চাৰিলেণ্ড যুক্ত ৰাষ্ট্ৰৰ ঘাইপথ নিৰ্মাণৰ নামত জামুগুৰিহাটত ছিমপ্লেক্স নামৰ বহি:ৰাজ্যৰ কোম্পানীটোয়ে চলাইছে অনিয়ম দুৰ্নীতি।জামুগুৰিহাটৰ চকীঘাটৰ পৰা জামুগুৰি উচ্চতৰ মাধ্যমিক বিদ্যালয়ৰ  সমীপৰ ১৫নং ৰাষ্ট্ৰীয় ঘাইপথৰ সংযোগ হোৱালৈ প্ৰায় ৫কিলোমিটাৰ দৈঘ্যৰ পথটোৱা নিৰ্মাণৰ ক্ষেত্ৰত বালি মাটি ব্যৱহাৰ কৰাৰ অভিযোগ উত্থাপন কৰিছে স্থানীয় ৰাইজে। চৰকাৰী নিয়ম অনুসৰি ৰাষ্ট্ৰীয় ঘাইপথ নিৰ্বাচনৰ ক্ষেত্ৰত কাঠমাটি বা পাহাৰীয়া মাটি ব্যৱহাৰ কৰিব লাগে যদিও ছিমপ্লেক্স কোম্পানীটোৱে পথ নিৰ্মাণৰ বেলিকা জীয়া ভৰলীৰ বালি মাটি ব্যৱহাৰ কৰিছে।পূৰ্বৰ পৰাই স্থানীয় ৰাইজে এই ক্ষেত্ৰত অভিযোগ কৰি আহিছে যদিও ৰাইজৰ কথাক কোনো ধৰণৰ গুৰুত্বই নিদি বহি:ৰাজ্যৰ কোম্পানীটোৱে এইদৰেই বালিমাটি পথ নিৰ্মাণত ব্যৱহাৰ কৰি আহিছে। ইফালে জীয়া ভৰলী নদী  খান্দি  চাৰিলেণ্ড যুক্ত ৰাষ্ট্ৰৰ ঘাইপথ নিৰ্মাণ কৰাক লৈ  স্থানীয় ৰাইজৰ মাজত প্ৰতিক্ৰিয়াৰ সৃষ্টি হৈছে।

দ্বীপ জিলা মাজুলীৰ বনগাঁও চাৰিআলিস্হিত ঔষধৰ দোকান , হোটেলকে আদি কৰি কেইবাখনো দোকানত আজি ভয়ংকৰ এক অগ্নিকাণ্ড সংঘটিত হয় ।এই ভয়ংকৰ অগ্নিকাণ্ডত বহু লক্ষধিক টকাৰ সা-সম্পত্তি জাহ গৈছে বুলি জানিৱ পৰা গৈছে । অৱশ্যে কিছু পলমকৈ হ’লেও অগ্নিনিৰ্বাপক বাহিনী আৰু স্থানীয় ৰাইজৰ তৎপৰাতাত জুই নিৰ্বাপন হয়। বৈদ্যুতিক চৰ্ট চাৰ্কিটৰ ফলত এই ভয়ংকৰ অগ্নিকাণ্ড সংঘটিত হোৱাৰ সন্দেহ প্ৰকাশ কৰিছে স্হানীয় ৰাইজে ।

কেন্দ্ৰীয় চৰকাৰৰ সংখ্যালঘু উন্নয়ন পৰিক্ৰমা মন্ত্ৰালয়ৰ অৰ্থ সাহায্যত আৰু গ্ৰাম বিকাশ পৰিষদৰ উদ্যোগত নগাঁও জিলাৰ বিভিন্ন অঞ্চলৰ সংখ্যালঘু মহিলাৰ নেতৃত্ব উন্নয়নৰ ছয় দিনীয়া প্ৰশিক্ষণ শিবৰৰ আয়োজন কৰিছে। তাৰে প্ৰথমখন শিৱিৰ যোৱা ২ মাৰ্চত বটদ্ৰবাৰ ধনীয়াভেটিত অনুষ্ঠিত হয়। উক্ত অনুষ্ঠানত নগাঁও জিলা সমাজ কল্যাণ বিষয়াৰ লগতে স্থানীয় পঞ্চায়ত প্ৰতিনিধি, বিভিন্ন চৰকাৰী-বেচৰকাৰী অনুষ্ঠানৰ  বিষয়ববীয়াসকল উপস্থিত থাকে। প্ৰশিক্ষণ শিৱিৰত উপস্থিত বিশিষ্ট ব্যক্তি সকলে কয় যে – মহিলাসকল যেতিয়া শিক্ষিত হয় তেতিয়া সকলো সমস্যা সমূহ দূৰ হয়। মহিলাসকল অৰ্থনৈতিক আৰু সামাজিক ভাবে অৱহেলিত হলে এখন সমাজ উন্নয়ন নহয় বুলি তেওঁলোকে মন্তব্য কৰে। সভাত গ্ৰাম বিকাশ পৰিষদৰ মূখ্য উপদেষ্টা চিৰাজ উদ্দিন আহমেদে বৰ্তমান পৰিস্থিতিৰ ওপৰত লক্ষ্য ৰাখি কভিড-১৯ত লবলগীয়া সজাগতা, প্ৰতিৰোধ আৰু প্ৰতিকাৰৰ সম্পৰ্কে পুংখানুপুংখ ভাবে আলোচনা দাঙি ধৰে।উল্লেখ্য , যোৱা ২ ফেব্ৰুৱাৰীৰ পৰা আৰম্ভ হোৱা শিবিৰ মুঠ ৭ টা স্থানত অনুষ্ঠিত হ’ব।  প্ৰশিক্ষণ শিৱিৰৰ স্থান কেইটা ক্ৰমে- ধনীয়াভেটি, চিলঙনি কটনিগাওঁ(পানীখাইটি), ডাকৰঘাট, পানীগাওঁ, জাজৰি আৰু মৰিকলং।

সুষ্ট পঞ্চায়তী ৰাজ ব্যৱস্থা প্ৰবৰ্তনৰ বাবে নিৰ্বাচিত পঞ্চায়ত জনপ্ৰতিনিধি সকলক  বিশেষকৈ বাৰ্ড সদস্য সদস্যা সকলক প্ৰাপ্য মজুৰী প্ৰদান, পেঞ্চনৰ ব্যৱস্থা গ্ৰহন, বিভিন্ন চৰকাৰী আঁচনিত হিতাধীকাৰি হিচাপে অন্তৰ্ভুক্তিৰ ব্যৱস্থা কৰা, দৰমহা আয়োগ গঠন কৰি দৰমহা ২০,০০০ (বিশ হাজাৰ) কৰা আদি বিভিন্ন দাৱী লৈ আজি টীয়কৰ কলিয়াপানী উন্নয়ন খণ্ডৰ কাৰ্যালয়ৰ সন্মূখত এক  প্ৰতিবাদ সব্যস্ত কৰে পঞ্চায়তৰ বাৰ্ড সদস্য সদস্যা সকলে আৰু খণ্ড উন্নয়ন বিষয়াৰ হাতত স্মাৰক পত্ৰ প্ৰদান কৰে সোনকালে চৰকাৰক বঞ্চিত বেটন দিবলৈ আহ্বান জনায় ।

শোণিতপুৰ জিলাৰ ৰঙাপৰা সমষ্টিৰ অন্তৰ্গত বিভিন্ন চাহ বাগিচাত আজি অসম চাহ মজদুৰ সংঘই শ্ৰমিক ৰাইজে পাবলগীয়া বকেয়া ধন(বাড়তি) টকাৰ দাবীত ১ ঘন্টীয়া ধৰ্ণা কাৰ্যসূচী অনুষ্ঠিত কৰি চাহ বাগিচা সমুহৰ পৰিচালক সকলক স্মাৰক পত্ৰ দাখিল কৰে।উল্লেখ্য যে চাহ বাগিছাত কৰ্মৰত  শ্ৰমিক ৰাইজৰ দৈনিক মজুৰি বৃদ্ধিৰ দাবী বিভিন্ন দল সংগঠনৰ আছিল তাৰ ভিতৰত অন্যতম অসম চাহ মজদূৰ সংঘ, আটছা, আৰু আছা আদি। অসম চাহ মজদুৰ সংঘ তেজপুৰ শাখাৰ ভাৰপাপ্ত সম্পাদক সুনিল টুটীৰ নেতৃত্বত অঞ্চলটোৰ সমুহ বাগিচা পূৱা ধৰ্ণা কাৰ্যসূচী অনুষ্ঠিত হয় আৰু স্মাৰক পত্ৰ প্ৰদান কৰা হয়।চৰকাৰে কেৱল ভোটৰ অংকৰ বাবে বাগিছা কৰ্মৰত খাটি খোৱা শ্ৰমিক ৰাইজৰ দৈনিক মজুৰি অত দিনে ৰখাই সাধাৰণ নিৰ্বাচনৰ ঠিক আগমূহুৰ্তত দৈনিক মজুৰি অন্তৱৰ্তিকালীন সাহা‍ৰ্য্য হিচাপে ঘোষণা কৰা কাৰ্য্যক অসম চাহ মজদুৰ সংঘৰ তেজপুৰ শাখাৰ ভাৰপাপ্ত সম্পাদক সুনিল টুটীয়ে নিৰ্বাচনী চমক বুলি উল্লেখ কৰে।উল্লেখ্যযে শ্ৰমিক ৰাইজ পাবলগীয়া বকেয়া ধন (বাড়তি) টকাৰ বাবে অসম চাহ মজদূৰ সংঘই যোৱা ২০১৮ বৰ্ষৰ মাৰ্চ মাহৰ পৰা দিব লাগে বুলি অসম চাহ মজদুৰ সংঘই প্ৰতিবাদ কৰি আহিছে।চৰকাৰে ঘোষণা কৰা দৈনিক মজুৰি আচলতে মজুৰি বৃদ্ধিৰ চুক্তি নহয় এইটো অন্তৱৰ্তিকালীন সাহায্য হে যিটো ইয়াৰ আগতেও ২০১৮ বৰ্ষত ঘোষণা কৰি দুমাহৰ বকেয়া ধন শ্ৰমিক ৰাইজক  দিয়া হোৱা নাছিল,কিন্তু পুনৰ অন্তৱৰ্তিকালীন সাহায্য ঘোষণা কৰি শ্ৰমিক ৰাইজক চৰকাৰে প্ৰতাৰণা কৰিলে, কাৰন চৰকাৰে পূৰ্বে  ৩৫১.৩৩ টকা দৈনিক মজুৰি হব বুলি ঘোষণা কৰিছিল। কিন্তু আজি বিজেপি নেত্ৰাধীন চৰকাৰৰ পাঁচ বছৰ কাল শেষ হোৱাৰ অন্তত দৈনিক মজুৰি বৃদ্ধিৰ চুক্তি কৰিব নোৱাৰি পুনৰ অন্তৱৰ্তিকালীন সাহায্য ঘোষণা কৰাটো দুৰ্ভাগ্যজনক বিষয় বুলি সংঘৰ বিষয়াই উল্লেখ কৰে। যোৱা তিনিটা বছৰ মজুৰি বৃদ্ধি নকৰাৰ ফলত শ্ৰমিক ৰাইজৰ দৈনিক পি. এফ. গ্ৰেছ্যুইটি, বনাচ, ছুটি হাজিৰা টকা আদি লোকচান হৈছে তাৰোপৰি যি সকল ইতিমধ্যে পাৰমানেন্ট কামৰ পৰা অব্যাহতি গ্ৰহন কৰিলে তেখেতসকলৰ পি. এফ টকাৰ লগতে গ্ৰেছ্যুইটি টকাৰো লোকচান হৈছে বুলি সুনিল টুটীয়ে কয়।উল্লেখ্য যে চাহ বাগিচাৰ শ্ৰমিক সকলৰ দৈনিক মজুৰি ০১/০১/২০১৮ তাৰিখৰ পৰা প্ৰযোজ্য হোৱাকৈ ৩৫১ টকালৈ বৃদ্ধি কৰাৰ দাবীত সংঘৰ উদ্যোগত ধাৰাবাহিক ভাৱে ৰূপায়ণ কৰা গণতান্ত্ৰিক আন্দোলনৰ ফলস্বৰুপে চৰকাৰৰ জাননী নং জি.এল.আৰ (আৰ.চি)১৭৮/২০১৪/পিটি/৪০৬ তাং ২৩/০২/২০২১ মৰ্মে চাহ বাগিচাৰ শ্ৰমিক সকলৰ দৈনিক মজুৰি অন্তৱৰ্তীকালীন ভাৱে ৫০ টকা বৃদ্ধি কৰি ২২/০২/২০২১  তাৰিখত চৰকাৰে যি নিৰ্দেশনা জাৰি কৰিছে সেই নিৰ্দেশনা তৎকালে বলবৎ কৰিবলৈ বাগিচা কতৃপক্ষক স্মাৰক পত্ৰ প্ৰদান কৰা হয় বুলি অসম চাহ মজদুৰ সংঘ তেজপুৰ শাখাৰ গাণণিক গজেন শইকীয়াই সংবাদ মাধ্যমক কয়।অসম চাহ মজদূৰ সংঘই উক্ত অন্তৱৰ্তিকালীন সাহাৰ্য্য প্ৰতিবাদকল্পে গ্ৰহণ কৰিবলৈ সমূহ শ্ৰমিক ৰাইজক আহ্বান জনায়। কিন্তু চাহ শ্ৰমিক সকলৰ দৈনিক মজুৰি বৃদ্ধি ৩৫১.৩৩ টকাৰ দাবীৰ বাবে আন্দোলন কাৰ্যসূচী অব্যাহত থাকিব বুলি সংঘৰ বিষয়া সকলে  সংবাদ মাধ্যমক অৱগত কৰে।

আজি বিহালী সমষ্টিৰ অন্তর্গত কাজিৰঙা ষষ্ঠ-সংযোজনাৰ পৰা উলাই অহা বাঘে ৰাংছালী গাৱঁৰ তলতে থকা চাপৰিত চৰি থকা তিনিটা গৰু আক্ৰমণ কৰি নিধন কৰে । বিহালী সমষ্টিত এনেদৰে বিভিন্ন সময়ত গৰু নিধন কৰি দুখীয়া লোকৰ অবাধ ক্ষতি সাধন কৰি আহিছে । উল্লখ্যযে ব্ৰহ্মপুত্ৰৰ গড়া  খহনীয়াই গড়া খহাই সহাই  ৰাংছালী গাৱঁৰ ঘৰৰ কাষলৈকে  কাজিৰঙা ষষ্ঠ সংযোজনৰ অন্তভোক্ত হল যাৰ বাবে বাঘ -হাতীয়ে এই কাষৰীয়া অঞ্চলবাসীৰ বিভিন্ন পকাৰে ক্ষতি সাধন কৰি আহিছে কিন্ত ক্ষতি পুৰণ দিয়াত বিভাগীয় কৰ্তৃপক্ষই কৃপনিলী কৰি অহা দেখা গৈছে  ।বিগত বৰ্ষত হাতীয়ে খেতিয়কৰ বিঘাই বিঘাই ধান খাই  ক্ষতি সাধন কৰিলে খেতিয়কে আবেদন কৰি আজিও ফুটা কৰি এটাও নেপালে ।গতিকে আজি  অতি দুখীয়া পৰিয়ালৰ যি তিনিটা গৰু নিধন কৰিলে অতি সোনকালে ক্ষতি পুৰণ দিবলৈ বিহালীৰ সচেতন মহলে দাবী জনাইছে । অন্যহাতে  এই  অঞ্চলত টাইগাৰ প্রজেক্ট থকাত মাজে মাজে বাঘ ওলাই আহি গাওঁ অঞ্চলত সন্ত্রাসৰ সৃষ্টি কৰি আহিছে । তদুপৰি  দিনত বাঘে আৰু গৰু মৰা সম্ভবনা আছে  বুলি স্হানীয় ৰাইজে অভিযোগ কৰিছে । যিহেতু ৰাংছালী আদৰ্শ গাৱঁৰ  কাষতে টাইগাৰ প্ৰজেক্ট ঘোষণা কৰা হৈছে বন বিভাগে কোনো ধৰণৰ পদক্ষেপ গ্রহন কৰা নাই বুলিও ৰাইজে অভিযোগ কৰিছে ।

নাজিৰাৰ আদ্য গজলা শ্ৰী শ্ৰী সৌকাজান সত্ৰত মহাপুৰুষ শ্ৰীমন্ত শংকৰদেৱৰ অমূল্য সৃষ্টি বৃন্দাবনী বস্ত্ৰক ডেকা সত্ৰীয়া অমৃত মহন্তৰ নেতৃত্বত চানেকি অনুসৰণ কৰি কাঠত খোদিত কৰি প্ৰস্ত্তত কৰাৰ কাম সম্পূৰ্ণ কৰি তুলিলে । সপ্তগ্ৰাম আধ্যাত্মিক আৰু সাংস্কৃতিক কলাক্ষেত্ৰ সমন্বয় সমিতি আৰু মঠীয়াছিগাবাসী ৰাইজৰ উদ্যোগত শিৱসাগৰ জিলাবাসী ৰাইজ আৰু অনুষ্ঠান প্ৰতিষ্ঠানৰ সহযোগত  ৩ মাৰ্চত ৰাইজৰ বাবে মুকলি কৰে শ্ৰী শ্ৰী দক্ষিণ পাত সত্ৰৰ সত্ৰাধিকাৰ শ্ৰী শ্ৰী ননী গোপাল দেৱগোশ্বামীয়ে ।

খোদিত চিত্ৰ সমূহ বৃন্দাবনী বস্ত্ৰৰ এটি অংশহে বুলি  উল্লেখ কৰি ডেকা সত্ৰীয়া অমৃত মহন্তই মূল বৃন্দাবনী বস্ত্ৰভাগ প্ৰকৃততে বিদেশৰ যাদুঘৰতহে আৱদ্ধ হৈ থকাত অসমৰ মানুহে এই শিল্প কৰ্মৰ উমান পাব পৰাকৈ এখনি গুৰু আসন আৰু এখনি ফলকত উপস্থাপন কৰি তুলিছে । ৰাইজৰ মাজলৈ আগবঢ়াই দি সত্ৰাধিকাৰ শ্ৰী শ্ৰী ননী গোপাল দেৱগোশ্বামীয়ে গুৰুজনাৰ অমৰ সৃষ্টি মানৱ সমাজৰ বাবে এক আধ্যাত্মিক চেতনাবোদ্ধ পৰম ঈশ্বৰ কৃষ্ণ  জাগ্ৰত ধাৰাই শুদ্ধিআত্মাৰ চিৰ শান্তি কঢ়িয়াই আনে বুলি মন্তব্য কৰে । কাৰ্য্যসূচীত পুৱা ৫ বজাত প্ৰাতঃ প্ৰসঙ্গ, ৬ বজাত বন্তি প্ৰজ্বলন কৰিব শ্ৰী শ্ৰী আদ্য গজলা সৌকাজান সত্ৰৰ সত্ৰাধিকাৰ শ্ৰী শ্ৰী গংগাধৰ মহন্তই । ধৰ্মধ্বজা উত্তোলণ কৰে অসম ক্ৰিকেট সন্থাৰ সভাপতি ৰমেন দত্তই । অনুষ্ঠানত শ্ৰী শ্ৰী গজলা সত্ৰৰ সত্ৰাধিকাৰ , শ্ৰী শ্ৰী দিহিং ন – মাটি সত্ৰৰ সত্ৰাধিকাৰ আদিকে ধৰি বিভিন্ন প্ৰান্তৰ পৰা অহা সমবেত ভকত – বৈষ্ণৱৰ পদধূলাই নাজিৰা মঠিয়াছিগা “বৃন্দাবনী ক্ষেত্ৰ” দ্বিতীয় বৈকুণ্ঠত পৰিণত কৰে । 

আজি ৩ মাৰ্চ তাৰিখে ৰাজ্যৰ ভিন্ন প্ৰান্তৰ লগতে বাক্সা জিলাতো বিশ্ব শ্ৰৱণ দিৱস পালন কৰ  হয় ৷ বাক্সা জিলা স্বাস্থ্য সমিতিৰ উদ্যোগত জিলাখনৰ ভাৰত-ভূটান সীমান্তৱৰ্তী অঞ্চল সুৱনখাটাত বিশ্ব শ্ৰৱণ দিৱস পালন কৰা হয় ৷ দিৱস উপলক্ষে সুৱনখাটা ৰাজ্যিক চিকিৎসালয়ত অনুষ্ঠিত এক চিকিৎসা শিবিৰ মুকলি কৰা হয় ৷ চিকিৎসা শিবিৰটো মুকলি কৰে জিলা যুটীয়া স্বাস্থ্য সঞ্চালক ডাঃ মবিদুৰ ৰহমানে ৷ উক্ত চিকিৎসা শিবিৰত অঞ্চলটোৰ প্ৰায় ৮০ গৰাকী ব্যক্তিক চিকিৎসা প্ৰদান কৰা হয় ৷ আনহাতে শ্ৰৱণ শক্তি হ্ৰাস পোৱা ১৪ গৰাকী লোকৰ মাজত বিনামূলীয়াকৈ শ্ৰৱণ মেচিন বিতৰণ কৰা হয় ৷ আজিৰ এই চিকিৎসা শিবিৰত জিলা এনপিপিচিডি ৰাজামোহন দাস, ডাঃ ভূৱনেশ্বৰ স্বৰ্গীয়াৰী, ডিএমই প্ৰশান্ত কুমাৰ দত্তও উপস্থিত থাকে ৷