বৰপেটা জিলাৰ বাঘবৰ সমষ্টিৰ আলোপতিত একাংশ উদীয়মান যুৱকৰ প্ৰশসংনীয় পদক্ষেপ, চৰকাৰ কিম্বা জনপ্ৰতিনিধি ল’ই বাট নাচাই হাতে হাতে কোৰ-বস্তা লৈ পথ মেৰামতি কৰিলে অঞ্চলটোৰ একাংশ উদীয়মান যুৱকে। বাঘবৰ সমষ্টিৰ চহৰাঞ্চলৰ আলোপতি মাজৰচৰ বজাৰৰ পৰা আলোপতি স্বাস্থ্য কেন্দ্ৰ হৈ বাঘমাৰা বজাৰলৈ যোৱা মূল পথচোৱা দীৰ্ঘদিনৰে পৰা অতি শোচনীয় হৈ পৰিছিল। এজাক বৰষুণতেই জলমগ্ন হৈ পৰিছিল পথচোৱা, পুখুৰীৰ ৰূপ লোৱা পথত পোহনীয়া হাঁহ বোৰহে কৰিছিল জলকেলি। ৰাইজে যাতায়াতৰ বিপৰ্যয়ৰ কথা বাৰম্বাৰ পঞ্চায়ত প্ৰতিনিধিৰ লগতে বিধায়ক শ্বেৰমান আলী আহমেদক অৱগত কৰিছিল যদিও বিধায়ক গৰাকী কিম্বা পঞ্চায়ত প্ৰতিনিধিয়ে ৰাইজৰ অভিযোগৰ প্ৰতি কোনো গুৰুত্ব দিয়া নাছিল। উপায়বিহীন হৈ ৰাইজ গাঠিৰ ধন খৰছ কৰি অঞ্চলটোৰ একাংশ উদীয়মান যুৱকে পথচোৱা মেৰামতি কৰাৰ বাবে ওলাই আহিল। ভাড়াতীয়া টেক্টৰেৰে পুখুৰী সদৃশ জলমগ্ন সদাব্যস্ত পথচোৱা মাটি কঢ়িয়াই আনি পেলালে যুৱক সকলে। হাতে হাতে কোৰ লৈ একাংশ যুৱকে মাটি কাট যাতায়তৰ বাবে সুপম কৰিলে সদাব্যস্ত পথচোৱা। এতিয়া প্ৰশ্ন হয় ৰাইজৰ দুখ দুৰ্দশা দেখি বিধায়ক কিম্বা চৰকাৰে আগলৈ ভাবিবনে পথটি উন্নত কৰিবলৈ সেয়া সময়েহে হব লক্ষণীয়।

কাৰাবন্দী শিৱসাগৰৰ বিধায়ক অখিল গগৈয়ে নগাঁও আৰু কাছাৰ কাগজ কল পুনৰ কাৰ্যক্ষম কৰিবলৈ মঙলবাৰে প্ৰধানমন্ত্ৰী নৰেন্দ্র মোদীলৈ এক পত্ৰ প্ৰেৰণ কৰিছে। অলপতে মৃতপ্ৰায় কল দুটা নিলাম কৰিবলৈ প্ৰকাশ পোৱা জাননীৰ সম্বন্ধে পত্ৰখনৰ জৰিয়তে প্ৰধানমন্ত্ৰীৰ দৃষ্টি আকৰ্ষণ কৰিবলৈ চেষ্টা কৰি অখিল গগৈয়ে ২০১৫ আৰু ২০১৭ চনৰ পৰা বন্ধ হৈ থকা কাগজ কলকেইটাত কৰ্মৰত বিষয়া–কৰ্মচাৰীৰ সকলৰ দুৰ্দশাৰ কথা উল্লেখ কৰে।

তেওঁ কয়- উদ্যোগ দুটা বন্ধ হোৱাত ইয়াৰ বিষয়া আৰু কৰ্মচাৰীসকলে পাবলগীয়া দৰমহা, পেঞ্চন, Provident fund আদিৰ ধনৰ পৰা বঞ্চিত হৈছে। এতিয়ালৈ আৰ্থিক নাটনিৰ ফলত ৮৭জন লোক মৃত্যুৰ মুখত পৰিছে। বহুজনে আত্মহত্যাৰ পথ বাছি লৈছে। তেওঁ লগতে বিজেপিশাসিত পূৰ্বৰ ৰাজ্য চৰকাৰখনে কাগজ উৎপাদন কৰা উদ্যোগ দুটা পুনৰুজ্জীৱিত কৰাৰ প্ৰতিশ্ৰুতি প্ৰদান কৰাৰ কথাটোও পত্ৰ জৰিয়তে সোঁৱৰাই দিবলৈ চেষ্টা কৰে।গগৈয়ে প্রধানমন্ত্ৰীক কাগজ কল দুটা পুনৰুজ্জীৱিত কৰি আধুনিকীকৰণ কৰিবলৈ আহ্বান জনায়। তেওঁ অসমৰ উদ্যোগীক জড়িত কৰি তথা কেন্দ্ৰীয় চৰকাৰে সাহায্য আগবঢ়াই কল দুটাক মুনাফা আদায়ৰ দিশে লৈ যাবলৈ পৰামৰ্শ আগবঢ়ায়। এই সন্দৰ্ভত তেওঁ মধ্য প্ৰদেশৰ NEPA কাগজ কল আৰু Hindustan Newsprint Limitedৰ অধীনৰ কেৰালাত থকা কলটো পুনৰ কাৰ্যক্ষম কৰিবলৈ ৰাজ্য চৰকাৰে লোৱা পদক্ষেপৰ উদাহৰণ দিয়ে। তেওঁ লগতে কাগজ কল কেইটাৰ অধীনত থকা অতিৰিক্ত মাটিত মধ্যম আৰু লঘু উদ্যোগ গঢ়াৰো পৰামৰ্শ দিয়ে।উল্লেখযোগ্য যে অলপতে কাগজ কল দুটা নিলামৰ জাননী প্ৰকাশ পাইছিল। অসমৰ মুখ্যমন্ত্ৰী হিমন্ত বিশ্ব শৰ্মাই নতুন দিল্লীত এই সন্দৰ্ভত মন্তব্য প্ৰদান কৰি কৈছিল – “কোনোবাই যদি কলকেইটা কিনিবলৈ আগবাঢ়ি আহে, মই গৈ তেওঁক গামোচা পিন্ধাম।’’ তেওঁ কল কেইটাত মজুত থকা যন্ত্ৰৰে পুনৰুজ্জীৱিত কৰিব পৰা নাযায় বুলিও মন্তব্য কৰিছিল।

যোৱা কিছুদিন ধৰি হৈ থকা মূষলধাৰ বৰষুণৰ ফলত বৰষুণৰ বাঢ়নি পানীয়ে ৰঙিয়া-গোৰেশ্বৰ সংযোগী গড়কাপ্তানী পথৰ একাংশ উটুৱাই নিয়ে। ৰঙিয়াৰ সমীপৱৰ্তী বাক্সা জিলাৰ ধেপাৰগাৱত বৰষুণৰ পানীয়ে উটুৱাই নিয়ে পথটোৰ একাংশ। যাৰ ফলত পথটোৰে যাতায়ত ব্যৱস্থা সম্পূৰ্ণৰূপে ব্যহত হৈ পৰে।পথটোৰ ওপৰেৰে পানী বাগৰি যোৱাৰ ফলত যান বাহনৰ চলাচল সম্পূৰ্ণ ৰূপে বন্ধ হৈ পৰে। ৰাইজে ততাতৈয়াকৈ এখন বাহৰ সাকো নিৰ্মাণ কৰি বৰ্তমান এই পথটোৰে বিপদসংকুল যাত্ৰা কৰিবলগীয়া হৈছে। উল্লেখযোগ্যযে এই পথচোৱাই হʼল কাউৰবাহা,মাদৈকাটা,গান্ধীবাৰী,লতিবাৰী আদি অঞ্চলৰ ৰাইজৰ যাতায়াতৰ প্ৰধান পথ ।ৰাইজৰ অভিযোগ ঠিকাদাৰে অবিজ্ঞানসন্মতভাৱে অতি নিন্মমানৰ কাম কৰি যোৱাৰ ফলতেই এইদৰে বৰষুণৰ পানীত পথচোৱা উটি গৈছে। বৰ্তমান কʼভিদ সৃষ্ট পৰিবেশ ,ইয়াকেলৈ ৰাইজ এতিয়া শংকাত ভুগিছে কিয়নো স্বাস্থ্যসেৱাকে আদি কৰি যিকোনো জৰুৰীকালীন সেৱা তেওঁলোকে সহজতে নাপাব । উল্লেখযোগ্য যোৱা বৰ্ষৰ জুলাই মাহত হোৱা প্ৰলয়ংকাৰী বানে বগৰীবাৰীত মথাউৰি ছিগি সমগ্ৰ অঞ্চলটো জলমগ্ন কৰিছিল। বাট পথৰো বিস্তৰ ক্ষতি সাধন কৰিছিল। উটুৱাই নিছিল বহু পৰিয়ালৰ ঘৰ দুৱাৰ। ইপিনে কিছুদিন পূৰ্বে মেৰামতি কৰা পথটো পুনৰ পানীয়ে এনেদৰে ছিগি নিয়াত আতংকিত হৈ পৰিছে অঞ্চলটোৰ ৰাইজ। অতি শীঘ্ৰে পথটো মেৰামতি কৰি যাতায়ত ব্যৱস্থা সুচল কৰিবলৈ সংশ্লিষ্ট বিভাগক ৰাইজে দাবী জনাই।

ৰাজ্যত ক্ৰমাৎ হ্ৰাস ক’ভিড পজিটিভিটীৰ হাৰ,২৪ ঘণ্টাত পজিটিভিটীৰ হাৰ ২.৯৬ শতাংশ,এদিনত ৰাজ্যত ক’ভিডত আক্ৰান্ত ৩৯৪৮জন,কামৰূপ(মঃ)ত নতুনকৈ আক্ৰান্ত ৩৪১জন,পৰীক্ষা সম্পন্ন হৈছিল ১ লাখ ৩৩ হাজাৰ ২১২টা,ৰাজ্যত ২৪ ঘণ্টাত ৪৩ ক’ভিড আক্ৰান্তৰ মৃত্যু