আজি ২২ সংখ্যক কাৰ্গিল বিজয় দিৱস। ১৯৯৯ চনৰ আজিৰ দিনটোতেই ভাৰতীয় সেনাই দেশৰ অখণ্ডতা ৰক্ষা কৰি কাৰ্গিলৰ উচ্চ শিখৰত বিজয় ধ্বজা উৰুৱাইছিল। এই দিনটোতেই চিৰবৈৰী পাকিস্তানক ভাৰতৰ ভূমিৰ পৰা খেদি  পঠিয়াইছিল ভাৰতীয় সেনাই। সেইসময়ত কাৰ্গিলৰ উচ্চ শিখৰত পাকিস্তানৰ বিৰুদ্ধে যুদ্ধ কৰি শ্বহীদ হৈছিল অসমৰ সু-সন্তান গোলাঘাট খুমটাইৰ কেপ্তেইন জিন্টু গগৈয়ে। ১৯৯৯ চনৰে পৰা বীৰ গৰাকীক সন্মান জনাই প্ৰতিবছৰ ২৬ জুলাই তাৰিখে উদযাপন কৰি আহিছে কাৰ্গিল বিজয় দিৱসটি । এইবাৰো কৰ’ণা ভয়াৱহতাৰ মাজতে খুমটাইৰ কেপ্তেইন জিন্টু গগৈৰ বাসগৃহৰ সন্মুখৰ সমাধিস্থলীত উদযাপন কৰা হয় ২২ সংখ্যক কাৰ্গিল বিজয় দিৱস। পিতৃ ঠগিৰাম গগৈ, মাতৃ দুলুপ্ৰভা গগৈৰ অনুপস্থিতিৰ স্বত্বেও গোলাঘাট জিলা প্ৰশাসনৰ উদ্যোগত  পৰিয়ালৰ আন সদস্য  তথা  জাচিংফা লেখিকা সমাৰোহ সমিতিৰ সহযোগত পালন কৰা হয় কাৰ্গিল বিজয় দিৱস। বিজয় দিৱসৰ প্ৰথমটো কাৰ্যসূচীৰ অনুযায়ী ৰাষ্ট্ৰীয় পতাকা উত্তোলন কৰে উপায়ুক্ত মৃগেশ নাৰায়ণ বৰুৱাই। সমাধিত বন্তি প্ৰজ্বলন কৰে নুমলীগড় দিল্লী পাব্লিক স্কুলৰ অধ্যক্ষ উমেশ চন্দ্ৰ হৰব’লা আৰু বিশিষ্ট অতিথি ৰূপে উপস্থিত থাকে গোলাঘাট গাৰ্লছ এন চি চিৰ কামাণ্ডেন্ট এচ এচ শিৱাটচ। শ্বহীদ গৰাকীৰ পিতৃ মাতৃ গুৱাহাটীত ৰাজ্যিক ভাৱে উদযাপন কৰা কাৰ্গিল বিজয় দিৱসত অংশগ্ৰহণ কৰিবলৈ যোৱাৰ বাবে এইবাৰ নিজৰ বাসগৃহত উদযাপন কৰা বিজয় দিৱসত উপস্থিত থাকিব নোৱাৰিলে । পৰিতাপৰ কথা যে পৰিয়ালটোৱে  প্ৰতিবছৰে নিজৰ গাঁঠিৰ ধন ভাঙি কাৰ্গিল বিজয় দিৱস উদযাপন কৰি আহিছিল যদিও এইবাৰ গোলাঘাটৰ উপায়ুক্ত মৃগেশ নাৰায়ণ বৰুৱাই  জিলা প্ৰশাসনৰ উদ্যোগত অনুষ্ঠিত কৰিলে এই বিজয় দিৱসটো।

ক’ভিডৰ সময়ত ঘৰে ঘৰে গৈ ছাত্ৰ-ছাত্ৰীৰ অগ্ৰগতিৰ বুজ লৈছে নীলবাগান মডেল উচ্চতৰ মাধ্যমিক বিদ্যালয়ৰ শিক্ষকসকলে ৷সমগ্ৰ দেশতে কবিড অতিমাৰীৰ ভয়ানক পৰস্থিতি সৃষ্টি কৰাৰ সময়ত হোজাইৰ নীলবাগান মডেল উচ্চতৰ মাধ্যমিক বিদ্যালয়ৰ অধ্যক্ষ ফাইজ মহম্মদ বৰভূঞাৰ নেতৃত্বত বিদ্যালয়খনৰ শিক্ষকসকলে এক ব্যতিক্ৰমী প্রয়াস হাতত লোৱা দেখিবলৈ পোৱা গৈছে।বিদ্যালয়খনৰ অধ্যক্ষ সমন্বিতে শিক্ষক গোটে অনলাইন শিক্ষা চলাই যোৱাৰ উপৰিও ছাত্ৰ-ছাত্ৰীৰ ঘৰে ঘৰে গৈ প্ৰয়োজনীয় শৈক্ষিক সহায় আগবঢ়োৱাৰ লগতে নিজৰ পকেটৰ ধনেৰে দুখীয়া ছাত্ৰ-ছাত্ৰীক মোবাইল ৰিচাৰ্জ কৰি দিয়া কাৰ্যত ছাত্ৰ-ছাত্ৰীৰ লগতে অভিভাৱক সকলে বিদ্যালয়খনৰ অধ্যক্ষ আৰু শিক্ষক গোটক ধন্যবাদ জনায় ।শিক্ষকসকলৰ এনে অভিযান কালত আজি স্থানীয় ৰাইজ আৰু অভিভাৱকৰ প্ৰতিক্ৰিয়া জানিব বিচৰাত সকলোৱে নীলবাগান মডেল উচ্চতৰ মাধ্যমিক বিদ্যালয়ৰ এনে ব্যতিক্ৰমী আৰু অনন্য প্রয়াসক একেমুখে শলাগ লয় ৷এই ক্ষেত্ৰত বিদ্যালয়খনৰ অধ্যক্ষ গৰাকীৰ প্ৰতিক্ৰিয়া জানিব বিচাৰত তেখেতে কয় -আমি আমাৰ কৰ্তব্য নিষ্ঠাৰে আৰু সততাৰে পালন কৰিবলৈ সদায় যত্ন কৰো আৰু ছাত্ৰ-ছাত্ৰীৰ ঘৰে ঘৰে গৈ শৈক্ষিক আৰু মানসিক সহায় আগবঢ়োৱাৰ অভিযানো নিজ কৰ্তব্য নিয়াৰিকৈ পালনৰ এক অংশ বিশেষ ।অনলাইন পাঠদান নিয়মীয়াকৈ অনুষ্ঠিত হৈ থকাৰ উপৰিও আমাৰ এই কাৰ্যসূচীও অব্যাহত থাকিব । যিহেতু শিক্ষক, ছাত্ৰ-ছাত্ৰী আৰু অভিভাৱক এটা ত্ৰিভুজৰ তিনিটা কোন আৰু তিনিওটা কোন যেতিয়ালৈকে একত্ৰিত নহয় তেতিয়ালৈকে ছাত্ৰ-ছাত্ৰীৰ শিক্ষা সম্পূৰ্ণ নহয় , সেয়েহে আমাৰ অভিযানত এই তিনিওটা কোন একত্ৰিত হব পাৰিছো আৰু এই অভিযানে আগন্তুক দিনত ছাত্ৰ-ছাত্ৰীৰ শৈক্ষিক অগ্ৰগতিত এক চকুত লগা প্ৰভাৱ যে পৰিব সেয়া নিশ্চিত বুলি মন্তব্য কৰে ।আজি বিদ্যালয়ৰ অধ্যক্ষ ফাইজ মহাম্মদ বৰভুঞাৰ লগতে বিদ্যালয়ৰ অৰ্থনীতিৰ বিষয় শিক্ষক চিৰাজুল ইছলাম , ইংৰাজী শিক্ষক শ্বৰীফ উদ্দিন লস্কৰ , বিজ্ঞান শিক্ষক মুস্তাফা আল-আমিন বৰভূঞা আৰু অংক শিক্ষক মেহবুব হুছেইন চৌধুৰী উপস্থিত থাকে ।এখন চৰকাৰী বিদ্যালয়ৰ এনে কাৰ্যক সচেতন মহলে শলাগ লয়l

সদ্য ঘোষিত সৰ্বভাৰতীয় পৰ্যায়ৰ আই এছ চি ই ৰ অৰ্থাত ইণ্ডিয়ান চাৰ্টিফিকেট অফ ছেকেণ্ডাৰী এডুকেচন অন্তৰ্গত দ্বাদশ শ্ৰেণীৰ বিজ্ঞান শাখাৰ পৰীক্ষাৰ ফলাফলত বিশ্বনাথ জিলাৰ ইটাখোলাস্থিত দিকৰাইৰ অনুস্কাই সুখ্যাতিৰে উত্তিৰ্ণ হৈ জিলাখনৰ   লগতে ৰাজ্যখনৰে গৌৰব কঢ়িয়াই আনিবলৈ সক্ষম হৈছে ।ভবিষ্যতে এগৰাকী সু চিকিৎসক হোৱাৰ  লক্ষ্যৰে অনুস্কা বৰাই উক্ত পৰীক্ষাত বাইঅলজি আৰু বাইঅটেক্নলজি বিষয়ত ১০০ ৰ ভিতৰত ১০০ নম্বৰ পোৱাৰ উপৰিও ফিজিক্সত ৯৯ ,ইংৰাজীত ৯৭  নম্বৰ লাভ কৰি  শতকৰা ৯৯ % নম্বৰ অৰ্জন কৰে ।দিকৰাই চাহ বাগিচাৰ পৰিচালক কুলজীত বৰা আৰু শিক্ষয়ত্ৰী সুৰশ্ৰী বৰাৰ জেষ্ঠ কণ্যা অনুস্কা সৰুৰে পৰা মেধাসম্পন্ন ছাত্ৰী আছিল ।শোণিতপুৰ জিলাৰ হাড়চুৰাস্থিত আছামী ভেলীৰ ছাত্ৰী অনুস্কাই নৱম মান শ্ৰেণীৰ পৰাই দৈনিক ৮-৯ ঘণ্টা মনযোগেৰে অধ্যয়ন কৰি এনে সফলতা অৰ্জন কৰে ।পঢ়া শুনাৰ ওপৰিও অনুস্কাই খেলা ধুলা কৰি ভাল পায় । জানিব পৰা মতে তাই এগৰাকী ভাল স্কোৱাছ খেলুৱৈ ।বিদ্যালয়ৰ বহু বাৰ্ষিক সপ্তাহৰ খেলত অংশগ্ৰহণ কৰি বহু মেডেলো অৰ্জন কৰিবলৈ সক্ষম হৈছিল অনুস্কাই। অনুস্কাৰ এই সফলতাৰ বাবে ইটাখোলাৰ বহু অনুষ্ঠান প্ৰতিষ্ঠান ক্ৰমে বুনিয়াদ, আটছা,আছা ,আছুকে আদি কৰি কেইবাটাও সংগঠনে গৌৰৱান্বিত অনুভব কৰি অনুস্কাৰ ভবিষ্যত উজ্জ্বল কামনাৰে তাইক উষ্ম অভিনন্দন জনায়।

এটুকুৰা ৰহস্যময় পৌৰাণিক কাঠক লৈ  সৃষ্টি হৈছে তীব্ৰ কৌতুহল।কাঠটুকুৰা চাৱলৈ ভিৰ লাগিছে ৰাইজৰ।টীয়কৰ মেলেং বৰখেলীয়া গাৱত মাটিৰ তলৰ পৰা উদ্ধাৰ হৈছে এডাল পৌৰাণিক  কাৰুকাৰ্য্যগঠিত এটুকুৰা কাঠ আৰু কাঠটুকুৰাক লৈ এতিয়া তীব্ৰ কৌতুহল সৃষ্টি হৈছে সমগ্ৰ অঞ্চলতটোত ।৭ ফুট দীঘল অদ্ভুত কাঠটুকুৰা চাৱলৈ ভীৰ লাগিছে স্থানীয় ৰাইজৰ।গোৱিন বৰা নামৰ ব্যক্তিজনে পুখুৰী খাণ্ডোতে প্ৰায় ১২ ফুট মাটিৰ তলৰ পৰা উদ্ধাৰ হৈছিল এই অদ্ভুত কাঠটুকুৰা।কাঠটুকুৰা কোনো সাধাৰণ যেন লগা কাঠ নহয়।কাৰণ কাঠটুকুৰাত খোদিত হৈ আছে নিপুন হাতৰ কোনো অপূৰ্ব কাৰুকাৰ্য্য ,আৰু তাৎপৰ্য্য কথাতো হ’ল যে যি টুকুৰা ঠাইত কাঠটুকুৰা ওলাইছে সেই ঠাই শ শ বছৰ ধৰি কৃষি ভূমি হিচাপে ব্যৱহাৰ হৈ আহিছে।তাত নাই কোনো জনবসতি। কাঠটুকুৰাৰ ওজন প্ৰায় ৪০ কেজি আৰু স্থানীয় জ্যেষ্ঠ লোক সকলৰ মতে কাঠটুকুৰা প্ৰায় ৪০০ বছৰ পুৰণি।একাংশৰ মতে এইয়া হাটীবন্ধা কাঠ,একাংশৰ মতে ফাঁচী শাল আৰু একংশৰ মতে ঐতিহাসিক ১১আলিৰ কোনো বংশধৰৰ সম্পদ।বৰ্তমান গোবিন বৰা ঘৰত সংৰক্ষিত অৱস্থাত থকা কাঠটুকুৰা পুৰাতত্ত্ব বিভাগে গুৰুপ্ত দিয়া উচিত বুলি মত পোষন কৰিছে স্থানীয় ৰাইজে।