দলগাওৰ পৰা আবুল হাছেম:

 দৰঙত পুনৰ বৃদ্ধি পালে ক’ভিড আক্ৰান্তৰ সংখ্যা। সোমবাৰে আন তিনিজন লোক ক’ভিডত আক্ৰান্ত হোৱাৰ প্ৰতিবেদন লাভ কৰিছে দৰং জিলা স্বাস্থ্য বিভাগে। সেই অনুসৰি দৰঙত থকা ক’ভিড আক্ৰান্তৰ সংখ্যা ৭ জনলৈ বৃদ্ধি পালে। সোমবাৰে ক’ভিডত আক্ৰান্ত হোৱা লোক কেইজন হ’ল- বেছিমাৰী নদীকাষৰ ছিকন্দৰ আলী (২১), ধূলাৰ শ্বেখ ফৰিদ (২৫) আৰু বেছিমাৰীৰ নজৰুল ইছলাম  (২১)। এই আটাইকেইজন লোক যোৱা ২৬ মে’ ত মুম্বাইৰ পৰা ৰেলযোগে আহি দৰঙত উপস্থিত হৈছিল। তেতিয়াৰে পৰা তেওঁলোক খাৰুপেটীয়া মহাবিদ্যালয়ৰ কোৱাৰেণ্টাইন চেণ্টাৰত আছিল। অৱশ্যে তেওঁলোকক মঙলদৈ অসামৰিক চিকিৎসালয়ৰ আছুতীয়া কক্ষলৈ অনাৰ বাবে প্ৰয়োজনীয় প্ৰস্তুতি চলাইছে জিলা প্ৰশাসন আৰু স্বাস্থ্য বিভাগে।ইফালে পূৰ্বৰে পৰা মঙলদৈ অসামৰিক চিকিৎসালয়ৰ আছুতীয়া কক্ষত ৪ জন ক’ভিড আক্ৰান্ত চিকিৎসাধীন হৈ আছে।

মঙলদৈঃ

দৰঙত পুনৰ বৃদ্ধি পালে ক’ভিড আক্ৰান্তৰ সংখ্যা। সোমবাৰে আন তিনিজন লোক ক’ভিডত আক্ৰান্ত হোৱাৰ প্ৰতিবেদন লাভ কৰিছে দৰং জিলা স্বাস্থ্য বিভাগে। সেই অনুসৰি দৰঙত থকা ক’ভিড আক্ৰান্তৰ সংখ্যা ৭ জনলৈ বৃদ্ধি পালে। আৰু দৰঙত কৰ’না ৰোগীৰ সংখ্যা হলগৈ মুঠ ১৩ জন৷ সোমবাৰে ক’ভিডত আক্ৰান্ত হোৱা লোক কেইজন হ’ল- বেছিমাৰী নদীকাষৰ ছিকন্দৰ আলী (২১), ধূলাৰ শ্বেখ ফৰিদ (২৫) আৰু বেছিমাৰীৰ নজৰুল ইছলাম  (২১)। এই আটাইকেইজন লোক যোৱা ২৬ মে’ ত মুম্বাইৰ পৰা ৰেলযোগে আহি দৰঙত উপস্থিত হৈছিল। তেতিয়াৰে পৰা তেওঁলোক খাৰুপেটীয়া মহাবিদ্যালয়ৰ কোৱাৰেণ্টাইন চেণ্টাৰত আছিল। অৱশ্যে তেওঁলোকক মঙলদৈ অসামৰিক চিকিৎসালয়ৰ আছুতীয়া কক্ষলৈ অনাৰ বাবে প্ৰয়োজনীয় প্ৰস্তুতি চলাইছে জিলা প্ৰশাসন আৰু স্বাস্থ্য বিভাগ৷ ইফালে পূৰ্বৰে পৰা মঙলদৈ অসামৰিক চিকিৎসালয়ৰ আছুতীয়া কক্ষত ৪ জন ক’ভিড আক্ৰান্ত চিকিৎসাধীন হৈ আছে।

নাজিৰা:

বিশেষ ৰেল গাড়ীৰে চেন্নাইৰপৰা আহি মৰিয়নি জংচনত নমা নাজিৰাৰ ৫ জনকৈ যুৱকৰ শৰীৰৰত ক’ভিড – ১৯ৰ অৱস্থিতি ধৰা পৰাৰ পাছতেই সমগ্ৰ নাজিৰা মহকুমাতেই কৰ’নাৰ ত্ৰাসে জনসাধৰণক চুই গৈছে । সমগ্ৰ ভাৰতবৰ্ষত প্ৰায় ২লাখ লোক আক্ৰান্ত হৈ লকডাউন চলি ৰোৱাৰ পঞ্চমটো পৰ্য্যায় ওচৰ চপালৈকে নাজিৰা মহকুমাৰ ৭টাকৈ কোৱাৰেন্টীন কেন্দ্ৰৰ কোনোজন লোকেই কৰ’না পজিটিভ নোহোৱাৰ বাবে ৰাইজৰ মাজত কৰ’নাৰ আতংক হ্ৰাস পাইছিল । ইতিমধ্যে নাজিৰালৈ ভাৰতবৰ্ষৰ যিকোনো ৰাজ্যৰপৰা ৰেল, বাছ আৰু বিমানেৰে আহি পোৱা প্ৰায় ৫শ জন লোকৰ নাজিৰাতে শৰীৰৰ স্বাৱ সংগ্ৰহ আৰু পৰৱৰ্ত্তী পৰীক্ষা সম্পন্ন হৈছিল যদিও কোনো জনেই কৰ’নাৰ বাহক হিচাপে প্ৰমাণ পোৱা হোৱা নাছিল । কিন্ত্ত যোৱা ২৬ মে’ত ৰেল যাত্ৰী হিচাপে চেন্নাইৰ পৰা গুৱাহাটী আৰু পৰৱৰ্ত্তী আন এখন ৰেলেৰে মৰিয়নি জংচন আহি পোৱা ৫ যুৱক ৩১ মেৰ নিশা আই চি এম আৰ লাহোৱালৰপৰা ঘোষিত স্বাব পৰীক্ষাৰ ফলাফলত কৰ’না পজিটিভ বুলি ঘোষণা হৈছে । মৰিয়নিৰপৰা বাছেৰে আহি গড়গাওঁ কলেজৰ নাজিৰা মহকুমা কোৱাৰেন্টীন কেন্দ্ৰত আবাসী হৈ পৰা শিমলুগুৰি লিকচন গাঁৱৰ বিকাশ কোঁৱৰ (১৯),একে গাঁৱৰে যদুমণি চেতিয়া (২১),লোহিত গগৈ (২০), গেলেকী ৰজাভেটাৰ বিকী সন্দিকৈ (২৪), চন্টক বিহুবৰৰ ৰাজা চাব্বাৰ (২৬) ক ৩১ মেৰ নিশাই জয়সাগৰ স্থিত শিৱসাগৰ অসামৰিক চিকিৎসালয়ৰ ক’ভিড চিকিৎসা কক্ষত ভৰ্ত্তি কৰোৱা হয় । সংশ্লিষ্ট যুৱককেইজনে চেন্নাইৰ এক কোম্পানীত কৰ্মৰত আছিল আৰু চেন্নাইৰ এক কলেজৰ গৃহত সমবেত হৈ আন ৰাজ্যৰ বহু লোকৰ সৈতে শ্ৰমিক কৃষক এক্সপ্ৰেছলৈ অপেক্ষা কৰিছল ।  প্ৰথম বাৰৰ বাবে নাজিৰাত ক’ভিড ১৯ ৰ অৱস্থিতি ধৰা পৰাৰ পাছতে কৰ্তৃপক্ষই সমগ্ৰ এলেকাতে ছেনিটাইজ কৰাৰ লগতে তৎপৰতা অধিক বঢ়াই তোলা পৰিলক্ষত হৈছে । 

কলিয়বৰ :

কলিয়াবৰত  দিনতে সংঘটিত হ’ল চুৰি কাৰ্য‍্য। ঘৰত কোনো নথকাৰ সুযোগতে দিনৰ পোহৰতে চোৰে লুট কৰিলে নগদ ধন আৰু সোণৰ আ-অলঙ্কাৰ।কলিয়াবৰ মহকুমাধিপতি কাৰ্য‍্যালয়ৰ কৰ্মচাৰী ধ্ৰুৱজ‍্যোতি বৰাৰ বৰভগীয়াৰ নিজ বাসগৃহৰ পৰা চোৰে দিনতে সৰকালে নগদ ৩০-৩৫ হাজাৰ টকা আৰু লক্ষাধিক টকাৰ আ-অলঙ্কাৰ। পুৱা ঘৰৰ আন সদস‍্যক সমীপৰে মন্দিৰ এটাত পূজাৰ বাবে নমাই কলিয়াবৰ তিনি আলিৰ নিজ কাৰ্য‍্যালয়ত কৰ্তব‍্যত উপস্থিত থকাৰ সময়তে এই ঘটনা সংঘটিত হয়। পৰিয়ালৰ সদস‍্যক পুণৰ বাসগৃহত থবলৈ গৈ চুৰি কাৰ্য‍্য সংঘটিত হোৱা দেখা পাই হতভম্ব হৈ পৰে সকলো। উলুৱনী আৰক্ষী ঘটনাস্থলীত উপস্থিত হৈ তদন্ত আৰম্ভ কৰিছে যদিও কলিয়াবৰ মহকুমা প্ৰশাসনৰ কৰ্মচাৰীৰ বাসগৃহতে সংঘটিত হোৱা চুৰি কাৰ্য‍্যই সকলোকে আচৰিত কৰি তুলিছে।

ডিৰাক সীমান্ত: 

তিনিচুকীয়া জিলাৰ টঙনা চাহ বাগিছাত এজন কভিড ১৯ ত আক্ৰান্ত লোক ধৰা পৰিছে ৷ লোকজন টঙনা চাহ বাগিছাৰ বিলাশপুৰ লাইনৰ ৰমেশ বাক্সী ৷ শ্ৰমিক হিচাপে অসমৰ চুবুৰীয়া ৰাজ্য অৰুণাচল প্ৰদেশৰ নামচাইত কৰ্মৰত ৰমেশে প্ৰথম পৰ্য্যায়ৰ লক ডাউনৰ ১০ দিনৰ পূৰ্বে ঘৰলৈ আহিছিল ৷  লোকজনে লক ডাউনৰ সময়ত জ্বৰ কাঁহত ভূগি আছিল ৷ তেওঁ কাকপথাৰ আৰু তিনিচুকীয়াত চিকিৎসা গ্ৰহণ কৰিছিল যদিও  ভাল নোহোৱাত ২৭ মে’ত তিনিচুকীয়াত স্বাৱ পৰীক্ষা কৰাত কভিড ১৯ পজিটিভ বুলি ধৰা পৰে ৷ শেহতীয়াকৈ আজি প্ৰায় ১ মান বজাত ১০৮ ৰে উন্নত চিকিৎসাৰ বাবে তিনিচুকীয়ালৈ লৈ যায় ৷ এতিয়াৰে পৰা টঙনা চাহ বাগিছাৰ বিলাশপুৰ লাইন কণ্টেইমেন জ’ন হিচাপে ঘোষণা কৰিছে ৷

নাজিৰা :

বিদ্যুৎ খণ্ড ব্যক্তিগত কৰণৰ বিৰুদ্ধে নাজিৰাৰ গড়গাঁ‌ৱত অৱস্থিত বৈদ্যুতিক উপ-সংমণ্ডলৰ কাৰ্য্যালয়ত দেশত চলি থকা লকডাউনৰ মাজতে আজি  সামাজিক দূৰত্ব বৰ্তাই প্ৰতিবাদ সাব্যস্ত কৰে আসাম ষ্টেট পাৱাৰ ৱ’কাৰ্চ ইউনিয়ন গড়গাওঁ শাখাই। আসাম ষ্টেট পাৱাৰ ৱ’কাৰ্চ ইউনিয়নৰ আহ্বান মৰ্মে নাজিৰাৰ গড়গাঁও শাখাই  কোনো কাৰণতে বিদ্যুৎ খণ্ড  ব্যক্তিগতকৰণ হ’বলৈ নিদিয়ে বুলি সকীয়াই দিয়ে।কিয়নো ইয়াৰ ফলত অধিক লোকচানৰ সন্মুখীন হ’ব বিদ্যুৎ খণ্ডৰ লগত জড়িত কৰ্মচাৰী সকল।এই প্ৰতিবাদৰ মাজতেই অসম বিদ্যুৎ সংমণ্ডলৰ অধ্যক্ষ ভি কে পিপাচেনিয়ে আহি সমগ্ৰ ঘটনা বুজ লয়।সামাজিক দূৰত্ব বৰ্তাই বিদ্যুৎ খণ্ড ব্যক্তিগতকৰণৰ বিৰোধিতাৰে এইদৰে একঘণ্টা প্ৰতিবাদ সাব্যস্ত কৰে আসাম ষ্টেট পাৱাৰ ৱ’কাৰ্চ ইউনিয়নৰ গড়গাঁও শাখাই । সংগঠনটোৰ শাখা সভাপতি তথা ইউনিয়নৰ কেন্দ্ৰীয় বিশেষ প্ৰচাৰ সম্পাদক প্ৰণৱ খাটনিয়াৰকে ধৰি ভালেকেইজন বিষয় – ববীয়াই প্ৰতিবাদী কাৰ্যসূচীত অংশগ্ৰহণ কৰে ।