বৃহস্পতিবাৰে পুৱা ৮বজাত মুখ্যমন্ত্ৰী ডঃ হিমন্ত বিশ্ব শৰ্মাই আনুষ্ঠানিকভাৱে মুকলি কৰিব অত্যাধুনিক ক’ভিড চিকিৎসালয়৷ ডিআৰডিঅ’-ই মাত্ৰ ২০ দিনত প্ৰস্তুত কৰি উলিওৱা সৰুসজাইৰ অত্যাধুনিক ক’ভিড চিকিৎসালয়খন মুকলি কৰিব মুখ্যমন্ত্ৰীয়ে৷

নতুন ক’ভিড চিকিৎসালয়খনৰ বাবে নতুন চিকিৎসাকৰ্মী, তথা উন্নত চিকিৎসা সামগ্ৰী আদিৰ ব্যৱস্থা কৰা হৈছে বুলি প্ৰকাশ পাইছে৷ এই চিকিৎসালয়খনত ৩০০খন বিছনা থকাৰ উপৰি ২০০খন আইচিইউ বিছনাৰো ব্যৱস্থা থাকিব৷
ডিআৰডিঅ’-ই নির্মাণ কৰা ৩০০বিছনাযুক্ত সৰুসজাইৰ ক’ভিড চিকিৎসালয় মুকলি কৰাৰ বাবে পূৰ্ণ প্ৰস্তুতি চলাইছে জিএমচিএইচৰ অধ্যক্ষৰ লগতে সকলো আন কৰ্মীসকলে। চিকিৎসালয়খনত ৬০গৰাকী প’ষ্ট এমবিবিএছ চিকিৎসকক নিয়োগ কৰাৰ লগতে ২২গৰাকী জিএমচিএইচৰ ষ্টাফ নাৰ্চ, ১৮গৰাকী ক’ভিড আইচিইউৰ বিশেষ নাৰ্চকে ধৰি ক’ভিড পৰিস্থিতিক সম্পৰ্কত অভিজ্ঞতা থকা অধীক্ষক নিয়োগ কৰা হ’ব সৰুসজাই এই বিশেষ চিকিৎসালয়ত।লগতে থাকিব পেৰামেডিকেল ষ্টাফ আৰু অন্যান্য সকলো কৰ্মী তথা সহায়ক। ইতিমধ্যেই আইচিইউৰ বিছনাসমূহৰ মনিটৰ, ভেণ্টিলেটৰকে ধৰি সকলো প্ৰয়োজনীয় সামগ্ৰী আৰু আন অত্যাৱশ্যকীয় সকলো মেচিন আহি পাইছে।

 নগৰখন পৰিস্কাৰ – পৰিচন্ন কৰি ৰখাৰ লগতে প্ৰদূষণ মুক্ত নগৰ হিচাপে আদৰ্শ গঢ়ি তোলাৰ উদ্দেশ্য আগত ৰাখি নাজিৰা পৌৰসভা কৰ্তৃপক্ষই এক ব্যতিক্ৰমী পদক্ষেপ গ্ৰহণ কৰিছে । সেই মৰ্মে আজি পুৱা ভাগতে নগৰৰ মাজমজীয়াৰ  চাহ – তামোলৰ ক্ষুদ্ৰ ব্যৱসায়ি গণেশ চাহুয়ে পদপথ তথা ঐতিহাসিক ধোদৰ আলিৰ কাষত জাৱৰ পেলোৱাৰ অপৰাধত জৰিমনা বিহাৰ পৰিৱৰ্তে পৌৰসভাৰ কাৰ্যবাহী বিষয়া তথা দণ্ডাধীশ সুজাতা গগৈ আৰু পৌৰসভাৰ কৰ্মচাৰীয়ে ব্যৱসায়ী চাহুক এখন গামোচা পিন্ধাই আদৰণি জনাই এক প্ৰকাৰে লজ্জানত কৰে আৰু  অনাগত সময়ত এনে কাৰ্য কৰাৰ পৰা বিৰত থাকিবলৈ আহ্বান জনোৱাৰ লগতে সমূহ ব্যৱসায়ী আৰু নগৰবাসী জনগণক নগৰখন পৰিস্কাৰ কৰি ৰাখি প্ৰদূষণ মুক্ত নগৰ হিচাপে আদৰ্শ গঢ়ি তুলিবলৈ অনুৰোধ জনায় । 

দৰং জিলাৰ ছিপাঝাৰ সমষ্টিৰ অন্তৰ্গত কুৰুৱাৰ এটা পৰিয়াল আজি নিথৰুৱা। এমাহঁতে পিতৃ মাতৃক হেৰুৱাই একপ্ৰকাৰৰ নিথৰুৱা হৈ পৰিছে  তিনিগৰাকীকৈ কন্যা সন্তান। ছিপাঝাৰৰ ওপৰ কুৰুৱা গাঁৱৰ নিবাসী তথা পঞ্চায়তৰ প্ৰাক্তন সভানেত্ৰী দিপালি দাসে ১২ মেত চিকিৎসাধীন অৱস্থাত মৃত্যু হয়। ইয়াৰ পিছতে কোভিদ মুক্ত হৈ ঘৰলৈ উভতি অহা দিপালি দাসৰ স্বামী নেপুৰ দাস কিছুদিন পিছত পুনৰ অসুস্থ হয়। আৰু গুৱাহাটীৰ ব্যক্তিগত চিকিৎসালয়ত ভৰ্তি কৰা হয় যদিও কিছুদিন পিছত তেখেতৰ মৃত্যু হয়। যাৰ ফলত এতিয়া দিশহাৰা হৈ পৰিছে পৰিয়ালৰ বৰ্তমানৰ  নিবেদিতা দাস বনশ্ৰী দাস আৰু দর্শনা দাস নামৰ তিনি কন্যা সন্তান। পৰিয়ালৰ লোকে জানিব দিয়ামতে পিতৃ বোৰ্ড অফ চেকেণ্ডেৰী ত কাম কৰিছিল যিহেতু মেট্ৰিক পৰীক্ষা আহি আছে তাৰ কাৰণে পৰীক্ষাৰ বহি বিতৰণ কৰিবলৈ অন্য জিলালৈ গৈছিল তাতে তেওঁ কোৰানত আক্ৰান্ত হৈছিল। ঘৰলৈ অহাত সামান্য জ্বৰ কাহ হোৱাত GMCH ত ভৰ্তি কৰে। তাৰ পিছত আৰু অলপ স্বাস্থ্য ৰ অৱনতি ঘটে আৰু ডক্তৰে cvr lunch infection বুলি কয়। তাৰ পিছত দিছপুৰ পলি ক্লিনিক ৭ দিনমান চিকিৎসা কৰাৰ ফলত কৰুণা নেগতিভে হৈ ঘৰলৈ আহে। ঘৰত যিহেতু তিনিগৰাকী কন্যা সন্তান সেইকাৰণে দেউতাকৰ লগত লাগি আছিল । ইফালে মাকৰ জ্বৰ কাহ হৈছিল ।  চৰকাৰী হস্পিতালত ৰেপিড টেষ্ট কৰাত কভিড ৰিপোৰ্ট নেগতিভে আহিছিল সেইকাৰণে কোনো চিন্তা কৰা নাছিল। দেউতাক ঘৰলৈ অহাৰ কেইদিনমান পিছত মাকৰ মৃত্যু হয়। তাৰ কিছুদিন পিছত দেউতাকৰ lunch infection আৰু অক্সিজেন কম হোৱাৰ ফলত দেউতাকৰ মৃত্যু হয়। মাত্ৰ ২৩ দিনৰ ভিতৰত দুয়োৰে মৃত্যু হোৱাত এতিয়া নিথৰোৱা হৈ পৰিছে তিনি গৰাকী কৈ কন্যা। ৰাজ্য চৰকাৰলৈ এই তিনি গৰাকী কন্যা সন্তানে কাতৰ অনুৰোধ কৰিছে যাতে যোগ্য অনুযায়ী যি কোনো এজনক সংস্থাপনৰ ব্যৱস্থা কৰি দিয়ে। 

তিৱা স্বায়ত্ব পৰিষদৰ সিদ্ধান্ত মৰ্মে প্ৰতিটো তিৱা পৰিষদীয় সমষ্টিত প্ৰথম পৰ্যায়ত বিতৰণ কৰিবলগীয়া মাক্স,চেনিটাইজাৰ আৰু সজাগতামূলক গোহাৰি পত্ৰ ইতিমধ্যে দিবলৈ আৰম্ভ কৰিছে। বুধবাৰ 9 নং দমাল পৰিষদীয় সমষ্টিৰ সদস্য তথা প্রাক্তন মুখ্যকায্যবাহী সদস্য পৱন মান্তাই,গুনামৰা, বুঢ়াগাওঁ,মৰাকলং আদি গাঁৱলৈ গৈ প্ৰায় ছয় হাজাৰ লোকক ক’ভিড প্ৰট’কল বিধিৰ নিয়মানুসাৰে মাক্স, চেনিটাইজাৰ আৰু সজাগতামূলক গোহাৰি পত্ৰ বিতৰণ কৰে। এইক্ষেত্ৰত তেখেতক সহযোগীতা আগবঢ়ায় গুনামৰা ৰাইজৰ লগতে দলীয় কৰ্মীসকলে।