ভাৰত বাংলাৰ মূল সীমাৰ পৰা দুই কিলোমিটাৰ ভিতৰত  কাঁইটীয়া তাৰৰ বেৰ BSF ৰ ।কেন্দ্ৰীয় চৰকাৰৰ নিয়ম অনুসৰি জিৰো পইণ্টৰ পৰা 150 মিটাৰৰ ভিতৰত হব লাগে কাঁইটীয়া তাৰৰ বেৰ। কিন্তু প্ৰায় দুই কিলোমিটাৰ ভিতৰত কাঁইটীয়া তাৰৰ বেৰ দিয়া লৈ আপত্তি স্থানীয় গাঁও বাসীৰ।গাঁওবাসীৰ অভিযোগত গুৰুত্ব নিদি একেদিনাই শ শ BSF এ এইদৰে কাঁইটীয়া তাৰ বেৰ নিৰ্মান কৰিলে।কাঁইটীয়া তাৰ দি গংগাধৰ নদীৰ লগতে হেজাৰ হেজাৰ বিঘা কৃষিভূমি আগুৰি দিলে।যাৰ ফলত এটুপি খোৱা পানী, খেতি কৰিবলৈ BSF অনুমতি লৈহে যাব লাগিব ।

জীৱনে কি নিশিকাই । দিনটোৰ  দুবেলা – দুমুঠি যোগাৰ কৰিবলৈকে গোলাঘাটৰ এগৰাকী মেধাৱী ছাত্ৰী তথা সু – গায়িকা চয়নিকা সভাপণ্ডিতে  জীৱন যুজঁত অৱতীৰ্ণ হৈছে এগৰাকী পাচলি বিক্ৰেতা হিচাপে । কটন বিশ্ববিদ্যালয়ৰ এইগৰাকী মেধাৱী ছাত্ৰী তথা সু – গায়িকা চয়নিকা সভাপণ্ডিতে চৰম আৰ্থিক দৈন্যতাৰ পৰা পৰিত্ৰাণ বিচাৰি  অৱশেষত ঘৰৰ সন্মুখতে আৰম্ভ কৰিছিল শাক- পাচলিৰ এখন সৰু  দোকান। ছাত্ৰী গৰাকীৰ কৰ্ম সংস্কৃতিৰ কথা ইতিমধ্যে গোলাঘাটত চৰ্চাৰ বিষয় হৈ পৰিছিল আৰু আজি   ছাত্ৰী গৰাকীক এই আৰ্থিক সংকটৰ পৰা কিছু সকাহ দিয়াৰ উদ্দেশ্যেৰে বিত্তমন্ত্ৰী অজন্তা নেওগ আহি গোলাঘাটৰ পাঁচ আলিৰ সমীপৰ জীৱন তামূলী পথৰ  চয়নিকাৰ বাসগৃহত  উপস্থিত হ’য়।  উপস্থিত হৈয়ে মুখ্যমন্ত্ৰীয়ে প্ৰেৰণ কৰা ৫০ হাজাৰ টকাৰ এখন চেক প্ৰদান কৰি চয়নিকাৰ এই কৰ্মৰ শলাগ লোৱাৰ উপৰিও  উজ্জ্বল ভৱিষ্যতৰ আৰ্শীবাদ দিয়ে। মন্ত্ৰী গৰাকীয়ে চয়নিকাৰ এই কৰ্মৰ উচ্চ প্ৰশংসা কৰাৰ লগতে গোলাঘাটৰ নৱ প্ৰজন্মই চয়নিকাৰ আদৰ্শৰে আগবাঢ়ি হাতে-কামে লাগিলে গোলাঘাট স্ব- নিৰ্ভৰশীল হৈ উঠিব বুলি মত প্ৰকাশ কৰে। লগতে মুখ্যমন্ত্ৰীয়ে অতি তৎপৰতাৰে চয়নিকালৈ আগবঢ়োৱা এই সহায়ৰ বাবে কৃতজ্ঞতা জ্ঞাপন কৰে।এই অনুষ্ঠানত বিত্তমন্ত্ৰী গৰাকীৰ লগত উপস্থিত থাকে  সৰুপথাৰ বিধান সভা সমষ্টিৰ বিধায়ক বিশ্বজিৎ ফুকন।

আজি বিজুলি ভৱনত শক্তি বিভাগৰ মন্ত্ৰী আৰু জ্যেষ্ঠ বিষয়াবর্গৰে দুঘণ্টাজোৰা বৈঠকত মিলিত হ’ল মুখ্যমন্ত্ৰী ড০ হিমন্ত বিশ্ব শর্মা। বৈঠকৰ অন্তত এখন সংবাদমেল সম্বোধন কৰে মুখ্যমন্ত্ৰীগৰাকীয়ে। সংবাদমেলত কেইবাটাও গুৰুত্বপূর্ণ মন্তব্য কৰে হিমন্ত বিশ্ব শর্মাই।

১. তিনিওটা শক্তি কোম্পানী ক্ৰমে APDCL, APGCL আৰু AEGCLৰ হেৰাই যোৱা ৰাজহ পুনৰুদ্ধাৰ কৰাৰ পৰিকল্পনা।

২. বিদ্যুৎ চুৰীৰ ক্ষেত্ৰত কঠোৰ হ’ব চৰকাৰ।

৩. বিদ্যুৎ চুৰী কৰাসকলৰ বাবে সর্বসাধাৰণ ৰাইজে যাতে বিদ্যুতৰ বিল অধিক বহন কৰিব নালাগে তাৰ প্ৰতি লক্ষ্য ৰাখিব চৰকাৰে।

৪. এটা বৃহৎ কোম্পানীয়ে দিয়া GST আৰু ব্যৱহাৰ কৰা বিদ্যুতৰ তাৰতম্য কিমান, সেয়া পৰীক্ষা কৰা হ’ব।

৫. গুজৰাটৰ শক্তি বিতৰণৰ আর্হিক অসমত প্ৰয়োগ কৰি শক্তি কিদৰে বচাব পাৰি, সেই সন্দর্ভত শক্তি বিভাগৰে হ’ব ভিডিঅ’ কনফাৰেন্স।

এটা বছৰ সম্পূৰ্ণ হ’ল সুশান্ত সিঙৰ অনুপস্থিতিৰ৷ বলীউড তাৰকা সুশান্ত সিং ৰাজপুতৰ আত্মহত্যাৰ আজি এটা বছৰ সম্পূৰ্ণ হৈছে যদিও আজিও প্ৰতিগৰাকী অনুৰাগী তথা চলচ্চিত্ৰপ্ৰেমীৰ মনত সজীৱ হৈ আছে সুশান্তৰ স্মৃতি৷ অবিশ্বাস্য তথা অতি আশ্বৰ্যজনকভাৱে হঠাতে হেৰাই যোৱা সুশান্তক দেশবাসীয়ে পুনৰ সোঁৱৰণ কৰি শ্ৰদ্ধা জ্ঞাপন কৰিছে৷

‘পবিত্ৰ ৰিস্তা’ ধাৰাবাহিকৰ ‘মানৱ’ৰ চৰিত্ৰৰ জৰিয়তে সকলোৰে পৰিচিত তথা আপোন হৈ পৰা অভিনেতাগৰাকীয়ে ‘এম এছ ধোনী’, ‘দিল বেচ্চাৰা’, ‘কেদাৰনাথ’, ‘চিচোৰে’ আদি ছবিত কৰা অভিনয়ৰ প্ৰতিটো চৰিত্ৰই জীপাল কৰি ৰাখিছে সুশান্তৰ স্মৃতি৷
মুম্বাই ঘৰৰ নিজ কোঠাৰ ভিতৰতে আত্মহত্যা কৰা সুশান্তৰ মৃত্যুৰ পাছতে সমগ্ৰ দেশজুৰি চৰ্চাৰ কেন্দ্ৰবিন্দু হৈ পৰিছিল প্ৰেয়সী ৰিয়া চক্ৰৱৰ্তী৷ বহুকেইজন ঘনিষ্ঠ বন্ধুও আওপকীয়াকৈ চৰ্চালৈ আহিছিল সুশান্তৰ মুত্যুক কেন্দ্ৰ কৰি৷অতি নম্ৰ তথা শান্ত প্ৰকৃতিৰ সুশান্তৰ আত্মহত্যাৰ ঘটনাটো অনুৰাগী তথা পৰিয়ালৰ লোকে হত্যাকাণ্ড বুলি ধাৰণা কৰিছিল যদিও মৰনোত্তৰ পৰীক্ষাৰ পাছত নিশ্চিত কৰা হয় আত্মহত্যা বুলি৷ আনহাতে সুশান্তৰ মৃত্যুৰ তদন্তৰ আঁত ধৰি এতিয়াও নাৰ্ক’টিক্স কণ্ট্ৰ’ল ব্যুৰোৱে মুম্বাইত চলাই আছে ড্ৰাগছবিৰোধী অভিযান। সেয়া অৱশ্যে এক অন্য প্ৰসংগ। প্ৰতিভাশালী অভিনেতাগৰাকীৰ আত্মহত্যাই হিন্দী ছবিজগতৰ পৰা এগৰাকী অতি প্ৰতিভাশালী অভিনেতাক আঁতৰাই লৈ গ’ল। দি গ’ল এক অপূৰণীয় শূন্যতৰ।

মৰিগাঁও জিলাৰ লাহৰীঘাটত  যোৱা নিশা আৰক্ষীয়ে গোপন সূত্ৰৰ পমখেদি  ড্ৰাগছ , নগদ ধনসহ  এজনক  আটক  কৰে। বগলীপাৰা গাঁৱৰ পৰা আৰক্ষীয়ে আটক কৰা ড্ৰাগছ সৰবৰাহকাৰী টোৰ নাম নজৰুল ইছলাম( ৫০ ) । ধৃত নজৰুলৰ পৰা ৫ টা হি’ৰইন ভৰ্তি ,১ টা খালি কণ্টেইনাৰ, ২৩ টা টেবলেট আৰু নগদ ২৫ হাজাৰ টকা উদ্ধাৰ কৰা হৈছে । ধৃত ড্ৰাগছ সৰবৰাহী নজরুল ইছলামৰ বিৰুদ্ধে Case No 337/21 U/S 21(a)/25/29 NDP’S Act ৰ অধীনত গোচৰ ৰুজু কৰিছে। লাহৰীঘাটৰ পৰা খাইৰুল ইছলামৰ ৰিপোৰ্ট

শুকুৰবাৰে নিশা কৰায়ত্ত হোৱা ড্ৰাগচ সৰবৰাহকাৰী প্ৰদীপ চৌধুৰীৰ বাতৰিয়ে সমগ্ৰ অসম তোলপাৰ লগাইছিল,যত সাঙোৰ সাই পৰিছিল বিজেপিৰ কিছু নেতা মন্ত্ৰীৰ পৰা সাংসদলৈকে নাম । এইসন্দৰ্ভত উত্তৰ কামৰূপ জিলা বিজেপিৰ তৰফৰ পৰা এখন সংবাদমেল যোগে উপ-সভাপতি ভবেশ ডেকাই স্পষ্ট কৰি দিয়ে যে ধৃত প্ৰদীপ চৌধুৰীৰ লগত বিজেপিৰ কোনো নেতা মন্ত্ৰী তথা সাংসদৰ ঘণিষ্ঠতা নাই,হয়তো তেওঁ বিজেপি দলক ঢাল হিচাপে ব্যৱহাৰ কৰি সকলোৰে অজ্ঞাতে এই ব্যৱসায় চলাই গৈছিল ।সেয়েহে বিজেপি দলে তেওঁৰ এই অভিযোগ পোৱাৰ মাত্ৰেই তাৎক্ষণিকভাৱে কাৰ্য্যকৰী হোৱাকৈ ধৃত ড্ৰাগচ সৰবৰাহকাৰী প্ৰদীপ চৌধুৰীক দলৰ প্ৰাথমিক সদস্য পদৰ পৰা বহিস্কাৰ কৰা হৈছে বুলি জনাই। হিমন্তবিশ্ব শৰ্মা নেতৃত্বাধীন চৰকাৰখনে সমগ্ৰ অসমতেই যি ড্ৰাগচ বিৰোধী অভিযান চলাই আছে ,ইয়াত বিজেপি দলে সম্পূৰ্ণ সহযোগীতা আগবঢ়াই আছে আৰু ভৱিষ্যতেও থাকিব বুলি জনাই । তেওঁ এইক্ষেত্ৰত সংবাদ মাধ্যমৰ লগত জড়িত ব্যক্তিসকলকো সঠিক সংবাদ পৰিবেশন কৰি ড্ৰাগছ বিৰোধী সংগ্ৰাম খনক শক্তিশালী কৰিবলৈ অনুৰোধ জনাই। আনহাতে ৰঙিয়া সমষ্টিত প্ৰায় ৪২ হাজাৰ সদস্যৰে পুষ্ট এটি দলৰ প্ৰতিগৰাকীকে চিনাক্ত কৰা অত্যন্ত কঠিন, আৰু ভৱিষ্যতে দল এইক্ষেত্ৰত অধিক কঠোৰ হ্ব বুলিও জনাই ।