গুৱাহাটী মহানগৰীত পুনৰ মৃতদেহ উদ্ধাৰ
মালিগাঁৱৰ ৰে’লগেট বজাৰৰ সমীপত উদ্ধাৰ অচিনাক্ত মৃতদেহ

স্থানীয় লোকে মৃতদেহ প্রত্যক্ষ কৰি খবৰ দিয়ে আৰক্ষীক
বৰ্তমানলৈকে চিনাক্ত হোৱা নাই মৃত লোকজনৰ পৰিচয়

মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ

অসম আন্দোলনৰ সক্ৰিয় কৰ্মী—
তামুলপুৰ প্ৰেছ ক্লাৱৰ উপদেষ্টা , জ্যেষ্ঠ সাংবাদিক , অৱসৰপ্ৰাপ্ত শিক্ষক দ্বিজেন্দ্ৰ নাথ পাঠকৰ দেহাবসানঃ
অঞ্চল জুৰি শোকৰ ছাঁঃ

তামুলপুৰ মহকুমাৰ অন্তৰ্গত কুমাৰীকাটাৰ খৈৰাবাৰী নিবাসী,অসম আন্দোলনৰ এগৰাকী সক্ৰিয় কৰ্মী ,তামুলপুৰ প্ৰেছক্লাৱৰ প্ৰাক্তন সভাপতি আৰু বৰ্তমানৰ উপদেষ্টা , জ্যেষ্ঠ সাংবাদিক , অৱসৰপ্ৰাপ্ত কৃতি শিক্ষক দ্বিজেন্দ্ৰ নাথ পাঠক আৰু নাই । আজি গুৱাহাটীলৈ চিকিৎসাৰ বাবে নি থকা অৱস্থাত আদবাটতে পুৱাৰ ভাগত তেওঁ শেষ নিশ্বাস ত্যাগ কৰে । মৃত্যুৰ সময়ত তেওঁৰ বয়স আছিল ৭৩ বছৰ। উল্লেখযোগ্য যে বুধবাৰে নিশা তেওঁৰ স্বাস্থ্যৰ অৱনতি ঘটাত বৃহস্পতিবাৰে পুৱাই ১০৮ সেৱাৰে তেওঁক কুমাৰীকাটা ৰাজ্যিক চিকিৎসালয়লৈ নিয়া হয় ।

তেওঁৰ স্বাস্থ্যৰ অধিক অৱনতি হোৱা বাবে উন্নত চিকিৎসাৰ বাবে গুৱাহাটীলৈ প্ৰেৰণ কৰা হয় । কিন্তু আদবাটতে তেওঁ সকলোকে কন্দুৱাই অনন্ত ধামলৈ যাত্ৰা কৰে । তেওঁৰ মৃত্যুৰ বাতৰি বিয়পি পৰাৰ লগে লগে পৰিয়াল , আত্মীয় স্বজন আৰু গুণমুগ্ধসকল শোকত ভাগি পৰাৰ উপৰিও অঞ্চল জুৰি শোকৰ ছাঁ পৰে । তেওঁৰ নশ্বৰ দেহ এখন অম্বুলেন্স সেৱাৰে প্ৰথমে তামুলপুৰ প্ৰেছ ক্লাৱলৈ অনা হয় । তামুলপুৰ প্ৰেছ ক্লাৱত বড়োলেণ্ড সাংবাদিক সন্থাৰ ভাৰপ্ৰাপ্ত সম্পাদক ৰমেন দাস , তামুলপুৰ প্ৰেছ ক্লাৱৰ সম্পাদক গুণজিত দাসকে ধৰি তামুলপুৰ প্ৰেছ ক্লাৱৰ বিষয়ববীয়া সদস্যসকলে প্ৰবীণ সাংবাদিক গৰাকীলৈ অন্তিম শ্ৰদ্ধাঞ্জলি জ্ঞাপন কৰে । ইয়াৰ পিছতেই পাঠকৰ নশ্বৰ দেহ খৈৰাবাৰীস্থিত নিজ বাসগৃহলৈ অনা হয় । পাঠকৰ নশ্বৰ দেহ বাসগৃহ আহি পোৱাৰ লগে লগে অগণন গুণমুগ্ধই তেওঁৰ বাসগৃহত ভিৰ কৰে আৰু সকলোৱে অন্তিম শ্ৰদ্ধাঞ্জলি জনায় । ইয়াৰ উপৰি সদৌ তামুলপুৰ জিলা ছাত্ৰ সন্থা ,কুমাৰীকাটা আঞ্চলিক ছাত্র সন্থা, কুমাৰীকাটা শাখা সাহিত্য সভা , অসম জাতীয়তাবাদী যুৱ ছাত্ৰ পৰিষদৰ কুমাৰীকাটা আঞ্চলিক সমিতি , অসম গণ পৰিষদৰ কুমাৰীকাটা আঞ্চলিক সমিতি , দৰঙাজুলি মণ্ডল বিজেপি , দৰঙ্গাজুলি ব্লক ইউপিপিএল, অসম জাতীয় পৰিষদ বাক্সা জিলা সমিতি , বৈঠাপুতা শাখা সত্ৰ , চাহেবটোপা নামঘৰ , উত্তৰ কুমাৰীকাটা শাখা সত্ৰ , কুমাৰীকাটা আঞ্চলিক যুৱক সংঘ , তামুলপুৰ প্ৰেছ ক্লাৱ আদিকে ধৰি বিভিন্ন দল সংগঠন , অনুষ্ঠান প্ৰতিষ্ঠানে পাঠকলৈ অন্তিম শ্ৰদ্ধাঞ্জলি জ্ঞাপন কৰি এক মিনিট সময় মৌন প্ৰাৰ্থনা জনায় । এক শোকাকুল পৰিবেশত চাহেবটোপা ৰাজহুৱা শ্মশানত তেওঁৰ অন্তেষ্টিক্ৰিয়া সম্পন্ন কৰা হয় । উল্লেখযোগ্য যে দ্বিজেন্দ্ৰ নাথ পাঠক ছাত্র অৱস্থাৰ পৰাই বিভিন্ন সামাজিক কাম কাজৰ লগত জড়িত থকাৰ উপৰি সদৌ অসম ছাত্ৰ সন্থাৰ লগত ওতঃপ্ৰোতভাৱে জড়িত আছিল । তেওঁ অসম আন্দোলনৰ এগৰাকী সক্ৰিয় কৰ্মী, অসম গণ পৰিষদৰ পূৱ কুমাৰীকাটা আঞ্চলিক ৰ সভাপতি, কুমাৰীকাটা শাখা সাহিত্য সভাৰ সম্পাদক, নলবাৰী জিলা সাংবাদিক সন্থাৰ উপ সভাপতি,

তামুলপুৰ প্ৰেছ ক্লাৱৰ দুবছৰৰ বাবে সভাপতিৰ দায়িত্ব পালন কৰাৰ উপৰি উপদেষ্টা হিচাপেও তামুলপুৰ প্ৰেছ ক্লাৱলৈ অৱদান আগবঢ়াইছে । সত্তৰৰ দশকৰ পৰা শিক্ষকতাৰ লগত জড়িত থাকি ২০১৫ চনত তেওঁ গোপীনাথপুৰ প্ৰাথমিক বিদ্যালয়ৰ পৰা অৱসৰ গ্ৰহণ কৰে । আনহাতে ১৯৮৫ চনৰ পৰা অসমৰ সংবাদ ক্ষেত্ৰখনৰ লগত জড়িত থাকি মৃত্যুৰ কেইবছৰমান আগলৈকে অনবদ্য অৱদান আগবঢ়াই থৈ যায় । জানিব পৰা মতে তেওঁ গণ বাতৰি নামৰ কাকতখনৰ যোগেদি সক্ৰিয় সাংবাদিকতাৰ জীৱন আৰম্ভ কৰে । তাৰ পৰৱৰ্ত্তী সময়ত তেওঁ আজিৰ অসম , নতুন দৈনিক , তিনি দিনীয়া পূৰ্বাচল , এদিনৰ সংবাদ , আমাৰ অসম , দৈনিক অসম , সাপ্তাহিক বৰপীঠ , পষেকীয়া আমাৰ দেশ , আজিৰ দৈনিক বাতৰি আদি কাকতৰ উপৰি নিয়মীয়া বাৰ্তাত বহু বছৰ ধৰি সেৱা আগবঢ়ায় । তেওঁৰ মৃত্যুত পৰিয়ালৰ লগতে আত্মীয় স্বজন আৰু গণমুগ্ধ সকল শোকত ম্ৰিয়মান হৈ পৰে । মৃত্যুৰ সময়ত তেওঁ পত্নী , তিনি গৰাকী পুত্ৰ সন্তান আৰু অসংখ্য গুণমুগ্ধক এই সংসাৰত এৰি থৈ যায় । #

শোক প্ৰকাশঃ ইফালে প্ৰবীণ সাংবাদিক গৰাকীৰ মৃত্যুত তামুলপুৰ সমষ্টিৰ বিধায়ক জলেন দৈমাৰী,বাক্সা জিলা সাংবাদিক সন্থা,বাক্সা প্ৰেছক্লাৱ, দৰঙ্গাজুলি সমষ্টিৰ এমচিএল এ বিজিৎ গৌৰা নাৰ্জাৰীকে ধৰি বহু অনুষ্ঠান প্ৰতিষ্ঠানে গভীৰ শোক প্ৰকাশ কৰি শোক সন্তপ্ত পৰিয়াল বৰ্গলৈ সমবেদনা জ্ঞাপন কৰে।