বিশ্ব পৰিৱেশ দিৱস উপলক্ষে ভাৰতীয় ৰাষ্ট্ৰীয় ছাত্ৰ সংগঠন (এন এছ ইউ আই), কামৰূপ মহানগৰ শাখাৰ উদ্যোগত অসম ভিত্তিত এক অনলাইন চিত্ৰাংকন প্ৰতিযোগিতা আয়োজন কৰা হয়। দিহিং পাটকাই অভয়াৰণ্যৰ কয়লা খননক বিষয় হিচাপে লৈ আয়োজন কৰা প্ৰতিযোগিতাখনত অসমৰ মুঠ ১০০০ত কৈয়ো অধিক প্ৰতিযোগীয়ে অংশগ্ৰহণ কৰে। দুটা শাখাত বিভক্ত প্ৰতিযোগিতাখনত অষ্টম, নৱম আৰু দশম শ্ৰেণীৰ বাবে এটা আৰু একাদশৰ পৰা স্নাতক পৰ্যায়লৈ এটা শাখাত অনুষ্ঠিত কৰা হয়। ঘোষণা কৰা ফলাফল অনুসৰি বিদ্যালয় পৰ্যায়ৰ শাখাত প্ৰথম স্থান লাভ কৰিছে গুৱাহাটী পাব্লিক স্কুলৰ বনস্মিতা কাশ্যপে আৰু দ্বিতীয় স্থান লাভ কৰিছে গ্লেচিয়াৰ স্কুলৰ শশাংকৰ দাসে। একেদৰে মহাবিদ্যালয় পৰ্যায়ৰ শাখাত প্ৰথম স্থান লাভ কৰিছে গুৰুকুল গ্ৰামাৰ চিনিয়ৰ চেকেণ্ডাৰী স্কুলৰ ইশা গগৈ আৰু দ্বিতীয় স্থান লাভ কৰিছে এন আই টি শিলচৰৰ ছাত্ৰ ইমন কলিতাই।
