মাজুলী জিলাৰ কমলাবাৰীত আজি অসম চৰকাৰৰ শ্ৰমিক কল্যাণ বিভাগ আৰু অসম গৃহ আৰু অন্যান্য শ্ৰমিক কল্যাণ পৰিষদৰ যৌথ উদ্যোগত দুমহীয়া দক্ষতা বিকাশ প্ৰশিক্ষণৰ শুভাৰম্ভ কৰা হয়। সেই উপলক্ষে আজি বিয়লি ২ বজাত কমলাবাৰীস্থিত পেঞ্চনাৰ ভৱনত আয়োজন কৰা উদ্বোধনী অনুস্থানত বিভাগৰ মাজুলী শ্ৰম পৰিদৰ্শক কাৰ্য্যালয়ৰ শ্ৰম পৰিদৰ্শক ৰিষান কুমাৰ দাস আৰু সহকাৰী গাননিক বিষয়া বিজিত কুমাৰ মহন্ত উপস্থিত থাকে। সভাৰ উদ্দেশ্য ব্যাখ্যা কৰে কৰে NRDS-NEDC প্ৰশিক্ষণ কেন্দ্ৰৰ বিষয়া লীলা গগৈয়ে। সভাত মাজুলি জিলাৰ বিভিন্ন স্থানৰ পৰা অহা প্ৰায় ডেৰ শতাধিক প্ৰশিক্ষাৰ্থীয়ে অংশগ্ৰহণ কৰে। উক্ত কেন্দ্ৰটিত প্ৰথম পৰ্যায়ত ১০০ জন আৰু দ্বিতীয় পৰ্যায়ত ১৫০ জন প্ৰশিক্ষাৰ্থীৰে নৱেম্বৰ মাহৰ পৰা প্ৰশিক্ষণ আৰম্ভ হ’ব বুলি আমাক জানিব দিয়ে।

জাতিৰ অস্তিত্ব ৰক্ষাৰে অসম আৰু অসমীয়াৰ মৰ্যাদাত অৱদান যোগাবলৈ আগবাঢ়ি আহিছে চাউদাঙৰ একাংশ নৱ প্ৰজন্ম। এই উদ্দেশ্যে দক্ষিণ যোৰহাটৰ কুঁৱৰী পুখুৰী আক্কেল একাডেমীত বৃহৎ ৰাজহুৱা সভা যোৱা ৩১ অক্টোবৰত অনুষ্ঠিত হৈ যায়। চাউদাং জাতীয় পৰিষদ, অসমৰ কেন্দ্ৰীয় সমিতিৰ মুখ্য উপদেষ্টা ঘনকান্ত গগৈৰ সভাপতিত্বত অনুষ্ঠিত সভাখনৰ উদ্দেশ্য ছায়াপ্ৰকাশ শেনচোৱাই অৱগত কৰে। কেন্দ্ৰীয় সমিতিৰ অনুমোদনভিত্তিত পৰিস্থিতি সচেতক মলেন কুমাৰ গগৈ আৰু লাটু গগৈৰ বিশেষ প্ৰচেষ্টাত ছায়াপ্ৰকাশ শেনচোৱাক সভাপতি, জ্যোতিৰ্ময় বৰাক কাৰ্যকৰী সভাপতি, জিতেন গগৈক সাধাৰণ সম্পাদক, শেৱালী শইকীয়া বৰা, নৱজ্যোতি গগৈক সহকাৰী সম্পাদক, ৰূপক গগৈক সাংগঠনিক সম্পাদকৰ দায়িত্ব অৰ্পণেৰে যোৰহাট মহকুমা চাউদাং জাতীয় পৰিষদ গঠন হয়। নৰেন গগৈ, দেৱজিৎ গগৈসহ ভিন্ন প্ৰান্তৰ প্ৰতিনিধিক লৈ ২৭জনীয়া সমিতি গঠন কৰিছে। সভাত চাউদাং জাতীয় পৰিষদ, অসমৰ কেন্দ্ৰীয় সমিতিৰ সভাপতি বিমল চন্দ্ৰ শইকীয়া, কাৰ্যকৰী সভাপতি অমিয় কুমাৰ বৰুৱা, সাধাৰণ সম্পাদক সুৰজিৎ গগৈ, তত্বাৱধানত দিলীপ দৰৱধৰা, জিতুল গগৈ, যোৰহাট জিলা সভাপতি ৰণজিৎ শইকীয়া, তিতাবৰ মহকুমা সমিতিৰ কাৰ্যকৰী সভাপতি শৰৎ গগৈ, সম্পাদক গুণেন গগৈকে ধৰি বহু বিষয়ববীয়া উপস্থিত থাকে। মহকুমা সমিতিখনৰ পৰা ৰাইজে নৱ উত্থান আশা কৰিছে।

 যোৱা ৩১ অক্টোবৰ আৰু ১ নৱেম্বৰত  গ্রাম্য ঔষধ ব্যৱসায়ীসকলৰ অতীত স্মৃতি ৰোমন্থনৰ  মানসেৰে দুদিনীয়া কাৰ্যসূচীৰে গোলাঘাট জিলাৰ  সতী সাধনী কলা ক্ষেত্ৰত পঞ্চম বাৰ্ষিক অনুষ্ঠান বৰ্ণাঢ্য কাৰ্যসূচীৰে  পালন হয় । কাৰ্যসূচী অনুসৰি ৩১ অক্টোবৰৰ বিয়লি ৩-৩০ বজাত প্ৰতিনিধিৰ নাম পঞ্জীয়ন, ৪-৩০ বজাত ৰাজ্যিক কাৰ্যনিৰ্বাহক সভা আৰু বিয়লি ৫-৩০ বজাৰ পৰা প্ৰতিনিধি সভা অনুষ্ঠিত হয় ।  আনহাতে ১ নৱেম্বৰৰ পুৱা ৯-০০ বজাত পতাকা উত্তোলন  কৰে কেন্দ্ৰীয় সমিতিৰ সভাপতি ৰাতুল শৰ্মা আৰু অভ্যৰ্থনা সমিতিৰ সভাপতি মিণ্টু বৰাই । তাৰ পাছতেই স্মৃতি তৰ্পণ, বৃক্ষ ৰোপণ, চিত্ৰাংকণ প্ৰতিযোগিতা অনুষ্ঠিত হয়। দুপৰীয়া ১১-০০ বজাৰ পৰা  অনুষ্ঠিত মুকলি সভা আৰু সম্বৰ্ধনা অনুষ্ঠানত উপস্থিত থাকে কেইবাজনো বৰেণ্য ব্যক্তি ।  উক্ত গাম্ভীৰ্যপূৰ্ণ সভাত উপস্থিত থাকে  অৱসৰপ্ৰাপ্ত অধ্যাপক দীনেশ গগৈ, কেন্দ্ৰীয় সমিতিৰ সভাপতি  ৰাতুল শৰ্মা, শিৱসাগৰ জিলাৰ সমীৰ দেউৰা, পুতুল কাকতি, খুমতাই সমষ্টিৰ বিধায়ক  মৃণাল শইকীয়া,  জ্যেষ্ঠ ঔষধ পৰিদৰ্শক হৰেন্দ্ৰ নাথ শৰ্মা, যোৰহাটৰ ঔষধ পৰিদৰ্শক  জাহ্নৱী কলিতা ।  আনহাতে কেন্দ্ৰীয় সমিতিৰ সম্পাদক শ্যামল মহনে আঁত ধৰা অনুষ্ঠানত উপস্থিত থাকে ক্ৰমে কেন্দ্ৰীয় সমিতিৰ প্ৰচাৰ সম্পাদক দিগন্ত শৰ্মা, শিৱসাগৰ জিলাৰ মদন দত্ত, ঋতু ৰাজখোৱা, কৃষ্ণ কোঁৱৰ, কৌশিক ফুকন, দ্বীপেন মহন, বসন্ত বৰা, ৰাজীৱ খাটনিয়াৰ, পৱন ৰাজবংশী, ৰজনীকান্ত পাংগিং, জিন্টু কাকতি, ,গোলাঘাট জিলাৰ মিণ্টু বৰা, জিটু গগৈ আৰু অসমৰ প্ৰতি জিলাৰ সদস্যসমূহ । অনুষ্ঠানত কেইবাজনো সাংবাদিকক সম্বৰ্ধনা জনোৱা হয় ।

কাৰ্বি আংলং আৰু অসমৰ  ভৈয়াম অঞ্চলত বাস কৰা কাৰ্বি সম্প্ৰদায়ৰ বাবে ভাৰত চৰকাৰ আৰু অসম চৰকাৰৰ সৈতে শান্তি চুক্তি স্বাক্ষৰকাৰী দুই নেতা ক্ৰমে –  পিপলছ ডেমক্ৰেটিক কাউন্সিল অফ কাৰ্বি চমুকৈ পি ডি চি কেৰ প্ৰাক্তন অধ্যক্ষ সংবিজিত ইংতি কাথাৰ , প্ৰাক্তন উপাধ্যক্ষ কংকাত টেৰণক আজি গুৱাহাটীৰ দীপৰ বিলৰ কাষৰীয়া দেউছটাল খেলপথাৰত আয়োজিত এক অনুষ্ঠানত অঞ্চলটোৰ কাৰ্বি সমাজে শান্তি স্থাপনত আগভাগ লোৱা বাবে ৰাজহুৱাভাবে সম্বৰ্ধনা জনায় । এই উপলক্ষে সমাজকর্মী কেষ্টৰাম ৰংপীয়ে সভাপতিত্বত অনুষ্ঠিত সভাখনৰ আঁত ধৰে প্ৰমোদ ৰংপীয়ে । সভাত বলেশ্বৰ ৰংপী , নৃপেন ইংতি , দ্বীপেন ৰংপীকে ধৰি কেবাজনেও ভাষণত দুই শান্তিচুক্তি স্বাক্ষৰকাৰী নেতাক শান্তি স্থাপনত আগভাগ লোৱা বাবে ধন্যবাদ জ্ঞাপন কৰাৰ লগতে  তেওঁলোকৰ সুস্বাস্থ্য কামনা কৰে । সভাত দুয়োজনকে কাৰ্বি পৰম্পৰাৰে আদৰণি জনোৱা হয় । তেনেদৰে সম্বৰ্ধনাৰ প্ৰত্যুত্তৰত দুয়োজন নেতাই  পৰিৱৰ্তিত পৰিস্থিতিত চৰকাৰৰ  উন্নয়নৰ  যাত্ৰাত অংশীদাৰ হবলৈ হলে  কাৰ্বি আংলংসহ  ৰাজ্যত শান্তি স্থাপনৰ বিকল্প নাই বুলি সদৰি কৰে ।

ছিপাঝাৰ কলেজ আছু গোট গঠনৰ উদ্দেশ্যে কালি ছিপাঝাৰ নিম্ন বুনিয়াদী বিদ্যালয়ত ছিপাঝাৰ আঞ্চলিক ছাত্র সন্থাৰ এখনি কাৰ্যনিৰ্বাহক সভা অনুষ্ঠিত হয়। উক্ত সভাত ছিপাঝাৰ মহাবিদ্যালয় আছু গোট গঠন কৰা হয়।ছিপাঝাৰ আঞ্চলিক ছাত্র সন্থাৰ সভাপতি লক্ষীনন্দন বনিয়াৰ সভাপতিত্বত অনুষ্ঠিত  সভাৰ আত ধৰে সাধাৰণ সম্পাদক চুমন বৰদলৈয়ে। উক্ত সভাত উপস্থিত থাকে সদৌ দৰং জিলা ছাত্র সন্থাৰ বিত্ত সম্পাদক হৃদয় বৰুৱা, মঙলদৈ মহকুমা ছাত্র সন্থাৰ সভাপতি শুচিব্ৰত শইকীয়াৰ লগতে ছিপাঝাৰ আঞ্চলিক ছাত্র সন্থাৰ সদস্য সকল ।উক্ত সভাই সীমান্ত কলিতাক সভাপতি, পীয়ুষ কান্তিক সাধাৰণ সম্পাদক, লভিতা কলিতাক উপসভানেত্ৰী, হীৰক জ্যোতি নাথক সহকাৰী সাধাৰণ সম্পাদক, ৰঞ্জন নাথক বিত্ত সম্পাদক, অনন্যা বৰুৱাক সাংস্কৃতিক সম্পাদিকা, শশাংক নাথক ক্ৰীড়া সম্পাদক,জ্যোতিষ্মান নাথক প্ৰচাৰ সম্পাদক, সুৰজিত বৰুৱাক তথ্য সম্পাদক, মোজাহিদুল ইছলামক সাহিত্য সম্পাদক, চিৰঞ্জীৱ চহৰীয়াক কাৰ্যালয় সম্পাদক, ৰাতুল চহৰীয়াক শিক্ষা সম্পাদক,ইজাজ আহমেদ আৰু প্ৰণৱজ্যোতি শৰ্মাক সাংগঠনিক সম্পাদক হিচাপে নৱনির্বাচিত কৰে।