলে মুখ্যমন্ত্ৰী হিমন্ত বিশ্ব শৰ্মাই। অনুষ্ঠানত মুখ্যমন্ত্ৰী ড০ শৰ্মাই অসম আৰক্ষীৰ বাবে বহুকেইটা গুৰুত্বপূৰ্ণ ঘোষণা কৰে। বৰসিং বে’ক অসম আৰক্ষীৰ সাহসিকতাৰ প্ৰতীক আখ্যা দি মুখ্যমন্ত্ৰীগৰাকীয়ে ভালৰ কাম কৰা হোমগাৰ্ড,কনিষ্টবল, এছ আইক Police Inspector(আৰক্ষী পৰিদৰ্শক) পদলৈ পদোন্নতি কৰা হ’ব বুলি ঘোষণা কৰে। লগতে সকলো আৰক্ষীৰ বিনামূলীয়া স্বাস্থ্য পৰীক্ষা তথা চিকিত্‍সা খৰচ চৰকাৰে বহন কৰাৰ ক্ষেত্ৰত কেবিনেটত সিদ্ধান্ত গ্ৰহণ কৰা হ’ব বুলিও ঘোষণা কৰে মুখ্যমন্ত্ৰীয়ে।

মুখ্যমন্ত্ৰীয়ে ভাষণ প্ৰসংগত কয় য়ে, ‘নিজকে সশস্ত্ৰ সংগ্ৰামী বুলি কোৱা বহু উত্তৰ পূবৰ সংগঠন ড্ৰাগছৰ ব্যৱসায়ত জড়িত। অৱশ্য আলফা জড়িত নহয় ড্ৰাগছ ব্যৱসায়ত। প্ৰতিগৰাকী চাকৰিয়ালে সততাক আঁকোৱালি লব লাগিব। আৰক্ষীৰ চিকিৎসা আৰু থকাৰ ব্যৱস্থা কৰিব অসম চৰকাৰে।’

উল্লেখ্য যে,  ২১ জুনৰ নিশা ইম্ফলৰ পৰা গুৱাহাটী অভিমুখী নৈশ বাছত বৰসং বে’য়ে তালাচী চলাই প্ৰায় ১২ কোটি টকাৰ ড্ৰাগছ জব্দ কৰিবলৈ সক্ষম হৈছিল। সেই সময়ত বাছৰ চালকে বৰসিঙক টকা দিয়াৰ লোভ দেখুৱাইছিল যদিও নিজৰ সততা বিক্ৰী নকৰি সিঙে আটক কৰিছিল চালকজনৰ সৈতে আন দুগৰাকী মহিলাক।

আৰু এই কথা সৰ্বত্ৰ প্ৰচাৰ হোৱাৰ পিছতে সকলোৱে বৰসিঙক প্ৰশংসা কৰিছিল। গৃহৰক্ষী জোৱান বৰসিং বেক সম্বৰ্ধনা জনাইছিল খোদ অসম আৰক্ষীৰ সঞ্চালকপ্ৰধানে। আৰু ইয়াৰ পিছতে অসম চৰকাৰৰ কেবিনেটে  সাহসিকতাৰ স্বীকৃতি হিচাপে  গৃহৰক্ষী জোৱান বৰসিং বে’ক আৰক্ষী কনিষ্টবল পদলৈ উন্নিত কৰাৰ সিদ্ধান্ত গ্ৰহণ কৰিছিল।

সংযুক্ত কৃষক মৰ্চাৰ আহ্বানত বৰক্ষেত্ৰীৰ অন্যান্য গণ সংগঠন সমূহে আজি মুকালমুৱাত কৃষি আৰু গণতন্ত্ৰ ৰক্ষাৰ দাবীত প্ৰতিবাদ সাব্যস্ত কৰে ৷ চিটু,কৃষক সভা,এছএফআইকে ধৰি কেবাটাও গণ সংগঠনে যৌথভাৱে নলবাৰীৰ মুকালমুৱাত প্ৰতিবাদ সাৱ্যস্ত কৰে ৷ মুকালমুৱা আদৰ্শ জাতীয় বিদ্যালয়ৰ পৰা সংগঠন সমূহে এটি প্ৰতিবাদী সমদল উলিয়াই ৷ সংগঠন সমূহৰ কৰ্মীসকলে কৃষি বচাওক দেশ বচাওক, গণতন্ত্ৰ ৰক্ষা কৰক, গণতন্ত্ৰ নিধক বিজেপি চৰকাৰ হায়-হায় ইত্যাদি শ্লোগান প্ৰদান কৰি মুকালমুৱাৰ মাজমজিয়াৰে গৈ প্ৰতিবাদী কাৰ্যসুচীটো ৰূপায়ন কৰে ৷ কাৰ্যসুচীত গণ সংগঠন সমূহৰ বৰক্ষেত্ৰী আঞ্চলিক সমিতিৰ নেতৃত্ব সকলে অংশগ্ৰহন কৰে ৷

টংলা পৌৰসভা নিৰ্দেশ মৰ্মে টংলা টাউনৰ ১ নং ৱাৰ্ডত থকা লোকজিত সুতাৰ নামৰ ব্যক্তিজনৰ বাৰীত থকা বাহ এজোপাত শ শ বগলীয়ে বাস কৰি পৰিৱেশ বিনষ্ট কৰা বুলি পৌৰসভাই বাহজোপা কাটি দিয়াৰ পিছত প্ৰায় ৩০০ বগলী পোবালীৰ মৃত্যু হোৱা ঘটনাক অসম জাতীয়তাবাদী যুৱ ছাত্ৰ পৰিষদে তীব্ৰ গৰিহণা আৰু ধিক্কাৰ জনাইছো ৷ মানৱীয়তাৰ চুড়ান্ত অৱক্ষয় হোৱা এই ঘটনাৰ পিছত অঃজাঃযুঃছাঃপঃ টংলা আঞ্চলিক সমিতি আৰু ওদালগুৰি জিলাৰ বিষয়ববীয়াই উচিত তদন্তৰ দাবী জনাই দোষীৰ শাস্তিৰ দাবী জনাইছে ৷

ডিব্ৰুগড় জিলা লাহোৱাল আৰক্ষী চকী আৰু ঘোঁৰামৰা আৰক্ষী থানা সীমাত থকা ঐতিহাসিক জয়পুৰ নাহৰকটিয়া পথৰ মৰাপাট মেলেঙীয়ালৰ সীমাৰেখা চেঁচা নদীত তীব্ৰবেগী ডি ৱাই দুৰ্ঘটনাগ্ৰস্ত হয়।সৌভাগ্যক্ৰমে গাড়ীখনত থকা  চালককে ধৰি তিনিজন লোকৰ প্ৰাণ ৰক্ষা পৰে।এ এছ ০৬-১২৫৭ নম্বৰৰ ডি ৱাই মালবাহী গাড়ীখনত জে চি বি গাড়ী সা সঞ্জাম বুজাই কৰি আনিছিল।লাহোৱাল আৰক্ষী চকী ভাৰপ্ৰাপ্ত বিষয়া অনুপম গোৱালা ঘটনাস্থলীত উপস্থিত হোৱা লগতে এছডিআৰএফ বাহিনীৰ জৰিয়তে গাড়ীখন উদ্ধাৰ কৰা লগতে চালককে ধৰি আটাইকেইজনক চিকিৎসাৰ বাবে চিকিৎসালয়লৈ প্ৰেৰণ কৰিছে।

ReplyForward