ওদালগুৰি আৰু দৰং জিলা সামৰি লোৱা কলাইগাঁও বিধানসভা সমষ্টিত বৰ্তমান প্ৰাৰ্থীত্ব প্ৰক্ষেপ কৰা প্ৰতিটো ৰাজনৈতিক দলৰ লগতে কেইবাজনো নিৰ্দলীয় প্ৰাৰ্থীয়ে নিৰ্বাচনী প্ৰচাৰ তুংগত কৰি তুলিছে। তাৰ ব্যতিক্ৰম নহয় কৰাইগাঁও বিধানসভা সমষ্টিৰ ৰাইজৰ দলৰ প্ৰাৰ্থী পংকজ অসমীয়াও। দূৰদৰ্শনৰ ধাৰাবাহিকৰ লগতে অভিনয় জগতৰ লগত জড়িত অসমীয়া কৃষক মুক্তি সংগ্ৰাম সমিতিৰ জিলা পৰ্যায়ৰ বিষয়ববীয়াৰ পৰা নতুনকৈ ৰাইজৰ দলৰ পৰা ৰাজনৈতিক জীৱনৰ পাতনি মেলিছে। পংকজ অসমীয়াই কলাইগাঁও বিধানসভা সমষ্টিৰ ইতু মুৰৰ পৰা সিতু মুৰলৈ তীব্ৰতৰ কৰি তুলিছে প্ৰচাৰ অভিযান। প্ৰচাৰ অভিযানৰ মাজতে সাংবাদিকৰ সৈতে হোৱা সাক্ষাৎকাত পংকজ অসমীয়াই কয় – “মইকোনো ধৰনৰ ৰাজনৈতিক মোনাফা আদায় কৰাৰ বাবে বা ক্ষমতাৰ লোভত ৰাজনীতিলৈ অহা নাই মই ৰাইজৰ বিপুল দাবীত ৰাজনীতিলৈ আহিছো আৰু ৰাইজৰ বাবে কাম কৰিবলৈ আহিছোঁ। কলাইগাঁও বিধানসভা সমষ্টিত আজিলৈ শিক্ষা, স্বাস্হ্য খণ্ডৰ উন্নয়নৰ লগতে গৰাখহনীয়া, বানপানী, নিবনুৱাকে বহুতো সমস্যা আছে আৰু সেই সমস্যা বোৰৰ সম্পূৰ্ণ সমাধান আজিলৈকে হৈ উঠা নাই সেয়ে সেই সমস্যা বোৰৰ সমাধানৰ বাবে এজন সবল আৰু শক্তিশালী যুৱ নেতা ৰাইজে বিছাৰিছে আৰু তাৰ বাবে ওলাই আহিছোঁ আৰু ৰাইজৰ সহায় ‌সহয়োগ পাই‌ আনন্দিত হৈছো।”

ওদালগুৰি জিলাৰ ওৰাঙত ২১মাৰ্চত  বি পি এফৰ নিৰ্বাচনী কাৰ্যালয় শুভ উদ্ধোধন  অনুষ্ঠান হৈ যায় ৷ কাৰ্য্যলয়টো শুভ উদ্বোধন কৰে ৭০ নং মাজবাট বিধানসভা সমষ্টিৰ অন্তৰ্গত পাচঁনৈ চেৰফাং সমষ্টিৰ প্ৰাক্তন কাৰ্য্যবাহী সদস্য শ্যাম চুণ্ডীয়ে ৷শুভ উদ্বোধন অনুষ্ঠানটোত মুখ্য অতিথি হিচাপে অংশগ্ৰহণ কৰি ধনশ্ৰী সমষ্টিৰ এম চিএল এ ফ্লেছ মোছাহাৰীয়ে কয়  যে  -এইবাৰ নিৰ্বাচনত ইউ পি পি এল,বিজেপি আৰু জি এছ পিৰ  চৰকাৰ নাথাকিব ৷তেওঁলোকৰ মাজত কোনো বুজা পৰা হোবা নাই ৷তেওঁলোকৰ অবস্থা অতি বেয়া ৷বিজেপি আৰু ইউ পি পি এলে  এইবোৰ নাটক কৰি আছে ৷প্ৰমোদ বড়োবে ৰাইজক দিয়া প্ৰতিশ্ৰুতিবোৰৰ  কোনো এটাও প্ৰতিশ্ৰুতি পালন কৰা নাই ৷কোকৰাঝাৰত চাপ্লাই ,ঠিকা ঠুকুলীৰ নামত ১৫/২০শতাংশ কমিশ্যান সংগ্ৰহৰ  অভিযোগ কৰে মোছাহাৰীয়ে ৷আনকি এম জি এন ৰেগাৰ কামত  ছেয়াৰমেন সকলে চহী মাৰিবলৈ ৩শতাংশ কমিশ্যান সংগ্ৰহ কৰে ৷ এইবোৰ দুৰ্নীতি নহয় নেকী বুলি মোছাহাৰীয়ে ভাষণ প্ৰসংগত উল্লেখ কৰে ৷ বিটিআৰ চুক্তিত একো নাই ৷ বিটিআৰ  চুক্তিৰ মই এগৰাকী চিগনেটৰী হোৱাৰ লগতে মই এজন সদস্য হয় ৷মই কিয় বিপিএফ দলত আহিব লগীয়া হৈছে সেয়া আৰু বহলাই কোৱাৰো প্ৰয়োজন নাই বুলিও তেওঁ ভাষণত কয় ৷মিছা  কথা,মিছা প্ৰলোভন দিয়া বিজেপি চৰকাৰক বহ্মপুত্ৰত দলিয়াই দিব লাগে ৷এইবাৰ মহাজোঁটৰ চৰকাৰ দিশপুৰ হব বুলি ভাষনত উল্লেখ কৰে মোছাহাৰীয়ে৷অনুষ্ঠানটোত ব্লক বিপিএফৰ  সম্পাদক জ্যোতিষ কলিতা,প্ৰাক্তন চেয়াৰমেন  বেনুধৰ অধিকাৰী আদিকে ধৰি বিপিএফৰ বহু নেতা কৰ্মী উপস্থিত থাকে ৷

নাগৰিকত্ব সংশোধনী আইন ২০১৯ বাতিলৰ দাবীত আজি টংলা আঞ্চলিক ছাত্ৰ সন্থাৰ কাৰ্যালয়ৰ সন্মুখৰ পৰা এক বাইক‌ ৰেলি উলিয়াই টংলা চহৰৰ লগতে টংলাৰ নিকতৱৰ্তী বিভিন্ন অঞ্চলত প্ৰতিবাদী কাৰ্যসূচী ৰূপায়ন কৰে।টংলা আঞ্চলিক ছাত্ৰ সন্থাৰ প্ৰতিবাদী বাইক ৰেলীত উপস্থিত থাকে সদৌ অসম ছাত্ৰ সন্থাৰ‌ কেন্দ্ৰীয় সহকাৰী সম্পাদক জয়ন্ত কুমাৰ ভট্টাচাৰ্যৰ লগতে ওদালগুৰি জিলা ছাত্ৰ সন্থা আৰু টংলা আঞ্চলিক ছাত্ৰ সন্থাৰবিষয়ববীয়া সকল। বাইক ৰেলীত অংশগ্ৰহণ কৰি সদৌ অসম ছাত্ৰ সন্থাৰ‌ কেন্দ্ৰীয় সহকাৰী সম্পাদক জয়ন্ত কুমাৰ ভট্টাচাৰ্যই ‌কয় যে,এই নাগৰিকত্ব সংশোধনী আইন খন অসাংবিধানীক , অগণতান্ত্ৰিক । অবৈধ বাংলাদেশী বোজা জাপি দিব খোজা নাগৰিকত্ব সংশোধনী আইন খন আমি অসমৰ জনগণ আৰু সদৌ অসম ছাত্ৰ সন্থাই কেতিয়াও মানি লব নোৱাৰো। বিজেপি নেত্ৰাধিন চৰকাৰ খনে যিখন আইন প্ৰণয়ন কৰিছে এয়া অসমৰ জনগণই কেতিয়াও মানি নলয়।