সদ্যঘোষিত উচ্চতৰ মাধ্যমিকৰ চূড়ান্ত পৰীক্ষাৰ ফলাফলত এশ শতাংশ পৰীক্ষাৰ্থী উত্তীৰ্ণৰে গৌৰৱ কঢ়িয়াই আনিবলৈ সক্ষম হয় নলবাৰী জিলাৰ কাপলাবড়ীস্থিত নেচনেল একাডেমী অফ এডুকেচন নামৰ শিক্ষানুষ্ঠানখনে। নেচনেল একাডেমী অফ এডুকেচনৰ পৰা এইবেলি উচ্চতৰ মাধ্যমিকৰ চূড়ান্ত পৰীক্ষাত বিজ্ঞান শাখাত অৱতীৰ্ণ হৈছিল ১৩৭ গৰাকী শিক্ষাৰ্থী আৰু কলা শাখাত অৱতীৰ্ণ হৈছিল ১৩ জন শিক্ষাৰ্থী সহ মুঠ ১৫০ গৰাকী শিক্ষাৰ্থী। ঘোষিত ফলাফলত আটাইকেইগৰাকী শিক্ষাৰ্থীয়ে উৰ্তীৰ্ণ হবলৈ সক্ষম হয়।

বিজ্ঞান শাখাত ২ গৰাকী ডিষ্টিংচন, ১০ গৰাকী ষ্টাৰ আৰু ৭১ গৰাকী প্ৰথম বিভাগত আৰু দ্বিতীয় বিভাগত ৫৪ গৰাকী পৰীক্ষাৰ্থী উৰ্তীৰ্ণ হয়। কলা শাখাত এগৰাকী ষ্টাৰ মাৰ্ক, ১০ গৰাকী প্ৰথম বিভাগ আৰু ২ গৰাকী শিক্ষাৰ্থীয়ে দ্বিতীয় বিভাগত উৰ্তীৰ্ণ হয়। এই বৰ্ষত নেচনেল একাডেমী অফ এডুকেচনৰ সৰ্বোচ্চ নম্বৰ লাভ কৰা আশিক ইমদাদে ৮৮.০ শতাংশ নম্বৰ নম্বৰ লাভ কৰি সুনাম অৰ্জন কৰে।

সদ্য ঘোষিত উচ্চতৰ মাধ্যমিক চূড়ান্ত পৰীক্ষাৰ ফলাফলত উজলিল বইটামাৰীৰ ভূমিকা দিহিদাৰ।

জুইয়ে পুৰা সোণ হৈ জিলিকিল ভূমিকা দিহিদাৰ নামৰ ছাত্ৰীগৰাকীয়ে।

পিতৃ মাতৃৰ লগতে নিজৰ আইতাকে পঢ়াৰ ক্ষেত্ৰত বহু গুৰুত্ব দিছিল ছাত্ৰীগৰাকীক।

সদ্য ঘোষিত উচ্চতৰ মাধ্যমিক চূড়ান্ত পৰীক্ষাৰ ফলাফলত বইটামাৰী উচ্চতৰ মাধ্যমিক বিদ্যালয়ৰ পৰা কলা শাখাত ৮৮ শতাংশ লাভ কৰিবলৈ সক্ষম হয় ছাত্ৰী গৰাকীয়ে।

ছাত্ৰীগৰাকীৰ এই সাফল্যত পিতৃ মাতৃৰ লগতে আইকতাগৰাকীয়ে বহু সুখ অনুভৱ কৰে।

পিতৃগৰাকীয়ে কোম্পানীত কাম কৰি নিজৰ ছোৱালীক পঢ়াত গুৰুত্ব দিছিল, যাৰ ফলত আজি পিতৃৰ মুখত সাফল্যৰ হাঁহি।

দৰং জিলাৰ মংগলদৈ সদৰ থানাৰ অন্তৰ্গত হলৌচকৰ সমীপৰ ৰঙামাটি কলাইগাঁও পথত ভয়ংকৰ পথ দুৰ্ঘটনা।বেটাৰী ৰিস্কা আৰু চাৰিচকীয়া গাড়ীৰ মাজত মুখামুখি সংঘৰ্ষ। ঘটনাত দুগৰাকী ব্যক্তি আহত হয়।

ইয়াৰে বেটাৰী ৰিক্সাৰ চালক গৰাকী গুৰুতৰভাৱে আঘাতপ্ৰাপ্ত হয়। মংগলদৈ সদৰ থানাৰ আৰক্ষী ঘটনাস্থলীত উপস্থিত হৈ আহত দুজনক মংগলদৈ অসামৰিক চিকিৎসালয়লৈ পঠিয়াই দিয়ে। বেটাৰী গাড়ীখন ভাঙি চূৰমাৰ হোৱাৰ বিপৰীতে চাৰিচকীয়া গাড়ীখনো আগৰ অংশ বেয়াকৈ ক্ষতিগ্ৰস্ত হয়। বৰ্তমান গাড়ী দুখন দ খাৱৈৰ পৰা উদ্ধাৰ কৰিবৰ বাবে মংগলদৈ সদৰ আৰক্ষীয়ে চেষ্টা অব্যাহত ৰাখিছে।

উচ্চতৰ মাধ্যমিক পৰীক্ষাত টিলাপাৰা ক্ৰীছেন্ট একাডেমীৰ ১০০% সফলতা। ২০২৬ বৰ্ষৰ উচ্চতৰ মাধ্যমিক বিদ্যালয়ৰ চুড়ান্ত পৰীক্ষাৰ ফলাফল ঘোষণা হোৱাৰ পাছতেই ৰাজ্যজুৰি আনন্দৰ জোৱাৰ দেখা গৈছে।

এই পৰিপ্ৰেক্ষিতত চাপৰ শিক্ষা খণ্ডৰ অন্তৰ্গত টিলাপাৰা ক্ৰীছেন্ট একাডেমীয়ে এইবাৰ উল্লেখযোগ্য সফলতা অৰ্জন কৰি অঞ্চলখনৰ গৌৰৱ কঢ়িয়াই আনিবলৈ সক্ষম হৈছে।

এইবাৰ পোনপ্ৰথমবাৰৰ বাবে বিদ্যালয়খনৰ ১৬ জন ছাত্ৰ-ছাত্ৰীয়ে উচ্চতৰ মাধ্যমিক পৰীক্ষাত অৱতীৰ্ণ হৈ উৎকৃষ্ট ফলাফল দেখুৱাই চাৰি জনে ষ্টাৰ মাৰ্ক লাভ কৰাৰ লগতে ১০জন ছাত্ৰ ছাত্ৰী প্ৰথম বিভাগত আৰু ৬ ছাত্ৰ ছাত্ৰী দ্বিতীয় বিভাগত উত্তীৰ্ণ হৈছে। পোন প্ৰথমবাৰৰ বাবে উচ্চতৰ মাধ্যমিক পৰীক্ষাত অৱতীৰ্ণ হৈ এই বৃহৎ সফলতাই বিদ্যালয়খনৰ শিক্ষা ব্যৱস্থাৰ মান আৰু ছাত্ৰ-ছাত্ৰীৰ গুণগত শিক্ষা প্ৰদানেই স্পষ্ট কৰি তোলাৰ লগতে অঞ্চলটোত গৌৰৱ কঢ়িয়াই আনিবলৈ সক্ষম হৈছে বিদ্যালয় খনে।

বিদ্যালয় কৰ্তৃপক্ষই জনোৱা মতে, শিক্ষকৰ কঠোৰ পৰিশ্ৰম, ছাত্ৰ-ছাত্ৰীৰ একাগ্ৰতা আৰু অভিভাৱকৰ সহযোগিতাৰ ফলতেই এই সফলতা সম্ভৱ হৈছে। আগন্তুক দিনত অধিক উন্নত ফলাফল লাভৰ লক্ষ্যৰে বিদ্যালয়খন আগবাঢ়ি যাব বুলি তেওঁলোকে আশাবাদ ব্যক্ত কৰে। এই উল্লেখযোগ্য সফলতাই সমগ্ৰ অঞ্চলটোত আনন্দৰ পৰিৱেশ সৃষ্টি কৰাৰ লগতে টিলাপাৰা ক্ৰীছেন্ট একাডেমীয়ে চাপৰ শিক্ষা খণ্ডলৈ এক গৌৰৱ কঢ়িয়াই আনিছে।