দৈনন্দিন বাৰ্তাৰ সেৱা, নাজিৰা, ৯ নৱেম্বৰঃ নাজিৰা মহকুমাৰ শিমলুগুৰি সন্মিলিত যুৱ সমাজৰ সপ্তম বাৰ্ষিক প্ৰতিষ্ঠা দিৱসৰ লগত সংগতি ৰাখি শৰতৰ সন্ধিয়া নামাকৰনেৰে এক অনুষ্ঠান শিমলুগুৰি আঞ্চলিক ছাত্ৰ সন্থাৰ কাৰ্যালয়ত অনুষ্ঠিত হয়। সন্মিলিত যুৱ সমাজৰ প্ৰতিষ্ঠা দিৱসৰ শৰতৰ সন্ধিয়াৰ এই অনুষ্ঠানটোত বিশিষ্ট অতিথি হিচাপে অংশগ্ৰহণ কৰে চৰাইদেউ পৰ্বত মধ্য ইংৰাজী বিদ্যালয়ৰ শিক্ষয়িত্ৰী তথা কিৰ্তী শিক্ষকৰ বঁটা লাভ কৰা সুষমা চাংমাই, শিমলুগুৰি আৰক্ষী থানাৰ ভাৰপ্ৰাপ্ত আৰক্ষী বিষয়া  বিজয় দূৱৰা, বনভোজ স্থলী কমলাবাৰীৰ জন্মদাতা নিৰণ গগৈ , আছুৰ শিৱসাগৰ জিলা সমিতিৰ উপদেষ্টা অসীম দত্ত, আছুৰ শিৱসাগৰ জিলাৰ নৱ নিৰ্বাচিত সভাপতি মানৱ হাজৰিকা, উপ-সভাপতি পৰাগ দত্ত, সাংবাদিক অনন্ত কলিতা, মনোজ দত্ত, জয়ন্ত বৰুৱা, দিলীপ হাজৰিকা, চৰিফ আলী, নৱ বৰগোঁহাই, হিউমেন ওৱেল ফেয়াৰ চচাইতিৰ পৰিচালন সঞ্চালক  নাচেৰ খান, শিক্ষক ৰূপম নাৰায়ণ গগৈ আদিয়ে।

প্ৰতিষ্ঠা দিৱসৰ লগত সংগতি ৰাখি অনুষ্ঠিত কৰা শৰতৰ সন্ধিয়া অনুষ্ঠানত অন্তৰংগ আলাপৰ লগতে কেইবাগৰাকীও ব্যক্তিক কভিদ যোদ্ধা আৰু কৰ্মদক্ষতাৰ ওপৰত সন্মান জনাই সম্বৰ্ধনা জনোৱা হয়। অন্তৰংগ আলাপত অংশ লৈ শিক্ষক, সাংবাদিক, আছু নেতা, সমাজসেৱক আদিয়ে সমাজ সচেতনা আৰু নিজা কৰণীয় সন্দৰ্ভত মন্তব্য আগবঢ়াই। আজিৰ এই অনুষ্ঠানটোত সন্মিলিত যুৱ সমাজৰ তৰফৰ পৰা তিনিটা অক্সিজেন চিলিণ্ডাৰ আনুষ্ঠানিক ভাবে আগবঢ়াই।  অনুষ্ঠান টোৰ আঁত ধৰে প্ৰণৱজ্যোতি দত্তই আৰু সমগ্ৰ অনুষ্ঠানটোৰ আয়োজন আৰু পৰিচালনা কৰে সন্মিলিত যুৱ সমাজৰ পৰিচালক নেকিবুল হকে। 

দৈনন্দিন বাৰ্তাৰ সেৱা, বৰপেটা, ৮ নৱেম্বৰঃ বৰপেটা জিলাৰ সীমান্তবৰ্তী গোৱৰ্দ্ধনাত অসম চৰকাৰৰ শক্তি বিভাগৰ দ্বাৰা স্থাপন কৰা ৩৩/১১ কেভিৰ এটা বিদ্যুৎ উপ-কেন্দ্ৰ আজি হাউছফেদৰ অধ্যক্ষ তথা সৰভোগ সমষ্টিৰ বিধায়ক ৰঞ্জিত কুমাৰ দাসে আনুষ্ঠানিকভাৱে উদ্ধোধন কৰে। এই উপলক্ষে বিদ্যুৎ কেন্দ্ৰটিৰ চৌহদতে অনুষ্ঠিত হোৱা এখন ৰাজহুৱা সভাত ভাষণ দি অসম বিধানসভাৰ প্ৰাক্তন অধ্যক্ষ জনে কয় যে, এই নতুন উচ্চ ক্ষমতা সম্পন্ন বিদ্যুৎ উপ-কেন্দ্ৰটিৰ বাবে বৃহত্তৰ অঞ্চলটোৰ বিদ্যুৎ যোগান পৰিস্থিতিৰ যথেষ্ট উন্নত হব।

মুখ্যমন্ত্ৰী সৰ্বানন্দ সোণোৱাল নেতৃত্বাধীন চৰকাৰে কেৱল প্ৰতিশ্ৰুতি আৰু আশ্বাসেৰে নহয়, ৰাইজৰ স্বাৰ্থত হাতে-কামে কৰি দেখুৱাইছে বুলি তেওঁ দাবী কৰে। সভাত অংশগ্ৰহন কৰি বৰপেটা জিলাৰ উপায়ুক্ত মুনীন্দ্ৰ শৰ্মাই দিয়া ভাষণত এই বিদ্যুৎ কেন্দ্ৰটিয়ে অঞ্চলটোৰ ৰাইজৰ এটা দীৰ্ঘদিনীয়া সমস্যা সমাধান কৰিবলৈ সক্ষম হব বুলি মন্তব্য কৰে। উদ্ধোধনী সভাত অসম বিদ্যুৎ উৎপাদন প্ৰতিষ্ঠানৰ পৰিচালন সঞ্চালক তথা মুখ্য অভিযন্তা (গ্ৰামীণ বিদ্যুতিকীকৰণ) আৰু অসম শক্তি বিতৰণ প্ৰতিষ্ঠানৰ মুখ্য মহাপ্ৰৱন্ধক নিৰ্মলজিৎ দাসো বিশিষ্ট অতিথি হিচাপে উপস্থিত থাকে।

উল্লেখযোগ্য যে বৰপেটা আৰু বাক্সা জিলাৰ সীমান্তবৰ্তী গোৱৰ্দ্ধনাত স্থাপন কৰা এই বিদ্যুৎ কেন্দ্ৰটিয়ে দুয়োখন জিলাৰে ১৮ খনত কৈ অধিক গাওঁ সামৰি লব।  সেইবোৰ হৈছে বাৰাপেটা, লাবদুংগুৰী, ঘোৰামাৰা, মিলন বাজাৰ, কহিতামা, অক্সিগুৰী, আনন্দ বাজাৰ, পালিতা, মাতঙ্গ, গতি, ৰৌমাৰী, দোলাজানী, হাটখোলা, গোৱৰ্দ্ধনা, কালপানী, চৌধুৰী, কুঠলিঝাৰ আৰু ফাটেমাবাদ চাহ বাগিছা আদি।

দৈনন্দিন বাৰ্তাৰ সেৱা, নলবাৰী, ৮ নৱেম্বৰঃ নলবাৰীৰ দুই নম্বৰ খাটা গাঁও পঞ্চায়তত আজি বহুত কেইটা আঁচনিৰ উদ্বোধনী আৰু আধাৰশিলা স্থাপন কৰা হয়। এই আঁচনি সমূহৰ উদ্বোধনী আৰু  আধাৰশিলা স্থাপন কৰে নলবাৰী সমষ্টিৰ বিধায়ক অশোক শৰ্মাই। উদ্বোধনী অনুষ্ঠানৰ পিছত বিধায়ক গৰাকীয়ে নলবাৰীৰ শ্ৰী শ্ৰী বালিলেছা কালি দেৱালয়ত এখন দলীয় সভাত অংশগ্ৰহণ কৰে। সভাত খনত বিধায়ক গৰাকীৰ উপস্থিতিত বহু কেইজন ব্যক্তিয়ে ভাৰতীয় জনতা পাৰ্টিৰ দলত যোগদান কৰে।

দলীয় সভাত আগন্তুক নিৰ্বাচন সম্পৰ্কে নলবাৰী সমষ্টিত ভাৰতীয় জনতা পাৰ্টিৰ পূৰ্বৰ দৰে স্হান অখণ্ড ৰাখিবলৈ  যাত্ৰা আৰম্ভ কৰা বুলি বিধায়ক অশোক শৰ্মাই মন্তব্য প্ৰকাশ কৰে। আজিৰ এই অনুষ্ঠানত বিধায়ক গৰাকীক সহযোগ কৰে নলবাৰী জিলা পৰিষদৰ সভাপতি নিতুল ডেকা সহ পঞ্চায়ত প্ৰতিনিধি তথা ভাৰতীয় জনতা পাৰ্টিৰ কৰ্মী সকলে।

দৈনন্দিন বাৰ্তাৰ সেৱা, কাকপথাৰ, ৮ নৱেম্বৰঃ গৈপানী প্ৰাথমিক বিদ্যালয়ৰ প্ৰাংগনত আজি অসম জাতীয়তাবাদী যুৱ-ছাত্ৰ পৰিষদৰ কাকপথাৰ আঞ্চলিক সমিতিৰ অন্তৰ্গত গৈপানী শাখা সমিতিৰ এখন সাধাৰণ সভা অনুষ্ঠিত হয়। জাতীয়তাবাদী যুৱ-ছাত্ৰ পৰিষদৰ কাকপথাৰ আঞ্চলিক সমিতিৰ সভাপতি অৰূপ কলিতাই সভাপতিত্ব কৰা সাধাৰণ সভাখনৰ উদ্দেশ্য ব্যাখ্যা কৰে উপদেষ্টা সুপ্ৰসাদ শৰ্মাই।

সভাখনত তিনিচুকীয়া জিলা সমিতিৰ সভাপতি সুৰজিত মৰাণ, উপ-সভাপতি সোনমনি চলিহা, সদস্য বিমল চেতিয়া, কাকপথাৰ আঞ্চলিক সমিতিৰ উপদেষ্টা দীপমনি সন্দিকৈ আৰু গৈপানী অঞ্চলৰ গাওঁ বুঢ়া ৰুবুল দহোটীয়া উপস্থিত আছিল।

সভাত উপস্থিত থকা নেতৃত্বই পৰিষদৰ মূল দাবী পূৰ্ণ-স্বায়ত্ব শাসন, দ্বি-নাগৰিকত্ব প্ৰদান, অসমত ইনাৰ লাইন পাৰ্মিট ব্যৱস্থা সন্দৰ্ভত বক্তব্য আগবঢ়ায়। উক্ত সভাতেই  মৃদুল দহোটীয়াক সভাপতি, অসীম গগৈক সাধাৰণ সম্পাদক, লাচিত পানিকাক বিত্ত সম্পাদক, সঞ্জীৱ মুন্দাক ক্ৰীড়া সম্পাদক হিচাপে লৈ গৈপানী শাখা সমিতিখন গঠন কৰে।  

দৈনন্দিন বাৰ্তাৰ সেৱা, খাৰুপেটিয়া, ৮ নৱেম্বৰঃ দৰং জিলাৰ খাৰুপেটিয়া আৰক্ষীৰ বৃহৎ সফলতা। ১০ লাখ টকাৰ জাল নোট সহ এজন যুৱকক গ্ৰেপ্তাৰ কৰিবলৈ সক্ষম হৈছে খাৰুপেটিয়া আৰক্ষীয়ে। এক গোপন সূত্ৰৰ পম খেদি খাৰুপেটিয়া আৰক্ষী থানাৰ ভাৰপ্ৰাপ্ত বিষয়া অভিজিৎ কাকতিৰ নেতৃত্বত যোৱা আৰক্ষীৰ দলে শ্যামটিলাৰ পৰা জব্দ কৰে জালনোট খিনি। শ্যামটিলাৰ আব্বাছ আলীয়ে বিক্ৰী কৰিবলৈ অনা দহ লাখ টকাৰ জাল নোট  জব্দ কৰে আৰক্ষীয়ে।

জালনোট সৰবৰাহ কাৰী যুৱকজন ধুলা আৰক্ষী থানাৰ অন্তৰ্গত মৌছিঠা গলন্ধী হাবি গাঁৱৰ বুলি জানিব পৰা গৈছে। দুষ্ট চক্ৰটোৱে অঞ্চলখনত পূৰ্বৰ পৰাই চলাই আহিছিল জাল নোট সৰবৰাহকাৰী কাৰ্য্য। ধৃত আব্বাছ আলীক খাৰুপেটিয়া আৰক্ষী থানাত 484/20 নং কেছ ৰুজু কৰি ভাৰতীয় দণ্ডাধীশ আইনৰ 489A/ 489D ধাৰা অনুযায়ী মঙ্গলদৈ জেল হাজতলৈ প্ৰেৰণ কৰে।ইউছুফ আলী নামৰ যুৱকজনক পকেট মাৰাৰ অভিযোগত আটক কৰি জেল হাজোতলৈ প্ৰেৰণ কৰে খাৰুপেটিয়া আৰক্ষীয়ে।

দৈনন্দিন বাৰ্তাৰ সেৱা, কাকজান, ৮ নৱেম্বৰঃ সদৌ চুতীয়া জাতি সন্মিলন অসমৰ উদ্যোগত  যোৰহাট জিলা  আৰু তিতাবৰ  চুতীয়া জাতি সন্মিলনৰ যৌথ উদ্যোগত টীয়কৰ কাকজান কৃষ্টি কেন্দ্ৰ প্ৰাংগণত আজি  ৰাজ্যিক ৰাজনৈতিক জাগৰণ অভিৱৰ্তন অনুষ্ঠিত কৰা হয়। চুতীয়া জাতি সন্মিলনৰ জেষ্ঠ কৰ্মকতা গোপী শইকীয়াই পুৱা বন্তি প্ৰজ্বলনেৰে  শুভাৰম্ভ কৰা অনুষ্ঠানটিত পতাকা উত্তোলন কৰে সদৌ চুতীয়া জাতি সন্মিলন অসমৰ  সভাপতি অমিয় কুমাৰ বৰা আৰু যোৰহাট জিলা চুতীয়া জাতি সন্মিলনৰ সভাপতি দিলীপ বৰুৱাই। কাকজান কৃষ্টি কেন্দ্ৰত অনুষ্ঠিত এই সভাখনিত  এটি বৰগীতেৰে সভাখনি আৰম্ভ কৰা হয়। লগতে সদৌ চুতীয়া জাতি সন্মিলন অসমৰ সভাপতি অমিয় কুমাৰ বৰাৰ সভাপতিত্বত এখনি মুকলি সভা অনুষ্ঠিত কৰা হয়।

সাম্প্ৰতিক সময়ত চুতীয়া জাতিক ৰাজনৈতিক দিশত সৱলভাৱে প্ৰতিষ্ঠা কৰিবৰ বাবে এক জাগৰণ সৃষ্টি কৰাৰ প্ৰয়াসেৰে  এই জাগৰণ অভিৱৰ্তন সভা অনুষ্ঠিত কৰে। ইফালে বিৰাম হীনভাৱে ভাতৃ ভগ্নী সংগঠন চুতীয়া যুৱ সন্মিলন অসম, সদৌ চুতীয়া জাতি মহিলা সন্মিলন, সদৌ অসম চুতীয়া ছাত্ৰ সন্থাৰ লগত সহযোগিতাৰে ন্যায্য প্ৰাপ্তিৰ বাবে ধাৰাৱাহিক সংগ্ৰাম চলাই আহিছে যদিও ৰাজনৈতিক পাক চক্ৰত পৰি নিদিষ্ট সামাজিক দিশত পিছ পৰি আছে বুলি চুতীয়া জাতি সন্মিলনৰ কেইবাগৰাকী  ব্যক্তিয়ে মত ব্যক্ত  কৰে।

অভিবৰ্তন সভা খনিত  বিশিষ্ট অতিথি হিচাপে উপস্থিত থাকে  খিলঞ্জীয়া ঐক্য মঞ্চৰ অনুপ চুতীয়াই তেওঁ ভাষণ প্ৰসংগত অসমৰ অন্যতম ভূমিপুত্ৰ চুতীয়া  সকলৰ লগতে ছয়জনজাতিকৰণৰ  ক্ষেত্ৰত ছয়জনগোষ্ঠী ঐক্য বদ্ধ হলে চৰকাৰেও  জনজাতিকৰন কৰিবলৈ বাধ্য হব বুলি সভাত  মন্তব্য আগৱঢ়াই। লগতে চুতীয়া জাতি সন্মিলনৰ বিষয়ববীয়াই সংবাদ মাধ্যমৰে হোৱা  নিৰ্বাচনৰ প্ৰসংগত গৰিষ্ট সংখ্যক ভোটাৰ থকা অসমৰ কেইবাটাও সমষ্টিত চুতীয়া জনগোষ্টীক প্ৰাৰ্থীত্ব কিয় নিদিয়ে বুলি সংবাদ মাধ্যমৰ জৰিয়তে ক্ষোভ প্ৰকাশ কৰাৰ লগতে চুতীয়া জনগোষ্ঠীৰ প্ৰধান অঞ্চল সমূহত আগন্তুক  বিধান সভা নিৰ্বাচনত চুতীয়া জনজাতী লোকক প্ৰাৰ্থীত্ব দিবলৈ আহ্বান জনায়। 

দৈনন্দিন বাৰ্তাৰ সেৱা, ইটাখোলা, ৮ নৱেম্বৰঃ অসম চৰকাৰৰ ভৈয়াম জনজাতি আৰু পিছপৰা শ্ৰেণীৰ কল্যান বিভাগে গোৰ্খা উন্নয়ন পৰিষদৰ কাৰ্যবাহী সদস্যৰূপে নদুৱাৰ অঞ্চলৰ এগৰাকী কৰ্মউদ্যামী ব্যক্তি তথা সমাজ কৰ্মি মতি কুমাৰ নেৱাৰক নিযুক্তি প্ৰদান কৰা খৱৰে নদুৱাৰ অঞ্চলৰ গোৰ্খা ৰাইজৰ লগতে চতিয়া সমষ্টিবাসী উৎফুল্লিত হৈ পৰা দেখা গৈছে। একালৰ শিক্ষক তথা নদুৱাৰ শিক্ষাখণ্ডৰ শিক্ষা সমন্বয়ক নেৱাৰক কিছুদিনৰ পূৰ্বে গোৰ্খা উন্নয়ন পৰিষদৰ কাৰ্যবাহী সদস্য হিচাপে মনোনীত কৰিছিল।

যোৱা ৭ নৱেম্বৰত গুৱাহাটীত আয়োজিত শপত গ্ৰহণ অনুষ্ঠানত নেৱাৰে সাৰ্বভৌমত্ব আৰু অখনণ্ডতা ৰক্ষাৰ শপত গ্ৰহণ কৰে। আনহাতে শপত গ্ৰহণ কৰি নেৱাৰে গোৰ্খা ৰাইজৰ কল্যাণৰ হকে কাম কৰি যোৱাত নিজকে সদায় সষ্টম কৰি ৰাখি কাম কৰি যোৱাৰ প্ৰতিশ্ৰুতি প্ৰদান কৰে। কাৰ্যবাহী সদস্য পদত অধিষ্ঠিত হোৱাৰ পিছতে চতিয়া সমষ্টিৰ বিভিন্ন অনুষ্ঠান-প্ৰতিষ্ঠানে মতি কুমাৰ নেৱাৰক অভিনন্দন জনাইছে।

দৈনন্দিন বাৰ্তাৰ সেৱা, চাংসাৰি, ৮ নৱেম্বৰঃ আজি বিদ্যাভাৰতী পূৰ্বোত্তৰ ক্ষেত্ৰৰ সাধাৰণ সভাখন গুৱাহাটী  চন্দ্ৰপুৰ হাজংবৰীস্হিত বহুমুখী প্ৰকল্পত অনুষ্ঠিত হয়। বন্তি প্ৰজ্বলনৰে সভাৰ কাৰ্যসূচী শুভাৰম্ভ কৰে গুৱাহাটী বিশ্ববিদ্যালয়ৰ উপাচাৰ্য ডঃ প্ৰতাপজ্যোতি সন্দিকৈয়ে। কাৰ্যসূচীৰ আৰম্ভণিতে শংকৰদেৱ বিদ্যা নিকেতন  হাজংবৰীৰ আচাৰ্য আচাৰ্যা, বিদ্যাৰ্থীসকলে বন্দনা  পৰিবেশন কৰি আধ্যাত্মিক পৰিবেশ সৃষ্টি কৰে। শ্ৰদ্ধাঞ্জলি অনুষ্ঠানত বিগত বৰ্ষত দেশ তথা সমাজৰ কল্যাণৰ হকে জীৱন উচৰ্গা কৰা ব্যক্তিসকলৰ স্মৰণ কৰি এক মিনিট মৌন প্ৰাৰ্থনা জনোৱা হয়। ইয়াৰ পাছতে মঞ্চত উপবিষ্ট বিশিষ্ট ব্যক্তিসকলৰ পৰিচয় দাঙি ধৰে বিদ্যা ভাৰতী পূৰ্বোত্তৰ ক্ষেত্ৰৰ সহ সাংগঠনিক সম্পাদক ড০ পৱন তিৱাৰীয়ে।  বিদ্যা ভাৰতীৰ অখিল ভাৰতীয় মন্ত্ৰী আৰু পূৰ্ব্বোত্তৰ ক্ষেত্ৰৰ সাংগঠনিক সম্পাদক ব্ৰহ্মাজী  ৰাওৱে আদৰণি ভাষণ প্ৰদান কৰে।

ৰাওৱে তেওঁৰ ভাষণত  বিদ্যা ভাৰতীৰ পৰিচয় দাঙি ধৰাৰ লগতে প্ৰয়াত শিক্ষাবিদ শান্তনু ৰঘুনাথ শেন্দে সোৱৰনী বঁটা ২০২০ বৰ্ষৰ বাবে  কাঞ্চিকামকোটি বিদ্যা ভাৰতী বিদ্যালয় শ্বিলঙৰ শেখৰৰঞ্জন দাস আৰু একল বিদ্যালয় অভিযান ভাগ  কোকৰাঝাৰ মধু নাৰ্জাৰীক প্ৰদান কৰা হয়। বঁটাত দুয়োকে প্ৰশস্তিপত্ৰ সহ নগদ ২৫০০০ টকাকৈ প্ৰদান কৰা হয়। ইয়াৰ পিছতেই বিদ্যা ভাৰতী পূৰ্বোত্তৰ ক্ষেত্ৰৰ আনুষ্ঠানিক ৱেবছাইট মুকলি কৰা হয়। ড০ জয়কান্ত শৰ্মাৰ সঞ্চালনা অনুষ্ঠিত সভাত  বিশিষ্ট অতিথি সুনিল দেশপাণ্ডে, ড০ পি জে সন্দিকৈয়ে বক্তব্য ৰাখে। আজি সভাত মূখ্য অতিথিৰ বক্তব্য ৰাখি  অখিল ভাৰতীয় সহ সাংগঠনিক সম্পাদক ড০ গোবিন্দ চন্দ্ৰ মহন্তই নতুন শিক্ষা আৰু উত্তৰ পূৰ্বাঞ্চলত বিদ্যাভাৰতীৰ অগ্ৰগতি ওপৰত বিশ্লেষণাত্মক মন্তব্য ৰাখে। নতুন শিক্ষা নীতি ভাৰত কেন্দ্ৰীক শিক্ষা নীতি। এই ভাৰত কেন্দ্ৰীক মূল্যবোধ শিক্ষাৰ জৰিয়তে বিদ্যা ভাৰতীৰ পূৰ্বোত্তৰ চলি থকা সকলো বিদ্যালয়তে চলাবলৈ আজিৰ সভাতেই প্ৰস্তাৱ গৃহীত কৰাৰ বাবে মত পোষণ কৰে।

ইয়াৰ লগতে পূৰ্বোত্তৰৰ  সকলো চৰকাৰৰ লগত আলোচনাৰ মাজৰে এই শিক্ষা নীতি সফল ভাৱে আগবঢ়াই নিবলৈ সক্ষম হব বুলি মন্তব্য কৰে। এই শিক্ষা নীতিৰ জৰিয়তে কৌশল বিকাশৰ মাধ্যমৰে দেশক আত্মনিৰ্ভৰ কৰিব পৰা  যাব। শেষত দেশক এটি সুন্দৰ শিক্ষা নীতি উপহাৰ দিয়া বাবে ভাৰত চৰকাৰক ধন্যবাদ জ্ঞাপন কৰে। বালিকা শিক্ষাৰ ওপৰত বক্তব্য ৰাখি অনিমা শৰ্মাই নাৰী শক্তিৰ উত্থানেই বিদ্যা ভাৰতীৰ অন্যতম মূল লক্ষ্য আৰু মাতৃশক্তিক স্বনিৰ্ভৰশীল কৰা বাবে কৰ্মৰত হৈ আছে বুলি উল্লেখ কৰে। ইয়াৰ লগতে পূৰ্বোত্তৰ ক্ষেত্ৰ বিদ্যা ভাৰতীৰ  বাৰ্ষিক হিচাপ নিকাচ গৃহিত কৰাৰ লগতে আন আন প্ৰস্তাৱ সমূহ আলোচনাৰ অন্তত গৃহিত কৰা হয়। সভাৰ শেষত পূৰ্বোত্তৰ ক্ষেত্ৰৰ সম্পাদক চাঞ্চীৰাম পায়েঙে শলাগৰ শৰাই আগবঢ়ায়।

দৈনন্দিন বাৰ্তাৰ সেৱা, ভূৰাগাওঁ, ৮ নৱেম্বৰঃ শুকুৰবাৰে ৰাজ্য চৰকাৰৰ প্ৰভাৱশালী মন্ত্ৰী হিমন্ত বিশ্ব শৰ্মাই ৰাজহুৱা সভা এখনত সকলোকে দিলে নিজৰ মোবাইল নম্বৰ। পিছে মামাই ফোন কৰিবলৈ নহয়, হোৱাটছ আপ কৰিবলৈহে দিছিল নিজৰ মোবাইল নম্বৰ। কিন্তু এতিয়া মোবাইল নম্বৰ দি বিপদত পৰিছে মামা মানে মন্ত্ৰী হিমন্ত বিশ্ব শৰ্মা।

শনিবাৰে এই কথা আমিনগাঁৱত ৰাজুহুৱাকৈ জনালে মন্ত্ৰী শৰ্মাই। মন্ত্ৰী গৰাকীয়ে ‘মোবাইল নম্বৰ দি এতিয়া বিপদ হৈ গ’ল। খুলিব নোৱাৰা হলো।  ২২ হাজাৰ মেচেজ আহিছে, খুলিব পৰা নাই। কি কৰিম ভাবিয়ে পোৱা নাই, আহিয়েই আছে। বিজেপিৰ প্ৰতি এয়া মৰম। ডেকা ল’ৰা ছোৱালীয়ে ভিডিঅ’ কল কৰি আছে।’