বৰপেটাৰোড ,প্ৰতিবেদক-এছএছবি ২৭ তম কৰ্পছ আৰু বন পৰিসৰকাৰ্যালয় ভূইয়াৰপাৰাৰ বি.ও.পি. ভূঞাপাৰাই এক যুটীয়া উদ্ধাৰ অভিযানত এটা পাইথন উদ্ধাৰ কৰিছে। এই গোটটো স্থাপনৰ দ্বাৰা ভাগ বতৰা কৰা বাস্তৱ সময়ৰ তথ্যৰ ওপৰত আধাৰিত কৰি, বন পৰিসৰ কাৰ্যালয় ভূইয়ানপাৰাৰ সৈতে ২৭ কৰ্পছ সশস্ত্ৰ সীমা বলৰ বি.ও.পি. ভূঞাপাৰা কৰ্মীয়ে কালি আবেলি প্ৰায় 3.30 বজাৰ পৰা ৫ বজালৈ এক যুটীয়া উদ্ধাৰ অভিযান আৰম্ভ কৰে আৰু ১ ড্ৰেগনউদ্ধাৰ কৰে। পি.এছ. চালবাৰী, জিলাত তকুয়াপাৰা গাওঁ। উদ্ধাৰ অভিযান সফল হৈছিল আৰু ঘটনামুক্ত আছিল। ড্ৰেগনটো বন পৰিসৰৰ কাৰ্যালয় ভূইয়াৰপাৰাক হস্তান্তৰ কৰা হৈছে। এই ঠাইখন আইবিবি স্তম্ভ নম্বৰ ২১২ ৰ পৰা প্ৰায় ১৪ কিলোমিটাৰ দূৰত।

:বোকাখাত বিধান সভা সমষ্টিৰ মহুৰামুখৰ নৈ পৰীয়া অফলা,কেমেৰী,ৰোহিতাত কেবাদিনো ধৰি মুক্ত বিচৰণ কৰা হাতীৰ জাকতো আজিও বৰবালি ঘাটৰ সমীপৰ পগলা চাপৰিত অৱস্হান কৰি আছে৷জানিব পৰা মতে দিনত চাপৰিৰ মাজত থকা এটা পুখুৰীত আত্মগোপন কৰি থাকি ৰাতি অঞ্চলতোৰ ৰাইজৰ খেতি নষ্ট কৰি আহিছে৷আজি কেইবাদিনো ধৰি উক্ত স্হানত অৱস্থান কৰি থকা হাতীৰ জাকটোৱে খেতি অনিষ্ট কৰা অফলা,ৰোহিতা আৰু কেমেৰীৰ ৰাইজৰ স’তে মত বিনিময় কৰে অসম গণ পৰিষদৰ বোকাখাত বিধান বিধান সভাৰ যুৱ পৰিষদৰ সভাপতি দিম্পল ঢেকীয়াল ফুকনৰ সাধাৰণ সম্পাদক বিজয় লইংৰ লগতে এটা সজাতি দলে৷ক্ষতিগ্ৰস্ত তিনিওখন গাওঁ পৰিদৰ্শন কৰি ৰাইজৰ স’তে মত বিনিময়ৰ লগতে গাওঁৰ ৰাইজে হাতী খেদাৰ সুবিধা হোৱাকৈ টৰ্চ লাইট,ফটকা আদি ৰাইজক প্ৰদান কৰে৷(হাতী জাকৰ ফটো আৰু যুৱ পৰিষদৰ সজাতি দলৰ ফটো মেইল কৰা আছে৷)

জামুগুৰিহাট, প্ৰতিবেদক:  ৰাসৰ এটি বাঁহীৰ সুৰ৷যিটো সুৰ বাজি উঠাৰ লগে লগে ৰাসৰ গোপ গোপীসকল আপোন পাহৰা হৈ উঠে আৰু নৃত্যত মগন হৈ পৰে৷তিনিবছৰ পূৰ্ৱেই ছ’চিয়েল মিডিয়াত ভাইৰেল হৈ পৰা আৰু সকলোৱে আদৰি লোৱাৰ উপৰিও আজিও জনপ্ৰিয় সেই বাঁহীৰ সুৰ সৃষ্টিকাৰী নগাঁৱৰ বাঁহীবাদক নৱজিত বৰা নামঘৰনগৰী জামুগুৰিহাটৰ কেবাখনো ভাঁওনা গৃহত অলপতে আহি উপস্থিত হোৱাত উৎফুল্লিত হৈ পৰে লোকসকল৷বিশেষকৈ বাৰেচহৰীয়া ভাঁওনাৰে গৰিমামণ্ডিত নামঘৰনগৰী জামুগুৰিহাটত এতিয়া গাঁৱে গাঁৱে অনুষ্ঠিত হৈ আছে গুৰুজনাৰ অপূৰ্ব সৃষ্টিৰাজী ভাঁওনা৷শতাধিক গাঁও থকা জামুগুৰিহাটত প্ৰতিখন গাঁৱতেই আছে একো একোটি নামঘৰ৷য’ত গাঁওবাসী লোকসকলে একতাৰ বন্ধোন মজবুত কৰি ৰাখিবৰ বাবেই প্ৰতিবছৰে অনুষ্ঠিত কৰে ভাঁওনা৷বিগত বৰ্ষসমুহত ক’ভিড পৰিস্থিতিৰ বাবে এই ভাঁওনা অনুষ্ঠিত কৰিবপৰা নাছিল যদিও এইবেলি ক’ভিড পৰিস্থিতি কিছু সাম কটাত পুণৰ অঞ্চলটোলৈ ঘুৰি আহিছে এক সাংস্কৃতিক পৰিৱেশ৷তাৰমাজতেই বাঁহীবাদক তথা সকলোৰে আপোন বাঁহীবাদক-শিল্পী নৱজিত বৰাক কাষত পাই ভাঁওনাগৃহলৈ অহা ভক্তপ্ৰান লোকসকলৰ লগতে অন্যান্য কলা কুশলি সকলো আনন্দিত হৈ পৰে৷বিশেষ কাম লৈ জামুগুৰিহাটলৈ অহা বাঁহীবাদক গৰাকী এইদৰে সাংস্কৃতিক নগৰী জামুগুৰিহাটৰ ভাঁওনা স্ব-চক্ষে প্ৰত্যক্ষ কৰি উপভোগ কৰিবলৈ আহিছিল যদিও সকলোৰে বাবেই পৰিচিত শিল্পীগৰাকীক হঠাৎ প্ৰত্যক্ষ কৰি উদ্যোক্তাসকলো আনন্দিত হৈ শিল্পীগৰাকীক উষ্ম সম্বৰ্ধনা জনাই৷অঞ্চলটোৰ বাহদোঙা বৰাচুক,বৰভগীয়া গাঁৱৰ ভাঁওনাথলীত শিল্পীগৰাকীক সম্বৰ্ধনা জনোৱাৰ লগতে বাঁহীৰ অমীয়া সুৰেৰে ৰাজ্যবাসীক মুগ্ধ কৰা শিল্পীগৰাকীৰ বাঁহীৰ সুৰো শুনিবলৈ সাৰ্থক হয় উপস্থিত লোকসকল৷জামুগুৰিবাসীৰপৰা এইদৰে মৰম পাই আপ্লুত হৈ পৰাৰ লগতে উঠি অহা প্ৰজন্মৰ বাঁহীৰ সুৰৰ প্ৰতি আগ্ৰহি সকলোকে একান্তচিত্তে এই বাদ্যৰ প্ৰতি মনোযোগ দি এগৰাকী সুনিপুন বাঁহীবাদক হৈ উঠিবৰ বাবেও আহবান জনাই বাঁহীবাদক শিল্পী নৱজিত বৰাই।

,জামুগুৰিহাট,প্ৰতিবেদক:- জামুগুৰিহাটত শামুকীয়া গতিৰে চলিছে চাৰিলেণ্ড যুক্ত ৰাষ্ট্ৰীয় ঘাইপথৰ নিৰ্মাণ কাৰ্য। চকীঘাটৰ পৰা জামুগুৰিহাটৰ পেট্ৰ’ল   ডিপোলৈকে চাৰিলেণ্ড যুক্ত ৰাষ্ট্ৰীয় ঘাইপথ নিৰ্মাণৰ দায়িত্বত থকা ছিমপ্লেক্স নামৰ কোম্পানীটোৱে লেহেম গতিৰে কাম চলাই থকাৰ অভিযোগ উত্থাপিত হৈছে। যাৰ ফলত এতিয়া  অস্বস্তিত পৰিছে অঞ্চলটোৰ ৰাইজ।নিৰ্মাণ কাৰ্য চলি পথৰ মাজত নিৰ্মাণকাৰী সংস্থাই অৰ্ধ নিৰ্মিত অৱস্থাত ৰাখি থোৱা পকী কালভাৰ্ট সমূহেও ৰাইজক বিপদত পেলাইছে। উন্মুক্ত অৱস্থাত থকা এই অৰ্ধ নিৰ্মিত  পকী কালভাৰ্টত পৰি ইতিমধ্যে বহু লোক ঘুণীয়া হৈছে। অতিকৈ লেহেমীয়া গতিৰে চাৰিলেণ্ড যুক্ত ৰাষ্ট্ৰীয় ঘাইপথ নিৰ্মাণ কৰি থকা এই ছিমপ্লেক্স কোম্পানীৰ পৰা এতিয়া দায়িত্ব কৰ্তন কৰি অন্য কোনো পথ নিৰ্মাণকাৰী সংস্থাক পথ নিৰ্মাণৰ দায়িত্ব দিবলৈ ৰাইজে দাবী জনাইছে।