ডিজিটেল ডেস্কঃ ক’ৰবাত যদি বানপানী আন ক’ৰবাত আকৌ ভূমিকম্পৰ জোকাৰণী ৷ চলিত বৰ্ষত বিপদে লগ নেৰা হৈছে জীৱ-কুলৰ ৷ কৰোনা ভাইৰাছৰ আতংকৰ মাজতে তেলেংগানাত বুধবাৰে ধাৰাসাৰ বৃষ্টিপাতৰ ফলত ৩০ জনকৈ লোকে হেৰুৱাই প্ৰাণ। ৰাজ্যখনৰ প্ৰায় সকলোবোৰ স্থানতে বৃষ্টিপাতৰ ফলত বহু বাট-পথ, ঘৰ-দুৱাৰ পানীত ডুব যায়। কেৱল হায়দৰাবাদতে ১৫ জনকৈ লোকৰ মৃত্যু হৈছে আৰু ইয়াৰে ভিতৰত আছিল এটি ২ মহীয়া শিশু আছিল বুলি বাতৰি যোগুতোৱাৰ পৰলৈ জানিব পৰা গৈছে ৷

ডিজিটেল ডেস্কঃ দেশৰ ১১ তম ৰাষ্ট্ৰপতি তথা মহান বিজ্ঞানী ড০ এপিজে আব্দুল কালামৰ আজি অৰ্থাৎ বৃহস্পতিবাৰে ৬৯ সংখ্যক জন্ম বাৰ্ষিকী। ১৯৩১ চনৰ ১৫ অক্টোবৰত ৰামেশ্বৰমত আব্দুল কালামৰৰ জন্ম হৈছিল। মিছাইল মেন খ্যাত এপিজে আব্দুল কালামৰ জন্মবাৰ্ষিকী অনুষ্ঠানত দেশৰ প্ৰধান মন্ত্ৰী নৰেন্দ্ৰ মোদী, গৃহমন্ত্ৰী অমিত শ্বাহ, প্ৰতিৰক্ষা মন্ত্ৰী ৰাজনাথ সিং লগতে সমগ্ৰ দেশবাসীয়ে মহান বিজ্ঞানী গৰাকীক স্মৰণ কৰে।

ডিজিটেল ডেস্কঃ কেন্দ্ৰীয় স্বাস্থ্য মন্ত্ৰালয়ে প্ৰকাশ কৰা তথ্যত জানিব পৰা গৈছে ভাৰতত কোৰোনা ভাইৰাছৰ ফলত ৫ জনৰ আক্ৰান্তৰ মাজত এজন অন্য ৰোগত আক্ৰান্ত এজন লোকৰ মৃত্যু হয়৷ এতিয়ালৈকে মৃত্যু হোৱা লোকৰ মৃত্যুৰ সংখ্যা মুঠ কোৰোনাত মৃত্যু হোৱা লোকৰ ১৭.৯ শতাংশ। এজন ব্যক্তি স্বাস্থ্যৱান ব্যক্তিৰ তুলনাত ইতিমধ্যে বেলেগ ৰোগত আক্ৰান্ত হৈ আছে আছে, তেন্তে তেওঁ কৰোনাৰ পৰা মৃত্যু হোৱাৰ সম্ভাৱনা ১৫ গুণ অধিক। কোৰোনাত সংক্ৰমিত হোৱাৰ পিছত ৰোগীৰ উচ্চ ৰক্তচাপ, ডায়বেটিচ, হৃদযন্ত্ৰ, যকৃত বা বৃক্কৰ ৰোগ থাকে, তেন্তে তেওঁৰ মৃত্যু হোৱাৰ সম্ভাৱনা অধিক হৈ পৰে। চৰকাৰে প্ৰথমবাৰৰ বাবে ভাৰতত কোৰোনাত মৃত্যুৰ লগতে অন্য ৰোগত আক্ৰান্ত হৈ মৃত্যু হোৱা লোকৰ তথ্য মুকলি কৰিছে।

ডিজিটেল ডেস্কঃ আন্তৰ্জাতিক বিত্তীয় পুঁজিৰ এক প্ৰতিবেদন অনুসৰি, বাংলাদেশৰ ব্যক্তি প্ৰতি মুঠ ঘৰুৱা উত্পাদনে ভাৰতক অতিক্ৰম কৰিবলৈ গৈ হৈছে। আন্তৰ্জাতিক মুদ্ৰা নিধিৰ ডব্লিউইঅ’ অনুসৰি, ২০২০ বৰ্ষত বাংলাদেশৰ প্ৰতি জন ব্যক্তিৰ জিডিপি ৮ শতাংশৰ বৃদ্ধি হৈ ১,৮৮৮ ডলাৰ হব বুলি আশা কৰা হৈছে। আনহাতে ভাৰতৰ প্ৰতি জন ব্যক্তিৰ জিডিপি ১০.৩ শতাংশৰ হ্ৰাসেৰে ১,৮৭৭ ডলাৰ হব বুলি আশা কৰা হৈছে। ভাৰতবৰ্ষৰ এই সংখ্যা বিগত চাৰি বছৰৰ ভিতৰত আটাইতকৈ নিম্নতম। আইএমএফে চলিত বছৰ ভাৰতৰ জিডিপি ১০.৩ শতাংশ হ্ৰাস পাব বুলি মন্তব্য কৰিছে।

ডিজিটেল ডেস্কঃ যোৱা বৰ্ষৰ ৪ আগষ্টত জম্মু কাশ্মীৰক দুটা ভাগত ভাগ কৰাৰ লগতে বিশেষাধিকাৰ লৈ লোৱাৰে পৰা প্ৰাক্তন মুখ্যমন্ত্ৰী মেহবুবা মুফতিক গৃহবন্দী কৰিছিল চৰকাৰে ৷ অৱশেষত ১৪ মাহৰ পাছত মুকলি আকাশৰ তললৈ ওলাই আহিল জম্মু কাশ্মীৰৰ প্ৰাক্তন মুখ্যমন্ত্ৰী মেহবুবা মুফতি ৷ এই কথা সদৰী কৰিছে জম্মু কাশ্মীৰৰ চৰকাৰৰ প্ৰবক্তা ৰোহিত কঞ্চলে ৷ মুক্তিৰ পিছতেই মেহবুবাই কয় যে “দিল্লীয়ে ৫ আগষ্টত অবৈধ আৰু অগণতান্ত্ৰিকভাৱে আমাৰ পৰা কি কি লৈছিল এতিয়া সেয়া মনত পেলোৱাৰ সময় ৷ মই যি হেৰুৱালো সেয়া মোক পুনৰ লাগে ৷” গৃহবন্দীৰ পৰা মুক্তি লাভ কৰিয়ে টুইটাৰ জৰিয়তে মুফতিয়ে কয় ‘‘মই প্ৰায় এবছৰতকৈ অধিক সময় গৃহবন্দী হৈ থাকিলো। ২০১৯ ৰ ৫ আগষ্টৰ সেই ক’লা দিনটোৱে মোৰ হৃদয় আৰু আত্মাক সদায় বিন্ধি থাকে। মই জানো মোৰ দৰে পৰিস্থিতি জম্মু কাশ্মীৰীৰ প্ৰায় জনতাৰে হৈছে। কাৰণ সেই দিনটোৰ স্মৃতি কোনেও পাহৰিব নোৱাৰে’’ ৷