কামৰূপৰ বকো সমষ্টিৰ অন্তৰ্গত সোণতলীত বামুনীগাঁও আৰু নগৰবেৰা নদী সংৰক্ষিত বনাঞ্চলিক কাৰ্যালয়ে আজি যৌথভাৱে চোৰাং কাঠৰ বিৰুদ্ধে অভিযান চলাই, অভিযানত মাহতলী গাওঁৰ জিন্নত আলীৰ ঘৰৰ পৰা বৃহৎ পৰিমাণৰ চোৰাং কাঠ জব্দ কৰাৰ  লগতে জিন্নত আলীকো আটক কৰিবলৈ সক্ষম হয় বুলি জানিব পৰা গৈছে। আনহাতে জিন্নত আলীৰ পৰিয়ালৰ অভিযোগ মতে জব্দকৃত চোৰাং কাঠখিনিৰ মালিক পানীখাইতি গাওঁৰ ৰহিজ উদ্দিন বুলি জানিবলৈ দিয়ে। চোৰাং কাঠ ব্যৱসায়ী ৰহিজ উদ্দিন বৰ্তমান পলাতক অৱস্থাত আছে। উল্লেখ্য যে দীর্ঘদিনৰ পৰা সোনতলীৰ বিভিন্ন ঠাইত চোৰাং কাঠৰ ৰমৰমীয়া ব্যৱসায় চলি আছিল। আজি হঠাৎ নগৰবেৰা বন বিষয়া মৃনাল অধ্যাপকৰ নেতৃত্বত সোণতলীৰ বিভিন্ন অঞ্চলত চোৰাং কাঠৰ বিৰুদ্ধে অভিযান চলে। অভিযানত শাল চেগুনকে ধৰি প্ৰায় লক্ষাধিক টকাৰ চোৰাং কাঠৰ কাঠ জব্দ কৰাৰ লগতে জিন্নত আলী নামৰ এজন ব্যক্তিক বন বিভাগে আটক কৰিবলৈ সক্ষম হয়। জব্দকৃত চোৰাং কাঠখিনি নগৰবেৰা নদী সংৰক্ষিত বনাঞ্চলিক কাৰ্যালয়লৈ লৈ যায় বুলি নগৰবেৰাৰ বন বিষয়া মৃনাল অধ্যাপকে জনায়।

দক্ষিণ শালমাৰা মানকাচাৰ জিলাৰ ফেকামাৰী খণ্ড উন্নয়ন কাৰ্যালয়ৰ অধীনত থকা ফুলেৰচৰ গাওঁ পঞ্চায়তত বিত্তীয় বছৰ ২০১৮ চনৰ পৰা ২০২১ চনলৈ বিভিন্ন আঁচনিৰ নামত কেইবাকোটি টকাৰ লুণ্ঠনৰ বিৰুদ্ধে মুখ্যমন্ত্ৰীৰ কাৰ্যালয়ত অভিযোগ দিয়া বুলি জানিব পৰা গৈছে। অভিযোগ মতে বিত্তীয় বছৰ ২০১৮-১৯ চনত গাওঁ পঞ্চায়তত এম জি এনৰেগা আঁচনিৰ নামত হাটশিঙিমাৰীৰ কৃষি বিভাগৰ কোল্ড ষ্টোৰৰ আৰ্থ ফিলিংগৰ নামত ৯৮ লাখ ৬৪ হাজাৰ ১৬৪ টকা, খাৰুৱাবান্ধা আৰক্ষী চকীৰ চাৰিসীমাৰ পকী ৱাল আৰু আৰ্থ ফিলিংগৰ নামত ৮৬ লাখ ৪৯ হাজাৰ ৫৩১ টকা, হাটশিঙিমাৰী আই বি বি ৰোডৰ পৰা বিললাল হাউজলৈ পথ নিৰ্মাণৰ নামত ৩০ লাখ ৯৩ হাজাৰ ২৬৬ টকা, ফুলেৰচৰ সোনাৰ পাৰা মছজিদ চাৰিআলিৰ পৰা আলাউদ্দিনৰ ঘৰলৈ যোৱা পথ নিৰ্মাণৰ নামত ২৬ লাখ ৩৬ হাজাৰ ৯০৩ টকা বিত্তীয় বছৰ ২০২০- ২১ চনত, ফুলেৰ চৰৰ হবিবুৰ ৰহমানৰ ঘৰৰ পৰা ৰেজাউল হকৰ ঘৰলৈ যোৱা পথৰ নামত ২২ লাখ ১৮ হাজাৰ ৮১৬ টকা বিত্তীয় বছৰ ২০২০ ২১ চনত, হাটশিঙিমাৰীৰ কৃষি বিভাগৰ কাৰ্যালয়ৰ পথাৰত আৰ্থ ফিলিংগৰ নামত বিত্তীয় বছৰ ২০১৯ ২০ চনত ৯ লাখ ৯১ হাজাৰ ৯১৬ টকা, সোনাৰপাৰা যোগেশ মেমৰিয়েল এমভি স্কলৰ আৰ্থ ফিলিংগৰ নামত ২০১৮-১৯ চনত ১০ লাখ ১৫ হাজাৰ ৪৩৯ টকা আৰু পঞ্চায়ত খনৰ বিভিন্ন ঠাইত বহু কেইটা পথৰ নামত, আৰ্থ ফিলিংগৰ নামত কেইবা কৌটি টকা বিভাগে আৱণ্টন দিছিল। কিন্তু সেই সময়ৰ খণ্ড উন্নয়ন প্ৰাক্তন বিষয়া মকবুল হোছেইন, ইকবাল হোছেইন, কণিষ্ঠ অভিযন্তা সহ পঞ্চায়তৰ সভানেত্ৰীৰ স্বামী আবু বক্কাৰ প্ৰধানীয়ে গোপন বুজা বুজি কৰি আৱণ্টিত ধনৰ ১৫% শতাংশ কাম কৰি সিংহ ভাগ টকা আত্মসাৎ কৰাৰ গুৰুতৰ অভিযোগ উত্থাপন হৈছে । ইয়াৰ উপৰিও ১৪ ফাইন্সন আঁচনিৰ নামত পঞ্চায়ত খনত বিভিন্ন পথৰ নামত বহু কৌটি টকা বিভাগে আৱণ্টন দিছিল যদিও চৰকাৰী বিষয়াৰ লগত গোপন বুজা বুজি কৰি বিভাগীয় নীতি নিয়মক জলাঞ্জলি দি নিজৰ খেয়াল খুচি মতে জধে মধে সামান্য কাম কৰি তাতো বহু টকা আত্মসাৎ কৰে বুলি অভিযোগ পএত উল্লেখ। ইপিনে বহু জব কাৰ্ডৰ নামত চৰকাৰী ধন বেংক যোগে কামৰ নামত দিয়া দেখুৱাইছে যদিও আচলতে জব কাৰ্ডৰ হিতাধিকাৰীক ২০০ ৰ পৰা ৫০০ টকাকৈ দি বাকী টকা পঞ্চায়তৰ সভানেত্ৰীৰ স্বামীয়ে আত্মসাৎ কৰাৰ লগতে বহু জব কাৰ্ড হিতাধিকাৰীৰ হাতত দিয়া নাই। অনতি পলমে উক্ত পঞ্চায়তত কৌটি টকাৰ দুৰ্নীতিৰ বিৰুদ্ধে চৰজমিন তদন্ত কৰি দুৰ্নীতিৰ লগত জড়িত বিডিঅ, কণিষ্ঠ অভিযন্তা আৰু পঞ্চায়তৰ সভানেত্ৰীৰ স্বামীৰ বিৰুদ্ধে প্ৰশাসনিক ব্যৱস্থা লোৱাৰ বাবে দাবী জনায় ।এতিয়া মুখ্যমন্ত্ৰীয়ে বিয়াগোম দুৰ্ণীতিৰ বিৰুদ্ধে কি ব্যৱস্থা লয় সেয়া লক্ষনীয় হব ।।

 পশ্চিম নলবাৰী অঞ্চলৰ অন্যতম   সাংস্কৃতিক অনুষ্ঠান সৃষ্টি ডান্স এন্ড ড্রামা ফাউন্ডেচনৰ  ‘ ৰ উদ্যোগত  শিশু দিবস উপলক্ষে   অনুষ্ঠিত হোৱা বিভিন্ন প্ৰতিযোগিতাৰ   ছাত্র ছাত্রী সকলৰ মাজত কালি পুৰস্কাৰ সমুহ  বিতৰণ কৰা হয়। ।পশ্চিম নলবাৰী প্ৰেছক্লাৱৰ মঞ্চসুৰ্য ধৰণী বৰ্মণ প্ৰেক্ষাগৃহত  একাডেমীৰ অধ্যক্ষ হিৰণ্য ৰাজৰ সঞ্চালনাত অনুষ্ঠিত এই বঁটা বিতৰণী সভাত  চিত্ৰাংকণ,নৃত্য আৰু ৰাম -ৰাৱন খেল  প্ৰতিযোগিতাত পুৰস্কাৰ লাভ কৰা ছাত্র-ছাত্ৰী সকলক পুৰস্কাৰ আৰু প্ৰমাণ পত্ৰ সমুহ  বিতৰণ কৰে পশ্চিম নলবাৰী প্ৰেছক্লাৱৰ সম্পাদক প্ৰদীপ কুমাৰ বৰ্মনে।অনুষ্ঠানত একাডেমীৰ প্ৰশিক্ষক,অভিভাৱক-অভিভাৱিকা সকল উপস্থিত আছিল।পুৰস্কাৰ বিতৰণ কৰি সাংবাদিক প্ৰদীপ কুমাৰ বৰ্মনে ছাত্ৰ-ছাত্ৰী সকলক চিত্ৰ শিল্প আৰু নৃত্য গীতৰ মাজেৰে অধ্যয়নত ব্ৰতী হোৱাৰ বাবে পৰামৰ্শ  আগবঢ়ায় ।

ওদালগুৰি জিলা ভেৰগাঁ‌ও মহকুমা অন্তৰ্গত টংলা জলসিঞ্চন সংমণ্ডলক কেন্দ্ৰ কৰি সমাজসেৱক পংকজ অসমীয়াৰ এনে মন্তব্য””টংলা জলসিঞ্চন সংমণ্ডল খেতিয়কৰ আৰু ৰাইজৰ বাবে নহয় কেবল দুৰ্নীতি গ্ৰস্ত ঠিকাদাৰ আৰু শীৰ্ষ বিষয়াৰ লুন্ঠন ৰাজ চলাবৰ বাবেহে।””উল্লেখযোগ্য যে যোৱা ১৭ নৱেম্বৰ তাৰিখে টংলা জলসিঞ্চন সংমণ্ডলত ৪.১৮ কোটি টকাৰ কেলেংকাৰী হোৱা বুলি অসমীয়া প্ৰতিদিন কাকতত ঠিকা কামৰ আৱন্টনৰ বিপৰীতে জমা ৰখা ধনৰ মুঠ ৪.১৮ কোটি কৌশলৰে কোষাগাৰ সঞ্চালকালয়ৰ পৰা উলিয়াই আনি বছা বছা ঠিকাদাৰৰ লগত বুজা বুজি কৰি যিমান ধন ঠিকাদাৰে পায় তাতোকৈ অধিক ধন ঠিকাদাৰৰ একাউণ্টত  সুমুৱাই দি তাৰে ৮০ শতাংশ ধন ঠিকাদাৰৰ পৰা উলিয়াই আত্মাসাৎ কৰা বুলি সবিস্তাৰে এটি বাতৰি প্ৰকাশিত হৈছিল।সেয়েহে সমাজসেৱক পংকজ অসমীয়াই বৃহৎ কেলেংকাৰীটোৰ লগত জড়িত থকা জলসিঞ্চন বিভাগৰ অধ্যক্ষ তথা অভিযন্তা মৃগেন বড়ো কোকৰাঝাৰ, টংলা সংমণ্ডলৰ কৰ্যবাহী অভিযন্তা সত্যৰাম কলিতা আৰু গাননিক প্ৰভাত কলিতাৰ নেতৃত্বত এই বৃহৎ কেলেংকাৰীটোৰ লগত জড়িত থকা চৰকাৰী বিষয়া  সকলৰ বিৰুদ্ধে অতিশীঘ্ৰেই আইনী ব্যৱস্থা লবলৈ যোৱা ১৮ নৱেম্বৰ তাৰিখে টংলা আৰক্ষী থানাত এটি এজাহাৰ দাখিল কৰিছিল আৰু সেয়েহে আজি তদন্ত পক্ৰিয়া কিমান ক্ষিপ্ৰ গতিত আগবাঢ়িছে তাৰ খবৰ লবলে আহি টংলা থানাৰ সন্মুখত এজাহাৰকাৰী পংকজ অসমীয়াই চৰকাৰী বিষয়াৰ অবাদ লুণ্ঠনৰাজক অতিষ্ঠ হৈ সাংবাদিকৰ আগত এনেধৰণৰ মন্তব্য কৰে।