•  নিবেদিতা ৰাজখোৱা

 অসমৰ নদী,বিল,জলাশয় আদিত বিভিন্ন ধৰণৰ মাছ পোৱা যায়। অসমৰ কাৱৈ, তোৰা, গৰৈ, পুঠি, চন্দা, মাগুৰ, শিঙি, বামি ইত্যাদি থলুৱা মাছবোৰৰ চাহিদা বজাৰত যথেষ্ট বেছি।অসমৰ থলুৱা মাছ বিভিন্ন ঠাইলৈ ৰপ্তানি হোৱা দেখা যায়।বাৰিষা আৰম্ভ হোৱাৰ লগে লগে চ’ত-বহাগ মাহৰ পৰা আহাৰ মাহৰ ভিতৰত মাছবোৰ প্ৰজননক্ষমতা হৈ উঠে।মাছৰ কণীবোৰৰ আকৃতি যথেষ্ট সৰু হোৱাৰ কাৰণে এজনী মাইকী মাছে পাঁ‌চশৰ পৰা পোন্ধৰ হাজাৰতকৈ অধিক কণী দিব পাৰে।আহাৰ মাহৰ পাছত নদী,জলাশয় বোৰত মাছেৰে ওপচি পৰে।বৰ্তমান অসমত থলুৱা মাছৰ সংখ্যা কমি আহিছে।অসমৰ পানীৰ প্ৰাকৃতিক উৎস নদী,জলাশয় সমূহত নাৰ,পাভ,বাট,লাল ইত্যাদি মাছ বিলুপ্ত হোৱা দেখা গৈছে।থলুৱা মাছ সংৰক্ষণৰ প্ৰতি ভাৰতীয় মীন আইনে প্ৰৱতন কৰা থলুৱা মাছৰ আইনখনক গুৰুত্ব নিদি  মানুহে সময়ে সময়ে কণীযুক্ত প্ৰজননক্ষম মাছ নিধন কৰি আহিছে।চৰকাৰে কণী পাৰিবৰ সময়ত মাছ মৰাত নিষেধাজ্ঞা জাৰি কৰিলেও চোৰাং বেপাৰীৰ লগতে গ্ৰাম্য অঞ্চলৰ এচাম মানুহ একেবাৰে সজাগ নহয়।সজাগ হোৱাৰ বিপৰীতে কণীযুক্ত মাছবোৰ ধৰি বেপাৰ কৰে।বৰষুণ পালে উজান পৰা প্ৰজননক্ষম মাছবোৰ বিভিন্ন সজুলিৰ সহায়ত ধৰি মানুহে শেষ কৰি দিয়ে।এজনী মাইকী গাভিনী মাছ ধৰাৰ ফলত কেইবা হাজাৰো মাছৰ পোৱালি ধ্বংস হয়।এনেদৰে ধ্বংস কৰি থাকিলে ৰাজ্যখন সম্পদ স্বৰূপ থলুৱা মাছবোৰ হয়তো এদিন অসমৰ নদী,বিল সমূহৰ পৰা হেৰাই যাব।

       অসমৰ থলুৱা প্ৰজাতিৰ মাছবোৰে যাতে বংশবৃদ্ধি কৰিব পাৰে তাৰ প্ৰতি মানুহ জাতিটোৱে সুবিধা আৰু গুৰুত্ব দিয়া উচিত।তেতিয়াহে অসমৰ থলুৱা তথা আলংকৰিক মাছবোৰ জীয়াই থাকিব।বিভিন্ন প্ৰজাতিৰ মাছবোৰ জীয়াই ৰখাৰ দায়িত্ব আমাৰ,ধ্বংস কৰাৰ অধিকাৰ আমাৰ নাই।প্ৰজননক্ষম থলুৱা মাছবোৰ যদি আমি ধ্বংস কৰি থাকো মাছৰ চাহিদা পূৰ্ণ কৰিবলৈ অন্ধপ্ৰদেশ,পশ্চিমবংগ আদি ৰাজ্যৰ ওপৰত অসমখন অধিক নিৰ্ভৰশীল হৈ পৰিব।সচেতনতা গঢ়ি তুলি থলুৱা প্ৰজননক্ষম আৰু আলংকৰিক মাছবোৰ ৰক্ষা কৰো আহক।

ফোন নং-৯১০১৮৩৬৯৪৪

• ভুপেশ খাটনিয়াৰ

সমগ্ৰ বিশ্ববাসীক আতংকিত কৰা এটা অতি ক্ষুদ্ৰতম ভাইৰাছৰ COVI-19 বিৰুদ্ধে সমগ্ৰ বিশ্বৰ চিকিৎসা বিজ্ঞানৰ ক্ষেত্ৰত উন্নত বহুত শক্তিশালী দেশ কেইখমানেও আজি কিছু ক্ষেত্ৰত হাৰ মানিব লগা পৰিস্থিতিৰ উদ্ভৱ হৈছে যদিও কিন্তু এই যুঁজত দিনে নিশাই দৃঢ় মনোবল অটুট ৰাখি শক্তিশালী ভাবে যুঁজ দি আছে আৰু এদিন নহয় এদিন যে এই COVID-19 পৰাভূত কৰিব পাৰিব সেইটো নিশ্চিত ।আমি যদি  সমগ্ৰ পৃথিৱীৰ প্ৰেক্ষাপতৰ অন্যতম কিছুমান ঘটনা প্ৰবাহ বা কিছুমান হৈ যোৱা শক্তিশালী মহামাৰী বেমাৰৰ প্ৰতি লক্ষ্য  কৰো তেন্তে দেখিম যে সকলোবোৰৰ ক্ষেত্ৰত কিন্তু মানৱতাৰে জয় হৈছে ৷ ঠিক তেনেদৰে ক’ৰণা সংক্ৰমণৰ ক্ষেত্ৰত কিন্তু অলপ পলমকৈ হলেও মানৱতাৰ জয় হবই সেইটো নিশ্চিত।আমাৰ দেশৰ লগতে  সমগ্ৰ পৃথিৱীৰ বৈজ্ঞানিক পণ্ডিত আৰু ঔষধ নিৰ্মাণ কৰা বিজ্ঞানাগাৰ বিলাকত নিজৰ জীৱনকো তুচ্য জ্ঞান কৰি সমগ্ৰ মানৱ জাতিৰ বাবে  বৈজ্ঞানিক পণ্ডিত সকলে দিনে নিশাই যি অহোপুৰুষাৰ্থ  আৰু সাহসী প্ৰচেষ্টা অব্যাহত ৰাখি আছে তাত যে ক’ৰণা সংক্ৰমণ ক্ষেত্ৰত মানৱ জাতি এদিন জয় হব সেইটো সঁচা কথা । অসমত যদিও সংক্ৰমনৰ সংখ্যা এতিয়ালৈকে বেছি ভয়াবহ হোৱা নাই তথাপিও কিন্তু ৭৭৪ জন মানুহৰ গাত এই বেমাৰৰ লক্ষণ পোৱা গৈছে আৰু চৰকাৰৰ সহযোগ লগতে চিকিৎসা কৰ্মী সকলৰ ঐক্যবদ্ধ সাহসী সুন্দৰ প্ৰচেষ্ঠাত ইতিমধ্যে ৬২ জন ৰোগী আৰোগ্য হৈও উঠিছে ৷ মাত্ৰ আমি সকলোৱে আতংকিত নহৈ চৰকাৰে বান্ধি দিয়া নিয়ম সমূহ যদি ভালদৰে মানি চলো তেতিয়া হলে অধিক সংক্ৰমণৰ পৰা নিজক নিজে ৰক্ষা কৰাৰ লগতে সমগ্ৰ মানৱ জাতিক ৰক্ষা কৰি উদ্ধাৰ কৰাটো সহজ হৈ পৰিব। আমাৰ দেশৰ বীৰ সৈনিক সকলে যেনেকে দেশ ৰক্ষা কৰা আৰু আমাক সুৰক্ষিত কৰাৰ স্বাৰ্থত শত্ৰু পক্ষৰ পৰা নিজকে নিজে ৰক্ষা কৰি সমগ্ৰ দেশ বাসীক উদ্ধাৰৰ বাবে নিজৰ জীৱনকো তুৎচ্য জ্ঞান কৰি সাৱধানে সুৰক্ষিত আৰু দৃঢ় মনোবল অটুট ৰাখি নিয়োজিত হৈ কাম কৰি আছে ঠিক তেনেদৰে আমি সকলোৱে সুস্থ আৰু শীতল মস্তিষ্কৰে ক’ৰণা COVID-19 ৰ বিৰুদ্ধে ঐক্যবদ্ধ ভাবে যুঁজিবলৈ নিজকে নিজে প্ৰস্তুত কৰি তুলিব লাগিব। বহুদিন যদি লক ডাউন হৈ থাকিব হলে ক’ৰণাতকৈও অধিক ভায়াবহ ভাবে মানুহ কৰ্ম বিমুখ হৈ অনাহাৰে থাকি মৃত্যু মাতি আনিব লগা পৰিস্থিতি উদ্ভৱ হব ৷ সেয়ে আমি  ভেকচিন উদ্ভৱ নোহোৱালৈকে সকলোৱে সংকল্প বদ্ধ হব লাগিব যে আমি সামাজিক দুৰত্ব মানি মুখত মাস্ক পৰিধান কৰি পৰিস্কাৰ হৈ সাৱধানে কামো কৰিব লাগিব আৰু COVID-19 বিৰুদ্ধে যুঁজ ও অব্যাহত ৰাখিব লাগিব। শেষত সকলোকে অনুৰোধ জনাইছোঁ  বিশেষ জৰুৰী কাম নাথাকিলে আনাহকত ঘৰৰ পৰা বাহিৰলৈ নাহক ঘৰত থাকক সুৰক্ষিত হৈ থাকক আৰু চৰকাৰলৈ অনুৰোধ ৰাখিছো সকলো পক্ষকে যেনেকে পাৰে সহায় কৰক আৰু আমি অসমৰ জাতীয় জীৱনৰ সকলো শ্ৰেণীৰ মানুহৰ এজন সৈনীক হিচাপে আমি মানবতাৰ পৰিচয় দিব লাগিব | আমাৰ মানবতাৰ জয়গান দীৰ্ঘম্যাদি আচনি হব লাগে | সমাজৰ সকলো শ্ৰেণীৰ মানুহে হাতে হাত ধৰি আমাৰ এই মহামাৰী জীবন যুদ্ধ খনত জয় হব লাগিব | আমি কেতিয়াও পাহৰিব নালাগিব সামাজিক দুৰত্ব বজাই ৰখাৰ কথা, হাত দুখন পৰিস্কাৰ পৰিছন্নতাৰে ৰাখিব লাগিব, মাস্ক আমাৰ আমাৰ নিত্যব্যবহাৰিত হোৱাৰ পোচাক হওক | তেতিয়াহে আমি জীবন যুদ্ধত জিকিব পাৰিম |

লেখকৰ ফোন নং- ৯৭০৬১৪৫০৯৯

• জিতু দাস

কথাবোৰ ভাবিয়ে আজিকালি সময় কটাও । বাক স্বাধীনতাক মূখত তলা লগাই থৈছোঁ ।নহ’লে কথাবোৰ ওলাই আহে সমাজৰ চকুত দেশদ্ৰোহী-বাম বাদী আখ্যা পাওঁ । সেয়ে কিছুমান অৰ্থৰ মূল বুজি নোপোৱা উগ্ৰবাদী সকলৰ পৰা এৰাই চলিছো ।কিয়নো তেওঁ লোকৰ পণ্ডিতগিৰি বোৰ সহ্য নহয় ।ইমান জ্ঞানী গুণী হল চকুৰ আগতে, ভাবিয়ে নাপাওঁ । হয়তো কিছুমান অনুষ্ঠানত তেওঁ লোকক পণ্ডিত হোৱাৰ প্ৰশিক্ষণ দিছে ।ক’বলৈ গলে বৰ্তমানৰ সমাজ ব্যবস্থাপনা আৰু ৰাজনৈতিক ব্যৱস্থাৰ ওপৰত অধিক জ্ঞান হোৱা যেন লাগিল । জ্ঞান মানে আকৌ আচৰিত ধৰণৰ জ্ঞান যিবোৰ কথা শুনিলে আপোনাৰ মোৰ চকু কপালত উঠিব।এইবাৰ আহিছোঁ সমাজৰ প্ৰতি কোনো অৰিহণা নথকা কিছুমান ব্যক্তিৰ কথালৈ ।ফেচবুকত লাইভ আহি বুদ্ধিজীৱীৰ পৰিচয় দিয়া একাংশ উগ্ৰবাদীৰ কথালৈ ।তেওঁ লোকৰ মতে সাম্প্ৰদায়িক  সংঘৰ্ষ হব লাগে ।যিকোনো বিষয় অনবৰতে সাম্প্ৰদায়িকতা ৰূপ দি ভাল পাই তেওঁ লোকে ।নেদেখে একে বৰ্ণৰ মানুহক একে বৰ্ণই কৰা লুন্ঠন,শোষণ আৰু ধৰ্ষণ ।সিহঁতৰ চকু কেৱল  আন ধৰ্মাৱলম্বী লোকৰ ওপৰতে ।যদি  মোৰ মাতৃক কোনোবাই ডাইনী সন্দেহত হত্যা কৰে তেতিয়া সেইসকল নিমাতী কন্যা । ফেচবুকত লাইভ আহি পৰ্যালোচনা নকৰে লাইভ নাহে আৰু বিষয় বোৰ শ্বেয়াৰ নকৰে । কিয়নো তেওঁ লোক একে বৰ্ণৰ একেই ধৰ্মৰ ।তেতিয়া ধৰ্মৰ সুৰক্ষাৰ কথা ও নাহে ।কিন্তু আন ধৰ্মাৱলম্বী লোকেই কৰিলে ফেচবুকত সাম্প্ৰদায়িকতা ভৰি পৰে আৰু সমগ্ৰ যুৱ সমাজক উচটনি দি উগ্ৰ কৰি তুলি তোলপাৰ লগাই ।চোচিয়েল মেডিয়াৰ মজিয়া । ধিক তোমালোকৰ অন্ধ মানসিকতা ।এইবাৰ আহিছোঁ সনাতন ডেকাৰ হত্যা কাণ্ড লৈ ।সাধাৰণ শাক পাচলি বেপাৰীজনক উগ্ৰবাদী কেইজন মান যুবকে সাধাৰণ কথাত হত্যা কৰিলে । আমি বিচাৰোঁ এই হত্যাকাৰী কেইজন উচিত শাস্তি পাওক আৰু ঘৰখনে ন্যায় পাঁওক ।আগৰ পৰাই এইখন দেশত সাধাৰণ মানুহৰ তেনেই নিৰপত্তাক  লৈ সন্দেহ হয় ।সাধাৰণ লোকক পণ্য সামগ্ৰীৰ দৰে ব্যৱহাৰ কৰি অহা বনিক সকলে নুবুজে মৌলিক প্ৰয়োজন, আশা আকাংক্ষা আৰু হতাশাগ্ৰস্ত মনোভাৱৰ তিক্ত বেদনা ।কেৱল মডাৰৰ ফুলৰ দৰে প্ৰকৃতিখনত থাকিব লাগে তেনেকৈয়ে আছে জীয়াই দুমুঠিৰ বাবে  সংগ্ৰাম কৰি ।আজি ঘটনাটোৰ বাবে এটা প্ৰশ্ন হে উথ্থাপিত হব লাগিছিল যে সাধাৰণ লোকৰ ওপৰত আৰু কিমান দিন চলিব এনে নিৰ্বিকাৰ অত্যাচাৰ অন্যায় আৰু প্ৰশাসনৰ নীৰৱতা ।তাকেই নকৰি এচাম দলীয়  সংগঠনে ইয়াক সাম্প্ৰদায়িকতা হে ৰং সানিব ধৰিলে ।ধৰ্মৰ প্ৰতি ইমান শ্ৰদ্ধা থকা হে ধৰ্ম ৰক্ষক সকল, যেতিয়া কোনোবা দৰিদ্ৰ ভণীক মহাজনৰ ল’ৰাই ধৰ্ষণ কৰি অন্তা  সত্বা কৰি হত্যা কৰে তেতিয়া তোমাৰ ধৰ্ম কত হেৰাই ; কোম্পানীত ১২ ঘণ্টা শ্ৰম কৰি উচিত মজুৰি নাপাই আত্মহত্যা কৰে তেতিয়া আপোনাৰ ধৰ্ম কত হেৰাই ; আপোনালোকেই আমাৰ এই সুন্দৰ সমাজখনক দ্বিখণ্ডিত কৰাত প্ৰধান ভূমিকা গ্ৰহণ  কৰা নাইনে ; অনাগত প্ৰজন্মক মানুহ হ’বলৈ শিকোৱাৰ পৰিবৰ্ত্তে সাম্প্ৰদায়িকতাৰ পাঠ পঢ়াই হিংস্ৰ কৰিব খুজিছে নেকি ; ৬০বছৰীয়া বৃদ্ধা আইতাক ডাইনী সজাই যেতিয়া প্ৰহাৰ কৰে তেতিয়া আপোনালোক ফেচবুকত লাইভ আহিবলৈ সময় কিয় নহয় ; ধিক !সনাতন ডেকাৰ দৰে আমাৰ বহুত সাধাৰণ লোকক হত্যা কৰা হল তেতিয়া আপোনাৰ ধৰ্ম বাহিনী বোৰ   কত হেৰাই থাকিল ; পিতৃ মাতৃক অকলশৰে এৰি পলায়ণ কৰা সেই কাপুৰুষ সকলক এক শিকা দিবলৈ আপোনাৰ আহৰি কিয় নহয় ; কিয় কটাব লগা হয় ভগবান স্বৰূপ পিতৃ মাতৃ বৃদ্ধাশ্ৰমৰ এন্ধাৰ কোঠাত ; সনাতন ডেকাৰ ঘটনাৰ দৰে একেই ঘটনা সংঘটিত হোৱা পৰাগজ্যোতি নেওগৰ ক্ষেত্ৰত নিমাত কিয় l তেওঁক একেই বৰ্ণৰ লোকেই হত্যা বাবেই নিমাত নেকি ; আমি বিচাৰোঁ ঘটনাবোৰৰ উচিত তদন্ত হৈ দোষীয়ে উচিত শাস্তি পাওঁক ।
সকলোবোৰ বিষয় সাম্প্ৰদায়িকতা ম্লান হওঁক । কোনো কাৰণতে যাতে দোষীয়ে সাৰি যাব নোৱাৰে তাৰবাবে সঠিক প্ৰতিবাদ আৰু  জনমত হওঁক । সাধাৰণ লোকৰ জীৱন নিৰাপত্তা সুনিশ্চিত হওঁক । আইনী প্ৰক্ৰিয়াৰ মেৰফেকত ধুলি দি যে যাতে এই সকল আঢ্যৱন্ত লোক সাৰি যাব নোৱাৰে তাৰবাবে প্ৰশাসনক বাধ্য কৰাওক ।।কিন্তু এইবোৰৰ ওলোটা কৰিলে আমাৰ দৰে প্ৰজন্মই কেতিয়া ও মানুহ হৈ মানুহৰ বাবে কাম কৰিব নোৱাৰিম ।

লেখকৰ ফোন নং- 8723098756