অসমৰ মুখ্যমন্ত্ৰী হিমন্ত বিশ্ব শৰ্মা আজি সন্ধিয়া ধুবুৰী মেডিকেল কলেজৰ কামৰ অগ্ৰগতিৰ বুজ লোৱাৰ বাবে উপস্থিত হয় । পাছত মুখ্যমন্ত্ৰী গৰাকীয়ে ধুবুৰী আৱৰ্ত ভবনত উপস্থিত হয় । দুৰ্গা পূজাৰ সময়ত দুদিনীয়া কাৰ্য্যসূচীৰে মুখ্যমন্ত্ৰী গৰাকীয়ে ধুবুৰী ত উপস্থিত হৈ বগৰীবাৰী মহামায়া মন্দিৰ, পাগলাহাট, তামাহাট আৰু গৌৰীপুৰৰ ৰাজবাৰীৰ দুৰ্গা পূজাৰ লগতে কেইবাখনো পূজা মণ্ডপ পৰিদৰ্শন কৰাৰ পিছতে আজি সন্ধিয়া নিৰ্মাণৰত ধুবুৰী মেডিকেল কলেজত উপস্থিত হয় । মেডিকেল কলেজৰ কামৰ অগ্ৰগতিৰ বজ লোৱাৰ পাছতে সংবাদ মাধ্যমৰ আগত নিজৰ প্ৰতিক্ৰিয়া প্ৰকাশ কৰি কয় যে, শীঘ্ৰেই চিকিৎসা মহাবিদ্যালয় খনৰ নিৰ্মাণ কাৰ্য্য সম্পন্ন কৰা হব ।
নবেল বঁটা বিজয়ীয়ে ভাৰতত ক্ষুদ্ৰ বিত্তীয় প্ৰতিষ্ঠানবোৰ শক্তিশালী কৰাৰ সূত্ৰ প্ৰকাশ কৰিছে
নবেল বঁটা বিজয়ীয়ে ভাৰতত ক্ষুদ্ৰ বিত্তীয় প্ৰতিষ্ঠানবোৰ শক্তিশালী কৰাৰ সূত্ৰ প্ৰকাশ কৰিছে । মুম্বাই নবেল বঁটা বিজয়ী আৰু গ্ৰামীণ বেংকৰ প্ৰতিষ্ঠাপক মহম্মদ ইউনুছে মঙলবাৰে বেংকৰ সুবিধাৰ পৰা বঞ্চিত লোকসকলৰ ওচৰলৈ যোৱাত আৰু সামাজিক কোম্পানী গঠনত উদগনি দিয়াত সহায় কৰিবলৈ এক নতুন বেংক আইন প্ৰণয়নৰ পোষকতা কৰে।তেওঁ কয় যে বৰ্তমান বেংকৰ এক আইন আছে য’ত বেংকসমূহৰ বাবে কেইবাটাও নিয়মাৱলী ৰখা হৈছে। ইয়াত অন্তৰ্ভুক্ত আছে আটাইতকৈ গুৰুত্বপূৰ্ণ ঋণৰ গেৰাণ্টি বা বন্ধক সম্পৰ্কীয় ব্যৱস্থা। ত্ৰয়োদশ ৰিজলিউশ্বন গ্লোবেল ছামিট-২০২১ত ইউনুছে কয়, “মই বহু বছৰ ধৰি পুনৰাবৃত্তি কৰি অহা প্ৰথম কথাটো মাইক্ৰ’ফাইনেন্সৰ সৈতে সম্পৰ্কিত।” তেওঁলোকে ব্যৱসায়ত ধৰি ৰাখিবলৈ এটা নতুন বেংক আইন প্ৰণয়ন কৰিব লাগিব। ”তেওঁ কয়, “আজি বেংকসমূহৰ বাবে কেৱল এটা আইন আছে যাক বেংকিং আইন বুলি কোৱা হয় যিয়ে বেংকবোৰ কি হ’ব লাগে তাক নিৰ্ধাৰণ কৰে।” ইয়াৰ অৰ্থ হৈছে যে আপুনি গেৰাণ্টি (বন্ধকী) আৰু অন্যান্য প্ৰয়োজনীয়তা পূৰণ কৰিব লাগিব। ইউনুছে কৈছিল যে দৰিদ্ৰ লোকসকলৰ বাবে এক নতুন বেংক ফ্ৰেমৱৰ্ক সৃষ্টি কৰাৰ প্ৰয়োজন আছে, য’ত নিয়মবোৰ গেৰাণ্টি বা বন্ধকীৰ ওপৰত আধাৰিত নহয়।”আমি বিত্তীয় ব্যৱস্থাটো পুনৰ নিৰ্মাণ কৰিব লাগিব। বিত্তীয় ব্যৱস্থাত, আমি সামাজিক ব্যৱসায় বিত্তীয় ব্যৱস্থা, সামাজিক ব্যৱসায় বেংক, সামাজিক ব্যৱসায় ক্ষুদ্ৰ ঋণ বেংক আদি সৃষ্টি কৰিব লাগিব। ইউনুছে বৰ্ধিত অৰ্থনৈতিক বৈষম্যৰ ওপৰত উদ্বেগ প্ৰকাশ কৰিছিল। তেওঁ কয় যে যদি সকলোৱে এজন উদ্যোগী হয়, তেন্তে এই ব্যৱধান দূৰ কৰিব পাৰি।
দুৰ্গা পূজাৰ মাজতেই বৰপথাৰত নিষিদ্ধ ড্ৰাগছ সেৱন কৰি ছাত্ৰৰ মৃত্যু ।
ড্ৰাগছৰ ঘাটিলৈ এতিয়া পৰিণত হৈছে গোলাঘাট জিলাৰ সমগ্ৰ বৰপথাৰ অঞ্চল। বৰপথাৰ আৰক্ষীৰ নিলিপ্ত ভূমিকাৰ বাবেই নিতৌ অঞ্চলটোতে বৃদ্ধি পাইছে নিষিদ্ধ আৰু মাৰাত্মক ড্ৰাগছ আসক্ত যুৱকৰ সংখ্যা । ঘটনাৰ বিৱৰণী অনুসৰি বৰপথাৰ নগৰৰ গেলাবিল তিনি আলিৰ কিছু সমীপত ৰাস্তাৰ কাষতে নিশা প্ৰায় 9.30 মান বজাত মটৰ চাইকেলত থকা পাচ জন যুৱকৰ সৈতে ড্ৰাগছ সেৱন কৰিছিল মৃত অবিনাশ ফুকনে। বৰপথাৰৰ নগৰৰ মাজমজিয়াত ৰাজহুৱা স্থানত এনেদৰে মাৰাত্মক আৰু নিষিদ্ধ ড্ৰাগছ সেৱন কৰি ছাত্ৰৰ মৃত্যু হোৱা ঘটনাই এতিয়া বৰপথাৰ আৰক্ষীৰ ফোপোলা স্বৰূপটো উদঙাই দিছে। উল্লেখ্যোগ্য যে দীৰ্ঘদিনৰ পৰা ড্ৰাগছ আসক্ত আছিল ছাত্ৰজন।
বৰপথাৰৰ বিভিন্ন দল সংগঠনৰ লগতে স্থানীয় ৰাইজে এই ঘটনাৰ লগত জড়িত সকলক অতি শীঘ্ৰেই কঠোৰ বিহিত ব্যৱস্থা লবলৈ আৰু ভয়ানক ড্ৰাগছৰ কবলৰ পৰা সমগ্ৰ বৰপথাৰখনক মুক্ত কৰিবলৈ দাবী জনাইছে ।
চাপৰত মানসিক বিকাৰগ্ৰস্ত ৰোগৰ লক্ষণ থকা যুৱক নিৰুদ্দেশ
চাপৰত মানসিক বিকাৰগ্ৰস্ত ৰোগৰ লক্ষণ থকা যুবক নিৰুদ্দেশ ,চিন্তিত পৰিয়ালে সুখবৰৰ আশাত ৰাইজলৈ কাতৰ আহ্বান । ২০বছৰীয়া ৰহমত আলী নামৰ যুবক নিৰুদ্দেশ । উক্ত যুবক জন ধুবুৰী জিলাৰ চাপৰ থানাৰ অন্তৰ্গত ফলিমাৰী ২য় খন্ড কলবাৰী ৰ বাসিন্দা আছিল যুবক জন।যোৱা ৯ অক্টোবৰৰ ৰাতি ১০ বজাৰ পৰা হয় নিৰুদ্দেশবৰ্তমান লৈও পোৱা নাই কোনো সুং সুত্ৰস্থানীয় আৰক্ষী থানাত অৱগত কৰি ৰাইজকো জনায় কাতৰ আহ্বান কোনো সু-হৃদৱান ব্যাক্তিয়ে যুবক জনৰ অনুসন্ধান পালে ওচৰৰ আৰক্ষী থানা নাইবা 8355819797,9957163071 নম্বৰত যোগাযোগ কৰিবলৈ বিনম্র আহ্বান জনায় পৰিয়ালৰ লোকে ।
লেখাপানীৰ পৰ্য্যটন ক্ষেত্ৰলৈ আশাৰ ৰেঙণি।
-তিনিচুকীয়া জিলাৰ লেখাপানী আৰক্ষী থানাৰ অন্তৰ্গত পাহাৰপুৰত পৰ্য্যটনৰ প্ৰতি গুৰুত্ব আৰোপ কৰি মুকলি কৰা হয় অফ ৰোড এডভেন্সাৰ চাফাৰী ৰিজৰ্ট । পাহাৰপুৰৰ দুজন উদ্যমী যুৱক ক্ৰমে সোতই চেমা আৰু অবিকা চেমাই অঞ্চলটোৰ প্ৰতি পৰ্য্যটক সকলক আকৰ্ষিত কৰাৰ উদ্দেশ্যে নিৰ্মাণ কৰি উলিয়ালে সুসজ্জিত ৰিজৰ্টখন। এক সুন্দৰ প্ৰাকৃতিক মনোমোহা পাহাৰীয়া পৰিবেশেৰে পৰিবেষ্টিত ঠাইত গঢ়ি তোলা ৰিজৰ্ট খনে যেন সকলোকে হাতবাউলি মাতিছে। টিৰাপ গেট চেণ্ট্ৰেল বেংকৰ কাষৰ পথটোৰে তিনি কিলোমিটাৰ আগবাঢ়ি গলেই দেখা পোৱা যায় আটক ধুনীয়া ৰিজৰ্ট খন। কোনো ধৰণৰ কৃতিমতা প্ৰয়োগ নকৰাকৈ প্ৰাকৃতিক ভাৱে উৎপাদিত সামগ্ৰীৰে নিৰ্মিত ৰিজৰ্ট খনত গঢ়ি তোলা হৈছে এটা ভিউ পইণ্ট, এই ভিউ পইণ্ট’ৰ পৰা বহু দূৰলৈ প্রকৃতিৰ সেউজ মনোমোহা দৃশ্য উপভোগ কৰাৰ উপৰিও সূৰ্য্য অস্ত যোৱাৰ এক নান্দনিক পৰিবেশ উপভোগ কৰিব পৰা যায়। উক্ত ৰিজৰ্ট খনত নাগা হাট নামেৰে এখন ৰেষ্টোৰাও গঢ়ি তোলা হৈছে যত উপলব্ধ থাকিব সুস্বাদু জনগোষ্ঠীয় খাদ্যসম্ভাৰ। ইয়াৰোপৰি ৰিজৰ্ট খনত উপলব্ধ থাকিব প্ৰাকৃতিক সৌন্দৰ্য উপভোগ কৰিব পৰাকৈ প্ৰায় তিনি কিলোমিটাৰ দূৰত্বৰ অফ ৰোড জিপ চাফাৰী। উক্ত ৰিজৰ্ট খনৰ উদ্যোগতা সকলে ভৱিষ্যতে ৰিজৰ্ট খন আগবঢ়াই নিয়াৰ ক্ষেত্ৰত যেনে ধৰণৰ পৰিকল্পনা হাতত লৈছে সেই পৰিকল্পনা সফল কৰি তুলিব পাৰিলে নিঃসন্দেহে অঞ্চলটোক যে পৰ্য্যটনৰ ক্ষেত্ৰত এক নতুনমাত্ৰা প্ৰদান কৰিব সেইয়া নিশ্চিত। এই চেগতে দুয়োগৰাকী উদ্যোক্তালৈ আন্তৰিক শুভেচ্ছা জ্ঞাপন কৰিছো যাতে তেখেতসকলৰ এই যোগাত্মক চিন্তাধাৰাই অসমৰ পৰ্য্যটন ক্ষেত্ৰখনক আগুৱাই নিয়াৰ ক্ষেত্ৰত কিছু হলেও অৰিহণা যোগাব পাৰে আৰু লগতে লেখাপানীৰ পৰ্য্যটন ক্ষেত্ৰখনো পৰ্য্যটকৰ বাবে আকৰ্ষণৰ থলী হিচাপে গঢ় লৈ উঠক।
মাতৃয়ে ১৯তম মহলাৰ পৰা 2 টা শিশুৰ সৈতে জঁপিয়াই আত্মহত্যা কৰে
উচ্চ উচ্চতাৰ পৰা তললৈ চালে প্ৰায়ে আমাৰ সকলোৰে মূৰ ঘূৰোৱা অনুভৱ হয়, কিন্তু হতাশাই এগৰাকী ৰাছিয়ান মহিলাৰ মূৰত ইমান আধিপত্য বিস্তাৰ কৰিছিল যে তেওঁ নিজৰ জীৱন দিবলৈ প্ৰায় 200 ফুট উচ্চতাৰ পৰা জঁপিয়াবলৈ ভয় কৰা নাছিল। এই আত্মহত্যাৰ আটাইতকৈ ভয়খোৱা কথাটো হ’ল যে মহিলাগৰাকীয়ে তাইৰ জীৱন দিয়াৰ সময়ত তাইৰ দুটা নিৰীহ সন্তানকো কোলাত ধৰি ৰাখিছিল।এই শোকাৱহ ঘটনাটো ৰাছিয়াৰ (ৰাছিয়া) ৰাজধানী মস্কো (মস্কো)ৰ। মহিলাগৰাকীয়ে মৃত্যুৰ আগতে তাইৰ দুয়োটা সন্তানক হাতত ধৰিছিল মহিলাগৰাকী, দুয়োটা শিশুকে ধৰি, 19 তম মহলাৰ পৰা পৰি মৃত্যু বৰণ কৰে। মহিলাগৰাকীৰ স্বামী এগৰাকী সামৰিক বিষয়া আৰু বাতৰিটো শুনি ও হতবাক হৈ পৰিছে।কেঁচুৱাটোৰ জন্মৰ পিছত হতাশাত পৰিছিলমিৰ’ৰে প্ৰতিবেদন দিছে যে মহিলাগৰাকী প্ৰসৱৰ পিছত হতাশাত ভুগি আছিল। তাই অলপতে এটা কেঁচুৱাজন্ম দিছিল। খবৰ অনুসৰি তাই চুবুৰীয়াজনক তাইৰ হতাশাৰ বিষয়ে অৱগত কৰিছিল, যদিও কোনেও আশা কৰা নাছিল যে তাই এনে বিপদজনক পদক্ষেপ ল’ব। ওলগা জাৰ্কোভাৰ (ওলগা ঝাৰকোভা) স্বামীয়ে তেওঁৰ সামৰিক কৰ্তব্যৰ বাবে দীৰ্ঘদিন ধৰি জীয়াই আছিল। তাই এই বিষয়েও কেইবাবাৰো অভিযোগ কৰিছিল। তাইৰ স্বামী বৰ্তমান ঘটনাটোক লৈ হতবাক হৈ আছে।ওলগাই এই বিপদজনক পদক্ষেপবোৰ লোৱাৰ আগতে এটা চুইচাইড নোটও এৰি গৈছিল। তেওঁ ইয়াত যি লিখিছে সেয়া তেওঁৰ দুৰ্বল মানসিক অৱস্থা দেখুৱাবলৈ গৈ আছে। চুচাইট টোকাঅনুসৰি, ওলগাই লিখিছিল, ‘এই নিষ্ঠুৰ পৃথিৱীত, তাই তাইৰ সন্তানক অকলে এৰি যাব নিবিচাৰে, সেয়েহে তাই সিহঁতক তাইৰ লগত লৈ গৈছে।’ মহিলাগৰাকীয়ে আগতে তাইৰ ওচৰৰ লোকসকলক কৈছিল যে কেঁচুৱাটোৰ জন্মৰ পৰাই তাইৰ হতাশা আছিল আৰু অকলশৰীয়া আৰু ভাগৰুৱা অনুভৱ কৰিছিল। তেওঁৰ আত্মহত্যাৰ কাৰণো একে বুলি বিশ্বাস কৰা হয়।
স্বামী অহাৰ লগে লগে পত্নীয়ে মেকআপ কৰে,মেকআপ নকৰিলেই বিবাহ বিচ্ছেদ
পৃথিৱীৰ প্ৰতিগৰাকী পত্নীয়ে তেওঁৰ স্বামীৰ চকুত ধুনীয়া হ’ব বিচাৰে। তেওঁ এই উদ্দেশ্যৰ বাবে বিভিন্ন ধৰণৰ সৌন্দৰ্য সামগ্ৰী (সৌন্দৰ্য সামগ্ৰী) ব্যৱহাৰ কৰে। কিন্তু যদি এগৰাকী মহিলাই শক্তিশালী ভাৱে মেকআপ পিন্ধিব লগা হয় তেন্তে কি হ’ব? এগৰাকী মহিলাই ছ’চিয়েল মিডিয়াত মানুহৰ সৈতে তাইৰ কষ্ট ভাগ বতৰা কৰিছিল। তাই বৰ্ণনা কৰিছিল যে যদি তাইৰ স্বামীয়ে তাইক মেকআপ অবিহনে দেখিছিল, তেন্তে তাই তৎক্ষণাৎ বিবাহ বিচ্ছেদ কৰিব যাতে তাই অনুভৱ কৰাৰ লগে লগে যে তাইৰ স্বামী আহি আছে, তাই লগে লগে তাইৰ মুখত মেকআপ আৰোপ কৰে।চাৰিটা সন্তানৰ মাতৃ এলিচিয়া (এলিচিয়া), যাক ৰাজকুমাৰী গ্লিটাৰহেড (ৰাজকুমাৰী গ্লিটাৰহেড) বুলিও জনা যায়, ছ’চিয়েল মিডিয়াত তেওঁৰ দুখ মানুহৰ সৈতে ভাগ বতৰা কৰিছিল। এলিচিয়াৰ দাঁত মাত্ৰ ২১ বছৰ বয়সত পৰিছিল। এইটো গৰ্ভধাৰণৰ ফলত হোৱা হৰমনৰ পৰিৱৰ্তনৰ বাবে হৈছিল। তাৰ পিছত লাহে লাহে কোঁচবোৰে তেওঁৰ মুখখন ভৰাই তুলিলে। এলিচিয়াই ছচিয়েল মিডিয়াত কৈছিল যে তাইৰ স্বামীয়ে দাঁত হেৰুওৱাৰ পিছত দাঁত ঠিক নকৰিলে তাইক এৰি থৈ গ’লহেঁতেন।মানুহৰ সৈতে তাইৰ জীৱনৰ বিষয়ে ভাগ বতৰা কৰি এলিচিয়াই প্ৰকাশ কৰিছিল যে তাই মাত্ৰ 18 বছৰত তাইৰ স্বামীৰ প্ৰেমত পাগল হৈ পৰিছিল। দুয়োজনে তেতিয়া ২০ বছৰ বয়সত বিবাহ পাশত আৱদ্ধ হৈছিল। এলিচিয়াই তেতিয়া ২১ বছৰ বয়সত তাইৰ প্ৰথম সন্তানৰ জন্ম দিছিল। কিন্তু এই গৰ্ভধাৰণৰ বাবে তেওঁবহুত খৰচ কৰিছিল। এলিচিয়াৰ সকলো দাঁত গৰ্ভধাৰণত বেয়াহৈ পৰিছিল। তাৰ পিছত তেওঁ এজন দন্ত চিকিৎসকৰ সহায় লৈছিল। য’ত তেওঁ নকল দাঁত ঠিক কৰিছিল। এলিচিয়াই অনুভৱ কৰে যে তাইৰ স্বামীয়ে তাইৰ দাঁতৰ কাৰণে তাইক এৰি থৈ যায় । কিছু সময়ৰ পিছত এলিচিয়াই ও তাইৰ স্তন সংৰোপণ কৰিছিল। এলিচিয়াই কৈছে যে তাই মেকআপ অবিহনে আত্মবিশ্বাস নাজানে। তাই তাইৰ শৰীৰৰ বিষয়ে যথেষ্ট সচেতন। অৱশ্যে, যেতিয়া তেওঁ তেওঁৰ স্বামীৰ সৈতে থাকে, তেওঁৰ যথেষ্ট মেকআপ হয়। তেতিয়া জীয়াই থকা এলিচিয়া অত্যন্ত আকৰ্ষণীয় আৰু আত্মবিশ্বাসেৰে পৰিপূৰ্ণ। অৱশ্যে, মানুহে এলিচিয়াৰ এই কাহিনীটোৰ প্ৰতি এক মিশ্ৰিত প্ৰতিক্ৰিয়া প্ৰদান কৰিছে। কিছুমানে এলিচিয়াক মেকআপৰ পৰা আঁতৰি থাকি আত্মবিশ্বাসী হৈ থাকিবলৈ পৰামৰ্শ দিছিল।
জিএছপিৰ তামুলপুৰ সমষ্টি নিৰ্বাচনী পৰিচালনা সমিতি গঠন
বিটিচি চৰকাৰৰ পৰা জিএছপিক বাদ দিলেই কাৰ্যকাল শেষ হোৱাৰ পূৰ্বেই ইউপিপিএল দলে কোকৰাঝাৰৰ পৰা খেদা খাৱ – এই ভাষ্য কোকৰাঝাৰ সমষ্টিৰ সাংসদ তথা জিএছপি দলৰ সভাপতি নৱ কুমাৰ শৰণীয়াৰ ৷ আজি ৫৮ নম্বৰ তামুলপুৰ বিধান সভা সমষ্টিৰ উপ নিৰ্বাচনত জিএছপি দলৰ মনোনীত প্ৰাৰ্থী ব্ৰজেন্দ্ৰ নাথ ডেকাৰ সমৰ্থনত তামুলপুৰ সমষ্টি কেন্দ্ৰীয় নিৰ্বাচনী পৰিচালনা সমিতি গঠন কৰা এখন সভাৰ অন্তত সাংবাদিকেৰে হোৱা আছুতীয়া বাৰ্তালাপত এনেদৰে কয় সাংসদ গৰাকীয়ে ৷ যিদিনাই বিটিচিৰ ৰাইজে কাউঞ্চিলত জিএছপি নাই বুলি গম পাব সিদিনাই ইউপিপিএল বিটিচিৰ পৰা নোহোৱা হব৷ বিটিচিত ইতিমধ্যেই ইউপিপিএলৰ বিকল্প সাজু হৈ আছে ৷ নিৰ্বাচনী মিত্ৰতা সম্পৰ্কত সাংসদ গৰাকীয়ে কয়, উপ নিৰ্বাচনত ইউপিপিএল বিজেপিৰ লগত জিএছপিৰ কোনো ধৰণৰ মিত্ৰতা হোৱা নাই ৷ বিটিচি নিৰ্বাচনৰ পিচত অসমৰ মুখ্য মন্ত্ৰী ড’ হিমন্ত বিশ্ব শৰ্মাৰ আৰু প্ৰমোদ বড়োৰ লগত বিটিচিত মিত্ৰদলৰ চৰকাৰ গঠনৰ বাবে আলোচনা হৈছিল৷ কিন্তু বিধান সভাৰ নিৰ্বাচনক লৈ এনে কোনো সিদ্ধান্ত হোৱা নাছিল ৷ মাত্ৰ অসমবাসী আৰু বিটিচি বাসীৰ স্বাৰ্থৰ হকে চিন্তা কৰি আমি বিধান সভাৰ নিৰ্বাচনত মিত্ৰদলক মুক্ত ভাৱে সমৰ্থন দিছিলো ৷ উপ নিৰ্বাচন নিৰ্বাচন সম্পৰ্কত বিজেপি ইউপিপিএল দলে জিএছপিক কোনো বৈঠকতে নিমন্ত্ৰন নজনোৱা বুলি সাংসদ গৰাকীয়ে অভিযোগ কৰি কয় মিত্ৰতা নথকাৰ পিচতো ইউপিপিএল দলে তেওঁঁলোকৰ প্ৰাৰ্থীৰ নিৰ্বাচনী প্ৰচাৰ কাৰ্যত জিএছপিৰ নাম ব্যৱহাৰ কৰি আছে ৷ আমি ইউপিপিএল বিজেপিক আহ্বান জনাইছো নিৰ্বাচনী প্ৰচাৰ কাৰ্যত জিএছপি দলৰ নাম আৰু প্ৰতীক চিহ্ন যাতে ব্যৱহাৰ নকৰে ৷ অন্যথা আমি নিৰ্বাচনী আয়োগত অভিযোগ দাখিল কৰিবলৈ বাধ্য হম ৷ আনহাতে এইবাৰৰ উপ নিৰ্বাচনত তামুলপুৰ আৰু গোসাইগাঁও সমষ্টিত জিএছপিৰ বাবে সুবৰ্ণ সুযোগ আহিছে বুলি সাংসদ গৰাকীয়ে কয়, সমষ্টি দুটাৰ ভোটাৰ ৰাইজে যাতে আমাৰ দলৰ প্ৰাৰ্থীক ভোট দি জিকাই আনে আৰু সকলো ধৰণৰ চৰকাৰী সুবিধা পোৱাৰ সুযোগ কণ গ্ৰহন কৰে ৷ কাউন্সিলৰ বাজেট সীমিত গতিকে অসম চৰকাৰৰ আঁঁচনি সমুহ পাবলৈ হলে আমাক এজন বিধায়কৰ প্ৰয়োজন আছে যি জনে বিধান সভাত সকলোবোৰ উত্থাপন কৰিব পাৰে ৷ আনহাতে বিজেপিৰ নেতা হৈও ইমানুৱেল মছাহাৰীয়ে নিৰ্দলীয় হিচাপে নিৰ্বাচনত প্ৰতিদ্বন্দ্বিতা আগবঢ়োৱা সম্পৰ্কত সাংসদ গৰাকীয়ে কয়, ইমানুৱেলেৰ যি সিদ্ধান্ত মই আদৰণি জনাইছো ৷ কাৰণবিটিচিত কংগ্ৰেছ বা বিজেপিৰ কোনো দলেই দলীয় নেতা কৰ্মীৰ আবেগক প্ৰাধান্য নিদিয়ে ৷ বিজেপি দলৰ সাংগঠনিক ভেটি বিটিচিত কিমান শক্তিশালী তাৰ কথা নাভাবি কেৱল বিটিচিত বুজাবুজি কৰিবলৈ বাধ্য ৷ জিএছপিহে বিটিচিত বসবাস কৰা সকলো জাতি জনগোষ্ঠীৰ উন্নয়নৰ কাম কৰিব পাৰিব ৷ আজিৰ সভাত জিএছপি দলৰ প্ৰাৰ্থী ব্ৰজেন্দ্ৰ নাথ ডেকাই কয়, তামুলপুৰ সমষ্টিবাসী বিভিন্ন জাতিগোষ্ঠীৰ আশীৰ্বাদ শীৰত লৈ মই নিৰ্বাচনী ৰণত নামিছো ৷ তেওঁঁ কয় সম অধিকাৰ,সমমৰ্যদাৰ কথা নিৰ্বাচনৰ সময়তহে বিভিন্ন ৰাজনৈতিৰ দলে কয় ৷ নিৰ্বাচন গলেই সেইবোৰ অসাৰ হৈ পৰে ৷ সমষ্টিবাসীৰ আশীৰ্বাদত মই বিধায়ক হিচাপে নিৰ্বাচিক হলে তামুলপুৰ বাসী ৰাইজৰ সকলো ধৰণৰ সমস্যা সমুহ বলীস্থ ভাৱে বিধান সভাৰ মজিয়াত উত্থাপন কৰিম ৷ তামুলপুৰৰ বিশিষ্ট সমাজকৰ্মী গিৰীশ মহন্তৰ সভাপতিত্বত প্ৰাৰ্থী ব্ৰজেন্দ্ৰ নাথ ডেকাৰ গেৰুৱা গাঁও স্থিত বাসগৃহত অনুষ্ঠিত আজিৰ সভাতেই চফিৰুদ্দিন আহমেদক সভাপতি আৰু নিখিল দেক সম্পাদক হিচাপে লৈ এখন শক্তিশালী নিৰ্বাচন পৰিচালনা সমিতি গঠন কৰা হয় ৷
দক্ষিণ শালমাৰা মানকাচৰ জিলাত দুখীয়া মানুহৰ মাটিৰ নথি পত্ৰ দালালৰ নামত আৱণ্টন দিয়াৰ অভিযোগ
দক্ষিণ শালমাৰা মানকাচৰ জিলাত ভূমি আৱণ্টনৰ নামত মানকাচৰ সমষ্টিৰ বিধায়ক আমিনুল ইছলামৰ পত্নী তথা দক্ষিণ শালমাৰা মানকাচাৰ জিলাৰ, জিলা পৰিষদৰ চেয়াৰমেন মেৰীনা খানমে বাঘা পাৰাৰ হাজী পাৰা গাওঁৰ বিলাল সেখ, বান শালীৰ হাবিল উদ্দিন সেখ, বান শালীৰ কুমুৰ আলী আৰু পৰশ আলীৰ পৰা বিঘাই প্ৰতি ৬০ হাজাৰকৈ টকা ভূমি আৱণ্টনৰ কাম কৰি দিয়াৰ নামত কেইবা লাখ টকা লৈছিল ৬ মাহ মান আগতে। কিন্তু মাটিৰ কাম কৰি দিয়াৰ পৰিবৰ্তে মেৰীনা খানমে বাঘাপাৰাৰ ৩িনিজন দালালৰ লগত গোপন বুজা বুজি কৰি উক্ত ভুক্তভোগীয়ে ভোগ দখল কৰি ঘৰ বাৰী সাজি বসবাস কৰি থকা দুখীয়া মানুহৰ মাটিৰ নথি পত্ৰ দালালৰ নামত আৱণ্টন দিয়াৰ অভিযোগ স্বয়ং ভুক্তভোগীয়ে উথাপন কৰে। ইয়াৰ উপৰিও উক্ত ভূমি আৱণ্টনৰ লগত জিলা খনৰ তদানীন্তন জিলা উপায়ুক্ত আতিকা চুলতানা জড়িত হৈ জিলা খনত বহু টকা লুন্ঠন কৰাৰ কথা সৰ্বত্ৰে চৰ্চিত। গতিকে ভুক্তভোগীয়ে মুখ্যমন্ত্ৰীৰ বিশেষ তদাৰকী কোষৰ জৰিয়তে চৰজমিন তদন্ত কৰিলে জিলা খনত কৌটি কৌটি টকাৰ লুণ্ঠন যে হৈছিল ভূমি আৱণ্টনৰ নামত সেই কথা অতি স্পষ্টকৈ ভাহি উঠিব। লগতে জিলা খনৰ বহু ভুক্তভোগীয়ে তদন্ত কৰি গ্ৰেপ্তাৰৰ দাবী জনায় ।
জাগুনত এন, এছ,চি, এন(আই, এম)ৰ সদস্য আটক।
তিনিচুকীয়া জিলাৰজাগুনত মঙ্গল বাৰে সেনাবাহিনীৰ দ্বাৰা আটক কৰা হয় এজন এন, এছ, চি, এন(আই, এম)ৰ দুৰ্ধৰ্ষ কেডাৰ। জাগুনস্থিত সেনাছাউনিৰ এটা দলে অভিযান চলাই আটক কৰে কেডাৰ জনক। মঙ্গল বাৰে এক গোপন সূত্ৰৰ পম খেদি অভিযান চলাই টিংকু পানী সংৰক্ষিত বনাঞ্চলৰ পৰা এন, এছ, চি, এন, ৰ সদস্যজনক আটক কৰিবলৈ সক্ষম হয় সেনাবাহিনীৰ দলটোৱে।আটকাধিন সদস্য জনৰ নাম মনোৰঞ্জন পাইট(২৮)বুলি জানিব পৰা গৈছে। জাগুন ২নং কাংকান গাঁৱৰ স্বৰ্গীয় তানুৰাম পাইট, ৰ পুত্ৰ বুলি জানিব পৰা গৈছে আটকাধিন কেডাৰ জন। কেডাৰ জনৰ পৰা সেনাবাহিনীয়ে আমেৰিকাত নিৰ্মিত এটা ৭.৬৫ এম,এম পিষ্টল, তিনি ৰাউণ্ড সজীৱ গুলী,২৫০গ্ৰাম বিস্ফোৰক , এটা চেফটি ফিউজ আৰু এটা ডিটনেটৰ উদ্ধাৰ কৰিবলৈ সক্ষম হয়। বৰ্তমানে কেডাৰ জনক সেনাবাহিনীয়ে লেখাপানী আৰক্ষীক চমজাই দিছে। লেখাপানী আৰক্ষীয়ে আটকাধিন কেডাৰ জনক প্ৰাৰম্ভিক চিকিৎসা পৰীক্ষা কৰি ন্যায়িক জিম্মালৈ প্ৰেৰণ কৰাৰ বাবে যাৱতীয় ব্যৱস্থা গ্ৰহণ কৰিছে।