এই প্ৰকল্পটো সমগ্ৰ উত্তৰ-পূৱ ভাৰতত একমাত্ৰ জৈৱিক মৰাপাট উদ্যোগ হিচাপে পৰিগণিত হৈছে যিয়ে অসমৰ প্ৰায় ৫ হাজাৰ লোকক প্ৰত্যক্ষ আৰু পৰোক্ষভাৱে নিযুক্তি প্ৰদান কৰাৰ লগতে স্থানীয় মৰাপাট খেতিয়ক আৰু আনুসাঙ্গিক গোটসমূহৰ বাবে এক গুৰুত্বপূৰ্ণ ভূমিকা গ্ৰহণ কৰি আহিছে।
এই তিনিওটা কোম্পানীৰ প্ৰাৰম্ভিক উৎপাদন ক্ষমতা আছিল দৈনিক ৫ টন আৰু বৰ্তমানে ইয়াৰ লগত উঃ গুৱাহাটীৰ ৰাজহ চক্ৰৰ অন্তৰ্গত মান্দাকাটা স্থিত ডি. জে. এগ্র’ ইণ্ডাস্ট্রিয়েল প্রজেক্ট প্রাইভেট লিমিটেডৰ লগত হোৱাৰ বাবে দৈনিক উৎপাদন ক্ষমতা হৈছেগৈ প্ৰায় ১০০ টন।এই প্ৰতিষ্ঠানটোৱে মান্দাকাটাতো এই ৰূপালী জয়ন্তী উৎসৱ পালন কৰিব বুলি জানিবলৈ দিছে।
২০২০ চনত পৃষ্ঠপোষক শ্ৰী দীপজ্যোতি মহন্ত আৰু শ্ৰীমতী মিলি মহন্তই দীপজ্যোতি আৰু মিলি মহস্ত ফাউণ্ডেচন নামেৰে জনাজাত এটা দাতব্য প্রতিষ্ঠানো আৰম্ভ কৰিছিল যাৰ উদ্দেশ্য হৈছে গ্ৰাম্য, অনুন্নত অঞ্চলত কেন্দ্ৰীভূত বিভিন্ন জনহিতকৰ কাৰ্যকলাপৰ জৰিয়তে অঞ্চলটোৰ আৰ্থ-সামাজিক বিকাশৰ লক্ষ্য ৰাখে, যাতে তাত থকা লোকসকলৰ জীৱনধাৰণৰ মানদণ্ড উন্নত হয়।
বহুতৰে ঘৰত জাতীয় পতাকা আছে। কিন্তু এই পতাকাখন ৰখাৰ সঠিক উপায় সকলোৱে জানেনে? নাজানিলে ৰাষ্ট্ৰীয় পতাকাক সন্মান কৰা নহয়। গতিকে নিয়মবোৰ জানি লওক। মাজত মাত্ৰ কেইটামান দিন বাকী, তাৰ পাছত সমগ্ৰ দেশতে উদযাপন কৰা হ’ব স্বাধীনতা দিৱস। দেশৰ স্বাধীনতা লাভ কৰাৰ ৭৫ বছৰ। গতিকে এই দিনটো বিশেষভাৱে পালন কৰা হ’ব স্বাধীনতা দিৱস। আৰু সেই উপলক্ষে ইতিমধ্যে কেন্দ্রীয় চৰকাৰে কেইবাটাও কার্যসূচী আৰম্ভ কৰিছে৷ ‘আজাদি কা অমৃত মহোৎসৱ’ৰ এটা বিশেষ অনুষ্ঠান হৈছে ‘হৰ ঘৰ ত্ৰিৰংগা অভিযান’। তাত সকলোকে ছ’চিয়েল মিডিয়াৰ প্ৰফাইল ফটো এখন বা ঘৰতে এখন ফটো তুলি ৰাষ্ট্ৰীয় পতাকাক সন্মান কৰিবলৈ কোৱা হৈছে। প্ৰশ্ন হয় আমি জাতীয় পতাকাখন আমি সকলোৱে কোঠাটোত সঠিকভাৱে ৰাখোঁ নে? সকলো নাগৰিকে জাতীয় পতাকাখন যথাযথ শ্ৰদ্ধাৰে ঘৰত ৰাখেনে? জাতীয় পতাকা কেনেকৈ ভাঁজ কৰিব লাগে, বা কেনেকৈ ৰাখিব লাগে বহুতে নাজানে। এইবাৰ কেন্দ্ৰীয় চৰকাৰে আৰম্ভ কৰা ‘হৰ ঘৰ ত্ৰিৰংগা’ অভিযানত জাতীয় পতাকা ভাঁজ কৰি ৰাখিবলৈ শিকোৱা হৈছে। সেই পদক্ষেপবোৰ জানো আহক।
• প্ৰথমে পতাকাখন ক’ৰবাত অনুভূমিক আৰু সমতল ঠাইত ৰাখক।
আজি দেওপানী উচ্চ মাধ্যমিক বিদ্যালয়ৰ পেক্ষাগৃহত এখনি ৰাজহুৱা সভা অনুষ্ঠিত হৈ যায় ৷ আজাদী কা অমিত মহোৎসৱৰ লগত সংগতি ৰাখি হৰঘৰ ত্ৰিৰংগা কাৰ্যসূচী ৰূপায়ণৰ সম্পৰ্কত সচেতনতা আৰু প্ৰসাৰৰ ক্ষেত্ৰত আলোচনা কৰাৰ লগতে বিদ্যালয় খনৰ আন্তগাঠনী তথা শৈক্ষিক দিশটো কিছু আলোচনা অনুষ্ঠিত হয় ৷ সভা খনত সভাপতিত্ব কৰে বিদ্যালয় খনৰ অৱসৰপ্ৰাপ্ত প্ৰধান শিক্ষক মুহী কান্ত বৰুৱাই ৷ বিশিষ্ট অতিথি হিচাবে উপস্থিত থাকে কাৰ্বিআংলং স্বায়ত্ত্বশাসিত পৰিষদৰ নৱ নিযুক্ত কাৰ্যবাহী সদস্য মুকুট মহন্ত ৷
লগতে উপস্থিত থাকে অঞ্চলটোৰ বিশিষ্ট শিক্ষাবিদ সমাজ কৰ্মী ডম্বৰুধৰ গগৈ, সুলভ মহন্ত আৰু তিনিখন গাৱঁৰ চৰকাৰী গাওঁ বুঢ়া ক্ৰমে প্ৰদীপ বৰুৱা, অৰ্খীত তাঁতী, দিপক চৰেন ৷ জানিব পৰামতে প্ৰায় শতাধিক লোক উপস্থিত থকা ৰাজহুৱা সভাতেই কাৰ্যবাহী সদস্য মুকুট মহন্তক বিদ্যালয়ৰ তৰফৰ পৰা এক ৰাজহুৱা ভাৱে সম্বন্ধনা জনোৱা হয় ৷ উল্লেখ্য যে দেওপানী উচ্চ মাধ্যমিক বিদ্যালয় খনৰ আন্তগাঠনীৰ বাবদ স্বায়ত্ত্বশাসিত পৰিষদৰ পৰা আৰ্থিক অনুদান আগবঢ়োৱাৰ লগতে ঐতিহাসিক দেওপানী শিৱ মন্দিৰলৈ পাচঁ লাখ টকাৰ আৰ্থিক অনুদান আগবঢ়াব বুলি সভাত কাৰ্যবাহী সদস্য গৰাকীয়ে প্ৰতিশ্ৰুতি প্ৰদান কৰে৷
আফগানিস্তানৰ ৰাজধানী কাবুলত আল-কায়েদাৰ মুৰব্বী আয়মান আল-জাৱাহিৰীক মাৰ্কিন সেনাই হত্যা কৰাৰ কেইদিনমান পিছতে এক প্ৰচণ্ড বিস্ফোৰণত কঁপি উঠিল কাবুল। চহৰখনৰ এটা জনবসতিপূৰ্ণ অঞ্চলত হোৱা বিস্ফোৰণত কমেও আঠজন লোক নিহত হৈছে।বিস্ফোৰণত কমেও ৫০ জন লোক আহত হৈছে। ইছলামিক ষ্টেট গোটে এই আক্ৰমণৰ দায়িত্ব স্বীকাৰ কৰিছে। কাবুলৰ চিয়া সম্প্ৰদায়ৰ আধিপত্য থকা অঞ্চলত এই বিস্ফোৰণ সংঘটিত হৈছে। ইপিনে আইএছআইএছে কৈছে যে বিস্ফোৰণটোত কমেও ২০ জন লোক নিহত হৈছে। উল্লেখ্য বহু দিনৰে পৰাই চুন্নী উগ্ৰপন্থী গোট ইছলামিক ষ্টেটে আফগানিস্তানৰ চিয়া সম্প্ৰদায়ক লক্ষ্য কৰি আহিছে। কাবুল আৰক্ষীৰ মুখপাত্ৰ খালিদ জাদৰানে জনোৱা মতে উগ্ৰপন্থীসকলে ৰাজধানী চহৰ খনৰ জনবসতিপূৰ্ণ অঞ্চলত এই বিস্ফোৰণ ঘটাইছে।
সন্ত্ৰাসবাদীয়ে এখন পাচলিৰ গাড়ীত বিস্ফোৰক ৰাখিছিল। মৃত্যুৰ সংখ্যা আৰু বৃদ্ধি হোৱাৰ সম্ভাৱনা আছে বুলি জানিব পৰা গৈছে। উল্লেখ্য ২০২১ চনৰ আগষ্ট মাহত তালিবানে কাবুল দখল কৰে। যদিও আমেৰিকা যুক্তৰাষ্ট্ৰৰ সেনাই দেশ খন এৰি যোৱাৰ পিছতে তালিবান দেশ খনত অধিক সক্ৰিয় হৈ পৰিছিল।মে’ মাহতো তিনিটা বিস্ফোৰণে বাল্খ প্ৰদেশৰ ৰাজধানী মাজাৰ-ই-শ্বৰীফক জোকাৰি যায়। উগ্ৰপন্থীসকলে তিনিখন বাছত বিস্ফোৰণ ঘটাইছিল। এজন তালিবান কমাণ্ডাৰ মহম্মদ আচিফ ৱাজাৰীয়ে কয় যে মৃত আৰু আহতসকলৰ প্ৰায় সংখ্যকেই আফগানিস্তানৰ ছিয়া সংখ্যালঘু সম্প্ৰদায়ৰ লোক। তালিবান আৰু আইএছআইএছ দুয়োটা চুন্নী জেহাদী সংগঠন। অৱশ্যে, ইছলামৰ ব্যাখ্যা আৰু মতবাদক লৈ দুয়োটা পক্ষৰ মাজত বিবাদ আছে।
