দৈনন্দিন বাৰ্তা ডেস্ক :

সংগীত জগতত নিজকে প্ৰতিষ্ঠা কৰাৰ পাছত এইবাৰ ৰাজনীতিত ভাগ্য নিৰ্ধাৰণৰ চেষ্টা কৰিছে ৰেপাৰ কাইনি ৱেষ্টে ৷ স্থানীয় সময় অনুসৰি শনিবাৰে আমেৰিকাৰ স্বাধীনতা দিৱসৰ দিনা তেওঁ টুইটাৰত লিখে, ঈশ্বৰক বিশ্বাস কৰি আমেৰিকাৰ প্ৰতি প্ৰতিজ্ঞাক মই বুজি পাও, ভৱিষ্যতৰ তৈয়াৰৰ কাৰণে আমাৰ লক্ষ্য একত্ৰিত কৰা হ’ব ৷ মই ৰাষ্ট্ৰপতি পদত যুঁজ দিম ৷ হাছটেগ ২০২০ ভিছন শ্ল’গান দি টুইট প’ষ্ট শেষ কৰিছে ছোছেলাইট কিম কাৰ্ডেছিৱানৰ স্বামীয়ে ৷ ইয়াৰ আগেয়েও শিল্পীজনে কেইবাবাৰো ৰাষ্ট্ৰপতি পদত যুঁজ কৰিবলৈ ইচ্ছা প্ৰকাশ কৰিছিল ৷ ডোনাল্ড ট্রাম্পৰ সমর্থক কাইনিয়ে অৱশ্যে তেওঁৰ সমালোচকৰ কাষত পৰিষ্কাৰ কৰিছে যে ৰাজনীতিত নমাৰ কাৰণে যে তেওঁৰ সংগীত জীৱন শেষ হৈ যাব তাৰ কোনো মানে নাই ৷ তেওঁ ৰাষ্ট্ৰপতি পদত যুঁজ দিবলৈ কোন দলৰ প্ৰাৰ্থী হ’ব বা নিৰ্দলীয় হ’ব সেই বিষয়ে মুকলিকৈ প্ৰকাশ কৰা নাই ৷ আনকি ভোট যুদ্ধৰ বাবে নির্দিষ্ট কাগজপত্র দাখিল কৰাৰ ক্ষেত্ৰত একো কৰা নাই ৷ শনিবাৰে তেওঁৰ সেই টুইট প’ষ্ট আপলোড হোৱাৰ পাছত ‘লাইক’ৰ সংখ্যা তৎক্ষণাত বহু বৃদ্ধি পায় ৷ ইতিমধ্যে আঢ়ৈ লাখৰো অধিকে ৰিটুইট কৰিছে আৰু পাঁচ লাখে ‘‌লাইক’‌ কৰিছে ৷

দৈনন্দিন বাৰ্তা ডেস্ক :

বিশ্বৰ সকলোতকৈ ডাঙৰ ক’ৰোনা চিকিৎসালয়খন দেশৰ ৰাজধানী দিল্লীত গঢ়ি তোলা হৈছে ৷ এই চিকিৎসালয়খন দীঘলে ১৭০০ ফুট, বহলে ৭০০ ফুট। প্রায় ২০খন ফুটবল ষ্টেডিয়ামৰ সমান। মাত্ৰ ১২ দিনত এখন চাদৰ তলত ১০ হাজাৰ বিচনাৰে সাজু কৰে প্ৰতিৰক্ষা সংক্ৰান্তীয় গৱেষণাৰ চৰকাৰী প্ৰতিষ্ঠান ডিআৰডিঅ’ অৰ্থাৎ ডিফেন্স ৰিচাৰ্চ এণ্ড ডেভেলপমেণ্ট অ’ৰ্গেনাইজেচনে৷ ৰাজধানী দিল্লীত বিশ্বৰ সকলোতকৈ ডাঙৰ ক’ৰোনা চিকিৎসালয়- চৰ্ডাৰ পেটেল ক’ভিড কেয়াৰ চেণ্টাৰ এণ্ড হাস্পতাল ৷ দিল্লীৰ লেফটেনেণ্ট গবৰ্ণৰ অনিল বৈজালে দেওবাৰে এই চিকিৎসালয়খন আৰম্ভ কৰে ৷ চিকিৎসালয়খন কেন্দ্ৰীয় গৃহমন্ত্ৰী অমিত শ্বাহ আৰু প্ৰতিৰক্ষা মন্ত্ৰী ৰাজনাথ সিঙে পৰিদৰ্শন কৰে ৷ দক্ষিণ দিল্লীৰ ইন্দিৰা গান্ধী আন্তৰ্জাতিক বিমান বন্দৰৰ কাষৰ ভূমিত প্ৰতিৰক্ষা মন্ত্ৰালয়ৰ অধীনত অস্থায়ীভাৱে এই চিকিৎসালয়খন গঢ়ি তোলা হৈছে ৷ ইয়াত ৫০খন বিচনাৰে মুঠ ২০০ খনকৈ বেলেগে বেলেগে ৰখা হৈছে ৷ ইয়াত মুঠ ১০ হাজাৰ বিচনা আছে৷ তাৰ মাজতে ২৫০ টা আইচিইউৰ ব্যৱস্থা আছে ৷ আনহাতে ১০ শতাংশ অৰ্থাৎ ১০০০ বিচনাত অক্সিজেন দিব পৰা যাব ৰোগীক৷ চিকিৎসালয়খনত দিল্লী আৰু নেচনেল কেপিটেল ৰিজিৱন (এনচিআৰ)ৰ বাসিন্দাসকলে পৰিসেৱা পাব ৷ এই কথা দিল্লীৰ লেফটেনেণ্ট গবৰ্ণৰ অনিল বৈজালে জনায় কয় যে চিকিৎসক, নাৰ্চৰ লগতে মানসিকভাৱে ভাঙি পৰা ক’ৰোনা আক্ৰান্তৰ বাবে কাউন্সিলিঙৰ ব্যৱস্থা ৰখা হৈছে ৷ তাত থাকিব মনোৰোগ বিশেষজ্ঞও ৷

দৈনন্দিন বাৰ্তা ডেস্ক :

গৰমত গলিছে হিমালয়ৰ বৰফ ৷ তাৰ ফলত চীনত উৎপত্তি হোৱা গলৱান নদীৰ জলস্তৰ বাঢ়িছে৷ বৰফ-ঠাণ্ডা জলস্তৰ ক্ৰমান্বয়ে বাঢ়ি আছে ৷ পূৱ লাডাখৰ গালৱান উপত্যকাৰ যি অংশ চীনে দখল কৰিছে তাৰ পৰা পাঁচ কিলোমিটাৰ পৰ্যন্ত প্লাৱিত হৈ পৰিছে ৷ ফলত সেই ঠাইত সমস্যাত পৰিছে তাত মোতায়েন কৰা পিএলএৰ জোৱান৷ চীন সেনাৰ এক শীর্ষস্থানীয় কমাণ্ডাৰে কয়, বৰফ গলিছে দ্ৰুত হাৰত৷ নদীৰ তীৰ এতিয়া খুউব বিপদজনক ৷ তেওঁ লগতে কয়, বৰফ গলাৰ কাৰণে নদীৰ জলস্তৰ বাঢ়ি গৈছে গালৱানত৷ গোগৰা, হট স্প্ৰিংছ আৰু পেংগং ছো অঞ্চলত পিএলএৰ বৰ্তমান অৱস্থান ধৰি ৰখা কঠিন হ’ব ৷ তেওঁৰ এই কথাই ইংগিত দিছে যে দ্বিপাক্ষিক বৈঠকত সম্ভৱ নহ’ল, ভাৰতীয় সেনাবাহিনী এতিয়াও সফল হোৱা নাই পিএলএক আঁতৰাই পঠোৱাত ৷ সেই কাম হয়তু কৰিব পাৰে প্ৰকৃতিয়ে ৷ প্ৰাণ বচাবলৈ নিজৰ বৰ্তমান অৱস্থানৰ পৰা পিছুৱাই যাব পাৰে পিএলএ ৷

দৈনন্দিন বাৰ্তা প্ৰতিবেদন

কোৱাৰেণ্টাইন পৰ্বত হোটেলত চলিছে উদ্দাম যৌনতা ৷ কোনোও এবাৰো ভুলতে হেৰুৱাব বিচৰা নাই৷ এনে অৱস্থাৰ সৃষ্টি হৈছে অষ্ট্ৰেলিয়াৰ একাধিক চহৰত ৷ উল্লেখ্য যে মেলবৰ্ণত ভয়ানকভাৱে বৃদ্ধি পাইছে ক’ৰোনাৰ সংক্ৰমণ ৷ কিন্তু তাত মনা নাই কোৱাৰেণ্টাইনৰ নিয়ম৷ যৌৱনতাত মছগুল বহুজন ৷ তাকে লৈ তদন্ত আৰম্ভ কৰিবলৈ নিৰ্দেশ দিছে অষ্ট্ৰেলিয়াৰ প্ৰধানমন্ত্ৰীয়ে৷ অষ্ট্ৰেলিয়াত জুন মাহৰ পৰা ক’ৰোনা সংক্ৰমণ বৃদ্ধি পাইছে৷ ইয়াৰ বাবে দুটা বিষয়ক দায়ী কৰিছে দেশখনৰ প্ৰশাসনে৷ তাৰে প্ৰথমটো হ’ল মানুহ ঘুৰি আহিছে৷ তেওঁলোকক বাধ্যতামূলকভাৱে বিভিন্ন হোটেলত কোৱাৰেণ্টাইনত ৰখা হৈছে ৷ দ্বিতীয়তে কোৱাৰেণ্টাইনৰ সুবিধা লৈ চলিছে যৌৱনৰ বাসনা ৷ সম্প্ৰতি সমীক্ষাত দেখা গৈছে  যে অষ্ট্ৰেলিয়াৰ বেছিভাগ মানুহে লকডাউনৰ সময়ত যৌৱনতাত মগ্ন হয় ৷ উল্লেখ্য যে অষ্ট্ৰেলিয়াত ১৪ দিনৰ বাবে কোৱাৰেণ্টাইন বাধ্যতামূলক ৷ কিন্তু হোটেলবোৰত কোৱাৰেণ্টাইনৰ কোনো গাইডলাইন মনা নাই ৷ ফলত হোটেলবোৰৰ বিৰুদ্ধে কঠোৰ পদক্ষেপ ল’বলৈ কৈছে প্ৰশাসনে৷ মন কৰিব লগা যে মেলবৰ্ণৰ এখন নামী হোটেলত এদিনতে ৩১জন ক’ৰোনা পজিটিভ চিহ্নিত হয় ৷ আন হোটেলটো বহু ধৰা পৰিছে৷ প্ৰত্যেকে স্বীকাৰ কৰিছে যে কোৱাৰেণ্টাইনত থকাৰ সময়ত তেওঁলোক নিজৰ যৌৱনতাত ব্যস্ত ৷ অষ্ট্ৰেলিয়াৰ প্ৰধানমন্ত্ৰী স্কট মৰিছনে জনাইছে যে এই ঘটনাৰ দোষী প্ৰমাণিত হ’লে উপযুক্ত  শাস্তি দিয়া হ’ব ৷