Free LPG Connection: কেন্দ্ৰীয় চৰকাৰৰ তৰফৰ পৰা বিনামূলীয়া ৰন্ধন গেছৰ সুবিধা প্ৰদান কৰা হয়। যদি আপুনিও এই সুবিধাৰ সুবিধা ল’ব বিচাৰে, তেন্তে এতিয়া ঘৰত বহিয়েই আপুনি ইয়াৰ বাবে আবেদন কৰিব পাৰে। কেন্দ্ৰীয় বিত্ত মন্ত্ৰী নিৰ্মলা সীতাৰমণে “প্ৰধানমন্ত্ৰী উজ্জ্বলা যোজনা” আঁচনিখনৰ অধীনত ১ কোটি ৰন্ধন গেছ সংযোগৰ কথা ঘোষণা কৰিছে আৰু চলিত জুন মাহতেই আঁচনিখন আৰম্ভ কৰাৰ সম্ভাৱনা প্ৰকট হৈ উঠিছে। তেনেস্থলত বিনামূলীয়া গেছ সংযোগৰ বাবে আপুনি কেনেদৰে আবেদন কৰিব জানি লওক সকলো –

এনেদৰে কৰক অনলাইন আবেদন –
>> আপুনি প্ৰথমে অফিচিয়েল ৱেবছাইটলৈ যাব লাগিব।

>> pmujjwalayojana.comত ক্লিক কৰক।
>> হোমপেজত ডাউনলোড প্ৰ-পত্ৰলৈ যাওক আৰু ক্লিক কৰক।
>> ডাউনলোড প্ৰ-পত্ৰত ক্লিক কৰাৰ পিছত প্ৰধানমন্ত্ৰী উজ্জ্বলা আঁচনিৰ প্ৰ-পত্ৰ খন আহিব।
>> এতিয়া প্ৰ-পত্ৰখনত আপোনাৰ নাম, ই-মেইল আইডি, ফোন নম্বৰ আৰু কেপচা পূৰণ কৰক।

>> এতিয়া অটিপি (OTP) সৃষ্টি কৰিবলৈ বুটামত ক্লিক কৰক।
>> তাৰ পিছত প্ৰ-পত্ৰখন ডাউনলোড কৰক।

প্ৰ-পত্ৰখন নিকটতম এলপিজি গেছ এজেন্সিৰ ওচৰত দাখিল কৰক –
এতিয়া এই প্ৰপত্ৰখন নিকটতম এলপিজি গেছ এজেন্সিৰ ওচৰত দাখিল কৰক। ইয়াৰ সৈতে আপুনি আপোনাৰ নথি-পত্ৰ যেনে আধাৰ কাৰ্ড, স্থানীয় ঠিকনাৰ প্ৰমাণপত্ৰ, বিপিএল ৰেচন কাৰ্ড (BPL Ration Card) আৰু ফটো ইত্যাদি প্ৰদান কৰিব লাগিব। নথিপত্ৰবোৰ প্ৰমাণিত হোৱাৰ পিছত আপুনি এলপিজি গেছ সংযোগ লাভ কৰিব।

কোনে কোনে ইয়াৰ বাবে আবেদন কৰিব পাৰে-

>> আবেদনকাৰী ভাৰতীয় নাগৰিক হ’ব লাগিব।
>> বয়স ১৮ বছৰতকৈ অধিক হ’ব লাগিব ।
>> দৰিদ্ৰ সীমাৰেখাৰ তলত হ’ব লাগিব।
>> পৰিয়ালৰ এগৰাকী মহিলাই কৰিব পাৰিব, যাৰ গেছ সংযোগ নাই।
>> এনে কোনো আঁচনিৰ আগতীয়াকৈ সুবিধা লোৱা নাই, তেনে লোকে আবেদন কৰিব পাৰে।

ৰছিং বে’ বৃত্তিত এজন হোমগার্ড৷ কার্বি আংলঙত কর্মৰত৷ দৰমহাৰ নামত মাহে পায় নামমাত্র ধন৷ ওপৰৱালাৰ হুকুম, গালি–গালাজ নির্বিবাদে মানি লৈ নীৰৱে কর্তব্য পালন কৰি যায়৷ অভাৱগ্রস্ত জীৱন কোনোমতে জোৰা–টাপলি মাৰি চলি আছে৷ অনাটনবোৰ দূৰ কৰিবলৈ প্রয়োজন ধনৰ৷ তেনে সময়তে কালি নিশা বৰছিং বে’ৰ হাতত অবাঞ্ছিতভাৱে আহি পৰে খমখমীয়া নোটৰ বাণ্ডিল৷ ইমানেই টকা যে নিমিষতে হোমগার্ড বৰছিং বে’ৰ সকলো অভাৱ দূৰ হৈ যাব৷ আকাংক্ষাৰ বস্তুৰে ভৰি পৰিব ঘৰ৷ কিন্তু এই ধন বৰছিং বে’ই হাত পাতি ল’ব নোৱাৰিলে৷ কাৰণ তেওঁৰ জীৱনত অভাৱ–নাটনতকৈ সততাৰ মূল্য বহুত বেছি৷ সততাক বিক্রী কৰি, মেৰুদণ্ড বেঁকা কৰি, কর্তব্যৰ লগত আপোচ কৰি বৰছিং বে’ ধনী মানুহ হ’ব নোখোজে৷

সন্মুখত নোটৰ পোহাৰ দেখিও কর্তব্যত অটল হৈ ৰোৱা এইজন হোমগার্ডে কালি নিশা সমাজক যেন বহু কিবাকিবি বার্তা দি গ’ল৷ বৰছিং বে’ৰ কালি ডিউটী আছিল কার্বি আংলঙৰ ডিলাই আৰক্ষী চকীৰ সন্মুখত৷ নিয়মীয়া তালাচীৰ বাবে বাছ এখন ৰখায়৷ এম এন–০ জি বি–০৫১১ নম্বৰৰ বাছখন আহিছিল মণিপুৰৰ পৰা৷ বৰছিঙে বাছত উঠি যাত্রীৰ বেগবোৰ এটা এটাকৈ পৰীক্ষা কৰে৷ তাৰ পিছত ড্রাইভাৰৰ পাছৰ ছীটবোৰ দাঙি চায়৷ মোনা এটা সন্দেহবশতঃ খুলি চায় যদিও তাত চাউলহে আছিল৷ বৰছিঙৰ অৱচেতন মনে তেতিয়াও কৈ আছিল বাছখনত কিবা এটা আছে৷ এইবাৰ তেওঁ খুলি দিয়ে ইঞ্জিনৰ ওপৰৰ ঢ়াকনি এখন৷ তেতিয়াই গাড়ীচালকজনে হাতত খামোচ মাৰি ধৰে৷ পাঁচশ টকীয়া নোটৰ এটা বাণ্ডিল বৰছিঙক দেখুৱাই কয়– ‘এই পইচাখিনি ৰাখক৷ ইঞ্জিন গৰম হৈ আছে৷ তাত হাত সোমাব নালাগে৷’

বৰছিং বে’ এইবাৰ অধিক কঠোৰ হৈ পৰে৷ তন্ন তন্নকৈ তালাচী চলাই ইঞ্জিনৰ পৰা উদ্ধাৰ কৰে ড্রাগ্ছভর্তি তিনিটা পেকেট৷ ড্রাইভাৰজনে আকৌ প্রলোভন দেখুৱায়– ‘কথাটো কাকো জনাব নালাগে৷ আপোনাৰ মোৰ মাজতে ৰাখক৷ ইয়াৰ পৰা কেৱল যাবলৈ দিয়ক৷’ এইদৰে কৈ বৰছিং বে’ৰ জেপত সুমুৱাই দিয়ে এটা নোটৰ বাণ্ডিল৷ কিন্তু ধন ল’বলৈ অস্বীকাৰ কৰি হোমগার্ডজনে ততালিকে থানাৰ ভাৰপ্রাপ্ত বিষয়াক খবৰ দিয়ে৷ থানাৰ বিষয়াই আহি প্রায় ১২ কোটি টকা মূল্যৰ ৩ কেজি ছিন্থেটিক ড্রাগ্ছসহ তিনিজন সৰবৰাহকাৰীক গ্রেপ্তাৰ কৰে৷ এই খবৰ পোৱাৰ পিছতে ডিজিপি ভাস্কৰজ্যোতি মহন্তই কর্তব্যপৰায়ণ গৃহৰক্ষী বৰছিং বে’ক এক লাখ টকাৰে পুৰস্কৃত কৰে৷

ইপিনে, বৰছিং বে’ই সংবাদ মাধ্যমৰ আগত কয়, ‘দেশৰ বাবে ডিউটী কৰিছোঁ৷ ধন লৈ খাকী পোছাকত দাগ লগাব নোৱাৰোঁ৷ আনে লাগিলে মাংস–ভাতেই খাওক, মই মোৰ পত্নী–সন্তানক নিমখ ভাত খুৱাই ৰাখিম৷’ অসম আৰক্ষীৰ শীর্ষ বিষয়াৰ অন্তহীন কলংকই অহৰহ সংবাদ শিৰোনাম দখল কৰাৰ সময়ত এজন গৃহৰক্ষীয়ে এনেদৰেই দেখুৱালে কর্তব্যনিষ্ঠাৰ অনন্য নিদর্শন৷

দেশৰ লগতে ৰাজ্যৰ বৰ্তমানৰ সকলোতকৈ ডাঙৰ সমস্যাই হল নিবনুৱা সমস্যা । বৰ্ধিত নিবনুৱা সমস্যাই ৰাজ্য বাসীক চিন্তিত কৰি তোলা সময়ত  ওদালগুৰি জিলাৰ মাজবাট বিধানসভা সমষ্টিৰ অন্তৰ্গত ওৰাঙৰ এজন কিশোৰ শৰ্মা নামৰ যুৱক জনে  অঞ্চলটোৰ ৰাইজৰ চকু আকৰ্ষিত কৰিবলৈ সক্ষম হৈছে । 
ওৰাং নিবাসী কিশোৰ শৰ্মা নামৰ এজন উদ্যমী যুৱক এজন ব্যৱসায়ী হিচাপে পৰিচিত  হোৱাৰ উপৰিও এজন সমাজসেৱী ও দক্ষ  যুৱ নেতা হিচাপে সমগ্ৰ মাজবাট অঞ্চলত নিজৰ পৰিচয় দাঙি ধৰিবলৈ সক্ষম হৈছে ।   বৰ্তমান কিশোৰ শৰ্মাই ওদালগুৰি জিলাৰ ওৰাঙৰ দৰে পিছ পৰি থকা অঞ্চলত থাকিও ৰাজ্যৰ সকলো জিলাৰ লগতে উত্তৰ পূৰ্বাঞ্চলৰ বিভিন্ন ৰাজ্যৰ  চৰকাৰী অফিচ ,কাৰ্য্যালয়, ঘৰ ,হোটেল , ৰেষ্টুৰেণ্ট আদিত আধুনিক পদ্ধতিৰ পানী ফিল্টাৰ মেচিন বহুৱাই দূষিত পানীক বিশুদ্ধ খোৱা পানীলৈ ৰূপান্তৰিত কৰি উদ্যামী যুৱক কিশোৰ শৰ্মাই সমাজ সেৱাৰ লগতে নিজৰ ব্যৱসায়কো শীর্ষ শিখৰলৈ লৈ যোৱা পৰিলক্ষিত হৈছে । উদ্যামী যুৱক কিশোৰ শৰ্মাই জানিব দিয়া মতে বৰ্তমান অসম চৰকাৰে ৰাজ্যৰ বৃহৎ খোৱাপানীৰ সমস্যাৰ প্ৰতি লক্ষ্য ৰাখি ৰাজ্যৰ স্কুল ,অংগনাবাদী কেন্দ্ৰ সমূহত অসমৰ বিভিন্ন জিলাত PHE কাৰ্য্যালয়ৰ তত্বাৱধানত প্ৰথম অৱস্থাত কিছু  স্কুল , অংগনাবাদী কেন্দ্ৰ আদিত একোখন কৈ আইৰণ ৰি’মভ ফিল্টাৰ বহুৱাই থকা হৈছে । অসমৰ প্ৰত্যেক জিলাৰ যিসকল PHE ঠিকাদাৰ সকলে এই IRON REMOVE FILTER ৰ ঠিকা বোৰ লাভ কৰিছে সেই ঠিকাদাৰ  সকলকৰ লগতে ৰাইজকো  মাজবাটৰ উদ্যামী যুৱক কিশোৰ শৰ্মাই পানীৰ ফিল্টাৰ বজাৰ মূল্যত কৈ কিছু কম মূল্যত আৰু চৰকাৰে চৰ্ত দিয়া অনুযায়ী মেচিনৰ সতে  CSIR লাইচেন্স  সহ মেচিন যোগান ধৰি আহিছে  । কিশোৰ শৰ্মাই ৰাজ্য তথা বৰ্হি ৰাজ্যতো কেইবাটাও মিনাৰাল ৱাটাৰৰ ফেক্টৰীৰ মেচিন যোগান ধৰি আহিছে । কিশোৰ শৰ্মাই ৰাজ্যৰ বিভিন্ন জিলাত আজিকালি বজাৰত দেখিবলৈ পোৱা 20 লিটাৰৰ বিশুদ্ধ খোৱা পানী তৈয়াৰ কৰা ফেক্টৰী আৰম্ভ কৰি স্বাৱলম্বী হব বিচৰা ৰাজ্যৰ যুৱক সকলকো R.O PLANT চাপ্লাই কৰি আহিছে ।লগত পানী ফেক্টৰীৰ বাবে প্ৰয়োজনীয় সকলো মেটেৰীয়েল যেনে 20  লিটাৰ খালি বটল ,বটলত খোপা , ডিছপেন্সৰ আদিও যোগান ধৰি আহিছে ।   শৰ্মাই বিশুদ্ধ খোৱাপানীৰ বাবে IRON REMOVE ফিল্টাৰ বহুৱাই নিজৰ ব্যৱসায়ক আগুৱাই লৈ যোৱা পৰিলক্ষিত হৈছে ।  মাজবাট অঞ্চলৰ  নিবনুৱা সকলৰ বাবে এক উদাহৰণ স্বৰূপ হৈ পৰা কিশোৰ শৰ্মাৰ ব্যৱসায় প্ৰতিষ্ঠান টোৰ নাম TINA ITNERNATIONAL নামাৰে পঞ্জীয়ন কৰা আছে । জানিব পৰা মতে এই TINA INTERNATIOANL নামৰ  কিশোৰ শৰ্মাৰ ব্যৱসায় প্ৰতিষ্ঠান টো আজি প্ৰায় ১৩ বছৰ আগৰে পৰা পশ্ছিম বঙ্গতো  আৰম্ভ কৰা হৈছে বুলি শৰ্মাই জানিব দিয়ে