যদি আপুনি শৰীৰৰ বৰ্ধিত ওজন কমাবৰ কাৰণে কম চৰ্বিযুক্ত আহাৰ খাবলৈ আৰম্ভ কৰিছে আৰু শৰীৰৰ ওজন বৃদ্ধি নহ’বৰ কাৰণে যদি আপুনি ঘিউ, মাখন, পনিৰৰ দৰে চৰ্বিযুক্ত আহাৰ খাবলৈ এৰিছে, তেনেহ’লে আপুনি কিছু সাৱধান হোৱা ভাল। অতি সম্প্ৰতি এটি গৱেষণা হোৱাৰ ফলাফললৈ লক্ষ্য কৰি বিজ্ঞানী সকলে এটি দাবী কৰিছে যে, চৰ্বিযুক্ত আহাৰ আপোনাৰ দীৰ্ঘায়ু লাভৰ কাৰণে জৰুৰী। অৰ্থাৎ যদি আপুনি ঘিউ, মাখনৰ দৰে চৰ্বিযুক্ত খাদ্য বেছিকৈ খাবলৈ লৈছে, তেনেহ’লে আপোনাৰ আয়ুস বাঢ়িব।

অসময়ত মৃত্যুৰ আশংকা

গৱেষণাৰ ফলাফলৰ তথ্য অনুসৰি এই কথা কোৱা হৈছে যে, কম চৰ্বিযুক্ত খাদ্য খোৱাৰ ফলত অসময়ত মৃত্যু হোৱাৰ আশংকা বৃদ্ধি পায় অৰ্থাৎ দীৰ্ঘায়ু লাভৰ বাবে আপুনি মাখন, ঘিউ, কণী, মাছৰ দৰে খাদ্যদ্ৰব্য খাবই লাগিব।

কাৰ্বোহাইড্ৰেটৰ পৰা আঁতৰত থাকক

গৱেষণাৰ এই ৰিপোৰ্টটোৱে দাবী কৰি কৈছে যে, কাৰ্বোহাইড্ৰেট অধিক মাত্ৰাত সেৱন কৰিলে মৃত্যুৰ আশংকা বৃদ্ধি পায়। কানাডাৰ মেক মাষ্টৰ ইউনিভাৰচিটিৰ জ্যেষ্ঠ অধ্যাপক মহশীদ দহখানে কৈছে যে, – ‘চৰ্বিযুক্ত খাদ্য কমকৈ খালে কাৰ্বোহাইড্ৰেটৰ মাত্ৰা বৃদ্ধি পায়।

আমাৰ অধ্যয়নে কৈছে যে – দক্ষিণ এচিয়াৰ দৰে এলেকাৰ বয়োজ্যেষ্ঠ সকলে খাদ্যত অধিক চৰ্বিৰ ব্যৱহাৰ নকৰে বৰং কাৰ্বোহাইড্ৰেট বেছিকৈ সেৱন কৰে। এই অৱস্থা হ’লে কম বয়সতে মৃত্যু ভয় নিশ্চয় বাঢ়িব।

খাদ্যত চৰ্বিৰ ব্যৱহাৰৰ উপকাৰিতা সম্পৰ্কে কৰা গৱেষণাত পাঁচখন মহাদেশৰ প্ৰায় ১ লাখ ৩৫ হেজাৰ মানুহৰ ওপৰত প্ৰায় সাত বছৰ পৰ্যন্ত অধ্যয়ন চলোৱা হৈছিল। এই গৱেষণাৰ সবিশেষ লেনছেট আলোচনীত প্ৰকাশ পাইছিল। অধ্যয়নটোৰ শেষত গৱেসক সকলে এটা কথা কৈছিল যে, এতিয়া খোৱা – বোৱা সম্পৰ্কে মানুহৰ মাজত ভ্ৰান্ত ধাৰণাবোৰ নিশ্চয় দূৰ হ’ব।

কিশোৰী এগৰাকীৰ বয়স ১০-১২ বছৰ হ’লেহে স্তনৰ বিকাশ হ’বলৈ ধৰে। বয়স বাঢ়ি অহাৰ লগে লগে গঠনগত ভাৱে স্তনযুৰিয়ে পূৰ্ণতা লাভ কৰিবলৈ ধৰে। গৰ্ভাৱস্থাত স্তন দুটিয়ে শিশুৰ কাৰণে গাখীৰ উৎপাদনৰ বাবে পৰিপূৰ্ণতা লাভ কৰে। যুৱতী বা মহিলাৰ স্তন প্ৰধানকৈ তিনিটা অংশৰে গঠিত। সেই অংশকেইটা হৈছে- গ্ৰন্থিময় কোষকলা বা পেৰেনকাইমা, মূল বা ভিত্তি তন্তু আৰু ত্বক। স্তনৰ কৰ্কট হ’লে এই তিনিওবিধ অংগ ক্ষতিগ্ৰস্ত হয়। স্তন কৰ্কট এবিধ অতি মৰ্মান্তিক আৰু যন্ত্ৰণাদায়ক ৰোগ। স্তনৰ ভিতৰত নানা ধৰণৰ অৰ্বুদৰ উদ্ভৱ হ’ব পাৰে। সাধাৰণতে শান্ত আৰু দুষ্ট এই দুই ধৰণৰ অৰ্বুদ স্তনৰ ভিতৰত হোৱা দেখা যায়। ধাতুগত প্ৰৱণতা থাকিলে কেতিয়াবা কেতিয়াবা শান্ত অৰ্বুদবোৰ পাছলৈ দুষ্ট অৰ্বুদলৈ পৰিণত হয়। জৰায়ুৰ পাছতেই বেছিভাগ মহিলাৰ ক্ষেত্ৰতে স্তনত কৰ্কট ৰোগ হোৱা দেখা যায়। স্তন গ্ৰন্থিৰ বহিঃস্তকীয় কোষত এইবিধ ৰোগৰ উদ্ভৱ হয়। সচৰাচৰ স্তনত স্কিৰাছজাতীয় কঠিন আৰু দুষ্ট অৰ্বুদ জন্মে। যৌৱনৰ শেষত বা মাজবয়সত, বেছিভাগ ক্ষেত্ৰ্তে ৪০-৫০ বছৰীয়া মহিলাসকলক সাধাৰণতে এইবিধ অৰ্বুদে অধিক আক্ৰমণ কৰা দেখা যায়। স্তনৰ ভিতৰভাগত নাইবা ছালৰ ঠিক তলৰপৰাই কঠিন অৰ্বুদৰ উদ্ভৱ হয় আৰু ক্ৰমান্বয়ে বৃদ্ধি হৈ ছালত সংলগ্ন হৈ পৰে। স্তনৰ ভিতৰত অৰ্বুদ স্থিৰ হৈ পৰে।

অৰ্বুদ স্তনৰ ছালৰ ঠিক তলতে থাকে, ছালৰ বৰণ সামান্য ধোঁৱা বৰণীয়া হয়। ছাল আৰু কলাসমূহত এই অৰ্বুদ খামুচ খাই ধৰাৰ পাছত বেজীয়ে বিন্ধাৰ নিচিনা বিষ হয়। কেচুঁৱাই গাখীৰ খাই থকা মহিলাৰ এই অৰ্বুদ হ’লে অৰ্বুদ কোমল আৰু বিষযুক্ত হয়। দুগ্ধবাহী নলীত এনে অৰ্বুদ হ’লে স্তনবৃন্তৰে তেজমিশ্ৰিত স্ৰাৱ নিঃসৰণ হয়। স্তনবৃন্ত বা স্তনৰ জোঙা আগটো ক্ৰমান্বয়ে ভিতৰলৈ সোমাই যাব ধৰে আৰু এটা সময়ত নাভিৰ দৰে গাঁত হৈ পৰে। ৰোগৰ প্ৰকোপ বা বৃদ্ধি যদি প্ৰতিহত কৰিব পৰা নাযায়, তেন্তে কাষৰ গ্ৰন্থিসমূহো ক্ৰমান্বয়ে স্ফীত, কঠিন আৰু বিষময় হৈ পৰে। আৰু এনেকৈয়ে কাষলতি, পিঠি আৰু বুকুৰ মাজত থকা হাড়ডাল পাৰ হৈ আনটো স্তনলৈকে এই ৰোগ বিয়পি পৰে। স্তন-কৰ্কটৰ অৰ্বুদটো কোনো খোলা বা আৱৰণৰ দ্বাৰা আবৃত নোহোৱা হেতুকে ই ওচৰৰ যিকোনো কলা-কোষলৈকে বিস্তাৰিত হ’ব পাৰে। স্নায়ু-নলী, ৰক্তবাহিকা আৰু লসিকা-প্ৰণালীৰ দ্বাৰা শৰীৰৰ যিকোনো ঠাইলৈকে এই অৰ্বুদ বিয়পিব পাৰে। কাষলতি অঞ্চলৰ লসিকা গ্ৰন্থিসমূহ সহজেই আক্ৰান্ত হয়। ৰোগ লাহে লাহে বাঢ়িবলৈ ধৰে, বিষো ক্ৰমান্বয়ে অসহনীয় হৈ আহে। অস্ত্ৰৰ দ্বাৰা আঘাত কৰাৰ নিচিনা তীব্ৰ যন্ত্ৰণাত ভূগিবলগীয়া হয়। পাছলৈ বিষ আৰু যন্ত্ৰণাৰ বাবে ৰোগিনীয়ে এক মুহূৰ্তও স্বস্তি নাপায় আৰু ভালদৰে টোপনিও নহয়। অৰ্বুদ হঠাতে ফাটি যাব পাৰে আৰু পাছলৈ ছালত ফুটা হৈ গভীৰ ক্ষতৰ সৃষ্টি হয়। সেই ক্ষতৰপৰা অতি তীব্ৰ দূৰ্গন্ধময় ক্লেদ আৰু ৰস নিৰ্গত হ’বলৈ ধৰে। লগতে প্ৰচুৰ পৰিমানে ৰক্তস্ৰাৱো হয়।

এই ক্ষতৰ দাঁতি অসমান, উঠা আৰু বাহিৰলৈ ওলাই অহা ধৰণৰ। তলভাগ কঠিন, টেমুনাৰ দৰে। দেখিলে এনে ভাৱ হয় যেন এই মাত্ৰ ফাটি তেজ ওলাই আহিব! ক্ষতৰ চাৰিওফালে ঘামচিৰ দৰে সৰু সৰু টেমুনা কিছুমানৰ উদ্ভৱ হয়। দেখাত ৰংচুৱা। ক্ষত বাঢ়ি অহাৰ লগে লগে স্তনৰ মাংস ক্ৰমান্বয়ে শুকাই আহিবলৈ ধৰে। চিকিৎসাঃ ৰোগৰ আৰম্ভণীৰেপৰা হোমিঅ’পেথিক বিধান অনুযায়ী সুনিৰ্বাচিত ঔষধাদিৰ দ্বাৰা চিকিৎসা কৰিলে শান্ত অৰ্বুদ দুষ্ট অৰ্বুদলৈ পৰ্যবসিত হ’ব নোৱাৰে। আৰু দুষ্ট অৰ্বুদৰো বৃদ্ধি প্ৰতিহত হৈ আৰোগ্যৰ দিশলৈ উভতি আহে, ক্ষতৰ ৰস-ৰক্ত ক্ৰমশ কমি আহি শুকাবলৈ ধৰে। হোমিঅ’পেথিত স্তন কৰ্কট নিৰাময় কৰিবপৰাকৈ এপিচ মেল, আৰ্চেনিক, বেলেডোনা, কেলকেৰিয়া কাৰ্ব, কাৰ্ব’এনিমেলিচ, কোনায়াম, গ্ৰেফাইটিছ, লেলেছিছ ফছফৰাছ, চিপিয়া আদি শতাধিক ভেষজ আছে। মাথোন ৰোগীৰ মানসিক আৰু সাৰ্বিক লক্ষণ অনুযায়ী প্ৰয়োগ কৰিবপৰাটোহে আচল কথা।