কোকৰাঝাৰ লোকসভা সমষ্টিত বি,পি,এফ দলে কাক টিকট প্ৰদান কৰিব প্ৰমীলা – খাম্ফ -পৃথ্বী ৰাজক দলৰ মাজত চৰ্চা সমাগত লোকসভা নিৰ্বাচন ২০২৪ দিন কেন্দ্ৰীয় নিৰ্বাচনী আয়োগে দিন অদ্যাপী ঘোষণা কৰা নাই।
তথাপি ৰাষ্ট্ৰীয় ৰাজনৈতিক দল বিজেপি ,কংগ্ৰেছ,আপ, আদিৰ লগতে ৰাজ্য সমূহৰ আঞ্চলিক দল সমূহেও নিজা নিজা দলৰ প্ৰাৰ্থীত্বৰ টিকট প্ৰদান কৰাকলৈ ব্যপক ভাবে তৎপৰ হৈ পৰিছে দলৰ হাইকামাণ্ড তথা দলীয় নেতা কর্মীৰ মাজত ।ঠিক অনুৰূপ ধৰণেৰে অসমত বিজেপি দলে নিজাববীয়াকৈ মুঠ ১৪খনকৈ আসনত ভিতৰত ১১খনকৈ আসনত প্ৰতিদ্বন্দিতা কৰা প্ৰাৰ্থীৰ নাম ইতিমধ্যেই ঘোষণা কৰিছে।যদিও বাকী ৩খনকৈ আসন অগপ আৰু ইউ পিপি এল দলক এৰি দিছে। বাকী কংগ্ৰেছ, আপ ,বিপিএফ এ আই ইউ ডি এফ , আদি কৰি অন্যান্য ৰাজনৈতিক দল সমূহেও অহা সপ্তাহ অৰ্থাৎ ২০ মাৰ্চৰ ভিতৰত প্ৰাৰ্থীত্ব প্ৰদান কৰাৰ পূৰ্ণ সম্ভাৱনা আছে। প্ৰণিধানযোগ্য যে বিটিআৰৰ কোকৰাঝাৰ জনজাতি সংৰক্ষিত লোক সভা সমষ্টিৰ বিপিএফ দলৰ হাগ্ৰামা মহিলাৰী নেতৃত্বাধীন দলে

আগন্তুক নিৰ্বাচনৰ বাবে তিনিজন প্ৰাৰ্থী ক্ৰমে প্ৰমিলা ৰাণী ব্ৰহ্ম, খাম্ফা বৰগয়াৰী, পৃথ্বিৰাজ দেৱ নাৰায়ণ মেচৰ নাম ইতিমধ্যে পেনেলত ৰাখিছে যদিও উক্ত লোকসভা সমষ্টিটোৰ অধীনৰ বিধানসভা সমষ্টি ক্ৰমে গোসাঁইগাও ,কোকৰাঝাৰ পূৱ,(জনজাতী সংৰক্ষিত) কোকৰাঝাৰ পশ্চিম (জনজাতি সংৰক্ষিত) ছিদলী (জনজাতি সংৰক্ষিত ) বিজনী,তামুলপুৰ ,বৰমা (জনজাতি সংৰক্ষিত) চাপাগুৰি (জনজাতি সংৰক্ষিত) আৰু নৱ গঠিত ২১ নং মানস বিধান সভা সমষ্টিত সম্প্ৰতি বি পি এফ দলৰ পৰা কোনে টিকট লাভ কৰিব তাক লৈ দলটোৰ মাজত মুকলিকৈ চৰ্চা আৰম্ভ হৈছে বুলি এক দলীয় সূত্ৰে জানিব পৰা গৈছে । উল্লেখযোগ্য যে প্ৰমীলা ৰাণী ব্ৰহ্ম য়ে বিগত লোকসভা নিৰ্বাচনত তথা বিধান সভা নিৰ্বাচনত পৰাজিত প্ৰাৰ্থী আৰু বিটিচিৰ প্ৰাক্তন উপপ্ৰধান খাম্ফা বৰগয়াৰীয়ে বিগত পৰিষদীয় নিৰ্বাচনত চিৰাংদুৱাৰ সমষ্টিৰ পৰা পৰাভূত হৈছিল ইউ পিপি এল দলৰ হাতত ।গতিকে প্ৰমীলা অথবা খাম্ফাক দলে

টিকট প্ৰদান কৰে তেন্তে বিপিএফৰ দলৰ শক্তি দুৰ্বল হোৱাৰ সম্ভাৱনা প্ৰকট কিয়নো দুয়োজনেও পূবতে নিৰ্বাচনত পৰাভূত হোৱা প্ৰাৰ্থী আছিল। আনহাতে বিপিএফৰ অন্য এগৰাকী প্ৰাৰ্থীত্ব প্ৰয়াসী বিটিআৰবাসীৰ জনপ্ৰিয় ,উদীয়মান যুৱক তথা ভাৰত চৰকাৰ বনাম এন ডি এফ বিৰ মাজৰ তৃতীয় বড়ো শান্তি চুক্তিকাৰীৰ মধ্যস্থতাকাৰী পৃথ্বীৰাজ নাৰায়ণ দেৱ মেচ। পৃথিৰাজে বিগত সময়ৰ পৰা বৰ্তমানৰ লৈকে বিপিএফ দলৰ লগতে বিটিআৰৰ বাসী জনগণৰহকে ভিন্ন সামাজিক কৰ্মৰাজিৰৰে অতি কম দিনৰ ভিতৰতে চকুৰ মণি হৈ পৰিছিল। সেই বাবেই কোকৰাঝাৰ লোক সভা (জনজাতি সংৰক্ষিত) সমষ্টিৰ অধীনস্থ মুঠ দহটাকৈ বিধান সভা সমষ্টিৰ ভিতৰতে কোকৰাঝাৰ পূৱ, কোকৰাঝাৰ পশ্চিম,ছিদলী, বিজনী আদিকে কৰি আঠটাকৈ সমষ্টিতে দলীয় কৰ্মীৰ মাজত পৃথিৰাজৰ নামটো বহুত ভাৱে চৰ্চিত হৈছে মুকলিকৈ।অন্য হাতে বিপিএফৰ হাইকামাণ্ডে আগন্তুক কোকৰাঝাৰ লোক সভা (জনজাতি সংৰক্ষিত) সমষ্টিত প্ৰমীলা, খাম্ফা আৰু পৃথ্বিৰাজৰ ভিতৰত কাক টিকট প্ৰদান কৰিব সেয়া সময়তহে লক্ষ্যনীয় হৱ।

১০০০ নমো ড্ৰোন দিদিক ড্ৰোন অৰ্পণ কৰিলে প্ৰধানমন্ত্ৰী মোদীয়ে

ড্ৰোন দিদিসকল আৰু লাখপতি দিদিসকলে সফলতাৰ নতুন অধ্যায়ৰ চিত্ৰনাট্য ৰচনা কৰিছেঃ মোদী

প্ৰধানমন্ত্ৰী নৰেন্দ্ৰ মোদীয়ে আজি সশক্ত নাৰী-বিকশিত ভাৰত কাৰ্যসূচীত অংশগ্ৰহণ কৰি নতুন দিল্লীৰ পুছাস্থিত ভাৰতীয় কৃষি গৱেষণা প্ৰতিষ্ঠানত নমো ড্ৰোন দিদিসকলে পৰিচালনা কৰা কৃষি ড্ৰোন প্ৰদৰ্শন প্ৰত্যক্ষ কৰে। দেশজুৰি ১০টা ভিন্ন স্থানৰ পৰা নমো ড্ৰোন দিদিসকলেও একেলগে ড্ৰোন প্ৰদৰ্শনত অংশগ্ৰহণ কৰে। এই কাৰ্যসূচীৰ সময়ত প্ৰধানমন্ত্ৰীয়ে এহেজাৰ নমো ড্ৰোন দিদিসকলেক ড্ৰোনো গতাই দিয়ে। প্ৰধানমন্ত্ৰীয়ে প্ৰতিখন জিলাৰ বেংকে স্থাপন কৰা বেংক লিংকেজ কেম্পৰ জৰিয়তে ৰাজসাহায্যযুক্ত সুতৰ হাৰত আত্মসহায়ক গোটসমূহক প্ৰায় ৮ হাজাৰ কোটি টকাৰ বেংক ঋণ প্ৰদান কৰে। লগতে প্ৰধানমন্ত্ৰীয়ে আত্মসহায়ক গোটসমূহক প্ৰায় ২,০০০ কোটি টকা মুলধনীকৰণ সহায়ক পুঁজি প্ৰদান কৰে। প্ৰধানমন্ত্ৰীয়ে হিতাধিকাৰীসকলৰ সৈতেও মত বিনিময় কৰে।

এই উপলক্ষে আগবঢ়োৱা ভাষণত প্ৰধানমন্ত্ৰীয়ে আজিৰ অনুষ্ঠানটোক ঐতিহাসিক বুলি অভিহিত কৰে কাৰণ ড্ৰোন দিদিসকলে আৰু লাখপতি দিদিসকল সফলতাৰ নতুন অধ্যায় ৰচনা কৰিছে৷ তেওঁ কয় যে এনে সফল মহিলা উদ্যোগীৰ সৈতে মত বিনিময় কৰিলে তেওঁক দেশৰ ভৱিষ্যতৰ প্ৰতি আত্মবিশ্বাসেৰে ভৰি পৰে। তেওঁ নাৰী শক্তিৰ দৃঢ়তা আৰু অধ্যৱসায়ক প্ৰশংসা কৰে। ‘এইটোৱে মোক ৩ কোটি লাখপতি দিদি গঢ়াৰ যাত্ৰাত অগ্ৰসৰ হোৱাত আত্মবিশ্বাস দিলে’, তেওঁ কয়।

“যিকোনো সমাজে সুযোগ সৃষ্টি কৰি আৰু নাৰী শক্তিৰ মৰ্যাদা সুনিশ্চিত কৰিহে আগবাঢ়িব পাৰে”, প্ৰধানমন্ত্ৰীয়ে কয়। প্ৰধানমন্ত্ৰী মোদীয়ে কয় যে মাত্ৰ অলপ সমৰ্থনেৰে নৰী শক্তিয়ে সমৰ্থনৰ প্ৰয়োজনীয়তাক অতিক্ৰম কৰি আনৰ সমৰ্থনত পৰিণত হয়। মহিলাৰ বাবে শৌচাগাৰ, চেনিটেৰী পেড, অস্বাস্থ্যকৰ ধোঁৱাময় পাকঘৰ, মহিলাসকলৰ দৈনন্দিন অসুবিধা লাঘৱ কৰিবলৈ পাইপৰ পানী, প্ৰতিজনৰ বাবে জন ধনৰ একাউণ্ট খোল আৰু নাৰীৰ প্ৰতি অপমানজনক ভাষাৰ বিৰুদ্ধে আৰু নাৰী শক্তিৰ প্ৰতি সঠিক আচৰণৰ বিষয়ে শিক্ষিত পুত্ৰ গঢ় দিয়াৰ প্ৰয়োজনীয়তা আদি মহিলা সবলীকৰণৰ বিষয়সমূহৰ ওপৰত লালকিল্লাৰ প্ৰাচীৰৰ পৰা বক্তব্য দিয়া প্ৰথমগৰাকী প্ৰধানমন্ত্ৰী হিচাপে পৰিগণিত হৈছে৷

‘মোদীৰ সংবেদনশীলতা আৰু মোদীৰ আঁচনিসমূহ দৈনন্দিন জীৱনত শিপাই থকা অভিজ্ঞতাৰ পৰাই উন্মেষ ঘটিছে”, প্ৰধানমন্ত্ৰী মোদীয়ে কয়। জীৱনৰ বাস্তৱতাক জীয়াই থকাৰ দৰেই অভিজ্ঞতাই এই সংবেদনশীলতা আৰু আঁচনিসমূহৰ বিষয়ে অৱগত কৰিছে বুলিও তেওঁ কয়। সেইবাবেই, এই আঁচনিসমূহে দেশৰ মাতৃ-কন্যাসকলৰ জীৱনত সহজতা কঢ়িয়াই আনে।

প্ৰধানমন্ত্ৰীয়ে তেওঁলোকৰ জীৱনৰ প্ৰতিটো পৰ্যায়তে নাৰী শক্তি সম্পৰ্কীয় সমস্যাসমূহৰ সমাধানৰ বাবে অনা আঁচনিৰ বিষয়ে কয়। ভ্ৰুণহত্যা বন্ধ কৰাৰ উদ্দেশ্যে বেটি বচাও বেটি পঢ়াও, গৰ্ভৱতী মাতৃৰ পুষ্টিৰ বাবে ৬০০০ টকা, শিক্ষাৰ সময়ছোৱাত সম্পদ নিশ্চিত কৰাৰ বাবে সুকন্যা সমৃদ্ধি, উদ্যোগী ক্ষেত্ৰখনত লাভজনক স্থান লাভ কৰাত সহায় কৰাৰ বাবে মুদ্ৰা যোজনা, প্ৰসূতি ছুটীৰ সম্প্ৰসাৰণ, বিনামূলীয়া চিকিৎসা, সুলভ ঔষধ আৰু মহিলাৰ নামত প্ৰধানমন্ত্ৰী আৱাসৰ ঘৰ পঞ্জীয়ন কৰি মালিকীস্বত্ব বৃদ্ধি কৰাটোৱে পুৰণি মানসিকতাৰ পৰিৱৰ্তন আনিছে। তেওঁ লগতে স্বীকাৰ কৰে যে কৃষিক্ষেত্ৰত ড্ৰোন প্ৰযুক্তিৰ পৰিৱৰ্তনশীল প্ৰভাৱ দেশৰ মহিলাসকলে পৰিচালিত কৰিছে। এজন ড্ৰোন দিদিৰ সৈতে হোৱা মত বিনিময়ৰ কথা সোঁৱৰাই প্ৰধানমন্ত্ৰীয়ে ড্ৰোন দিদিৰ আয়, দক্ষতা আৰু স্বীকৃতিৰ জৰিয়তে সৱলীকৰণৰ অনুভূতিৰ বিষয়ে বিশদভাৱে কয়। নাৰী শক্তিয়ে দেশত প্ৰযুক্তি বিপ্লৱৰ নেতৃত্ব দিব বুলি মোৰ সম্পূৰ্ণ বিশ্বাস আছে, সকলো ক্ষেত্ৰতে মহিলাৰ অগ্ৰগতিৰ কথা উল্লেখ কৰি প্ৰধানমন্ত্ৰীয়ে লগতে কয়। প্ৰধানমন্ত্ৰীয়ে ড্ৰোন দিদিসকলৰ বাবে নতুন পথ মুকলি কৰি গাখীৰ আৰু শাক-পাচলিৰ সামগ্ৰী বজাৰলৈ পৰিবহণ, ঔষধ ডেলিভাৰী ইত্যাদি ক্ষেত্ৰত ড্ৰোন প্ৰযুক্তিৰ সম্প্ৰসাৰণৰ বিষয়ে বিশদভাৱে কয়।

বংগৰ বিষ্ণুপুৰ সমষ্টি এইবাৰ খেলা হবে… কাৰণ পতি বিজেপিৰ, পত্নী তৃণমূল কংগ্ৰেছৰ।হয়, বংগত বিবাহ বিচ্ছেদ হোৱা পতি -পত্নীয়ে লোকসভা নিৰ্বাচন ২০২৪ত একেখন আসনৰ পৰা ইজনে সিজনৰ বিৰুদ্ধে প্ৰতিদ্বন্দ্বিতা কৰিবলৈ আগবাঢ়িছে। দেওবাৰে তৃণমূল কংগ্ৰেছে দলটোৰ প্ৰাৰ্থীৰ তালিকা প্ৰকাশ কৰিছে। তৃণমূলৰ প্ৰাৰ্থী তালিকাত আছে সুজাতা মণ্ডলৰ নাম। সুজাতাই বাংকুৰা জিলাৰ বিষ্ণুপুৰ আসনৰ পৰা তেওঁৰ প্ৰাক্তন স্বামী সৌমিত্ৰ খানৰ বিৰুদ্ধে প্ৰতিদ্বন্দ্বিতা কৰিব।

সৌমিত্ৰ খানে বিজেপিৰ প্ৰাৰ্থী হিচাবে পশ্চিম বংগৰ বিষ্ণুপুৰ সমষ্টিৰ পৰা লোকসভা নিৰ্বাচনত প্ৰতিদ্বন্দ্বিতা কৰিছে। একেদৰে তৃণমূলেও একেখন আসনৰ পৰা প্ৰাৰ্থী সুজাতা মণ্ডলক প্ৰাৰ্থিত্ব প্ৰদান কৰিছে। ফলত সমষ্টিটোত প্ৰাক্তন পতি-পত্নীৰ যুঁজ খন আকৰ্ষণীয় হৈ পৰিব বুলি ধাৰণা কৰা হৈছে। ২০২১ চনৰ বিধানসভা নিৰ্বাচনৰ পূৰ্বে দম্পতীহালৰ বিবাহ বিচ্ছেদ হৈছিল। ইপিনে তৃণমূলে কালি প্ৰাৰ্থী ঘোষণা কৰাৰ পিছতে কংগ্ৰেছে অসন্তুষ্টি ব্যক্ত কৰিছে। কংগ্ৰেছৰ নেতা জয়ৰাম ৰমেশে এক্সত পোষ্ট কৰি কয়, “ভাৰতীয় জাতীয় কংগ্ৰেছে বহুবাৰ পশ্চিম বংগৰ

টিএমচিৰ সৈতে এক সন্মানজনক আসন ভাগ-বতৰাৰ চুক্তি কৰিবলৈ ইচ্ছা প্ৰকাশ কৰিছিল। ভাৰতীয় জাতীয় কংগ্ৰেছে সদায় কৈ আহিছে যে এনে চুক্তি আলোচনাৰ জৰিয়তে চূড়ান্ত কৰিব লাগে, একপক্ষীয় ঘোষণাৰ দ্বাৰা নহয়।” ২০২৪ চনৰ লোকসভা নিৰ্বাচনত তৃণমূলে কমেও আঠজন বৰ্তমানৰ সাংসদক বাদ দিছে আৰু প্ৰাক্তন ক্ৰিকেটাৰ ইউছুফ পাঠান আৰু কীৰ্তি আজাদৰ দৰে কেইবাজনো নতুন মুখক প্ৰাৰ্থিত্ব প্ৰদান কৰিছে।