তেজপৰ চিকিৎসা মহাবিদ্যালয়ত শ্ৰীসত্য সাই সংগঠন,অসমৰ তৰফৰ পৰা  ৩০ টা অক্সিজেন কনচেনট্ৰেটৰ বিতৰণ কৰা হয় ৷
এই  অক্সিজেন কনচেনট্ৰেটৰৰ জৰিয়তে কম অক্সিজেন লেভেল থকা ৰোগীসকল যথেষ্ট পৰিমাণে উপকৃত হ’ব বুলি মন্তব্য কৰে চিকিৎসা মহাবিদ্যালয়ৰ অধ্যক্ষৰ লগতে অধীক্ষকগৰাকীয়ে ৷  তেজপৰ চিকিৎসা মহাবিদ্যালয়ত শ্ৰীসত্য সংগঠন,অসমৰ তৰফৰ পৰা ২৬জুনত   ৩০ টা অক্সিজেন কনচেনট্ৰেটৰ বিতৰণ কৰা হয় ৷তেজপুৰ চিকিৎসা মহাবিদ্যালয়ৰ অধীক্ষক ডা° মাধৱ ৰাজবংশী আৰু অধ্যক্ষ ডা° কৰুণা হাজৰিকাৰ হাতত ৩০ টা অক্সিজেন কনচেনট্ৰেটৰ বিতৰণ কৰে শ্ৰীসত্য সাই সংগঠনৰ  বিষয়াবৰ্গই ৷পোনপ্ৰথমে শ্ৰীসত্য সাই বাবাৰ প্ৰতিচ্ছবিৰ সন্মুখত বন্তি প্ৰজ্বলন কৰি ঔমকাৰ ধ্বনি দিয়াৰ লগতে মঙ্গল আৰতি কৰি শ্ৰীসত্য সাই অৰগেনাইজেছনৰ বিষয়ববীয়াসকলে তেজপৰ মেডিকেল কলেজত ৩০ টা অক্সিজেন কনচেনট্ৰেটৰ বিতৰণ কৰে৷বৰ্তমান কভিডৰ জটিল পৰিস্থিতিৰ সময়ত উক্ত ৩০ টা অক্সিজেন কনচেনট্ৰেটৰে তেজপুৰ চিকিৎসা মহাবিদ্যালয়ত ভৰ্তি হোৱা ক’ভিড ৰোগীসকলক যথেষ্ট উপকৃত কৰিব বুলি মন্তব্য কৰে তেজপুৰ চিকিৎসা মহাবিদ্যালয়ৰ অধ্যক্ষ ডা° কৰুণা হাজৰিকা আৰু অধীক্ষক ডা° মাধৱ ৰাজবংশীয়ে ৷তেজপুৰ চিকিৎসা মহাবিদ্যালয়ৰ অধ্যক্ষগৰাকীয়ে জনায় যে,তেজপুৰ চিকিৎসা মহাবিদ্যালয়ত পূৰ্বৰেপৰা অৰ্ধশতাধিক অক্সিজেন কনচেনট্ৰেটৰ মজুত আছে যদিও শ্ৰীসত্য সাই সংগঠনটোৱে  প্ৰদান উক্ত অক্সিজেন কনচেনট্ৰেটৰৰ দ্বাৰা ৰোগসকল বাৰুকৈয়ে উপকৃত হ’ব ৷ অক্সিজেন কনচেনট্ৰেটৰ বিদ্যুতৰ দ্বাৰা পৰিচালিত হয় যদিও উক্ত অক্সিজেন কনচেনট্ৰেটৰ সহজতেই এঠাইৰ পৰা আন এঠাইলৈ স্থানান্তৰ কৰিব পাৰি বাবে যথেষ্ট সুফলদায়ক । উক্ত অক্সিজেন কনচেনট্ৰেটৰৰ জৰিয়তে কম অক্সিজেন লেভেল থকা ৰোগীসকল যথেষ্ট পৰিমাণে উপকৃত হ’ব বুলি মন্তব্য কৰে চিকিৎসা মহাবিদ্যালয়ৰ অধীক্ষকগৰাকীয়ে ৷ শ্ৰীসত্য সাই সংগঠন,অসমে পিছলৈয়ো তেজপুৰ চিকিৎসা মহাবিদ্যালয়লৈ এনেদৰে সহযোগিতা আগবঢ়াবলৈ তেজপুৰ চিকিৎসা মহাবিদ্যালয়ৰ অধ্যক্ষ তথা অধীক্ষকে বিনম্ৰতাৰে অনুৰোধ জনায়।  শ্ৰীসত্য সাই সংগঠনৰ  আহ্বায়ক ড° ধৰ্মেন্দ্ৰ শৰ্মাই সংবাদমাধ্যমত জনায় যে, ভাৰতবৰ্ষৰ শ্ৰীসত্য সাই সংগঠনটোৰ  সভাপতি নিমিষ পাণ্ডেই  অসমলৈ ক’ভিড পৰিস্থিতিৰ প্ৰতি লক্ষ্য ৰাখি ৫০ টা অক্সিজেন কনচেনট্ৰেটৰ প্ৰেৰণ কৰিছিল ইয়াৰে ৩০ টা অক্সিজেন কনচেনট্ৰেটৰ তেজপুৰ চিকিৎসা মহাবিদ্যালয়ত ২৬জুনত প্ৰদান কৰা হয় বুলি জনায় আহ্বায়কগৰাকীয়ে ৷অসম, মেঘালয় আৰু অৰুণাচল প্ৰদেশৰ সভাপতি তথা জ্যেষ্ঠ অধিবক্তা সত্যেন শৰ্মাৰ তত্ত্বাৱধানত অক্সিজেন কনচেনট্ৰেটৰ বিতৰণ কৰা হয় বুলি জনায় শ্ৰীসত্য সাই সংগঠনৰ বিষয়াবৰ্গই ৷উক্ত অনুষ্ঠানত শোণিতপুৰ জিলা আৰু বিশ্বনাথ চাৰিআলিৰ শ্ৰীসত্য সাই  সংগঠনটোৰ  জিলা সভাপতি বিজয় বৰা ,ওদালগুৰি আৰু দৰং জিলাৰ বিষয়ববীয়া ধৃতিমান বৰুৱা আৰু ভূপেশ কুমাৰ ডেকা,আহ্বায়ক ড° ধৰ্মেন্দ্ৰ শৰ্মা,মহিলা আহ্বায়িকা আইৰিন বৰা,ড° পিকে শৰ্মা,মায়াৰাণী বৰাৰ লগতে তেজপুৰ চিকিৎসা মহাবিদ্যালয়ৰ উপ অধীক্ষক ফণী শৰ্মাৰ ওপৰিও কেবাগৰাকী জ্যেষ্ঠ চিকিৎসক আৰু বিটিএডি সাংবাদিক সংস্থাৰ কেন্দ্ৰীয় সমিতিৰ সাধাৰন সম্পাদক নব কুমাৰ ডেকা আদি সকল উপস্থিত থাকে ৷