মঙলদৈ,

মঙলদৈ অসামৰিক চিকিৎসালয়ৰ ক’ভিড আক্ৰান্ত লোকৰ সংখ্যা ২ জনলৈ বৃদ্ধি পালে। নতুনকৈ ভৰ্তি হোৱা ক’ভিড আক্ৰান্ত ব্যক্তিজন হ’ল লালপুলৰ নদীকাষৰ নিজামুদ্দিন আলী (২০)। বুধবাৰে আবেলি প্ৰথমজন ক’ভিড আক্ৰান্তক চিকিৎসালয়ত ভৰ্তি কৰোৱাৰ পিছত নিশা আনজন আক্ৰান্তক ভৰ্তি কৰোৱা হয়। জিলা প্ৰশাসন আৰু আৰক্ষীৰ সহযোগত স্বাস্থ্য বিভাগে দুয়োজন আক্ৰান্তকে চিকিৎসালয়ত ভৰ্তি কৰিছে। উল্লেখযোগ্য যে নিজামুদ্দিন আলী সৰুসজাইৰ কোৱাৰেণ্টাইন চেণ্টাৰত ভৰ্তি হৈ আছিল ২০ মে’ ৰ পৰা। ইফালে নিজামুদ্দিনৰ লগত প্ৰত্যক্ষভাৱে সংস্পৰ্শলৈ অহা ৪ জন লোকক ছিপাঝাৰ সামূহিক স্বাস্থ্য কেন্দ্ৰত ৰখা হৈছে। 

          আনহাতে,  চিকিৎসালয়ত ভৰ্তি হৈ থকা প্ৰথমজন আক্ৰান্ত আমিৰুল ইছলামৰ পৰিয়ালৰ ৪ জন সদস্যক বুধবাৰে আবেলি মঙলদৈ অসামৰিক চিকিৎসালয়ৰ “চাচপেকটেড ৱাৰ্ড”ত ভৰ্তি কৰোৱাৰ পিছত নিশাৰ ভাগত আন ৪ জন প্ৰত্যক্ষভাৱে সংস্পৰ্শলৈ অহা ব্যক্তিকো এই ৱাৰ্ডত ভৰ্তি কৰোৱা হয়। তদুপৰি আমিৰুলৰ লগত পৰোক্ষভাৱে সংস্পৰ্শলৈ অহা ১৫ জন লোকক খাৰুপেটীয়া সামূহিক স্বাস্থ্য কেন্দ্ৰ আৰু কুঁৱৰীপুখুৰী আদৰ্শ চিকিৎসালয়ত ৰখা হৈছে।

              ইফালে দৈনিক বহি:ৰাজ্যৰ পৰা বহুলোকৰ আগমণ জিলাখনলৈ ঘটিয়েই আছে । এই লোকসকলক কোৱাৰান্টাইন চেন্টাৰত ৰখাৰ ব্যৱস্থা কৰিছে জিলা প্ৰশাসন আৰু স্বাস্থ্য বিভাগে । বৃহস্পতিবাৰৰ দিনটোত সৰ্বমুঠ ৪১২ জন লোক কোৱাৰান্টাইন চেন্টাৰত আছে । ইয়াৰে ছিপাঝাৰ সামূহিক স্বাস্থ্য কেন্দ্ৰত ৭ জন, দুনী আদৰ্শ চিকিৎসালয়ত ১ জন, জনাৰামচৌকা আদৰ্শ চিকিৎসালয়ত ৬ জন, খাৰুপেটীয়া সামূহিক স্বাস্থ্য কেন্দ্ৰত ৪ জন, কুৱৰীপুখুৰী আদৰ্শ চিকিৎসালয়ত শিশুসহ ১১ জন, ধূলা উচ্চ মাধ্যমিক বিদ্যালয়ৰ হোষ্টেলত  ৫০ জন, খাৰুপেটীয়া উচ্চতৰ মাধ্যমিক বিদ্যালয়ৰ ছাত্রী নিবাসত ৭ জন, খাৰুপেটীয়া উচ্চতৰ মাধ্যমিক বিদ্যালয়ত ৫২ জন, ছিপাঝাৰ মহাবিদ্যালয়ৰ ছাত্রী নিবাসত ৯ জন, জৱাহৰ নবোদয় বিদ্যালয় ছাত্ৰ নিবাসত ৫৪ জন, মঙলদৈ মহাবিদ্যালয় ছাত্রী নিবাসত ১৯ জন, কেন্দ্ৰীয় বিদ্যালয় মঙলদৈত ৫৩ জন, ছিপাঝাৰ বি, এড কলেজত ২৫ জন, খাৰুপেটীয়া মহাবিদ্যালয়ত ৮০ জন আৰু উত্তৰ মঙলদৈ উচ্চ মাধ্যমিক বিদ্যালয়ত ৩৪ জন লোক আছে ।

সোণতলী

বিগত কেইবাদিন ধৰি হৈ থকা  মুষলাধাৰ বৰষুণৰ ফলত কলহী নৈৰ বাঢ়নী পানীয়ে বুৰাই পেলাইছে ছয়গাঁও সমষ্টিৰ অন্তৰ্গত কেইবাখনো গাঁৱৰ খেতি পথাৰ৷ জানিব পৰামতে ধাৰাসাৰ বৰষুণৰ ফলত দক্ষিণ কামৰূপত সৃষ্টি হৈছে ভয়াৱহ বানৰ৷ ভয়াৱহ বানে প্লাৱিত কৰিছে বহুসংখ্যক  ৰাজহ গাও।বিশেষকৈ দক্ষিণ কামৰূপ তথা মেঘালয় পাহাৰৰ পানী নামি অহাত কলহী, জলজলী নৈৰ পানী ওফন্দি উঠিছে৷ ইপিনে কলহী নৈৰ বাঢ়নী পানীয়ে ছয়গাঁও সমষ্টিৰ লাৰুৱাজান, চাম্পুপাৰা গাঁও, চাম্পুপাৰা পথাৰ, হাতীশলাপাম, হাতীশলা গাঁও, কৰাইবিল, চৌধুৰীপাম, টপাৰ পথাৰ, অগ্ৰদূত পাম, আদি অঞ্চলৰ ইৰিধান খেতি প্লাৱিত কৰিছে৷ কলহী নৈৰ বাঢ়নী পানীয়ে অঞ্চলসমূহৰ বাট-পথবোৰ বুৰাই পেলাইছে৷ ফলত অঞ্চলবোৰ যোগাযোগ বিচ্ছিন্ন হৈছে৷ বাঢ়নী পানীয়ে শ শ বিঘা ইৰিধান খেতি বুৰাই পেলোৱাত বহুসংখ্যক পৰিয়াল আৰ্থিকভাৱে লোকচানৰ সন্মুখীন হৈছে৷ আনহাতে বকো সমষ্টিৰ জলজলী নৈৰ বাঢ়নী পানীয়ে সোণতলী এলেকাধীন ১নং, ২নং আৰু ৩নং মালিবাৰী, ডেকাচাং, জাওকাটা, বগুৰিগুৰীৰ লগতে বহু পাৰ্শ্বৱৰ্তী অঞ্চলবোৰ প্লাৱিত কৰিছে৷ ফলত ইৰিধান খেতি সমূহ ভয়াৱহ বানে বুৰাই পেলাইছে৷ অঞ্চলবোৰৰ বাট-পথতো বানত বুৰ (ডুব) গৈছে৷ ভয়াৱহ বানৰ ফলত ছয়গাঁও, বকোৰ বানপীড়িত অঞ্চলৰ বিদ্যুৎ যোগানো ব্যাহত হোৱা বুলি জানিব পৰা গৈছে৷ আনহাতে ভয়াৱহ বান ক্ৰমান্বয়ে বৃদ্ধি পোৱাত পৰিস্থিতি জটিল ৰূপ লৈছে৷ ইফালে  ব্ৰহ্মপুত্ৰ নদীৰ জলপৃষ্ঠ বাঢ়ি অহাৰ ফলত সোণতলীৰ আৰিকাটি, কাছাৰীপাম, পানীখাইতী, বৰ আৰিকাটি, বেজৰসুতি, কমলাপুৰ, পল্লিমংগল, গৰৈমাৰীবিলৰজান, ৰঙাপানী, টাঙনমাৰী, চাউৰদিয়া, বৰদিয়া নয়াপাৰা আদিকে ধৰি বহু অঞ্চলৰ কৃষি সামগ্ৰী সম্পুৰ্ণভাবে বানৰ কবলত পৰিছে যাৰ বাবে কৃষকৰ মাজত হাহাকাৰ পৰিস্থিতিৰ সৃষ্টি হৈছে৷ ইপিনে মুখলধাৰে হৈ থকা বৰষুণৰ ফলত কে,ডি, এম হাই স্কুলৰ খেলপথাৰখনত কৃতিম বানৰ সৃষ্টি হোৱা পৰলক্ষিত হৈছে ৷

লংকা

  ক’ৰণাৰ আতংকৰ মাজতেই, ৰাজ্যত বানৰ সংহাৰী ৰূপ । তাৰ সমান্তৰাল ভাৱে লংকা লস্কৰপথাৰ অঞ্চলৰ কাষেৰে বৈ যোৱা কপিলীৰ বাঢ়নী পানীয়ে বুৰাই পেলাইছে কপিলীপৰীয়া বিভিন্ন অঞ্চল । উক্ত কপিলীপৰীয়া বানাক্ৰান্ত ৰাইজৰ কাষত আজি উপস্হিত হয় মন্ত্ৰী কেশৱ মহন্ত । মন্ত্ৰী গৰাকী লংকাৰ খাৰিখানাত উপস্হিত হৈ কপিলী পাৰে পাৰে প্ৰায় ৬-৭ কি.মি নিজ কনভয়ৰে গৈ উপস্হিত হয় ফৰমাপাৰ অঞ্চলত । ফৰমাপাৰত নিজৰ কনভয় ৰাখি খোজকাঢ়ি প্ৰায় এক কি.মি. গৈ বানাক্ৰান্ত ৰাইজৰ বুজ লোৱাৰ লগতে এছ ডি আৰ এফ বাহিনীৰ নৌকাৰে কপিলীৰ বাঢ়নী পানীয়ে যোৱা কালি ভঙা  যমুনাশ্বীটৰ প্ৰায়  ৩০ কি.মি.দূৰত্বৰ বান্ধটো পৰিদৰ্শন কৰে ।। বানাক্ৰান্ত ৰাইজক আজিৰ পৰা সাহাৰ্য্য প্ৰদান কৰা হ’ব বুলিও মন্তব্য প্ৰকাশ কৰে  মন্ত্ৰী মহোদয়ে ।মন্ত্ৰীৰ লগত উক্ত পৰিদৰ্শন কালত উপস্হিত থাকে বিধায়ক শিলাদিত্য দেব, অতিৰিক্ত উপায়ুক্ত প্ৰশান্ত বৰুৱা,উপ- আৰক্ষী অধীক্ষক দিপ্তী মালী আৰু বিজেপি নেতা কৰ্মী ।

মুৰফুলনী

গোলাঘাট জিলাত কৰু’ণা মহামাৰীৰ সংহাৰৰ মাজতে ভূতৰ ওপৰত দানহ পৰাদি এতিয়া বানৰ তাণ্ডৱ ।বানৰ বাবে নুমলীগড়ৰ বহু কৃষকৰ নিদ্ৰা নাই এতিয়া।বানৰ বাবে কেঁচাতে কাটিব লগীয়া হৈছে বড়ো ধান।কৃষি মন্ত্ৰীৰ গৃহ সমষ্টিতে বান্ধ চিঙি কৃষকৰ শ শ বিঘা বড়ো ধানৰ খেতিত সোমাইছে পানী ।এক অবৰ্ণনীয় পৰিস্থিতি।গোলাঘাট জিলাৰ কৃষিমন্ত্ৰী গৃহ সমষ্টি  মিচিং অধ্যুষিত নিকৰি এলেংমাৰী অঞ্চল এতিয়া কান্দিছে কৃষকে ।মূৰৰ ঘাম পানী কৰি কৰা শ শ বিঘা বড়ো ধান কেঁচাতে কাটিব লগীয়া হৈছে কৃষকে।কিয়নো এলেংমাৰী বান্ধৰ ওপৰেৰে এতিয়া বৈছে ব্ৰহ্মপুত্ৰ নৈৰ বাঢ়নী পানী।চপৰা চপৰে খহিছে নৈ পাৰ।কৃষিমন্ত্ৰী অতুল বৰাৰ গৃহ সমষ্টিৰ এই এলেংমাৰী কৃষি বান্ধটো সময়মতে মেৰামতি নকৰাৰ বাবে এতিয়া নিকৰি, এলেংমাৰী, গুটুং, নৈগাঁও, বৰতল,গৰৈমাৰি আদি কৰি প্ৰায় 50 খন গাঁওৰ শ শ বিঘা বড়ো ধানৰ খেতি পানীৰ তলত যোৱা উপক্ৰম। যাৰ বাবে প্ৰতিকূল বতৰক নেওচি কৃষকে কেঁচাতে কাটিছে বড়ো ধন।বছৰি বৰলুইতৰ বাঢ়নী পানীয়ে এই এলেংমাৰি জানৰ ওপৰত নিমাৰ্ণ কৰা মথাউৰি ভাঙি দিচৈ পঞ্চায়তৰ অন্তৰ্গত প্ৰায়খিনি গাৱঁৰ বছৰেকৰ ধান মাৰি লৈ যায়।এই লোকসকলৰ প্ৰধান খেতি হৈছে বড়ো খেতি।বড়ো ধানৰ খেতিতেই নিৰ্ভৰ এই কৃষিজীৱী লোক সকল ।বেলেগ শালি খেতি বা ৰবি খেতি ওপৰত নিৰ্ভয় নকৰে এই সকল কৃষকে । এলেংমাৰি জানৰ ওপৰত বছৰি মথাউৰি নিমাৰ্ণ হয়,আৰু বছৰি মথাউৰি পানীয়ে ভাঙে। বছৰি চৰকাৰৰ ৰাজকোষৰ লাখ-লাখ টকাৰ খৰছ মথাউৰি নিৰ্মাণত।গতিকে ইয়াৰ এটা স্থায়ী সমাধান কৰিবৰ বাবে আহ্বান জনাইছে চৰকাৰক ।

ওদালগুৰি

ওদালগুৰি জিলাৰ মাজবাট আৰক্ষী থানাৰ  অন্তৰ্গত মাজবাট মহাবিদ্যালয় শিৱিৰত ৯৮ জন ,  মাজবাট ক্ষুদ্ৰ প্ৰাথমিক স্বাস্থ্যকেন্দ্ৰ ৫ জন,ৰৌতা আৰক্ষী থানাৰ অধীনস্থ  দণ্ড চহৰীয়া উচ্চতম মাধ্যমিক বিদ্যালয়ৰ গাৰ্লছ হোষ্টেলত ৮১জন, ৰৌতা পৰিদৰ্শন ভবনত ৪ জন ইয়াৰে এগৰাকী গৰ্ভবতী মহিলা,ওৰাং আৰক্ষী থানাৰ অধীনত ওৰাং খন্ড প্ৰাথমিক স্বাস্থ্য কেন্দ্ৰত ২০জন,কলাগুৰু  বিষ্ণুৰাভা কলেজত ২০ জন আৰু পাউৰীপোটা ৰাজ্যিক চিকিৎসালয়ত ২জনকৈ মুঠ ২৩০গৰাকী হ’ল বহি: ৰাজ্যৰ  মহাৰাষ্ট্ৰ, দিল্লী, চেন্নাই, হাইদৰাবাদ, তেলেংগানা আদিৰ পৰা অহা লোকক প্ৰশাসনে শিৱিৰস্ত কৰিছে  । ইতিমধ্যে ওদালগুৰি জিলাত  বিভিন্ন শিৱিৰ সমূহত উক্ত বহি: ৰাজ্যৰ পৰা অহা লোক সকলক কোৱাৰেনটিন কৰা বুলি প্ৰশাসনৰ তৰফৰ পৰা জনা গৈছে । ওদালগুৰি জিলাৰ ৰৌতাৰ দণ্ড চহৰীয়া উচ্চতৰ মাধ্যমিক বিদ্যালয়ৰ গাৰ্ল হোষ্টেলত  ৰৌতাত  যোৱা ১৯মে  তাৰিখে যি কোৱাৰেনটিন শিৱিৰ স্থাপন হৈছিল ৷ তাত ২৭মে তাৰিখলৈ মুঠ ৮১ জন ব্যক্তি আছিল যদিও , প্ৰশাসনে আজি ৬২ জনক ঘৰলৈ যাবলৈ দিয়াত উক্ত শিৱিৰস্থ ব্যক্তি সকলে সস্থিৰ নিশ্বাস পেলোৱা পৰিলক্ষিত হৈছে । শিৱিৰত থকা চেন্নাইৰ পৰা    মুঠ ৬২   জন ব্যক্তিক চিকিৎসা বিভাগে পৰীক্ষা কৰি নিগেটিভ  বুলি ফলাফল দিছে ৷৷ইতিমধ্যে  এই ৬২ গৰাকী লোকক হোম কোৱাইনটাইন হবলৈ নিৰ্দেশ দি দুয়োখন হাততে  ছিল মোহৰ মাৰি  দিয়া হৈছে ৷ হাইদৰাবাদৰ পৰা অহা ১৯গৰাকী কোৱাইনটাইন শিবিৰটোত আছে ৷আৰু একেদিনাই আৰু বৰ্হি ৰাজ্যৰ পৰা অহা ৬২গৰাকী পুনৰ কোবাইটান ব্যৱস্থাপনাত ৰখা হৈছে ৷যোৱা ২৭ মেত কোবাইনটাইন শিবিৰটোত ওৰাং খন্ড প্ৰাথমিক স্বাস্থ্য কেন্দ্ৰৰ মহকুমা চিকিৎসা আৰু স্বাস্থ্য বিষয়া লক্ষন কুমাৰ বড়ো ,বিপিএম পংকজ সভাপণ্ডিত ,ৰৌতা আদৰ্শ চিকিৎসালয়ৰ চিকিৎসা বিষয়া ডা° চন্দন চাহু,বিটিএড সাংবাদিক সংস্থাৰ কেন্দ্ৰীয় সমিতিৰ সাধাৰণ সম্পাদক নব কুমাৰ ডেকা আদি সকলে উপস্থিত থাকি সহায় সহযোগিতা আগবঢ়ায় ৷ মাজবাট ৰাজহ চক্ৰ বিষয়া, ওৰাং,মাজবাট ,ৰৌতা আৰক্ষী থানাৰ ভাৰপ্ৰাপ্ত আৰক্ষী বিষয়া সকলেও পূন সহায় সহযোগিতা কৰা দেখিবলৈ পোৱা গৈছে ৷