ভাৰতত চতুর্থটো ক’ৰোনা ভেকচিন

ভাৰতত চতুর্থটো ক’ভিড ভেকচিন জৰুৰীকালীনভাৱে ব্যৱহাৰ হ’ব৷ দেশৰ প্রসিদ্ধ ফার্মাচিটিকেল কোম্পানী চিপ্লাক মডার্না ক’ভিড ভেকচিন আমদানিত অনুমোদন জনাইছে ড্রাগ্ছ কণ্ড্র’লাৰ জেনেৰেল অৱ ইণ্ডিয়া, চমুকৈ ডিচিজিআয়ে৷ সম্প্রতি ছিৰাম ইনষ্টিটিউট অৱ ইণ্ডিয়াৰ ক’ভিশ্বিল্ড, ভাৰত বায়’টেকৰ ক’ভাক্সিন আৰু ৰাছিয়াৰ স্পুটনিক–ভি দেশজুৰি ব্যৱহাৰ হৈ থকাৰ পিছত চতুর্থটো ভেকচিন মডার্নাৰ ক’ভিড ভেকচিন শীঘ্রেই দেশত প্রয়োগ হ’ব৷ চিপ্লাই প্রকাশ কৰা মতে মডার্নাৰ ক’ভিড ভেকচিন আমেৰিকা যুক্তৰাষ্ট্রৰ খাদ্য আৰু ঔষধ প্রশাসনে জৰুৰীকালীন ব্যৱহাৰত অনুমোদন জনোৱাৰ পিছতেই এই ভেকচিনটো ভাৰতত প্রয়োগ কৰাৰ বাবে আবেদন জনায়৷

যোৱা ১৫ এপ্রিল আৰু ১ জুনত চিপ্লাই ডি চি জি আইক অনুমোদনৰ বাবে জনোৱা আবেদনৰ পিছত আজি এই ভেকচিনটোত অনুমোদন জনায় ডি চি জি আয়ে৷ মডার্নাৰ ক’ভিড–১৯ ভেকচিন এম আৰ এন এ–১২৭৩ত ডি চি জি আয়ে অনুমোদন জনাইছে৷

ইপিনে, ক’ভিড–১৯ দ্বিতীয় জোৱাৰৰ সংক্রমণৰ তীব্রতা দ্রুতগতিত হ্রাস পাই আহিছে৷ যোৱা ২৪ ঘণ্টাত দেশজুৰি আক্রান্ত হৈছে ৩৭,৫৫৬জন৷ এদিনত এই আক্রান্তৰ সংখ্যা বিগত ১০২ দিনৰ ভিতৰত সর্বনিম্ন৷ এনেদৰে মৃতকৰ সংখ্যাও হ্রাস পাই আহিছে৷ যোৱা ২৪ ঘণ্টাত মৃত্যু ঘটিছে ৯০৭জনৰ৷ এই সংখ্যা হৈছে বিগত ৭৭ দিনৰ ভিতৰত এদিনত সর্বনিম্ন৷

কেন্দ্রীয় স্বাস্থ্য মন্ত্রালয়ে প্রকাশ কৰা মতে দেশত আক্রান্তৰ সংখ্যা ৩,০৩,১৬,৮৯৭জন আৰু সুস্থ হৈ উঠা লোকৰ সংখ্যা ২,৯৩,৬৬,৬০১জন৷ সুস্থতাৰ হাৰ ৯৬.৮৭ শতাংশ৷ যোৱা ২৪ ঘণ্টাত মৃত্যু ঘটা ৯০৭জনক লৈ দেশত মৃতকৰ সংখ্যা ৩,৯৭,৬৩৭জনলৈ বৃদ্ধি পাইছে৷ মৃত্যুৰ হাৰ ১.৩১ শতাংশ৷ সম্প্রতি দেশত সক্রিয় ক’ভিড ৰোগীৰ সংখ্যা ৫,৫২,৬৫৯জন৷ মুঠ আক্রান্তৰ ১.৮২ শতাংশ৷ দৈনিক পজিটিভিটীৰ হাৰ ২.১২ শতাংশ৷ আনপিনে, আজি পুৱা ৭ বজালৈকে দেশজুৰি এতিয়ালৈ মুঠ ৩২.৯৪ কোটি ভেকচিন ড’জ প্রদান কৰা হৈছে৷

মৰিগাঁও জিলাৰ ভূৰাগাঁও আৰক্ষী থানাৰ অন্তৰ্গত বালিডোংগা গাঁৱত যোৱা ২০  জুনত সংঘটিত হয় মানৱ সমাজক লজ্জানত কৰা এক ভয়ংকৰ ধৰ্ষণ -হত্যাকাণ্ডৰ ঘটনা ।সেইদিনা ৰাতিপুৱা ৯ বছৰীয়া এটি কণমানি কন্যা শিশু নিজৰ পোহনীয়া চৰাইৰ বাবে জামুন গুটি বুটলিবলৈ ঘৰৰ পৰা ওলাই আহিছিল ।সেই সময়ত পৰিবেশৰ পূৰ্ণ সুযোগ লৈ ৬৫ বছৰীয়া নৰপিশাচ চৈয়দ আলীয়ে শিশুটিক উপৰ্যুপুৰি ধৰ্ষণ কৰি হত্যা কৰিছিল ।হত্যাৰ পিছতো দানৱ চৈয়দ আলীয়ে শিশুটিক পুনৰ ধৰ্ষণ কৰিছিল ।নিজৰ কুকৰ্ম ঢাকিবলৈ নৰখাদক চৈয়দ আলীয়ে বস্তাত ভৰাই মৃত শিশুটিক ঘৰৰ ওচৰৰে মৰাপাট খেতিত পেলাই দিছিল ।এই নাৰকীয় ঘটনাই সমগ্ৰ ৰাজ্য জোকাৰি গৈছিল ।মূখ্যমন্ত্ৰী ড° হিমন্ত বিশ্ব শৰ্মা ভূৰাগাঁৱত উপস্হিত হৈ জঘন্য ঘটনাৰ মূল অভিযুক্তক শীঘ্ৰে গ্ৰেপ্তাৰ কৰিবলৈ আৰক্ষী প্ৰশাসনক নিৰ্দেশ দিছিল ।আৰক্ষীয়ে অতি ক্ষিপ্ৰতাৰে তদন্ত কৰি সেই নাৰকীয় ঘটনাৰ মূল অভিযুক্ত ৬৫ বছৰীয়া নৰপিশাচ চৈয়দ আলীক গ্ৰেপ্তাৰ কৰিবলৈ সক্ষম হয় ।সম্প্ৰতি নৰপিশাচ চৈয়দ মৰিগাঁও আৰক্ষীৰ জিম্মাত আছে ।৬৫ বছৰীয়া নৰখাদকজনৰ আছে অতীতৰ বহু কলংকিত অধ্যায় ।চৈয়দ আলী আছিল মাদ্ৰাছাৰ ছাত্ৰ ।মাদ্ৰাছাত অধ্যয়ন কৰাৰ সময়ত কিশোৰ ছাত্ৰ তেঁওৰ কামনাৰ বলি হৈছিল ।যাৰ বাবে  কেবাখনো মাদ্ৰাছাৰ পৰা বহিস্কাৰ হব লগা হৈছিল ।মাদ্ৰাছাৰ শিক্ষা সমাপ্ত কৰি চৈয়দ আলী  হৈ পৰিছিল মাদ্ৰাছাৰ শিক্ষক আৰু মছজিদৰ ইমাম ।ইয়াৰ উপৰি তবলীগ জামাতৰ আমিৰৰ দাজিত্ব পালন কৰিছিল নৰখাদক চৈয়দে ।তবলীগ জামাতত যোৱা যুৱকৰ লগতো কুকৰ্ম সংঘটিত কৰিছিল ।আনহাতে নৰপিশাতটোৰ পৰা জীৱ জন্ত্তও সাৰি যোৱা নাছিল ।এবাৰ নৰখাদক চৈয়দে ছাগলীৰ লগত কুকৰ্ম কৰি ৰাইজৰ আগত ধৰা পৰিছিল ।তেতিয়া স্হানীয় ৰাইজে ৰাউজমেল পাতি চুলি কাটি মূখত -মূৰত চূণ তেল সানি ডিঙিত টিন বান্ধি ৰাস্তাই ৰাস্তাই ঘূৰাই বিচাৰ কৰিছিল ।তেতিয়াৰ চৈয়দ আলীৰ নাম হয় পাঠা ।স্হানীয় অঞ্চলত চৈয়দ আলী বুলি চিনি নাপায় পাঠা বুলি কলেহে চিনি পায় । চৈয়দৰ এনে কুকৰ্মৰ বাবে স্হানীয় ৰাইজে ৰাজহুৱা ভাৱে ধৰ্মীয় সকলো কামৰ পৰা আতঁৰাই ৰাখিছিল । লম্পট চৈয়দ  কেবাবাৰো ৰাইজৰ কঠোৰ বিচাৰৰ সন্মূখীন হব লগা হৈছিল । চৰিত্ৰহীন চৈয়দৰ বৃদ্ধ বসয়তো পৰিৱৰ্তন নহল চৰিত্ৰ ।নিজৰ নাতিনীৰ বয়সতকৈয়ো কম বসয়ৰ শিশুটিক নিৰ্দয়ভাৱে ধৰ্ষণ কৰি হত্যা কৰা ঘটনাক স্হানীয় ৰাইজে সহজভাৱে  লব পৰা নাই ।  ইমানেই নহয় নৰখাদকটোৱে কণমানিৰ জানাজাৰ লগতে সকামতো অংশগ্ৰহন কৰিছিল ।স্হানীয় ৰাইজৰ এটাই দাবী এই নৰপিশাচটোক ফাঁচি দিব লাগে ।স্হানীয় ৰাইজৰ এটাই দাবী আইনৰ সুৰুঙাৰে যাতে পাঠা সাৰি যাব নোৱাৰে ।

দৈনিক ভেকচিন লবলৈ আহি  উভতি যাব লগীয়া হৈছে হাজাৰ হাজাৰ পুৰুষ মহিলা ।

সমগ্ৰ দেশতেই কাৰোনাই শলঠেকত পেলোৱাৰ সময়ত ৰাজ্য চৰকাৰে ৰাজ্যৰ জনগণক ক’ভিডৰ পৰা ৰক্ষা পাবলৈ  ভেকচিন প্ৰদান কৰি অহা সময়ত ওদালগুৰি জিলাৰ ৰাইজ ভেকচিনৰ অভাৱত হাৱাথুৰী খাব লগীয়া পৰিস্থিতিৰ সৃষ্টি হৈছে । ওদালগুৰি জিলাৰ ভেকচিনেশ্যচনৰ স্বাস্থ্য কেন্দ্ৰ সমূহত এতিয়া দৈনিক হাজাৰ হাজাৰ ৰাইজে দিনৰ দিনটো ভিৰ কৰা পৰিলক্ষিত হৈছে । যিসময়ত ৰাজ্য চৰকাৰে দৈনিক তিনি লাখতকৈ অধিক ভেকচিন প্ৰদান কৰা হব বুলি প্ৰকাশ কৰি  অহাৰ সময়তে ওদালগুৰি জিলাৰ এই ধৰণৰ ভেকচিনৰ নাটনিয়ে চিন্তিত কৰিছে জিলাখনৰ সকলো শ্ৰেণীৰ জনতাক । ওদালগুৰি জিলাৰ ওৰাং খন্ড প্ৰাথমিক  স্বাস্থ্য খণ্ডতো দেখিবলৈ পোৱা গৈছে সেই একেই দৃশ্য । মাজবাট বিধানসভা সমষ্টিৰ অন্তৰ্গত  ৰৌতা,মাজবাট ,ওৰাং অঞ্চলৰ গাঁও সমূহৰ পৰা দৈনিক ঘৰৰ কাম বন এৰি চৰকাৰে জনোৱা আহ্বান মৰ্মে ৰাইজ স্বাস্থ্য কেন্দ্ৰলৈ ভেকচিন লোৱাৰ বাবে ওলাই আহিছে ঠিকেই কিন্তু দিনৰ দিনটো অপেক্ষা কৰি হাৱাথুৰী খাব লগীয়া হৈছে  সাধাৰণ  জনতাই । দৈনিক এখন ভেকচিন চেণ্টাৰত ১০০/ ২০০ জনক ভেকচিন প্ৰদান কৰা হয় যদিও এটা চেণ্টাৰত দৈনিক লানি নিছিঙা ভিৰ হোৱা পৰিলক্ষিত হৈছে । দিনত এটা ভেকচিনেশ্যচন  চেণ্টাৰৰ পৰা ৩০০/৪০০ত কৈ অধিক লোক উভতি যোৱাটো সাধাৰণ কথা হৈ পৰিছে ৷ভেকচিনেশ্যচন কেন্দ্ৰ সমুহত সময়তে এতিয়া এটাও ভেকচিন নথকাৰ ফলত ঘৰৰ পৰা ৰাতিপুৱাই সকলো কাম বন কণ কণ লৰা ছোৱালীক ঘৰত থৈ  ভিতৰুৱা গাঁও অঞ্চলৰ পৰা  ওলাই অহা হাজাৰ হাজাৰ লোকে জিলা খনত এটাও  ভেকচিন নথকা কথা জানিবলৈ পাই ঘূৰি যাব লগীয়া হৈছে । ঘৰৰ পৰা এটা ভেকচিন লবলৈ ওলাই অহা সকলে অতিকামেও তিনি চাৰি দিন ধৰি স্বাস্থ্য কেন্দ্ৰ সমূহত আহিও ভেকচিন  লাভ নকৰাত চিন্তিত হৈছে গাঁও অঞ্চলৰ ৰাইজ ।যোৱা ২৯ তাৰিখৰ পৰা ওৰাং খণ্ড প্ৰাথমিক স্বাস্থ্য কেন্দ্ৰত ভেকচিনৰ নাটনি হোৱাত ঘূৰি যাব লগীয়া হৈছে ৰাতিপুৱা পাঁচ বজাৰ পৰা ভেকচিন লবলৈ শাৰী পাতি থকা পুৰুষ মহিলা সকল বঞ্চিত হৈ তীব্ৰ ক্ষোভ  প্ৰকাশ কৰি আহিছে ৷
অসম চৰকাৰে সাধাৰণ জনতাক ভেকচিন লাবলৈ বাৰম্বাৰ আহ্বান জনাই অহাৰ  সময়ত ওদালগুৰি জিলাৰ স্বাস্থ্য কেন্দ্ৰ সমূহত ভেকচিনৰ অভাৱ হোৱাটো চিন্তনীয় বিষয় হৈ পৰিছে । এখন স্বাস্থ্য কেন্দ্ৰত অতিকমেও চাৰি ,পাঁচ শ লোকে ভেকচিন লবলৈ ৰাতিপুৱা পাছ বজাৰ পৰাই শাৰী পাতি থকা সময়ত  ভেকচিনেশ্যচন স্বাস্থ্য কেন্দ্ৰত মাত্ৰ ১০০/২০০ গৰাকী লোকক ভেকচিন প্ৰদান কৰি বাকী থকা সকলক উভতি যাবলৈ বাধ্য কৰোৱা ঘটনাই চিন্তিত কৰিছে জিলাখনৰ সচেতন মহলক । যিখন  ভেকচিনেশ্যচন স্বাস্থ্য কেন্দ্ৰত  প্ৰায় ৫০০  জন লোক ভেকচিনৰ সন্ধানত ওলাই আহে সেই  ভেকচিনেশ্যচন চেণ্টাৰত মাত্ৰ ১০০/২০০ টা ভেকচিন মজুত থাকিলে চৰকাৰে জনোৱা আহ্বান কি দৰে পালন কৰিব তাক লৈয়ো চিন্তিত হৈছে গাঁও সমূহৰ সাধাৰণ ৰাইজ । আৰু আনফালে চৰকাৰে সদৰী কৰা অনুযায়ী চৰকাৰী চাকৰি কৰা লোকে ভেকচিন গ্ৰহণ নকৰিলে  দৰমহা বন্ধ আদি কিছু চৰ্ত ৰখাটো কিমান যুক্তি যুক্ততা আছে তাক লৈয়ো চিন্তিত বহু লোক ।তদুপৰি  কভিশ্বিল দ্বিতীয় পালি লবলৈ শ শ লোক সকলৰ মাজত হাহাঁকাৰ  সৃষ্টি হৈ থকাটো এতিয়া নিত্যনৈমিত্তিক স্বাভাবিক ঘটনা হৈ পৰিছে ৷অনতিপলমে পৰ্য্যপ্ত পৰিমানে ভেকচিন প্ৰদান কৰিবলৈ চৰকাৰ,সংশ্লিষ্ট বিভাগক ওদালগুৰি জিলা সচেতন নাগৰিক সমিতিয়ে আহ্বান জনাইছে ৷

ৰাজ্যখনৰ ‌ বিটিআৰৰ  ওদালগুৰি জিলাৰ মাজবাট বিধানসভা সমষ্টিৰ এলেকাস্হ   ৰৌতা চক্ৰ আৰক্ষী বিষয়া  অচ্যুতানন্দা দাসে  যোৱা ২০২০ চনৰ ১০ জুনৰ দিনা ৰৌতা আৰক্ষী  চক্ৰ বিষয়া হিচাপে যোগদান কৰাৰ পাছত আজি ১ বছৰ ২০ দিনহে  হোৱাত পুনৰ চক্ৰ আৰক্ষী বিষয়া গৰাকীক সীমান্ত শাখাৰ পৰিদৰ্শক হিচাপে গুৱাহাটীলৈ বদলি কৰাত বৃহত্তৰ ৰৌতাবাসী ৰাইজে আপত্তি কৰিছে । কাৰণ ৰৌতা আৰক্ষী থানা আৰু মাজবাট আৰক্ষী থানাৰ লগতে ওৰাং আৰক্ষী থানা তিনিখনক সামৰিলৈ তেওঁ  ৰৌতা  চক্ৰ আৰক্ষী বিষয়াৰ দায়িত্ব গ্ৰহণ কৰি  আহিছিল । এই তিনিখন আৰক্ষী থানাৰ প্ৰায় ৪০০খন গাঁৱৰ এগৰাকী চক্ৰ আৰক্ষী বিষয়াৰ দায়িত্ব আৰু গুৰুত্ব নিষ্ঠা সহকাৰে পালন কৰাত ৰৌতা, মাজবাট ,  ওৰাং ,আদি অঞ্চলৰ ৰাইজৰ মাজত  বহুকম দিনৰ ভিতৰতে সু -সম্পৰ্ক  স্থাপন কৰিবলৈ ৰৌতা আৰক্ষী চক্ৰ বিষয়াগৰাকীয়ে  সক্ষম হৈছিল । এগৰাকী  চক্ৰ  আৰক্ষী বিষয়াৰ দায়িত্ব পালন কৰাৰ উপৰিও থানা তিনিওখনৰ অন্তৰ্গত গাওঁবোৰ  ড্ৰাগছমুক্ত আৰু অসামাজিক কাৰ্য – কলাপবোৰ বিশেষ পদক্ষেপেৰে বন্ধ কৰিবলৈ গোপনে অভিযান চলাই থকা আৰু ক’ভিড  সৈনিক হিচাপেও সুচাৰুভাৱে কৰ্তব্য পালন কৰা আৰক্ষী বিষয়া গৰাকীয়ে দেশৰ লগতে ৰাজ্যখনক আতংকিত কৰা ক’ভিডৰ দৰে ভয়ানক পৰিস্থিতিতো ওদালগুৰি জিলাত মোকাবিলা কৰা  চক্ৰ আৰক্ষী  বিষয়াৰ অধীনস্থ  প্ৰায়বোৰ গাঁও ,বস্তি , বজাৰ ,চহৰ  ,চ’ক আদিবোৰত দৈনিক নিজে  গৈ প্ৰশাসনীক বিষয়া হিচাপে উপস্থিত হৈ ক’ভিডত  আক্ৰান্ত হোৱা লোকসকলৰ  খবৰ লোৱাৰ লগতে পহৰাৰে  তদাৰক কৰিছিল আৰু দুৰ্বৃত্ত তথা উগ্ৰপন্থী কৰায়ত্ত কৰাৰ সন্ধানকাৰী আছিল । তদুপৰি  সমগ্ৰ তিনিওখন থানা অঞ্চলৰ ৰাইজৰ মাজত ক’ভিডৰ ব্যাপক সজাগতা,সচেতনতা অনাৰ ক্ষেত্ৰত গুৰুত্বপূৰ্ণ ভূমিকা পালন কৰা দেখা পোৱা গৈছিল । সেয়েহে ৰাজ্য চৰকাৰে ২৬ জুনত আৰক্ষী- প্ৰশাসনত ১৯৩ গৰাকী পৰিদৰ্শক পৰ্যায়ৰ বিষয়াক বদলি কৰাৰ সময়ত ৰৌতা চক্ৰ আৰক্ষী বিষয়া অচুতানন্দা দাসকো সীমান্ত  শাখাৰ পৰিদৰ্শক হিচাপে গুৱাহাটীলৈ  বদলি কৰাৰ খবৰ পাই তেওঁৰ শুভাকাংখীসকলৰ মাজত ব্যাপক হাৰত   ৰৌতাত চৰ্চা হোৱা পৰিলক্ষিত হৈছে । সেয়েহে আজি ৰৌতা  চক্ৰ আৰক্ষী বিষয়াৰ বদলিৰ সন্দৰ্ভত ৰাইজৰ মতামত লোৱাত ৰাইজে  জনায় যে-  সুদক্ষ আৰু অতি সক্ৰিয় চক্ৰ আৰক্ষী বিষয়া গৰাকীয়ে কমদিনৰ ভিতৰতে  এই অঞ্চলবোৰৰ ৰাইজৰ মাজত সোমাই ক’ভিড যোদ্ধাৰ লগতে ক’ভিডৰ অগ্ৰগতি আদিৰ সম্পৰ্কত আলোচনা পৰ্য্যালোচনা কৰি প্ৰতিটো কনটেইণ্টমেন্ট জ’নত নিজেই উপস্থিত হৈ পৰিৱেশ আৰু পৰিস্থিতি আদিবোৰ পৰ্য্যবেক্ষণ কৰিছিল । গতিকে তেনে দক্ষ চক্ৰ আৰক্ষী বিষয়া এগৰাকীক ৰৌতাৰ পৰা সীমান্ত শাখাৰ পৰিদৰ্শক হিচাপে গুৱাহাটীলৈ বদলি কৰাত সৰ্ব -সাধাৰণ ৰাইজে আশ্বৰ্য প্ৰকাশ কৰি  চৰকাৰক তেওঁৰ  বদলিকৰণ  বাতিল কৰিবলৈ ৰাইজে  দাবী জনাইছে  ।