‘এক বৃক্ষ দশপুত্ৰৰ সমান’৷ এয়া ভাগৱতৰ বাণী ৷ মহাপুৰুষ শ্ৰীমন্ত শংকৰদেৱৰ কৰ্মৰাজি আৰু আদৰ্শই যুগে যুগে অসমবাসীক অনুপ্ৰাণিত কৰি আহিছে ৷ গুৰুজনাই দি থৈ যোৱা বাণীক সৰোগত কৰি এজন বনকৰ্মীয়ে প্ৰকৃতি প্ৰেমৰ নিদৰ্শন দাঙি ধৰি আহিছে ৷চহকী কৰাৰ চেষ্টা কৰিছে প্ৰাকৃতিক পৃথিৱীখনক ৷ আধ্যাত্মিক চিন্তা-চেতনাৰ মাজেৰে জীৱন জীয়াই থকা ত্ৰিগুণ তালুকদাৰ নামৰ বনকৰ্মীগৰাকীৰ জন্ম সূত্ৰে হোজাই যদি বৰ্তমান কলিয়াবৰ বাসিন্দা।কৰ্মসূত্ৰে সম্প্ৰতি তেওঁ বাস কৰি আছে বিশ্বনাথৰ বিহালী সমষ্টিৰ বৰগাঙত ৷মহাপুৰুষ গুৰুজনাই যিদৰে দক্ষিণপাৰৰ পৰা আহি উত্তৰ পাৰৰ গাংমৌ থানত প্ৰায় সাতটা বছৰ অতিবাহিত কৰিছিল, ঠিক সেইদৰে গুৰুজনাৰ আদৰ্শক প্ৰাধান্য দিয়া বনকৰ্মীগৰাকীয়েও গাংমৌ থানত সেৱা আগবঢ়োৱাৰ চেষ্টা কৰিছে ৷বিগত ডেৰটা বছৰে বনকৰ্মীগৰাকীয়ে গাংমৌ থানৰ লগতে বিহালী সমষ্টিৰ বিভিন্ন অনুষ্ঠান-প্ৰতিষ্ঠানত গছপুলি ৰোপন কৰি আহিছে৷অৱসৰলৈ মাজত মাত্ৰ তিনিটা বছৰ থকা বনকৰ্মীগৰাকী সম্প্ৰতি বিভিন্ন ৰোগত আক্ৰান্ত হৈ পৰিছে ৷
যাৰ বাবে সমাজখনত কিবা এটা চিন ৰাখি যোৱাৰ মানসেৰে ৰোপন কৰি আহিছে বকুলকে ধৰি বিভিন্ন গছপুলি৷বনকৰ্মীগৰাকীয়ে ভাবে- সন্তানহীনসকলেও গছপুলিৰ মাজতেই সন্তানৰ সুখ লাভ কৰিব পাৰে ৷একোটা গছপুলি লালন-পালন কৰিয়েই দশপুত্ৰৰ গৌৰৱ লাভ কৰিব পাৰি ৷ লগতে তেওঁ কয় যে- যিসকল লোকে গছ কাটি তহিলং কৰে, তেওঁলোককো গছে ছাঁ দিয়ে । গতিকে গছপুলি ৰোপন কৰাৰ জৰিয়তে এখন সুন্দৰ পৃথিৱী কামনা কৰিছে জ্যেষ্ঠ বন কৰ্মীগৰাকীয়ে।ইয়াৰ ওপৰিও বন কৰ্মী গৰাকীয়ে বিভিন্ন ধৰ্মীয় অনুষ্ঠানত নিজা ব্যক্তি ধন প্ৰদান কৰি নাম নিৰ্মাণ কৰিও এক নিৰ্দেশ দাঙি ধৰিবলৈ সক্ষম হৈছে। বৰ্তমান বৰগাং বনাঞ্চলিক কাৰ্যালয়ত জ্যেষ্ঠ বন পালক এক কাৰ্যনিৰ্বাহ কৰি আই।
