মুখ্যমন্ত্ৰীৰ সাহায্য পুঁজিলৈ আঢ়ৈ লাখ টকাৰ বৰঙণি আগবঢ়ালে প্ৰাক্তন মুখ্যমন্ত্ৰী সৰ্বানন্দ সোণোৱালে। কোভিড-১৯ৰ বিৰুদ্ধে টীম অসমৰ যুঁজখনৰ অংশ হিচাপে টিকাকৰণ অভিযানক অধিক শক্তিশালী কৰি তুলিবলৈ প্ৰাক্তন মুখ্যমন্ত্ৰী সৰ্বানন্দ সোণোৱালে আগবঢ়াইছে এই বৰঙনি। মুখ্যমন্ত্ৰী ড° হিমন্ত বিশ্ব শৰ্মাৰ হাতত এই ধনৰাশিৰ চেক অৰ্পণ কৰে সৰ্বানন্দ সোণোৱালে।

ৰাজ্যত চলি থকা উচ্ছেদ অভিযানৰ বিৰোধীতাৰে
চি.পি.আই(এম) য়ে আজি ৰাজ্যজুৰি প্ৰতিবাদ সাৱ্যস্ত কৰে ৷ ইয়াৰে অংশ হিচাপে নলবাৰীৰ মুকালমুৱাতো চি.পি.আই(এম) পশ্চিম নলবাৰী আঞ্চলিক সমিতিয়ে মুকালমুৱাৰ মাজমজিয়াত বিজেপি চৰকাৰৰ বিৰুদ্ধে প্ৰতিবাদ সাৱ্যস্ত কৰে ৷ কভিড প্ৰটকল মানি চি.পি.আই (এম) ৰ সদস্য সকলে হাতে হাতে ৰক্ত পতাকা আৰু প্লেকাৰ্ড লৈ ঘন্টাযোৰা প্ৰতিবাদ সাৱ্যস্ত কৰে ৷ প্ৰতিবাদকাৰী সকলে সাম্প্ৰদায়িক উচ্ছেদ অভিযান বন্ধ কৰক, বিজেপি চৰকাৰ হায়,হায়, ন্যায়ালয়ৰ নিৰ্দেশৰ পিছতো বিজেপি চৰকাৰে উচ্ছেদ কিয় কৰিছে জবাব লাগে জবাব দিয়ক ইত্যাদি বিভিন্ন শ্লোগানেৰে উত্তাল পৰিৱেশ সাৱ্যস্ত কৰে ৷ প্ৰতিবাদী কাৰ্যসুচীত চি.পি.আই.এম পশ্চিম নলবাৰী আঞ্চলিক সমিতিৰ নেতা ভূৱনেশ্বৰ বৰ্মন, চি.পি.আই.এম নেতা জয়নাল আলী আহমেদে, এছএফআই বৰক্ষেত্ৰী আঞ্চলিক সমিতিৰ সম্পাদক গাজিউৰ ৰহমান চৌধুৰী, বাওঁপন্থী ছাত্ৰ নেতা ৰেকিবুল হকসহ কেইবাজনো কৰ্মী উপস্থিত থাকে ।

কভিডৰ দ্বিতীয় লহৰে সৃষ্টি কৰা পৰিস্থিতিৰ বাবে আবদ্ধ হৈ থকা কেৰেলাৰ বাছ সমূহক কালি সন্ধ্যাৰ পৰা কেৰেলা অভিমুখে পঠোৱাৰ ব্যবস্থা কৰিছে নগাঁও জিলা প্ৰসাশনে  । উল্লেখ্য , বহি: ৰাজ্য কেৰেলাত কৰ্মৰত অসমৰ শ্ৰমিক সকলক অনা নিয়া কৰিবৰ বাবেকেৰেলাৰ পৰা এই বাছ সমূহ অহা যোৱা কৰে । জিলাখনৰ নগাঁও চহৰৰ খুটিকটীয়াকে ধৰি কাতিমাৰী , ৰূপহী , ৰাঙলু আদি লৈ কেৰেলাৰ পৰা এই বাছ সমূহৰ চলাচল হৈ আহিছে । প্ৰায় ৬০ খনৰো অধিক বাছ কভিড জনিত পৰিস্থিতিৰ বাবে এমাহৰো অধিক কাল নগাঁৱত আবদ্ধ হৈ আছে । ফলত বাছ সমূহৰ চালক- পৰিচালককে ধৰি কেৰেলাৰ শতাধিক লোক ভীষন সমস্যাত পৰাৰ লগতে আৰ্থিক সংকটত পৰে । নিজৰ গৃহ ৰাজ্য কেৰেলালৈ যাবৰ বাবে ঊদগ্ৰীব হৈ পৰিছিল যদিও কভিডৰ বাবে যাব পৰা নাছিল । আনহাতে , নগাঁৱৰ একাংশ সচেতন লোকে এই লোকসকলৰ পৰাই কভিডৰ সংক্ৰমণ হব পাৰে বুলি আশংকা প্ৰকাশ কৰি এই লোক সকলক বাছ সহ কেৰেলালৈ ওভতাই পঠাবৰ বাবে এখন স্মাৰক পত্ৰ জিলা উপায়ুক্তক প্ৰদান কৰিছিল । ইয়াক কেন্দ্ৰ কৰি সেই সময়ত এক উত্তপ্ত পৰিবেশৰ সৃষ্টি হৈছিল । পিছত নগাঁৱৰ আৰক্ষী অধীক্ষকে এই লোক সকলক কেৰেলালৈ ওভতাই পঠোৱা হব বুলি আশ্বাস প্ৰদান কৰে ।ইপিনে এই সন্দৰ্ভত কেৰেলা চৰকাৰে অসম চৰকাৰৰ লগত যোগাযোগ কৰাৰ পিছতেই এই লোক সকলক কেৰেলালৈ ওভতাই পঠাবৰ বাবে নগাঁও জিলা প্ৰশাসন তৎপৰ হৈ পাৰে । কালি সন্ধ্যাৰ পৰা এই বাছ সমূহ কেৰেলালৈ পঠোৱাৰ ব্যবস্থা কৰিছে  জিলা প্ৰশাসনে । কালি পাচ খন বাছক কেৰেলালৈ ওভতাই পঠোৱাৰ পাছত আজিও কেবাখনো বাছ কেৰেলালৈ ওভতাই পঠাইছে । যাত্ৰীহীন ভাবেই এই বাছ সমূহে ওভটনী যাত্ৰা কৰিছে । এই সমগ্ৰ প্ৰক্ৰিয়াতো তদাৰক কৰিছে নগাঁও সদৰ ৰাজহ চক্ৰৰ চক্ৰ বিষয়া যুৱৰাজ বৰঠাকুৰ আৰু ইয়াত সহযোগিতা আগবঢ়াই সমবায় বিভাগৰ বিষয়া ৰূপৰঞ্জন দাসে ।

পেৰালিম্পিক এছ’চিয়েছন অৱ আছামৰ সভাপতি সমীৰন বৰদলৈ যোৱা ৩০মে তাৰিখে মৃত্যু হয় ৷ প্ৰায়ত সভাপতি সমীৰন বৰদলৈৰ আদ্যশ্ৰাদ্ধ উপলক্ষে আজি মহানগৰীৰ পল্টনবজাৰ স্হিত গ্ৰীন এন ক্লেভত এক শ্ৰদ্ধান্জলি অনুষ্ঠানৰ আয়োজন কৰা হয় ৷ পেৰালিম্পিক এছ’চিয়েছনৰ দ্বাৰা আয়োজিত শ্ৰাদ্ধান্জলি অনুষ্ঠানত সমিতিৰ সাধাৰণ সম্পাদক ৰাজীব দেই উপস্থিত থাকি কয় যে তেখেত এগৰাকী ক্ৰীড়া সংগঠক আছিল ৷ বিভিন্ন সামাজিক সংগঠনৰ সৈতে জড়িত আছিল প্ৰয়াত সমীৰন বৰদলৈ ৷ অসমৰ এজন মুল্যবান পুত্ৰক হেৰুৱা বুলি সমিতিয়ে অনুভৱ কৰে বুলি ৰাজীব দেই উল্লেখ কৰে ৷ কাৰ্যকৰী সভাপতি ৰাজীব দাসে সভাপতি গৰাকীৰ প্ৰতিচ্ছবিত শ্ৰদ্ধান্জলি জ্ঞাপন কৰি কয় যে, সমীৰন বৰদলৈ মৃত্যু এটি যুগৰ অবসন ঘটালে ৷ আমাৰ সমিতি সদস্য সকল পিতৃহাৰা হ’ল বুলি দাসে কয় ৷ উল্লেখ্য যে সমিতিৰ বিষয়ববীয়া ক্ৰমে চন্দন বৰুৱা,বসন্ত নাৰায়ন,মানস মজুমদাৰ,হিমা ওজা দাস,বিকেশ মাহতো অমিত কুমাৰ সহ ভালেসংখ্যক ব্যক্তিয়ে অনুষ্ঠানত উপস্থিত থাকি শ্ৰাদ্ধান্জলি জনায় ৷