আকৰ্ষণীয় হৈ পৰিছে বিটিচি নিৰ্বাচন । নিৰ্বাচনৰ ভোটগননাত দেখা পোৱা গৈছে বৃহত্ উত্থান পতন । ভোট গণনাৰ সময়ৰ পৰাই পিছ পৰি থকা বিপিএফ দলৰ শেহতীয়াকৈ উত্থান দেখিবলৈ পোৱা গৈছে। বৰ্তমান সময়লৈকে ১৪ খনকৈ আসনত অগ্ৰগতি লাভ কৰিছে BPF দলে আৰু UPPL লে ১৩ আসনত অগ্ৰগতি লাভ কৰিছে ।
ইফালে বিজেপি আগবাঢ়ি আছে ১০ খন আসনত। সেইদৰে কংগ্ৰেছ আগুৱাই আছে মাত্ৰ এখন আসনত। ইয়াৰ সমান্তৰালকৈ নৱ শৰণীয়াৰ দলেও এখন আসনত অগ্ৰগতি লাভ কৰিছে।
আটাইতকৈ ডাঙৰ খবৰটো হ’ল, বৰ্তমান সময়ত বিপিএফ প্ৰধান হাগ্ৰামা মহিলাৰীৰ লগতে ইউ পিপিএলৰ প্ৰমোদ বড়ো নিজ নিজ সমষ্টিত পিছ পৰি আছে।
BTC নিৰ্বাচনৰ ভোটগননাত বৃহত্ উত্থান পতন ! শেহতীয়া খবৰ
নলবাৰীত কৃষক মুক্তি সংগ্ৰাম সমিতিৰ “জাতীয় গৰ্জন” শীৰ্ষক কাৰ্যসূচীৰ আয়োজন
নলবাৰী, ১২ ডিচেম্বৰ : সমগ্ৰ অসমত কৃষক মুক্তি সংগ্ৰাম সমিতিয়ে যোৱা ১০, ১১ আৰু ১২ তাৰিখে আয়োজন কৰা “জাতীয় গৰ্জন” কাৰ্যসূচীৰ অংশ ৰূপে আজি নলবাৰী জিলা কৃষক মুক্তি সংগ্ৰাম সমিতিয়ে নলবাৰী চহৰৰ এন টি ৰোডস্থিত মাৰুতি ষ্টেণ্ডত এই জাতীয় গৰ্জন কাৰ্যসূচী পালন কৰে । আজিৰ কাৰ্যসূচী মৰ্মে বন্তি প্ৰজ্বলন কৰে প্ৰাক্তন বিষয়া আটাউৰ ৰহমানে, শ্বহীদ তৰ্পন কৰে নলবাৰী জিলা কৃষক মুক্তি সংগ্ৰাম সমিতিৰ সভাপতি ৰোফ আলীয়ে । তদুপৰি এই সভাত কৃষক মুক্তি সংগ্ৰাম সমিতিৰ উপদেষ্টা জ্ঞানেন চক্ৰৱৰ্তীয়ে কা আন্দোলন তীব্ৰ কৰাৰ হুংকাৰ প্ৰদান কৰে । তদুপৰি গণশিল্পী ৰাজেন শৰ্মাই বিপ্লৱী গীত পৰিবেশন কৰাৰ লগতে কৃষক মুক্তি নেতা দীপেন কলিতা, হেদায়ৎ উল্লাহ আৰু মনোজ ডেকাই কৃষক গগৈৰ মুক্তিৰ দাবী তুলি শ্বহীদৰ তেজ অথলে যাব দিয়া নহব বুলি মন্তব্য প্ৰকাশ কৰে । আজিৰ এই সভাত দুৰ্নীতি বিৰোধী যুৱ শক্তি নেতা ৱাছিম আক্ৰাম তথা ব্ৰজেন বৰ্মন, অসম জাতীয়তাবাদী যুৱ ছাত্ৰ পৰিষদৰ নেতা কৌশিক বৰ্মন, অসম সংগ্ৰামী মঞ্চৰ নেতা ৰূপম দাস সহ প্ৰমুখ্যে বহু কেইজন বিশিষ্ট ব্যক্তি উপস্থিত থাকে ।
নগাঁৱত চতুৰ্দশতম অসম যোগ মহোৎসৱ ২০২০
নগাঁও, ১২ ডিচেম্বৰ: নগাঁৱত আজিৰ পৰা আৰম্ভ হৈছে “চতুৰ্দশতম অসম যোগ মহোৎসৱ ২০২০”। ইন্ডিয়া যোগ কালচাৰ এন্ড যোগ ঠেৰাপী চেন্টাৰ গুৱাহাটীৰ উদ্যোগত আৰু অসম যোগ এচছিয়েশ্বন ,পূৰ্বাঞ্চল যোগ মহাবিদ্যালয়ৰ সহযোগত নগাঁও চহৰৰ পুলিচ ৰিৰ্জাভৰ সভাগৃহত অনুষ্ঠিত যোগ মহোৎসৱৰ আজি উদ্ধোধনী অনুষ্ঠানত সদৰ বিধানসভা সমষ্টিৰ বিধায়ক ৰূপক শৰ্মা , অসম যোগ এচছিয়েশ্বনৰ সভাপতি তপন কুমাৰ দাস, অসম যোগ এচছিয়েশ্বনৰ অধ্যক্ষ ডা:কৃষ্ণ কুমাৰ বৰা, যোগাচাৰ্যা শুভাশীষ, ড:শান্তনু ৰয় চৌধুৰী প্ৰমুখ্যে বিশিষ্ট ব্যক্তি সকল উপস্থিত থাকে। অসম যোগ এচছিয়েশ্বনৰ সম্পাদক প্ৰভাত বৰাই আঁত ধৰা উদ্ধোধনী সভাখনত উপস্থিত থাকি বিধায়ক ৰূপক শৰ্মাই ভাষণ প্ৰসংগত কয় যে বৰ্তমান সময়ত সুস্থ আৰু নিৰোগী জীৱনৰ সংগী হৈছে নিয়মিত যোগভাস। যোগ হৈছে প্ৰণালীবদ্ধ জীৱনৰ আধাৰ । আৰোগ্য জীৱনৰ এক সংকল্প যোগ। সুস্থ আৰু নিৰোগী জীৱনেই হৈছে এখন সুস্থ সমাজৰ মূলমন্ত্ৰ। লগতে বিধায়ক গৰাকীয়ে এনে এটা অনুষ্ঠান নগাঁৱত আয়োজন কৰাৰ বাবে উদ্যোক্তা সকলক ধন্যবাদ জনোৱাৰ লগতে অনাগত দিনত তেওঁলোকৰ অনুষ্ঠান সমূহ সফল হোৱাৰ কামনা কৰে।উল্লেখযোগ্য যে এমাহ যোৰা এই যোগ সচেতনতা অনুষ্ঠান পৰ্যায় ক্ৰমে অসমৰ বিভিন্ন জিলাত অনুষ্ঠিত হব বুলি উদ্যোক্তা সকলে জানিবলৈ দিয়ে।
মৰিগাঁও জনস্বাস্থ্য কাৰিকৰী বিভাগৰ কাৰ্যালয়ত ঠিকা আবন্টনৰ নামত টকাৰ উজান
গৌতম কুমাৰ কাকতি
মৰিগাঁও, ১২ডিচেম্বৰ : কেন্দ্ৰীয় চৰকাৰে পাইপযোগে দেশৰ প্ৰতিখন গাঁও প্ৰতিটো পৰিয়ালৰক খোৱাপানী যোগান ধৰাৰ বাবে জলজীৱন মিছনৰ দৰে যি অভিলাসী আঁচনি গ্ৰহণ কৰিছে, সেই আঁচনিৰ কাম ঠিকাদাৰক দিয়াৰ বাবদ জনস্বাস্থ্য কাৰিকৰী বিভাগৰ মূখ্য অভিযন্তাৰ কায্যলয়ৰ সমান্তৰালকৈ মৰিগাঁও জিলা জনস্বাস্থ্য কাৰিকৰী বিভাগৰ কাৰ্যবাহী অভিযন্তাৰ কাৰ্যলয়টো টকাৰ উজান উঠিছে। জিলাখনত ভিতৰত সুচল আৰু বিকল হৈ থকা মুঠ ১৫৪ খন খোৱাপানী যোগান আঁচনি আছে যদিও, তাৰে ভিতৰত প্ৰথম পৰ্যায়ত ৬৪ খন আঁচনিৰ বাবদ অনলাইন আৱাহন কৰিছিল বিভাগৰ ফালৰ পৰা। ইয়াৰে জাগীৰোড বিধানসভা সমষ্টি ৪৩খন আঁচনি কামৰ দায়িত্ব অনলাইন ঠিকাদাৰে লাভ কৰিছে যদিও জিলাৰ বিভাগীয় এগৰাকী অভিযন্তাক আগতীয়াকৈ আদায় দিব লগা হৈছে প্ৰতিজন ঠিকাদাৰে ২শতাংশ কমিচনৰ ধন। কমিচন ধন আদায় নিদিয়ালৈকে দুই-এজন প্ৰভাৱশালী ঠিকাদাৰৰ বাহিৰে বাকী কোনো এজন ঠিকাদাৰে “ৱৰ্ক অৰ্ডাৰ’ পাবলৈ সক্ষম হোৱা নাই। জিলাখনৰ জাগীৰোড সমষ্টিত যদিও লাহৰীঘাট আৰু মৰিগাঁও সমষ্টি ঠিকাদাৰ নিবিদাযোগে ঠিকা লাভ কৰিবলৈ সক্ষম হৈছিল, সেইসকলৰ ক্ষেত্ৰত নতুন নতুন নিয়ম বান্ধি দিয়াৰ লগতে কমিচনৰ পৰিমাণ বৃদ্ধি কৰি দিয়া বুলি জানিব পৰা গৈছে। মুঠতে আইকেইখন মৰিগাঁও জনস্বাস্থ্য কাৰিকৰী বিভাগৰ অভিযন্তাৰ কাৰ্যলয়ত টকাৰ উজান উঠিছে। তৃণমূল পর্যায়ৰ কৰ্মচাৰী সকলে কাৰ্যলয়ত দিনে নিশাই কাম কৰি আঁচনি খন সফল কৰাত উঠি পৰি লগিছে যদিও, ওপৰ মহলত কমিচনৰ এখন বৃহৎ পৰিমাণৰ বজাৰ গঢ়ি উঠা বুলি অভিযোগ উত্থাপন হৈছে। জিলাখনৰ বহু ঠিকাদাৰে কমিচন আদায় দিব নোৱাৰাৰ বাবে কামৰ পৰা বঞ্চিত হবলগা হৈছে। মৰিগাঁও আৰু লাহৰীঘাট ভালেকেইগৰাকী পুৰণা ঠিকাদাৰে মন্ত্ৰী-বিধায়কৰ পৰা লেখা আনি দিব নোৱাৰাৰ বাবে বঞ্চিত হৈছে কামৰ পৰা। যদিহে ঠিকাদাৰ সকলে আগতীয়াকৈ কমিচন আদায় দিবলগাই হয়, তেন্তে কামৰ নমুনা কিমান উন্নত হব, সেয়া সহজে অনুমান কৰিব পৰা যায়। বহু ঠিকাদাৰ লোকচানৰ ভয়ত কাম কৰিব এখোজ আগুৱাই পিছুৱাই ৰৈছে। আনফালে পাইপসমূহ ক্ৰয় কৰাৰ বাবে ঠিকাদাৰ সকলক কেইখনমান বচা বচা প্ৰতিষ্ঠান বাছি দিয়া হৈছে। নতুন বহু ঠিকাদাৰ বৰ্তমান বিপাঙত পৰিছে। পাইপ যোগান ধৰা প্ৰতিষ্ঠানক আগতীয়াকৈ ধন আদায় দিব লাগিব বুলি বিভাগীয় অভিযন্তাই হেঁচা প্ৰয়োগ কৰিছে। মূখ্যমন্ত্ৰী সর্বানন্দ সোণোৱালে যিমান দুৰ্নীতি আৰু লুণ্ঠন বিৰুদ্ধে জেহাদ ঘোষণা কৰা বুলি সৰৱ হৈ আহিছে সিমানে বৃদ্ধি পাইছে দুৰ্নীতি আৰু লুণ্ঠন। দুৰ্নীতি অনিয়মৰ বাবে মৰিগাঁও জিলাত আজিও বহু পানী যোগান কেন্দ্ৰ বিকল অথবা আৰম্ভ নোহোৱাকৈ ফুলদানী দৰে পৰি আছে। বিভাগৰ ফালৰ পৰা ধন খৰচ কৰা দেখুৱা হৈছে যদিও আজি পৰ্যন্ত পানী এটোপাল ওলোৱা নাই বহু আঁচনিৰ। এইয়াই হল কামৰ নমুনা। এই ক্ষেত্ৰত অৱশ্যে মৰিগাঁও জিলা জনস্বাস্থ্য কাৰিকৰী বিভাগীয় বিষয়া অভিযন্তা এই বিষয়ত কিমান দূৰ জ্ঞাত হৈছে তাত সন্দেহ আছে। যদিও পৰৱৰ্তী সময়ত আমাৰ দৈনন্দিন বাৰ্তা গ্ৰুপে দুৰ্নীতি গ্ৰস্ত বিষয়া সকলক নাম আৰু ঠিকনা লগতে ফটো প্ৰকাশ কৰা হব। ইয়াৰ উপৰিও বহু গোপন তথ্য কেমেৰাত আবদ্ধ হোৱা ভিদেও ক্ৰিলপৰ যোগেৰে অসমৰ ৰাইজৰ আগত দাঙি ধৰা হব জল জীৱন মিছনৰ আঁচনি কি হব পৰৱৰ্তী কালত।
লাভ জেহাদঃ দিল্লীত হিন্দু পৰিচয়ৰে মুছলমান যুৱকে কৰিলে বিবাহ, ৩ জনক আটক
লাভ জেহাদৰ বাবে দিল্লী পুনৰ এবাৰ চৰ্চালৈ আহিছে। এজন মুছলমান যুৱতীয়ে ফেচবুকত ভুৱা প্ৰফাইল খুলি হিন্দু যুৱতীৰ সৈতে কৰিলে বিবাহ । অভিযোগ কৰা হৈছে যে যেতিয়া যুৱতী গৰাকীয়ে যুৱক জনৰ প্ৰকৃত পৰিচয় লাভ কৰাৰ পিছত ভুক্তভোগী যুৱতী গৰাকীক মাৰপিট কৰি ঘৰৰ পৰা উলিয়াই পঠোৱা হৈছিল।
দিল্লীৰ ৰোহিনী অঞ্চলত পোহৰলৈ আহিছে লাভ জেহাদৰ ঘটনা। এজন মুছলমান যুৱকেয়ে তেওঁৰ পৰিচয় লুকুৱাই আৰু এগৰাকী হিন্দু যুৱতীৰ সৈতে বিবাহ কৰোৱাই । ভুক্তভোগী যুৱতী গৰাকীয়ে কয় যে তেওঁৰ বিবাহৰ পিছত অভিযুক্তৰ সত্য পোহৰলৈ আহে আৰু তেতিয়াৰ পৰা তেওঁক শাৰীৰিক আৰু মানসিক ভাৱে অত্যাচাৰ চলাই থকা হৈছে। ভুক্তভোগী যুৱতী গৰাকীৰ অভিযোগত আৰক্ষীয়ে যুৱকজনৰ লগতে তেওঁৰ পৰিয়ালৰ বিৰুদ্ধে এটা গোচৰ ৰুজু কৰিছে আৰু ৩ জন লোকক আটক কৰিছে।
আৰক্ষীয়ে জনা মতে, ভুক্তভোগী যুৱতী গৰাকী ৰোহিনীৰ প্ৰেম নগৰত তেওঁৰ পৰিয়ালৰ সৈতে বাস কৰে ।
ভুক্তভোগী যুৱতী গৰাকীৰ মতে মতে, প্ৰায় পাঁচ বছৰ আগতে এজন যুৱকৰ সৈতে সামাজিক মাধ্যমত তেওঁৰ বন্ধুত্ব হৈছিল । যুৱক জনে হিন্দু নামেৰে পৰিচয় দি ঠিকনা কিচাৰীৰ বুলি কৈছিল । তাৰ পিছত, তাৰ পিছত এখন জাগৰণত যুৱক জনক লগ পোৱাৰ পিছত দুয়োজনৰ মাজত বন্ধুত্ব গঢ়ি উঠে ।
বন্ধুত্ব ক্ৰমান্নয়ে ভালপোৱাত পৰিণত হৈছিল আৰু এই বছৰৰ ১৪ আগষ্টত দুগৰাকীয়ে আৰ্য্য সমাজ মন্দিৰত বিবাহ কৰে । যুৱতী উল্লেখ কৰা অনুসৰি “তেওঁৰ বিবাহৰ পাছতো স্বামীয়ে তাইক ঘৰলৈ নিয়া নাছিল । শংকা কৰি তেওঁ নিজে ৮ ডিচেম্বৰত তেওঁৰ ঘৰত উপস্থিত হয় আৰু তেতিয়াহে পোহৰলৈ আহে সমগ্ৰ ঘটনাটো । তেওঁৰ স্বামী হিন্দু নহয় আৰু তেওঁৰ প্ৰকৃত নাম হৈছে আখটাৰ ।
অভিযোগ কৰা হৈছে যে তাৰ ভাতৃ অজল, আৰ্শাদ আৰু পিতৃ মহম্মদ ইণ্ডিশ্বক সেইস্থানতে তেওঁক প্ৰহাৰ কৰে ।
যুৱতী গৰাকীৰ অভিযোগ, “আখটাৰৰ দুই ভায়েকে প্ৰহাৰ কৰাৰ লগতে তেওঁক যৌন নিৰ্যাতন চলোৱাৰ চেষ্টা কৰিছিল ৷”
ইয়াৰ পিছতেই যুৱতী গৰাকীয়ে চুবুৰীয়াৰ সহযোগত আৰক্ষীৰ কাষ চাপে । যুৱতী গৰাকীৰ লাভ জিহাদৰ অভিযোগত আৰক্ষীয়ে ৪১৯, ৪৬৭, ৪৬৮, ৪৭১, ৪৭৪, ৩৭৬, ৫০৬, ৩৪ ধাৰাৰ অধীনত এটা গোচৰ ৰুজু কৰিছে।
লাভ জিহাদ কেলেংকাৰীত তিনিজন অভিযুক্তক আটক কৰা হৈছে
আৰক্ষীয়ে কৈছিল, অভিযুক্ত ফজল, আৰ্শাদ আৰু পিতৃ মোহাম্মদ ইদ্ৰিশ্বক এই গোচৰত আটক কৰা হৈছে। আনহাতে আখটাৰ এতিয়াও পলাতক। তেওঁক সোনকালে আটক কৰা হ’ব। বিষয়টোৰ বৰ্তমান তদন্ত চলি আছে।
ভোটগণনাৰ সময়ত শান্তি-সম্প্ৰীতি বজাই ৰখাৰ আহ্বান কোকৰাঝাৰ জিলা উপায়ুক্ত
কোকৰাঝাৰ জিলাৰ উপায়ুক্ত ভাস্কৰ ফুকনে ভোটগণনাৰ সময়ত শান্তি-সম্প্ৰীতি বজাই ৰখাৰ লগতে যিকোনো অপ্ৰীতিকৰ ঘটনা সংঘটিত কৰাৰ পৰা বিৰত থাকিবলৈ জনসাধাৰণৰ প্ৰতি আহ্বান জনাইছে। কোকৰাঝাৰ জিলাৰ গোসাইগাঁও,পৰ্বতঝৰা আৰু কোকৰাঝাৰ সমষ্টিত স্থাপন কৰা তিনিটা কেন্দ্ৰত ভোটগণনা কৰা চলি আছে । ভোটগণনাৰ ক্ষেত্ৰত যাতে কোনো অসুবিধাৰ সৃষ্টি নহয় বা সকলো প্ৰকাৰৰ কাম যাতে নিয়াৰিকৈ সম্পন্ন হয় তাৰ ওপৰত চকু দি প্ৰশাসনে সকলো ব্যৱস্থা গ্ৰহণ কৰিছে।
বড়োভূমিত আৰম্ভ ৰাজনৈতিক জল্পনা-কল্পনা : কাৰ মুখত বিৰিঙিব হাঁহি !
বহুকেইজন বাঘা বাঘা ৰাজনৈতিক নেতাৰ ব্যাপক প্ৰচাৰৰ পিছত বিটিচিত বিপুল সংখ্যক লোকে ভোটদান কৰিছিল । আজি শনিবাৰে বিটিচিৰ ৪খন জিলাত অনুষ্ঠিত হৈছে ভোটগণনা । বড়োভূমিত কোন জয়ী হ’ব বা কোন পৰাজিত হ’ব কাৰ মুখত বিৰিঙিব হাঁহি, ইয়াকে লৈ ভোটাৰৰ মাজত আৰম্ভ হৈছে ব্যাপক ৰাজনৈতিক জল্পনা-কল্পনা ।
বিটিচিৰ ৪০ খন আসনৰ বাবে অনুষ্ঠিত নিৰ্বাচনৰ আজি ঘোষনা হব লগা ফলাফলে হয়তো ২০২১ৰ বিধানসভা নিৰ্বাচনৰ ক্ষেত্ৰতো বিশেষ সমীকৰণৰ সঞ্চাৰ কৰিব।
নগাঁৱত চোৰৰ নৃশংসতা : গৃহস্থ সাৰ পোৱাৰ বাবেই মহিলাৰ বুকুত বহুৱালে চিপৰাং
নগাঁও, ১১ডিচেম্বৰঃ নগাঁও আৰক্ষীক অস্তিত্বহীন কৰি তুলি চহৰ খনত চোৰৰ দলে ইটোৰ পাছত সিটোকৈ চুৰি কাৰ্য সংঘটিত কৰি গৈছে । ফলত চোৰৰ উপদ্ৰপৰ আশংকাতেই বিভিন্ন লোকে বিনীদ্ৰ ৰজনী কটাব লগীয়া হৈছে । কিছুদিন পূৰ্বে চহৰ খনৰ খুটিকটীয়াত চোৰৰ দলে এঘৰত লুটপাত চলাই ঘৰটোৰ ওপৰ মহলাত অগ্নিসংযোগ কৰা ঘটণাৰ চাঞ্চল্য মাৰ নৌযাওতেই এইবাৰ চোৰে গৃহস্থৰ বুকুত চিপৰাং বহুৱাই ভয়ংকৰ আক্ৰমণ কৰা আন এক ঘটণা সংঘটিত হৈছে। চোৰ কৰিবলৈ আহোঁতে গৃহস্থ সাৰ পোৱাৰ বাবেই এগৰাকী মহিলাৰ বুকুত চোৰে চিপৰাং বহুৱাই দিয়া এই চাঞ্চল্যকৰ ঘটনাটো সংঘটিত হৈছে নগাঁও চহৰৰ এলফিনষ্টন চাৰিআলিত । জানিব পৰা মতে, এলফিনষ্টন চাৰিআলিৰ ৰফিকুল ইছলাম নামৰ ব্যৱসায়ী গৰাকীৰ ঘৰত আজি পুৱতি নিশা এটা দুৰ্বৃত্তই চুৰি কাৰ্য সংঘটিত কৰিবলৈ দুৱাৰ ভঙাৰ চেষ্টা চলাই থাকোতেই গৃহস্থ সাৰ পাই । ইয়াৰ পাছত ৰফিকুল ইছলামৰ পত্নী আখতাৰা বেগমে(২৫) বাহিৰত কি শব্দ হৈছে তাকে বুজ ল’বলৈ বুলি দুৱাৰ মুখলৈ যোৱাত চোৰে আখতাৰা বেগমৰ বুকুত চিপৰাং বহুৱাই আক্ৰমণ কৰে । ইয়াৰ পিছতে মহিলা গৰাকীৰ স্বামী ৰফিকুল ইছলামে অতি সাহসেৰে চোৰটোক কৰায়ত্ত কৰিবলৈ সক্ষম হয় । ধৃত চোৰটো শিয়ালমাৰীৰ ইব্ৰাহিম আলি বুলি চিনাক্ত কৰা হৈছে । পিছত স্থানীয় ৰাইজে উত্তম-মধ্যম শোধাই ধৃত চোৰটোক আৰক্ষীৰ হাতত গতাই দিয়ে । ইফালে, চোৰটোৰ এই ভয়ংকৰ আক্ৰমণত গুৰুতৰভাৱে আঘাতপ্ৰাপ্ত মহিলা গৰাকীক চিকিৎসালয়ত ভৰ্তি কৰোৱা হৈছে।
গায়িকাৰ ৰূপত বিধায়িকা আঙুৰলতা ডেকাৰ নিৰ্বাচনী প্ৰচাৰ
নগাঁও, ১১ ডিচেম্বৰ: সদ্যসমাপ্ত বিটিচি নিৰ্বাচনত প্ৰচাৰ কাৰ্য চলোৱাৰ অন্তত এতিয়া পুনৰ আগন্তুক তিৱা স্বায়ত্ব পৰিষদৰ নিৰ্বাচনৰ প্ৰচাৰত নামি পৰিছে বটদ্ৰৱা সমষ্টিৰ বিধায়িকা আঙুৰলতা ডেকা। আজি তিৱা স্বায়ত্ব পৰিষদৰ নিৰ্বাচনী প্ৰচাৰত ব্যস্ত হৈ পৰে বটদ্ৰবা সমষ্টিৰ বিধায়িকা আঙুৰলতা ডেকা। তিৱা জনজাতীয় সাজ পাৰ পৰিধান কৰি নৃত্য গীতেৰে ভোটাৰক মোহিত কৰি নিৰ্বাচনী প্ৰচাৰত নামিল আঙুৰলতা। এইবাৰ নৃত্যৰ লগতে গায়িকা ৰূপত বিধায়িকা আঙুৰলতা ডেকাই নাচ গানেৰে চলালে নিৰ্বাচনী প্ৰচাৰ।উল্লেখ্য তিৱা স্বায়ত্ব পৰিষদৰ নিৰ্বাচনলৈ মাজত মাত্ৰ পাঁচোটাকৈ দিন থকাত প্ৰতিটো দলে চলাইছে নিৰ্বাচনী প্ৰচাৰ। মৰিগাঁও সমষ্টিৰ বিধায়ক ৰামকান্ত দেউৰীৰ পুত্ৰ ১৮ নং চাৰিপুনিয়া চাবুকধৰা সমষ্টিৰ প্ৰাৰ্থী মদন দেউৰীৰ হৈ আজি প্ৰচাৰ চলাই বিধায়িকা আঙুৰলতা ডেকাই।বিধায়িকা গৰাকীয়ে ভোটাৰ ৰাইজৰ মন জয় কৰিবলৈ গাড়ীৰ পৰা নামিয়ে আৰম্ভ কৰে জনপ্ৰিয় তিৱা গীত নৃত্য। লগতে বিধায়িকা আঙুৰলতাই পৰিবেশন কৰে তিৱা গীতো।নিৰ্বাচনী সভাত কংগ্ৰেছক তীব্ৰ সমালোচনা কৰাৰ লগতে বিজেপি জয় নিশ্চিত আৰু তিৱা স্বায়ত্ব পৰিষদ বিজেপিয়ে গঠন কৰি বুলি বিধায়িকাগৰাকীয়ে মন্তব্য কৰে।লগতে বিধায়িকা গৰাকীয়ে কয় যে এতিয়া সকলোতে পদুমেই পদুম ফুলি আছে আৰু পৰৰ্বতী সময়তো ফুলিব।গতিকে ভোটাৰ ৰাইজে পদুম ফুলক বাদ দি বেলেগ চিন্তা কৰিব নালাগে।বিটিচিতো আমাৰ বিজেপি দলে ভাল ফলাফল লাভ কৰিব।
নগাঁৱৰ দেওধৰ গাওঁ পঞ্চায়তত একৈশ খন উন্নয়ন মূলক আঁচনিৰ শুভ উদ্বোধন বিধায়ক ৰূপক শৰ্মাৰ ; তিনি অনুষ্ঠানলৈ চেক প্ৰদান
নগাঁও, ১১ ডিচেম্বৰঃ নগাঁও সদৰ সমষ্টিৰ অন্তৰ্গত দেওধৰ গাঁও পঞ্চায়তত আজি একৈশটাকৈ উন্নয়ন মূলক আঁচনিৰ শুভ উদ্ধোধন আৰু তিনিটা অনুষ্ঠানলৈ পাঁচ লাখ টকাকৈ চেক প্ৰদান অনুষ্ঠানে সমষ্টিটোত এক নতুন মাত্ৰা প্ৰদান কৰিছে ৷ উল্লেখ যে, এই একৈশটা অনুষ্ঠানৰ শুভ উদ্বোধন কৰি নিজৰ ভাষণ প্ৰসংগ নগাঁও সদৰ সমষ্টিৰ বিধায়ক ৰূপক শৰ্মাই কয়, “গাৱঁৰ উন্নয়ন হলেহে প্ৰকৃত উন্নয়ন সম্ভৱ হৱ ৷ বৰ্তমানৰ সৰ্বানন্দ সোনোৱাল নেতৃত্বাধীন ৰাজ্য চৰকাৰখনে চহৰাঞ্চলৰ সমন্তৰালকৈ গ্ৰামাঞ্চলৰ উন্নয়নতো বিশেষ ভাৱে মনোনিৱেশ কৰি অহাৰ লগতে সকলো ৰাইজৰ উন্নয়ন বিচাৰিছে । সেয়ে, শিশু, ছাত্ৰ-ছাত্ৰীৰ পৰা আৰম্ভ কৰি আৱাল-বৃদ্ধা বনিতালৈকে সমাজৰ সৰ্বস্তৰৰ লোকৰ উন্নয়নৰ বাবে চৰকাৰে বিভিন্ন উন্নয়ন মূলক আঁচনি গ্ৰহণ কৰিছে ৷ আজি শুভ উদ্ধোধন কৰা আঁচনি সমূহৰ জৰিয়তে বৃহত্তৰ দেওধৰ পঞ্চায়তটোৰ সৰ্বস্তৰৰ ৰাইজ উপকৃত হব বুলি আশা কৰি অনাগত দিনত আৰু অধীক উন্নয়নৰ বাবে ৰাইজৰ সহায়-সহযোগ কামনা কৰে বিধায়ক গৰাকীয়ে ৷” উল্লেখযোগ্য যে ৰাজ্য খনৰ ভিতৰতে প্ৰখ্যাত কেঁচা সোনৰ গহনা ৰনথলী সোনোৱালী পুথিভঁৰাল, ৰনথলী ৰজাভেটি চাৰি নং নামঘৰৰ মুকলি মঞ্চ, দেওধৰৰ শংকৰ মন্দিৰলৈ পাঁচ লাখ টকাকৈ অনুদান আৰু ১৯৭৯ চনতে স্থাপিত মৰিকলং ধেপাজানৰ জ্যোতি সংঘ, জিৰণি চ’ৰা সংঘ, দেওধৰ সাৰ্ব্বজনিক শিৱ মন্দিৰ, পাথৰি চাৰিআলি শংকৰদেৱ শিশু বিদ্যা নিকেতন, ৰনথলি আৰ্দশ গাওঁ কৃষ্টি বিকাশ কেন্দ্ৰ, ভোটাইগাঁও কৃষ্টি বিকাশ কেন্দ্ৰ, বৰপাথৰি মজলীয়া বিদ্যালয়, শ্ৰীমন্ত শংকৰদেৱ সংঘ মাধৱদেৱ আঞ্চলিক শাখা পাথৰি চাৰিআলিকে ধৰি মুঠ একৈশটা অনুষ্ঠান আৰু বহুকেইটা পথৰ চিচি ব্লকৰে নিৰ্মাণ কাৰ্যৰ শুভ উদ্বোধন কৰে বিধায়ক গৰাকীয়ে ৷ অন্যহাতে, বিয়লি দেওধৰ পঞ্চায়ত কাৰ্যালয়ৰ সভাগৃহত এখন সভাও অনুষ্ঠিত হয় ৷ পাখিমৰীয়া মণ্ডল বিজেপিৰ সম্পাদক মিনাৰাম হাজৰিকাই আতঁধৰা সভাখনিত সভাপতিত্ব কৰে দেওধৰ গাঁও পঞ্চায়তৰ সভাপতি মৃদুল ফুকনে ৷ সভাত বিধায়ক ৰূপক শৰ্মাই কয় যে- “দেশে স্বাধীনতা প্ৰাপ্তিৰ পিছত অধীক সময় কংগ্ৰেছ দলে শাসন কৰিছিল ৷ কিন্ত কংগ্ৰেছৰ অপশাসন, দুৰ্নীতিৰ বাবে অসমো বহু ক্ষেত্ৰত পিছপৰি গ’ল ৷ বৰ্তমানৰ মূখ্যমন্ত্ৰী সৰ্বানন্দ সোনোৱালৰ নেতৃত্বত আমাৰ চৰকাৰে দ্ৰুত উন্নয়ন সাধন কৰিছে” ৷ সভাত দেওধৰ পঞ্চায়তৰ প্ৰাক্তন সভাপতি দিলীপ বৰুৱা, জোনাৰাম কলিতা, পাখিমৰীয়া সংখ্যালঘু মৰ্চাৰ হবিবুৰ ৰহমান, প্ৰেমেশ্বৰ বৰা, অবিচি মৰ্চাৰ সভাপতি উপ-সভাপতি বিৰেশ্বৰ বৰা, জিতু বৰা, সমাজকৰ্মী ৰঙাই দাস, কনিষ্ঠ অভিযন্তা সমীৰন বৰা, সচিব পংকজ শইকীয়া, অৰ্চনা দাস বনিয়া, ৰিকি মনি কেউট, মিনা বনিয়াকে ধৰি চাৰি শতাধিক ৰাইজ উপস্থিত থাকে ৷ উল্লেখ যে, আজি শুভ উদ্বোধন কৰা এই আচঁনি সমূহ চুৰ্তদশ বিত্তীয় আয়োগৰ অধীনত নিৰ্মাণকাৰ্য্য সমূহ সম্পন্ন কৰা হৈছে ৷
